மணிராஜ்

ஞானமய கணபதி

2012-05-30T18:55:00.000+05:30

திருவாக்கும் செய்கருமம் கைகூட்டும் செஞ்சொல்
பெருவாக்கும் பீடும் பெருக்கும்- உருவாக்கும்
ஆதலால் வானோரும் யானை முகத்தோனைக்
காதலால் கூப்புவர்தம் கை.'

கணபதியை வழிபட்டால் அவனருளால் வழிபடுவோர்க்கு எல்லாவிதமான இலக்குமி கடாட்சமும் கிட்டும்; செய்ய நினைக்கும் காரியங்கள் இனிது நிறைவேறும்; செம்மையான சொற்களைப் பேசும் வாக்கு வல்லமையை அளிக்கும்; பெருமை தரும்; நன்மக்களை உடையராகச் செய்யும்; ஆதலால் தேவலோகத்திலுள்ள தேவர்களும் விருப்பத் தால் பயபக்தியுடன் விநாயகரை கைகூப்பி வணங்கி அவனருளைப் பெறுகிறார்கள்.

எனவே, பூலோகத்திலுள்ள மக்களாகிய நாமும் வழிபட வேண்டும் என்பது இப்பாடலின் பொருள்.

சிவபெருமான் திரபுர தகனத்தின் பொருட்டு தேர்மீது ஏறிச் சென்றபோது, விநாயகரை முதற்கண் வணங்காது புறப்பட்டதால் தேர்ச் சக்கரத்தின் அச்சு முறிந்துவிட்டது.

பின்னர், சங்கரன் அச்சிறுபாக்கத்தில் ஆனைமுகத் தானைப் பூஜித்துச் சென்றதால்தான் திரிபுராதிகளை வென்றார் என்பது மூத்த பிள்ளையாரின் பெருமை!

எடுத்த காரியங்கள் சித்தி பெற முதன்முதலில் கணேசனை வணங்குவது நம் நாட்டு வழக்கம். அதனால்தான் இவருக்கு மூத்த பிள்ளையார் என்று பெயர். தேவர்களைத் துன்புறுத்திய கஜமுகாசுரனைக் கொன்று தேவர்களுக்கு நல்வாழ்வு அளிக்க, சதாசிவனே தன் இச்சையால் யானைமுகத்துடன் ஞானமயமான திருமேனியைத் தாங்கித் தோன்றினான் என்பது புராண வரலாறு.

ஆதிப் பரம்பொருள் - பிறவா யாக்கைப் பெரியோன் ஆகிய சிவபெருமானும், பார்வதி தேவியாரும் உலகிலுள்ள மக்களுக்கு தாயும் தகப்பனுமாக விளங்குகின்றனர்..

அழித்தல் தொழில் கொண்ட அரன், அவரை நோக்கி தவம் செய்யும் அனைவருக்கும் வரம் தரும் வள்ளல். உலகமே அவனை வணங்குகிறது.

இத்தனை பெருமை பெற்ற பரமன் தன் மகன்களான கணபதியையும் முருகனையும் இரண்டு சந்தர்ப்பங்களில் வணங்கியதாக புராணம் சொல்கிறது.

தகப்பன்சாமி பிரணவப் பொருள் அறிந்த முருகன் பிரணவ்ப்பொருள் பற்றி எல்லாரையும் கேட்டு, சொல்லாதவர்களைத் தண்டனைக்கு உள்ளாக்கினான்.

பிரம்மதேவனைக் கேட்டான். படைக்கும் கடவுள் விழித்தான். அவனைச் சிறைச் சாலைக்கு அனுப்பினான் சிங்கார வேலன்.

தந்தையான பரமேஸ்வரன், "பிரணவப் பொருளை எமக்குச் சொல்வாயாக' என்று முருகனிடம் கேட்டார்.

"தந்தையாரே, உங்களுக்கு நான் உபதேசிக்கிறேன். ஆனால் நான் குரு ஸ்தானத்திலும் நீங்கள் சிஷ்ய ஸ்தானத்திலும் இருந்தால் நான் தயார்' என்றான் எழில்வேலன். அதன்படியே அரன் நிற்க, அழகன் மேலே அமர்ந்து பிரணவத்துக்குப் பொருள் கூறினான்.

இக்காட்சி சுவாமி மலையில் நன்றாகச் சித்தரிக்கப்பட்டுள்ளது. எனவேதான் பாலசுப்ரமணியனுக்கு "தகப்பன் சாமி' என்ற பெயரும் உண்டாயிற்று.

எந்த காரியம் செய்தாலும் கணபதியை முதன்முதலில் வழிபட வேண்டும் என்றும்; யாராக இருந்தாலும் கற்பிப்பவன் மேலேயும் கற்பிக்கப்படுபவன் கீழேயும் இருக்க வேண்டும் என்றும் அறிந்துகொள்ளும் நிகழ்வுகள்..

தோற்றி அருணகிரி துன்பம்தளைத் துடைத்தாய்
நேற்றி அயனைச் சிறைவிடுத்தாய்-
அப்பன் அரனுக்கே பொய்யா பிரணவப் பொருளைச் சொல்லி வந்ததென்
பழனிஅய்யா என்பால் ஏன்அடம்?

கணபதி கழல் போற்றி! கங்கை சூடன் திருவடி போற்றி! கண்ணன் மருகன் காலடி போற்றி!

முக்தித் தலம் பேரூர்

2012-05-29T17:48:00.000+05:30

வெள்ளியங்கிரி என்று அழைக்கப்படும் மேற்குத் தொடர்ச்சி மலையின் ஐந்து மலைகள் அரணாக சூழ இயற்கை சூழலில் எழிலால அமைந்துள்ளது பேரூர் பட்டீஸ்வரர் ஆலயம்.

மரகதாம்பாள் என்னும் பச்சை நாயகி உடனுறை பட்டீஸ்வர சுவாமி அருள்பாலிக்கும் பேரூர் ஒரு முக்தித் தலம் ஆகும்

பிறவாப்புளி, இறவாப்பனை, எலும்பை கல்லாக்கும் ஆறு முதலியன விளங்கும் முக்தி தலம்.

வாகனமான நாய் இல்லாமல் பைரவர் ஞான பைரவராக அருள் பாலிக்கும் தலம்.

காமதேனு வழிபட்ட தலம், அதன் கன்று பட்டியின் குளம்புத் தழும்புடன்

தேவ தேவன் மஹா தேவன் இன்றும் திருக்காட்சி தரும் தலம்.

விஷ்ணுவாகிய பட்டிமுனியும், பிரம்மாவாகிய கோமுனியும் வழிபட்ட தலம். நாற்று நடவு விழா நடக்கும் தலம்.

"தழும்புடைய நம்பனை நாத்தழும்பேற ஓம்பினால் ஓடுமே நம் வினை." என்றபடி இத்தலத்தில் ஐயனை தரிசிக்க இனி பிறவி என்பது கிடையாது.

நான்கு யுகங்களிலும் வெவ்வேறு பெயர்களில் பேரூர் தலம் விளங்கியுள்ளது.

. பிறவாப்புளி, இது பூப்பூக்கும் காய் காய்க்கும் பழம் பழுக்கும் ஆனால் விதை மட்டும் முளைக்காது. இராஜ கோபுரத்தின் எதிரிலே உள்ளது இப்பிறவாப்புளி.

இரண்டாவது இறவாப்பனை, பெரிய கோவிலின் வடக்கே உள்ள காஞ்சிமா (நொய்யல்) ஆற்றின் தென் கரையிலுள்ள பிரம்மன் பூஜித்த வடகயிலாயம் என்னும் சிறு கோவிலின் வெளி முகப்பில் உள்ளது இந்த இறவாப்பனை, எத்தனை யுகங்களாகவோ இம்மரம் அங்கேயே உள்ளது. பேரூரில் ஆன்மாக்களுக்கு அழியாத நிலையான வாழ்வைத் தந்தருளுபவர் இறைவன். அழியாத்தன்மைக்கு சான்றாக இவ்விறவாப்பனை உள்ளது.

அறவாணர்கள் போற்றிடும் பேரூர்
அழியாமெகக்கோர் இடமாகி
உறவாம் அதனால் எமைப்போல
உலவாததனுக்கு ஒரு சான்றாங்கு

இறவாப்பனை ஒன்றுள்ளது.

இப்பனை மரத்தின் மேல் பட்டையை கஷாயம் வைத்துக் குடித்தால் தசை சம்பந்தமான நோய்கள் விலகும்.

மூன்றாவது இத்தலத்தின் சாணத்தில் புழுக்கள் உற்பத்தி ஆவதில்லை.

நான்காவது நொய்யல் ஆற்றில் கரைக்கப்பட்ட எலும்புகள் வெண் கற்களாக மாறுகின்றன. எனவே இப்பகுதி மக்கள் தங்கள் இறந்த உறவினர்களின் அஸ்தியை இக்காஞ்சிமா நதியில் கொண்டு வந்து கரைக்கின்றனர்.

ஐந்தாவது இத்தலத்தில் இறப்பவர்கள் வலது காது எப்போதும் மேலே இருக்கும்படி வைப்பர், ஏனென்றால் சிவபெருமான் ஓம் என்னும் ஐந்தெழுத்தை ஓதி தன்னடியில் சேர்த்துக் கொள்வார் என்பதால். எனவே இத்தலத்தில் பட்டீஸ்வரரை தரிசிப்பவர்களுக்கு மறு பிறவியில்லை.

ஆதி சங்கரர் தன் தாய் முக்தி அடைய இத்தலத்தில் பிரார்த்தனை செய்துள்ளார்.

சுந்தரருக்காக ஐயன் ஒரு திருவிளையாடலை நிகழ்த்தினார் ..

ஐயனும் அம்மையும் சேற்றில் இறங்கி நாற்று நட்ட லீலைதான் அது.

ஒரு சமயம் சுந்தரர் பரவையாருடன் ஐயனை தரிசித்து பொருள் பெற பேரூர் வந்தார். எம்பிரான் தோழர் அல்லவா சுந்தரர், பெருமான் அவருடன் சிறிது விளையாட விழைந்தார்.

சர்வமும் தானே என்று சுந்தரருக்கு உணர்த்த தான் விவசாயியாக பள்ளனாகவும், அம்மை பச்சை நாயகி பள்ளியாகவும், மற்ற சிவகணங்களாகவும் நாற்று நட சென்றனர்.

அப்போது ஐயன் நந்தியிடம் நானும் அம்மையும் வயல் வெளிக்கு செல்கின்றோம், சுந்தரன் வந்தால் எனக்கு தெரியாது என்று சொல்லி விடு என்று சொல்லிவிட்டு சென்றார்.

திருக்கோவிலுக்கு வந்த சுந்தரர் ஐயனைக் காணாது திகைத்து நந்தியிடம் வினவ, நந்தியும் ஐயனின் ஆணையை மீறமுடியால் தெரியாது என்று கூறியது

ஆனால் சுந்தரர் வண்தொண்டர் அல்லவா எனவே குறிப்பால் வயலைச் சுட்டியது. வயல் பக்கம் சென்ற சுந்தரர் வயலில் சாதாரண மக்கள் போல சேற்றில் இறங்கி நெல் நாற்று நட்டுக்கொண்டிருந்த ஐயனையும் அம்மையும் வீழ்ந்து வணங்கி, "ஐயனே எமக்காக தாங்கள் இவ்வாறு துன்பப்படவேண்டுமா? என்று அழ, கருணாமூர்த்தியான எம்பெருமானும் சுந்தரனே யாம் உம்முடன் விளையாடவே இவ்வாறு செய்தோம் என்று கோவிலுக்கு சுந்தரருடன் திருக்கோவிலுக்கு திரும்பி வந்து அவருக்கு

ஆனந்த தாண்டவக் காட்சியும் தந்தருளினார்.

பின்னர் சேரமான் பெருமாளிடம் சென்று பொருள் பெறவும் அருள் புரிந்தார். இந்த நாற்று நடவு விழா ஆனி மாதம் இத்தலத்தில் கொண்டாடப்படுகின்றது. ஆனி மாதத்தில் கிருத்திகை தொடங்கி பூராட நட்சரத்தில் நாற்று நடவும், உத்தரத்தில் திருமஞ்சனமும் கோலாகலமாய் நடைபெறுகின்றது.

அம்மை மரகதவல்லி என்னும் பச்சைநாயகி தனிக்கோவிலில் அருட்காட்சி தருகின்றாள்.

அம்மையும் கிழக்கு நோக்கிய திருமுக மண்டலத்துடன் எழிலாக அபய வரத ஹஸ்தங்களுடனும் அங்குசம், பாசம் ஏந்தி அருள் பாலிக்கின்றாள்.

விவசாயியாகச் சென்ற சிவனுடன் வயலில் வேலை செய்ததால், இத்தல அம்பிகைக்கு பச்சைநாயகி என்று பெயர் என்பார்கள்.

நல்ல மகசூல் பெறவும், பயிர்கள் குறையின்றி செழிப்பாக வளரவும் இங்கு விதை நெல், தானியத்துடன் பூஜிக்கிறார்கள்.

அம்மன் விமானம் ஒரு கலசத்துடனும், நந்தி வாகனத்துடனும் உக்ரமில்லாத வடிவாக ஈஸ்வரி ரூபமாக பிரதிஷ்டை செய்யப்பட்டுள்ளது ஒரு தனி சிறப்பு.

கர்மவீரர் காமராஜ் , நமது தேசத்தந்தை மகாத்மா காந்தியடிகள் , ஜெயப்பிரகாஷ் நாராயணன் ஆகிய தன்னலம் கருதாத தியாகிகளின் அஸ்திகலச நினைவிடம் பேரூர் காஞ்சிமாநதி புனித கரையில் அமைத்து நமது பாரத தேசமே அஞ்சலி செலுத்துகிறது..

கர்மவீரர் காமராஜ் அவர்களின் அஸ்திக்கலம். நினைவிடம்..

தேசத் தந்தை மகாத்மா காந்தி அவர்களின் அஸ்திக்கலம். நினைவிடம்..

ஜெயப்பிரகாஷ் நாராயணன் அவர்களின் அஸ்திக்கலம். நினைவிடம்..

TEMPLE'S ELEPHANT KALYANI

Mamudha, a Dance Drama, by Sudharani Raghupathy and Members of Shree Bharartalaya, at the 'Natyanjal 2011', organised by the Rotary Club of Coimbatore Metropolis, at Perur Temple, in Coimbatore.

அம்பாள்புரி கூத்தனூர்

2012-05-28T19:44:00.000+05:30

சரஸ்வதி நமஸ்துப்யம் வரதே காமரூபிணி!

வித்யாரம்பம் கரிஷ்யாமி ஸித்திர் பவது மே ஸதா !!

மாமன்னன் இரண்டாம் ராஜராஜன் தனது அவையில் அவைப் புலவராக விளங்கிய ஒட்டக்கூத்தருக்கு பரிசாக வழங்கிய ஊர்.... அதனால் கூத்தன் + ஊர் கூத்தனூர் எனப்பட்டது.

ஒட்டக்கூத்தர் தனக்கு கவிபாடும் திறன் வேண்டி நாள்தோறும் அம்பிகையை வழிபட்டு வந்தாராம்! கூத்தரின் பக்தியில் மகிழ்ந்த நாமகள் அவருக்கு அருளி அவரை வரகவியாக்கினாளாம்.

இந்த அம்பாள்புரி எனப்படும் கூத்தனூரை- வேதமாதாவான சரஸ்வதி தேவி தனக்குரிய இடமாகத் தேர்ந் தெடுத்து தவம் செய்யக் கருதினாளாம்.

இங்கு தேவி அமைதி சொரூபமாக வெள்ளையாடை தரித்து, வெண்தாமரை யில் பத்மாசனத்தில் அமர்ந்து, இடது கீழ்க்கையில் புத்தகமும், வலது கீழ்க்கையில் சின்முத்திரையும் காட்டி, வலமேல் கையில் அட்ச மாலை, இடமேல் கையில் அமிர்த கலசம் ஏந்தி, சடாமுடியுடன்- கருணைபுரியும் இரு விழிகளுடன்- "ஞானசஷஸ்' என்ற மூன்றாவது திருக்கண்ணுடன் புன்னகை தவழ கிழக்கு திசை நோக்கி அருளாட்சி புரிகிறாள்.

ஆலயக் கருவறையின் மேலே ஐந்து கலசங்களுடன் விமானம் அமைந்துள்ள இந்த கோவிலில், ராஜகோபுரங்கள் ஏதும் தனியாக இல்லை.

இங்குள்ள நடராஜர் சிலையில் முயலகன் பக்கவாட்டில் இல்லாமல் நேர்முகமாகக் காணப் படுகிறான். அவன் முதுகின்மீது பெருமான் தாண்டவமாடுகிறார்.

மகாமண்டபத்தின் இடப்பக்கம் நான்கு திருமுகங்களுடன் கைகூப்பிய பிரம்மா நிற்கும் சிலை உள்ளது.

வெளியே இடது பக்கம் ஒட்டக்கூத்தரின் சிலை உள்ளது.

ஆலயத்துக்குள் நுழையும்போது பலிபீடத்தின்முன் அம்பாளின் வாகனமான அன்னம் அன்னையை நோக்கிய வண்ணம் உள்ளது. பெரிய மதில்களுடன் ஆலயம் அமைந்துள்ளது.

இத்தகைய அருள்மிகு ஞான சரஸ்வதியின் திருக்கோலத்தைக் காண கண்கள் ஆயிரம் வேண்டும் என்று, ஸ்ரீலலிதா சகஸ்ரநாமத்துக்கு பாஷ்யம் எழுதிய பாஸ்கரர் கூறுகிறார்.

இந்த அம்பிகையின் எழில் அழகைக் கண்டு களிக்க முன்ஜென்ம புண்ணியமும் வேண்டும் என்று தேவி மகாத்மியம் கூறுகிறது.

கூத்தனூரில் குடிகொண்டிருக்கும் அம்பிகையின் தோற்றம் சௌந்தரிய லஹரியில் 15-ஆம் பாடலில் கூறப் பட்டுள்ளது.

கம்பர் சரஸ்வதி அந்தாதியில் வாக் தேவதையைப் பற்றிப் புகழ்ந்து பாடியுள்ளார்.

குமரகுருபரர் சகலகலாவல்லி மாலையும், ஒட்டக்கூத்தர் ஈட்டி எழுபது என்ற நூலையும் பாடியுள்ளனர்.

இது தவிர சரஸ்வதி தியான சுலோகங்கள் "கூத்தனூர் கலைமகள்' என்ற தலைப்பில், சௌந்திரா கைலாசம் அவர்கள் தமிழில் இயற்றியுள்ளார்.

சரஸ்வதி அஷ்டோத்திரம், ஸ்ரீசரஸ்வதி காயத்ரி, சரஸ்வதி அந்தாதி, சரஸ்வதி தியான சுலோகங்களும் புகழ்ந்து பாடப்பட்டுள்ளன.

வசந்த நவராத்திரி, சாரதா நவராத்திரி ஆகியவை வெகு சிறப்பாகக் கொண்டாடப் படுகின்றன. சாரதா நவராத்திரி 12 நாட்களும்; அதன் பின்வரும் பத்து நாட்கள் ஊஞ்சல் காப்பு, மஞ்சள் காப்பு, புஷ்ப அலங்காரங்கள் என பல்வேறு அலங் காரங்களில் அம்பாள் பக்தர்களுக்கு காட்சி தருகிறாள்.

சரஸ்வதி பூஜையன்று ஒருநாள் மட்டும், நியமத்துடன் இருந்து அம்பிகையின் பாதங்களில் பக்தர்களே மலரிட்டு அர்ச்சிக்கலாம்.

அர்த்த மண்டபத்தில் அம்பிகையின் பாதம் இருக்கும்படி அலங்காரம் செய்கின்றனர்.

ஒரு விஜய தசமி நாளன்று புருஷோத்தம பாரதி என்ற வாய் பேசமுடியாத பக்தர் ஒருவருக்கு அம்பிகையின் அருள் கிடைத்ததாகக் கூறப்படுகிறது.

அதனால் இன்றும் அந்த நாளில் ஆலயத்திற்கு வந்து வித்யாப்யாசம் செய்து பள்ளிகளில் குழந்தைகளைச் சேர்க்கின்றனர்.

அன்று காலை மஹன்யாச ருத்ராபிஷேகமும், மாலை அன்ன வாகனத்தில் தேவி வீதியுலா எழுந்தருளும் காட்சியும் நடைபெறுகிறது.

சித்திரை 1-ஆம் நாளில் தொடங்கி 45 நாட்கள் லட்சார்ச்சனைகள் நடைபெறுகின்றன.

இந்நாட்களில் ஏறக்குறைய ஏழு லட்சம் அர்ச்சனைகள் நடைபெறுகின்றனவாம்!

இசைக் கலைஞர்கள் இந்த ஆலயத்திற்கு வந்து இசைக் கருவிகளுக்கு பூஜை செய்து வாசித்த பிறகே பிற நிகழ்ச்சிகளில் பங்கேற்கின்றனர்.

இசை, நாட்டிய அரங்கேற்றங்களும் உண்டு. மாணவர்கள் தேர்வு எழுதச் செல்லும்முன் எழுதுகோல்களை அம்பிகையின் பாதத்தில் வைத்து அர்ச்சனை செய்து எடுத்துச் செல்வதும்; பள்ளி திறந்தவுடன் புத்தகங்களை வைத்து வழிபட்டு எடுத்துச் சென்றும் அருளாசி பெறுகின்றனர்

இந்தக் கலைமகள் காளிதாசன் "சம்பூர்ண இராமாயணம்' பாட அருள் செய்தவள்- கம்பனுக்காக கிழங்கு விற்றவள்- ஆதிசங்கரரின் பெருமைகளை வெளிப்படுத்த சரஸவாணியாய் அவதரித்தவள்- தமயந்தி நளனைத் தேர்ந்தெடுக்க உதவியவள் என்றெல்லாம் போற்றப்படுகிறாள்.

திருவாரூர் மாவட்டம், (நன்னிலம் வட்டம், பூந்தோட்டம் அஞ்சல்) திருவாரூர்- மயிலாடுதுறை மார்க்கத்தில், பூந்தோட்டம் பேருந்து நிலையத்திலிருந்து சுமார் அரை கிலோமீட்டர் தூரத்தில் அமைந்துள்ள தமிழகத்தில் சரஸ்வதிதேவிக்கு தனி ஆலயம் அமைந்திருப்பது அருள்மிகு கூத்தனூர் மகாசரஸ்வதி அம்மன் ஆலயம். ..

கூத்தனூரில் உள்ள ஸ்ரீகமலாட்சி அம்பாள் சமேத ஸ்ரீஹரிநாதேஸ்வரர் ஆலயத்தில் கல்யாண துர்க்கையும்; லட்சுமி யும் மடியில் வைத்துக் காட்சி தரும் லட்சுமி நாராயணப் பெருமாள் ஆலயத்தில் மகாலட்சுமியும்; தனக்கென தனி ஆலயத்தில் மகாசரஸ்வதியும் கோவில் கொண்டிருப்பதால் இந்த ஊர் அம்பாள்புரி என்றும் அழைக்கப் படுகிறது. ஹரி நாதேஸ்வரம் என்ற பெயரும் உண்டு. இங்கு நவகிரகங்கள் இல்லை.

Consecration on at the Maha Saraswathi temple.

திரு மீண்ட திருமுருகன் பூண்டி

2012-05-27T19:14:00.001+05:30

கொடுகு வெஞ்சிலை வடுக வேடுவர்விரவ லாமை சொல்லித்
திடுகு மொட்டெனக் குத்திக் கூறை கொண்டாற லைக்கு மிடம்
முடுகு நாறிய வடுகர் வாழ்முருகன்பூண்டி மாநகர் வாய்
இடுகு நுண்ணிடை மங்கை தன்னொடும்எத்துக்கிங் கிருந்தீரெம் பிரானீரே.

மந்திர பூர்வமான திருமுறைகளின்வழுவா மருத்துவத்தில் எந்த நோயும் வந்த வழி பார்க்கும் ..மருத்துவர்களால் குணப்படுத்த முடியாத நோய்கள் கூட நீங்கும்,,
களவு போன பொருட்கள் கிடைக்க உதவும் பதிகம் இது..

சேரமான்பெருமான் கொடுத்த திரவியங்களை சுமந்து கொண்டு திருமுருகன்பூண்டிக்குச் சமீபத்தில் எழுந்தருளும்போது பரமசிவத்தின்
கட்டளையினால் பூதங்கள் வேடுவர்களாகிவந்துஅடித்துப் பொருள்களைப் பறித்துப் போயின.
அப்போது சுந்தரமூர்த்திசுவாமிகள் இந்தப் பதிகம் ஓதி பொருள்களைப் பெற்றுக்கொண்டாராம்...

கந்தக் கடவுளே நம் சொந்தக் கடவுள் என்று பகதர்கள் வாஞ்சையுடன் கொண்டாடி மகிழும் குமரக்கடவுள் தன் தந்தைக்கு கோயில் எழுப்பி வழிபட்டு இறைவனே இறைவனுக்கு ஆலயம் அமைத்தபிரதானச் சிறப்பு மிளிரும் தலமே
திருமுருகன் பூண்டி ..

தந்தைக்கு உபதேசம் செய்த முருகப் பெருமான், சூரனை வதம் செய்ததால் பிரம்மஹத்தி தோஷம் பெற்றார்.

தோஷம் அகல ஒரே வழி ஈசனை வணங்குவதே என்று தெளிந்தார்.

சிவலிங்கத்தை நிறுவி தந்தையை இதயத்தில் தரிசித்தார். இடையறாது பூஜித்தார். தோஷம் தூசாக பறந்தது.கோயிலின் சக்தி இன்னும் பெருகியது.

திருமுருகநாதரின் ஆலயத் தோற்றப் பொலிவு அழகோடு இணைந்த அமைதியான சூழ்நிலையில் உள்ளது. கோயிலுக்குள் நுழையும்போது ஒப்பாரும், மிக்காரும் இல்லா திருமுருகநாதரின் ஆலயத் தோற்றப் பொலிவு அமானுஷ்ய சக்தி நம்மைச் சூழுவதை மிகச் சாதாரணமாக உணரலாம்.

மானிடரின் துயர் துடைக்க நின்றாலும், கந்தனுக்கே வந்த இடர் களைந்த திருத்தலமல்லவா திருமுருகன் பூண்டி !

பெருநகரங்களாகத் திகழும் பக்கத்திலுள்ள ஊர்களெல்லாம் ஒரு காலத்தில் இவ்வூருக்குள் அடக்கம் என்பதுகொங்கு ராஜபுரம் என்று குறிப்பிடும் போதுதெளிவாகிறது.

கோயில் முழுவதும் ஒரு கல்கூட விட்டுவிடாமல் கல்வெட்டாக செதுக்கியிருக்கிறார்கள். ‘கல்வெட்டுக் கருவூலம்’ எனும் சிறப்புப் பெயர் கொண்டு அழைக்கிறார்கள்.

அருணகிரிநாதர் திருப்புகழில் ஞானபூமி, பூண்டி மாநகர் என்று விளிக்கிறார்.
அவசியமும் வேண்டிப்பலகாலும்
அறிவில்உணர்ந்துஆண்டர்க்கொருநாளில்
தவசெபமும் தீண்டிக் கனிவாகிச்சரணமதும் பூண்டற்கு அருள்வாயே
சவதமொடுந் தாண்டித் தகரூர் வாய்சடுசமயங் காண்டற்கு அரியானே
சிவகுமரன் பூண்டிற் பெயரானே திருமுருகன் பூண்டிப் பெருமாளே.

மேற்குத் திசை நோக்கிய சிவாலயம் இது. ஊர் மேடாகவும் கோயில் சற்று தாழ்வான இடத்திலும் உள்ளது. உள்ளே நுழைந்ததும் இருபுறமும் சுந்தரர் சிலைகள் காணப்படுகின்றன.

ஒன்றில் பொருளிழந்த சுந்தரர் தோற்றமும், மற்றொன்றில் பொருளோடு கூடிய சுந்தரருமாக இரு நிலைகளில் உள்ளார். முக அமைப்புகளை நுணுக்கமாக செதுக்கியுள்ளனர்.

கோயிலின் பிரதான நாயகர் சண்முகநாதர் உள்முக மண்டபத்தில் எழுந்தருளியுள்ளார். ஈசன் இங்கு ஆடிய பிரம்மதாண்டவம் மிக்க சிறப்புடையது.

சுற்றுப் பிராகாரத்தில் கண்கவரும் சிற்பங்கள் செதுக்கி கற்களில் மாயம் நிகழ்த்தியிருக்கிறார்கள்.

கண்களைக் கவரும் இச்சிற்பங்கள் கருத்தோடு சேர்ந்து பிரமிப்பூட்டுகின்றன.

சுந்தரர் வேடுபறி நிகழ்ச்சியும், அவிநாசிப் பெருமான் முதலை வாயினின்று பாலகனைக் கொணரும் சிற்பமும், சுந்தரரும், சேரமான் பெருமான் நாயனாரும் வெண்களிறில் கயிலைக்கு செல்லும் காட்சியும், ஞான சம்பந்தர் பல்லக்கில் எழுந்தருளுதலையும் மனக் கண்ணில் மிதக்க விட்டிருக்கின்றனர்.

அப்பரடிகள் சமணத்தை விட்டு சைவத்திற்கு மீளும் காட்சியும், காரைக்கால் அம்மை கயிலை நோக்கி தவழ்ந்து முன்னேறும் காட்சியும், திருப்புண்கூரில் நந்தி விலகி நந்தனாருக்கு ஏற்படுத்தித் தந்த சிவ தரிசனத்தை காணும்போதே மனம் கனிந்து போகிறது.
எங்கும் இல்லாத புதுமையாக இங்கு, மண்டபத்தின் மேலே பெரிய நந்தி, ஆலயத்தைப் பார்த்தவாறு சுதையால் அமைக்கப்பட்டு உள்ளது.

ஆலயத்தின் ஈசான மூலையில் பைரவர் உள்ளார்.

அருகேயே அண்மைக் காலத்து நவகிரகங்கள் உள்ளன.

அதையொட்டிய மூலையின் ஓர் புறம் குழி ஒன்று காணப்படுகிறது. இதில்தான் ஈசன், சுந்தரரிடமிருந்து பறித்த பொருட்களை வைத்திருந்ததாகக் கூறுகின்றனர்.

கோயிலின் வெளிப்புறத்தில் வேப்ப மரத்தின் கீழே வேம்படி முருகன் எனும் பெயரில் தனியே முருகன் வீற்றிருக்கிறார்.

சதுரக்கல் ஒன்று அங்கே நடப்பட்டுள்ளது.

அது முருகன், இறைவனை வழிபட்டபோது தன்னிலிருந்து பிரிந்த பிரம்மஹத்தியின் வடிவம் என்று கூறுகிறார்கள்.

இவ்வூரில் இருந்து அரை கி.மீ. தூரத்தில் ‘கூப்பிடு விநாயகர்’ என்ற திருக்கோயில் உண்டு. சுந்தரர் பொருளைப் பறிகொடுத்ததை முருகன்பூண்டி மக்களுக்கு அறிவிக்க யானைமுகப் பெருமான் கூவிக்கூவி ஊராரைக் கூப்பிட்டாராம். இறைவன் சினந்து ‘இனிமேல் நீ தனித்து இருப்பாயாக’ என்று கூறிவிட்டதாகவும் கூறப்படுகிறது.

ஆயிரத்தெட்டு அண்டங்களை அடக்கியாளும் திறத்தை, ஈசனால் பெற்ற சூரபத்மன், தன் திறத்தை தவறாகப் பயன்படுத்தி, தேவர்களை சிறைப்படுத்தி, சித்திரவதை செய்ததால், ஆறுமுகங்கள் கொண்டு, வெற்றிவேல், வீரவேல் கொண்டு சுற்றி வந்து பகைவர்களை அழித்ததால், செவ்வேலாக மாறியது.

பிரம்மஹத்தி தோஷம் பீடிக்கப்பட்டதால் சித்தம் கலங்கி, பித்துப் பிடித்த நிலையில் திரிந்த முருகன், கயிலையில் இறைவன் அருளியபடி மாதவிவனநாதரை வழிபட வந்தார்.

பூஜைக்கு நீர் தேவைப்பட்டதால் வேற்படையை நிலத்தில் ஊன்ற ஆங்கொரு தீர்த்தம் உண்டாகியது.
நாள்தோறும் அதில் தீர்த்தமாடி அகங்கையால் நீரெடுத்து மங்களாம்பிகை உடனமர் மாதவி வனநாதரை வழிபட்டார்.

இதனால் பிரம்மஹத்தி விலகி வேப்ப மரம் பக்கம் ஒதுங்கியது. இறைவனைப் பீடித்து இருந்த தோஷம் ஒழிந்த தீர்த்தத்தில் நீராடி இன்றும் பலர் மனநோயிலிருந்து தெளிகின்றனர்.

சித்தப்பிரமை, பைத்தியம், பில்லி, சூன்யம் இவை நீங்க வேண்டுவோர் இங்குவந்து நீராடி வழிபடுவதையும், பல நாள்கள் இங்கேயே தங்கியிருப்பதையும் இன்றும் காணலாம்.

இங்குள்ள பிரமதாண்டவ நடராஜர் சந்நிதி விசேஷமானது. இக்கோயிலுக்குப் பக்கத்தில் சற்றுத் தொலைவில் மாலாதரன் எனும் வேடமன்னன் வழிபட்ட பைரவர் சந்நிதி. இது விசேஷமானது.

இதில் நீராடுவதால் மனநோய் மட்டுமின்றி தொழு நோய் போன்ற கொடிய நோய்களும் நீங்குகின்றதாம்.

பிரமதீர்த்தம், ஞானதீர்த்தம், சுப்பிரமணிய தீர்த்தம் என்ற மூன்று தீர்த்தங்கள் உள்ளன. தலமரம் = வில்வம்.
அவிநாசியிலிருந்து கோவை - திருப்பூர் நெடுஞ்சாலையில் 4 கி.மீ. தூரத்தில் அமைந்துள்ளது திருமுருகன்பூண்டி.
இங்கே நிறைய சிற்ப வேலைப்பாடுகள் செய்யும் அற்புத இடங்களைக் காணலாம்.. கல்கி எழுதிய சிவகாமியின் சபதம் நாவலில் வரும் ஆயனச்சிற்பி மனதில் நிழலாடத் தயங்கவில்லை..

திருக்கோவில் ஒன்றுக்கு பிரதிஷ்ட்டை செய்ய விக்ரஹங்கள் வாங்கச் செல்லும் போது அங்கிருந்த சிற்பிகளிடம் ஆர்வமாகக் கேட்டு நிறைய அரிய செய்திகளைத் தெரிந்துகொண்டோம்...

எத்தனையோ நவீன அளவீடுகள் வந்துவிட்டபோதிலும் யவை என்னும் தானியம் தான் காலமாற்றத்தில் மாறாமல் இருப்பதாகவும் யவை அளவிலேயே சிற்பங்களை இன்னும் அளவிடப் பயன்படுத்துவதும் கேட்டு வியந்தோம்...

விக்ரஹம் செய்து கடைசிக்கட்டத்தில் தான் கண்கள் செதுக்குவார்களாம்.. கண் திறப்பதற்கான தங்க ஊசியும் பார்வையிடக் கிடைத்த அரிய வாய்ப்பு என்றும் நினைவில் நிற்கும்..

ராஜ கம்பீரமாக தோற்றமளித்த கர்ப்பக்கிரஹ அம்பிகையின் சாமுத்ரிகா லட்சணங்களை அறியத் தந்தார் தலைமைச் சிற்பி,,

அனுமனின் சிலையின் நுணுக்கங்கள் பிரமிக்கவைத்தது....

நள்ளிரவு சூரியன்

2012-05-26T18:04:00.001+05:30

நள்ளிரவினிலே சூரியனும் தெரியுமா ???

கடல் இருந்தால் அலை இருக்கும் தனிமையில்லை

நாம் காணும் உலகில் ஏதும் தனிமை இல்லை

நள்ளிரவிலும் சூரியன் ஒரு வட்டத் தட்டு போலத் தோன்றி ஜொலிக்கும் பகுதி வட தென் துருவ வட்டங்கள் ஆகும்..

இரு துருவங்களைச் சுற்றி சுமார் 90 கி. மீ. வரையிலும் கோடையில் நடு இரவிலும் சூரியன் ஜொலிக்கிறார்.

வடதுருவ கரடி எனப்படும் சப்த ரிஷி மண்டலத்திற்கு அருகில் இருப்பதால் பூமியின் வட பகுதி முடிந்து விடும் இடத்திற்கு ஆர்டிக் என்று பெயர் சூட்டப்பட்டது.
ஆர்டிக் என்ற கிரேக்க சொல்லின் பொருள் கரடிக்கு அருகிலுள்ள என்பதாகும்.

நார்வேயின் சவால்பார்ட் என்ற இடத்தில், ஏப்ரல் 13 முதல் ஆகஸ்ட் 23 வரை (5 மாதங்கள், 10 நாட்கள்) 24 மணி நேரமும் பகலவன் மறையாமலே, அந்த ஊரிலேயே சுற்றிக்கொண்டு காட்சி அளிப்பார்.

அதற்கும் மேல் உள்ள பகுதிகளில் வருடத்தில் பாதி மாதங்கள் சூரியன் நாள் முழுவதும் காட்சி கொடுக்கும்.
அப்போது அப்பகுதியில் இரவே இருக்காது.!

துருவப் பகுதிகளில், 60 பாகை அட்ச ரேகைகளுக்கு மேல் போய் விட்டால், அதாவது ஆர்டிக்கு தெற்கே -அண்டாட்டிக்காவுக்கு வடக்கே, பொன் அந்திமாலை ஒளியைத் தரும். வெளிச்சம் இரவிலும் இருக்கும்.

மின் விளக்கு இன்றி படிக்கலாம்.

இந்த தினங்களை செயின்ட் பீட்ச்பர்க் மற்றும் ரஷ்யாவில் வெள்ளி, இரவு தினங்கள் என ஜூன் 11- ஜுலை 2 வரை, இந்த நாட்களில் எல்லாம், கலாசார விழாக்கள் கொண்டாடுகிறார்கள்.

ஆர்டிக் பகுதியில் ஆர்டிக் பெருங்கடல், கனடா நாட்டில் சில பகுதிகள், ரஷ்யா, கிரீன்லாந்து, வட அமெரிக்கா (அலாஸ்கா), நார்வே, சுவீடன், பின்லாந்து மற்றும் ஐஸ்லாந்து மக்கள் வாழும் இடங்களும் உள்ளன.

ஆர்டிக்கில் ஏராளமான பனி மூடிய பெருங் கடல்கள் காணப்படுகின்றன.

மரம் என்ற ஒன்று இல்லாத நிரந்தர உறைபனி சுந்திரப் பகுதியாகவே உள்ளது. தரைக்கு கீழும் கூட பனி!

நடுநிசி நேரத்திலும் சூரியன் பளபளவென்று ஒளி வீசி அந்தப் பகுதியையே கொளுத்தி, பட்டையைக் கிளப்பிக் கொண்டிருக்கும் அதிசயத்தைக் காணலாம்.

ஜுலை மாதம் நாள் முழுவதும் சூரியன்!ஆனாலும் கூட அப்போது அங்கு வெப்பத்தின் அளவு அதிகபட்சம் 10 பாகை செல்சியஸ்தான் இருக்கும்.

ஆர்டிக் வட்டப் பகுதிக்குள் குளிர் காலத்தில் சூரியனையே காணமுடியாத 24 மணி நேரமும் இரவும், கோடையில் 24 மணி நேரமும் சூரியன் மறையாது பிரகாசிக்கும் பகலும் காணப்படும்.

பின்லாந்தின் கால் பகுதி வட ஆர்டிக் வட்டத்தில் உள்ளதால் அதன் வடக்கு முனையில், கோடையில் 60 நாட்கள் சூரியன் அந்த ஊரை விட்டு நகரவே நகராமல் மறையவே மறையாத நாட்களாக வியப்பூட்டும் ..

இந்த நாட்களில் சுற்றுலாப்பயணிகளின் வரவால் நகரங்கள் களைகட்டும் !

சூரிய உதயமும் இல்லை மறைவும் இல்லை, 24 மணிநேரமும் பிரகாசிக்கிறார்.

.24 மணிநேரமும் பிரகாசமான சூரிய ஒளி இருப்பதால் என்னதான் சன்னலை இறுக்க மூடிக் கொண்டு வெளிச்சத்தைத் தவிர்த்தாலும் தூக்கம் கண்ணாமுச்சி காட்டுகிறதாம்...

இரவு 11 மணிக்கு பார்த்தாலும் பயங்கர பிரகாசமான ஒளி.அதுமட்டுமன்றி ஒருவித அமைதியற்ற மன இறுக்கம் அனைவருக்கும் நிலவுவதாக உணர்கின்றனர்...

பனிப் பிரதேசத்தில் வாழும் எஸ்கிமோக்கள் இக்லூ என்ற வீட்டில் வசிப்பார்கள்

பின்லாந்திற்க்கு அடுத்துள்ள ஆர்டிக் பிரதேசமான Urho Kekkonen National பார்க் ல் ஒரு பனிப்பிரதேசத்தின் இரவை கழிப்பதற்காக இக்லூ போன்ற தங்கும் அறைகளை அமைத்துள்ளது Kakslauttanenஎன்ற ஹோட்டல் .

டிசம்பர் மாத்தில் இருந்து ஏப்ரல் மாதம் வரைக்கும் இக்லூ கிராமத்தில் தங்கும் வசதி உண்டு ..

கண்ணாடியால் ஆன இக்லூ வீடுகள் உறைந்து போவதில் இருந்து பாதுகாக்கவும் , மிதமான வெப்பத்தை வீட்டின் உள்ளே நிலைப்படுத்தவும் இந்த வீடு முழுவதும் விசேஷித்த வெப்ப கண்ணாடிகளை கொண்டு உருவாக்கப்பட்டுள்ளதனால் அதிகபட்சமாக மைனஸ் 30 டிகிரி செல்சியஸ் வரையிலும் இந்த வீட்டின் உள்ளே தங்கி இருந்து இயற்கை அழகை ரசிக்க முடியும்.

இந்த இடத்தில ஐஸ் கட்டியில் செய்த ஒரு உணவகமும் , விருந்தினர்கள் பொழுது போக்கிற்காக ஐஸ் பிஷிங் மற்றும் பனிமான் வண்டியில் சவாரி போன்ற வசதிகளும் திருமணத்திற்காக வசதிகளும் ஏற்படுத்தப்பட்டுள்ளதாம்.
http://jaghamani.blogspot.com/2011/09/blog-post_529.html --
ஜில்லென்று ஐஸோ ஐஸ் நியூஸ் ....ஸ்...ஸ்

நவீன வசதிகள் கொண்ட இக்ளூ தங்குமிடங்கள்..

ஆஸ்திரேலியாவில் - டாஸ்மேனியா என்பபடும் பக்கத்தில் இருக்கும் நாட்டில் நள்ளிரவு சூரியனைப்பார்க்க சுற்றுலாவாக அழைத்துச்செல்கிறார்கள்..

Midnight Sun Excursion to Kaunispää fell

Arctic Sea and Hurtigruten Cruise, Norwa

பூமியில் நிலவி வரும் பருவநிலை மாற்றத்தினால் மூன்று ஆண்டுகளுக்குள் ஆர்டிக் கடலில் உள்ள ஐஸ் மொத்தமும் உருகி தண்ணீராக மாறிவிடும் என்று கடல் ஆராய்ச்சி நிபுணர்கள் கூறியுள்ளனர்.

ஆர்டிக் கடலின் ஐஸ் மொத்தமும் உருகிவிடும் பட்சத்தில் துருவக்கரடிகள் மொத்தமும் அழிந்து விடும் அபாயமும் உருவாகியுள்ளது

பரிபாலிக்கும் பஞ்சமுக அனுமன்

2012-05-25T19:06:00.000+05:30

தெளிந்த நல் அறிவு ;தேகத்தில் வலிமையும்

பொலிவுறும் தேஜஸ் பண்பினில் துணிவும்

அச்சமில் இயல்புட்ன் ஆரோக்ய உடலும்

இச்சைகள் அடக்கும் தன்மை இனியசொல் வினயம்

வினையாற்றும் திறமை விவேகம் நிரம்ப வேண்டும்!

அனுமனைத் தியானம் செய்தால் அனைத்துமே சித்தியாகும்!

அஞ்சனை மைந்தா போற்றி ! அஞ்சினை வென்றாய் போற்றி !
அஞ்சினைக் கதிர்பின் சென்று அரு மறையுணர்ந்தாய் போற்றி !
அல்லலைப் போக்கிக் காக்கும் அனுமனை பாடியே போற்றி !
அஞ்ச லென்றருளும் வீரன் அனுமனைப் போற்றுவோமே !!

அனுமனின் ஐந்து முகங்களான ஹயக்ரீவ, வராக, நரசிம்ம, வானர, கருட முகங்களில்ஐந்து திருமுகங்களும் ஒரே வரிசையில் அபூர்வ அமைப்பில் பக்தர்களின் அனைத்து கோரிக்கைகளையும் ஈடேற்றக்கூடிய வல்லமை மிக்க பஞ்சமுக அனுமன்.
வித்தியாசமான கோலத்தில் அனுமன்

பகதர் ஒருவருக்கு பஞ்சமுக அனுமனை பிரதிஷ்டை செய்யும்படி அசரீரி மாதிரி கேட்க உடனடியாக அப்படி ஒரு சிலையைத் தேடிப்போனபோது, வித்தியாசமாக ஒரே நேர்க்கோட்டில் ஐந்து முகங்களும் அமைந்த, பக்தர்களைத் தன் ஐந்து முகங்களாலும் பார்க்கிற மாதிரியான அபூர்வமான அமைப்புள்ள இந்த அனுமன்சிலை கிடைத்ததாம் ...

சஞ்சீவி மலையையே தூக்கி வந்த அனுமன், ஏகப்பட்ட தடைகளைத்தாண்டி கோயில் வளர்ந்து மளமளன்னு எல்லாம் நடந்து முடிஞ்சு அனுமன் ஜம் என்று கம்பீரமாக பிரதிஷ்டையாகி கும்பாபிஷேகமும் நடத்திக்கொண்ட அதிசயமும் நடந்திருக்கிறது இந்த கலியுகத்தில் !

தன் வால் கோட்டையைத் தானே தனக்கு சிம்மாசனமாக அமைத்துக்கொண்ட அனுமன், இந்த கோயிலையும் தன் இருப்பிடமாக தானே அமைத்துக்கொண்டு எழுந்தருளி இருக்கிறார் ...

மூன்றுநிலை ராஜகோபுரம் ராமநாமத்தைச் சொல்லும் அனுமன்போல் கம்பீரமாக நிமிர்ந்து நின்று அழைக்கிறது.

ஜடாரிமுன் பவ்யமாக தலைவணங்கும் பாவத்துடன் ராஜகோபுரத்தின் வழி உள் நுழைய நேர் எதிரே உள்ள சன்னதியில் ஐந்து முகங்கள், பத்துக்கரங்களுடன் அருள்நிறை விழிகளோடு அன்பர்களுக்கு அருளக் காத்திருக்கிறார் அனுமன்.

சின்னஞ்சிறு சன்னதி. பக்தர்களுக்கு எளியவராக சிலை வடிவில் காட்சிதரும் அனுமன் அருட்காட்சி தந்து ஆட்கொள்கிறார்..

அஞ்சுமுக அனுமன் சட்டென விஸ்வரூபம் எடுத்து தன்பார்வையை நம்மீது பதித்து நெஞ்சு முழுவதும் நிறைந்த அஞ்சேல் என்று அபயக்கரம் நீட்டி சிலிர்க்க வைக்கிறார்...

பெரும்பாரமாக இருந்த கஷ்டங்கள் அப்போதே நீங்கி விட்டது போன்று உணர்வு எழ, காற்றின் மகன் வந்து அமர்ந்துவிட்டதில் மனம் லேசாகிறது.

கருடமுகம் பிணி நீக்கும்,
வராகமுகம் செல்வம் அளிக்கும்,
அனுமன் முகம் சகல கிரகதோஷமும் போக்கி எல்லாநலமும் தரும். நரசிம்மமுகம் தீமையைப் போக்கும்.
ஹயக்ரீவர் முகம் கல்வியும், ஞானமும் நல்கும்
என்பதால், வேண்டியதை வேண்டியவாறு அருள்கிறார் அஞ்சிலே ஒன்று பெற்ற அருள் குமரன் அனுமன் ..

சன்னதியை வலம் வந்தால் ஏராளமான மட்டைத் தேங்காய்கள் ஓரிடத்தில் கட்டப்பட்டிருக்கிறது.

அமாவாசைகளில் இங்கு வரும் பக்தர்கள் காரியத்தடைகள் விலகவும், மணப்பேறு, மகப்பேறு வேண்டியும் அனுமனை வழிபட்டுக் கட்டியவையாம் இவை,

ஒவ்வொரு அமாவாசையின்போதும் அதிகரித்து அனுமன் வால்போல் நீண்டு இன்று ஆயிரக்கணக்கினையும் தாண்டியுள்ளதே, இந்த அனுமனின் ஆற்றலுக்கு சாட்சியாக இருக்கிறது. அதிகபட்சம் தொண்ணூறு நாட்களுக்குள் வேண்டுதல் நிறைவேறிவிடுகிறதாம்.

அஞ்சு முகத்துடன் பக்தர்தம் நெஞ்சம் நிறைந்து அருளும் அனுமன், கொஞ்சமும் குறைவிலாது பக்தர்கட்கு அளிக்கிறார் தன் குளிர்வான அருளை.

சென்னை தாம்பரத்தில் இருந்து வேளச்சேரி செல்லும் சாலையில் 6 கி.மீ.யில் உள்ள கௌரிவசக்கத்தில், பழனியப்பா நகரில் இருக்கிறது இந்தப் பஞ்சமுக அனுமன் ஆலயம்.

பிராட்வே மற்றும் தி.நகரிலிருந்து கிழக்கு தாம்பரம் செல்லும் பேருந்துகளில் சென்றும் இத்தலத்தை அடையலாம்.

வேண்டுதல் எதுவானாலும் சரி... . எல்லாவற்றையும் ஒரே தலத்தில், ஒரே கடவுளிடம் சொன்னால் போதும்; விரைவிலேயே அனைத்தும் ஈடேற்றி சந்தோஷம் தருகிறார்..

சென்னை தாம்பரம் அருகே உள்ள கௌரிவாக்கத்தில் அருளாட்சி செய்கிறார் பஞ்சமுக அனுமன்.

பஞ்சமுக அனுமன் கோயில்களில், அனுமனின் முகங்களான ஹயக்ரீவ, வராக, நரசிம்ம, வானர, கருட முகங்களில் நான்கு முகங்கள் நாற்புறம் நோக்கி இருக்க, மற்றொரு முகம் அவற்றின் மேலமைந்து இருக்கும்.

ஐந்து திருமுகங்களும் ஒரே வரிசையில் அமைந்திருப்பது அபூர்வம்.

காற்று ஈன்ற காவியமே காக்கும் கருணைக் கடலே போற்றி !
கருத்தில் நிறைந்தாய் சொல்லின் செல்வா கழலே போற்றி !

ஸர்வ கல்யாண தாதாரம் ஸர்வா பத்கந வாரகம்

அபார கருணா மூர்த்திம் ஆஞ்சநேய நமாம்யஹம்

அஞ்சனா கர்ப்ப ஸம்பூதம் குமாரம் ப்ருஹ்மசாரிணம்

துஷ்டக்ருஹ வினாஸாய ஹனுமந்த முபாஸ்மஹே

ஸ்ரீ ராமதூத மஹாதீர ருத்ரவீர்ய சமுத்பவ

அஞ்சனா கர்ப்ப ஸம்பூத வாயு புத்திர நமோஸ்துதே

40 feet tall monolithic green granite Murti of
Sri Panchamukha Hanuman in Thiruvallur

அஸாத்ய ஸாதக ஸ்வாமிந் அஸாத்யம் தவ கிம்தவ
ராம தூத க்ருபாஷிந்தோ மத்கார்யம் ஸாதய ப்ரபோ

புத்திர் பலம் யசோதைர்யம் நிற்பயத்வம் அரோகதா
அஜாட்யம் வாக்படுத்வம்ச ஹனுமத் ஸரணாத் /ஸ்மரணாத் பவேத்

Mantralaya.

அழகுத் தேர் திருவிழா

2012-05-24T19:55:00.000+05:30

வைகாசி விசாகம் அன்று முருகனை வழிபட்டால் அந்த ஆண்டு முழுவதும் வணங்கிய பலன் கிடைக்கும் ..

நேர்திக்கடன் செலுத்துவதற்காகபால்குடம் எடுத்தல், காவடி - சர்ப்ப காவடி , மச்சக்காவடி, இளநீர் காவடி எடுத்து வழிபடுகின்றனர்.

திருச்செங்கோட்டில் 14 நாட்கள் உற்சவமாக அனைத்து மக்களும் பங்கேற்கும் வண்ணம் சிறப்பாக வைகாசி விசாகம் தேர்த்திருவிழா கொண்டாடப்படுகிறது..

வைகாசி விசாக திருவிழாவிற்காக, சென்னை வடபழனி ஆண்டவர் கோவிலில் "வெற்றி வேல் முருகனுக்கு அரோகரா '' என்ற கோஷங்கள் முழங்க தேரில் பவனி வந்து முருகப்பெருமான் பக்கதர்களுக்கு அருள் பாலிக்கும் எழில் திருக்கோலம்..

"வெற்றிவேல் முருகனுக்கு அரோகரா' என சரணகோஷம் எழுப்பி பழநியில் வைகாசி விசாகத்திருவிழா தேரோட்டம்

திருச்செந்தூர் முருகன் கோயில் வைகாசி விசாகம் கோலாகலமாக சுவாமி ஜெயந்திநாதர் தங்கச்சப்பரத்தில் வசந்த மண்டபத்தில் எழுந்தருளி, முனிகுமாரர்களுக்கு சாபவிமோசனம் அளிக்கும் நிகழ்ச்சி நடைபெறும்... கடலில் புனித நீராடி, பக்தர்கள் காவடி எடுத்தும், அலகு குத்தியும், அங்கப்பிரதட்சணம் மற்றும் அடிப்பிரதட்சணம் செய்தும் வேண்டுதலை நிறைவேற்றுவார்கள்..

கால்நடைகள், நவதானியங்களை கோயிலுக்கு தானமாக வழங்குவார்கள்..

250 கிலோ எடையுள்ள பஞ்சலோக ஸ்ரீ ஆறுமுகசாமி, வள்ளி தெய்வானை சிலைகள் வைகாசி விசாக தேர் திருவிழாவில் ஊர்வலம்..

பரமக்குடி:ராமநாதபுரம் மாவட்டம், நயினார்கோவில் நாகநாதசுவாமி கோவில் வைகாசி திருவிழா 400 ஆண்டுகளுக்கு முன் உருவாக்கப்பட்ட கலைச் சிற்பத்துடன் கூடிய தேர் வடிவழகுமிக்கது..

கடலூர் திருப்பாபுலியூரில் பிரசித்தி பெற்ற பாடலீஸ்வரர் கோவிலில் வைகாசி திருவிழா

Mangalore Car Festival"of Lord Venkatramana temple in Car Street.

Kodial Theru.

"எண்ணிப் புள்ளி வைத்து இழை எடுத்துப் போட்ட அழகு தேர்க்கோலம்"

தாமரை தேர்

ஸ்ரீராமகிருஷ்ண பரமஹம்சர்

2012-05-23T23:18:00.000+05:30

ஸ்ரீராமகிருஷ்ண பரமஹம்சர் இன்று உலகெங்கும் லட்சக்கணக்கான தொண்டர்கள் ஆன்மார்த்தமாக வணங்கும் ஆன்மிக குருவாக விளங்கிக் கொண்டிருக்கிறார்..
அவ்வளவு பேருக்கும் அருவ நிலையில் நின்று அருள்புரியும் பேராற்றல் கொண்ட இறை அவதாரமாக . ராமகிருஷ்ணர் திகழ்கிறார்..

நமது ஆன்மிக இந்தியாவின் தபஸ்வி ஸ்ரீராமகிருஷ்ண பரமஹம்சர் ..

காஞ்சி மகா பெரியவரும் பால் பிரண்டனும் சொல்லாமலிருந்தால், ரமண மகரிஷியை உலகம் பரவலாக அறிந்திருக்காது.

பரமஹம்ச யோகாநந்தர் இல்லாவிட்டால் மகா அவதார் பாபாவைப் பற்றி அறிய நேர்ந்திருக்காது.

அதுபோல சுவாமி விவேகானந்தர் இல்லாவிடில் ராமகிருஷ்ணரைப் பற்றியும் வெளியுலகுக்கு பரவலாகத் தெரிந்திருக்காது.

Worship: Devotees at the 174th birth anniversary of
Sri Ramakrishna Paramahamsa at Ramakrishna Ashram in Mysore

ராமகிருஷ்ணரின் தந்தை க்ஷீதிராம் சத்தியசீலர். ஒரு பொய் கூற மறுத்ததால், தன் எஜமானரால் ஊரைவிட்டு வெளியேற்றப் பட்டவர்.

ஒருமுறை அவர் தனது முன்னோர்களுக்கு சிரார்த்த கர்மங்கள் செய்ய கயையில் உள்ள விஷ்ணுபாதம் தலத்துக்குச் சென்றிருந்தார்.

அன்று இரவு அவர் கனவில் தோன்றிய மகாவிஷ்ணு, "உமது பக்திக்கு மகிழ்ந்தோம்; உமக்கு மகனாக அவதாரம் செய்வோம்' என்று கூறினாராம். அவரோ, "சுவாமி, நான் பரம ஏழை. என்னால் உங்களை சிறப்பாகப் பராமரிக்க இயலாதே...' என்று கூற, "நீ பக்தியுடன் அளிக்கும் எளிய உணவே போதும்' என்று சொல்லி மறைந்தாராம்.

கண்விழித்தெழுந்த க்ஷீ திராம் கனவில் கண்டதை எண்ணி பிரம்மித்தார். திருமாலின் பெருங்கருணையை நினைத்து உள்ளம் பூரித்தார். அந்த மனநிறைவோடு தான் வசித்த கமார்புகூர் வந்து சேர்ந்தார்.

அங்கு அவர் மனைவி கூறிய செய்திஅவரை மேலும் ஆச்சரியப்படுத்தியது.

அவ்வூரிலுள்ள சிவாலயத்துக்கு அவள் வழிபடச் சென்றபோது, சிவலிங்கத் திலிருந்து ஒரு பேரொளி தோன்றி அவளுக்குள் புகுந்ததாகவும்; அவள் நெடுநேரம்அங்கேயே மூர்ச்சித்துக் கிடந்ததாகவும்; பின்னர் கண்விழித்தபோது தான் கருவுற்றி ருப்பது போன்ற உணர்வு ஏற்பட்டதாகவும் கூறினாள். நெகிழ்ந்த க்ஷீதிராம், "இந்த ஆன்மிக ரகசியத்தை யாரிடமும் கூற வேண்டாம்' என்றார். அவ்வாறு இறையருளால் அவதரித்தவரே ராமகிருஷ்ணர்.

சைதன்ய மகாப்பிரபுவும் இவ்வாறு அவதரித்தவர்தான். ராமகிருஷ்ணரே தான் சைதன்யரின் மறு அவதாரம் என்று கூறினார். சைதன்யர்போல பலருக்கு காட்சியும் கொடுத்தாராம். சைதன்யர் ஒரு காஷ்ட சந்நியாசி; இருதாரம் மணந்தவர்; படித்த மேதை. ராமகிருஷ்ணரோ கல்வி பயிலாதவர். ஆனால் அவர் பேசியது எல்லாமே வேதாந்தம், உபநிடதம். ராஜாஜி அவர்கள் ராமகிருஷ்ணரின் வாக்குகளை "ஸ்ரீராமகிருஷ்ண உபநிடதம்' என்று கூறியிருக்கிறார்.

ராமகிருஷ்ணரின் அண்ணன் ராம்குமார் தட்சினேஸ்வர காளி கோவிலில் பூசாரியாக பணி செய்து வந்தார். அருகே சிவன், ராதாகிருஷ்ணர் சந்நிதிகளும் உண்டு. இளம் வயது ராமகிருஷ்ணருக்கு கல்வியில் நாட்டமில்லாததால், அண்ணனுக்கு உதவியாக காளி கோவிலுக்குச் சென்றார்.
radha krishna

ராதாகிருஷ்ணர் சந்நிதியில், சுவாமியின் பாதங்களுக்கு அருகே பாகவதமும், வால்மீகி ராமாயணமும் வைக்கப்பட்டிருக்கும்.
பாகவதம் கண்ணனின் லீலைகளை விரிவாகக் கூறும் நூல். அங்கு அமர்ந்து ராமகிருஷ்ணர் தியானம் செய்யத் தொடங்கினார்.

அவரது பக்தி ஈடுபாட்டின் காரண மாக அந்த ராதாகிருஷ்ணன் பாகவதத்தில் புகுந்தார்; பாகவதம் ராமகிருஷ்ணருக்குள் புகுந்தது. அவர் கூறினார்: "பகவான், பாகவதம், பாகவதன் யாவும் ஒன்றே!' எத்தகைய அத்வைத தத்துவம்!

ராமகிருஷ்ணர் காளி தேவிக்கு பூஜை செய்ய நியமிக்கப்பட்டார். அந்த அன்னையை தியானித்து வணங்கிய ராமகிருஷ்ணர், அவளது தரிசனத்தை வேண்டினார். ஆனால் தரிசனம் கிட்டாமல் நாட்கள் கடந்தன. ஒருநாள் அவரது பக்தி மிகவும் முற்றியது.
Bhavatārini Kali, the deity that Ramakrishna worshipped.

பவதாரிணி அன்னையின் தரிசனம் காணாமல் இந்த உயிர் எதற்கு என்று தீர்மானித்த அவர், அன்னையின் கரத்திலிருந்த வாளையே எடுத்து தன் தலையை வெட்டப்போக, அன்னை அவருக்கு பிரத்தியட்சமாகக் காட்சி தந்தருளினாள்.

ராமகிருஷ்ணரைப் போன்ற உச்சநிலை பக்தர்களைக் காண்பது அரிது. அன்னைக்கு பூஜை, நிவேதனம் செய்யும் சமயம் பாவ சமாதி நிலை ஏற்பட்டுவிட்டால், தனக்கே பூஜையும் நிவேதனமும் செய்துகொள்வாராம்.

ஒருமுறை அவர் அன்னைக்குப் பூஜை செய்து கொண்டிருக்கும்போது, அரசி ராஸ்மணி தேவி வந்தாளாம். அவளது மனம் முழுமையாக அன்னையிடம் ஈடுபடவில்லை. நீதிமன்றத்தில் ஒரு வழக்கு நடந்து கொண்டிருந்தது. அதுபற்றிய கவலை அவள் மனதை ஆக்ரமித்திருந்தது. இதையுணர்ந்த ராமகிருஷ்ணர், "அன்னையின் சந்நிதியில் வேறு நினைவா?' என்று அரசியின் கன்னத் தில் அறைந்தாராம். பார்த்த அனைவரும் என்ன ஆகுமோ என்று அஞ்சி நிற்க, அரசியோ, "தவறு என்மீதுதான்' என்றாளாம்.

பைரவிப் பிராம்மணி என்றொரு யோகினி. அவள் ராமகிருஷ்ணரைப் பற்றிக் கேள்விப்பட்டு அவரைக் காண தட்சிணேஸ்வரத்துக்கு வந்தாள். ராமகிருஷ்ணரின் நடை, பாவனை, முக லட்சணங்களைப் பார்த்ததுமே அவர் ஒரு அவதார புருஷர் என்பதைக் கண்டு கொண்டாள். முதிர்ந்த ஞானிகள் கொண்ட சபையைக் கூட்டி, அவரை பரிசீலனை செய்யச் சொல்லி, அவர் ஒரு அவதார புருஷர் என்று உணர்த்தினாள். சாக்த வழிபாட்டை ராமகிருஷ்ணருக்கு தீவிரமாக போதித்தவள் இந்த யோகினியே. ராமகிருஷ்ணர் எந்த குருவையும் தேடிச் சென்றதில்லை. குருமார்களே இவரைத் தேடிவந்து போதித்தனர்.

ஒருமுறை சீதாராம தரிசனம் காண, பஞ்சவடியில் தன்னை அனுமனாக பாவித்து தவம் மேற்கொண்டார். தீவிர உபாசனையில் அவரருகே ஒரு கருங்குரங்கு வந்து அமர்ந்ததாம்.

இந்த நிலையில் சீதை அவருக்கு தரிசனம் தந்து அவருள் மறைந்தாளாம்.

அதன்பின் ராமரும் தரிசனம் தந்து அவருள் மறைந்தாராம்.
எனவே, அனுமனைத் துதித் தால் சீதாராம தரிசனம் காணலாம் என்பர்.

அதுபோல கிருஷ்ண தரிசனம் காண, தன்னை ராதையாக பாவித்து தியானம் செய்தாராம். பெண்களைப்போலவே புடவை, ரவிக்கை, அணிகலன்கள் பூண்டு, பெண்கள்போலவே பேசிப் பாடினாராம்.

அந்த தீவிர மாதுர்ய பக்திரச சாதனையில், ராதா தேவி தரிசனம் தந்து அவருள் மறைய, அவளைத் தேடி வந்த கிருஷ்ணரும் காட்சி தந்து அவருள் மறைந்தாராம்.

சம்புசரண் மல்லிக் என்பவர் ஒரு ஆழ்ந்த கிறிஸ்துவ பக்தர். அவர் ஒருமுறை ராமகிருஷ்ணருக்கு பைபிளைப் படித்துக் காட்டினார்.

அதைக் கேட்ட ராமகிருஷ்ண ருக்கு ஏசுமீது ஈடுபாடு உண்டாயிற்று. சம்புசரண் வீட்டில் மேரியுடன் உள்ள குழந்தை ஏசுவின் படம் இருந்தது. அதையே உன்னிப்பாக தியானித்தார் ராமகிருஷ்ணர்.

படம் உயிருடன் பிரகாசித்தது. அதிலிருந்து தோன்றிய ஒளி ராமகிருஷ்ணருக்குள் புகுந்தது. ஏசுவின் நினைவிலேயே மூன்று நாட்கள் மூழ்கியிருந்தாராம். பிரபுதயாள் சர்மா என்ற ஏசுபக்தர் அவரைக் கண்டு, ஏசுதான் இந்த ராமகிருஷ்ணர் என்று பூஜித்து வணங்கினாராம்.

அவருக்கு அல்லாமீதும் ஈடுபாடு இருந்தது. தனது ஒன்பதாவது வயதிலேயே கமார்புகூரில் இருந்த மசூதிக்கு நமாஸ் செய்யச் சென்றிருக்கிறார்.

அங்குள்ள அரச மரத்துக்குக் கீழே ஒளிமயமான ஒருவரை தரிசித்து, அந்த உன்மத்த நிலையில் இரண்டரை மணி நேரம் இருந்தாராம்.

பின்னர், பஞ்சவடியில் 1866-ல் கோவிந்த ராய் என்ற ஸுபி யோகி, குரானைப் பற்றியும் ஸுபி தத்துவங்களையும் ராமகிருஷ்ணருக்கு போதித்திருக்கிறார்.

அப்போது இஸ்லாமியத்தின்பால் ஈர்க்கப்பட்ட அவர், அவர்களைப்போலவே உடையணிந்து "அல்லா அல்லா' என்று ஆழ்ந்து துதித்து நமாஸும் செய்திருக்கிறார்.

அந்த உச்ச நிலையில் மூன்று நாட்கள் கழிந்தபோது, பெரிய தாடியுடன் கூடிய- ஒளி மிகுந்த முகம்மதுவையும் தரிசித்தாராம்; அவரும் ராமகிருஷ்ணருள் புகுந்தாராம்.

இவ்வாறு எண்ணற்ற தெய்வீக அனுபவங்களைக் கண்டவர் ராமகிருஷ்ணர். அவர் மற்றவர்களுக்கு தெய்வ வடிவங்களில் காட்சியளித்த சம்பவங்களும் ஏராளம்.

மகான் சதாசிவப்பிரம்மேந்திரருடன் தியானத்தில் உரையாடியதாக குறிப்புகள் உண்டு..

இறையனுபூதி பெற்ற பல காலகட்டத்தைச் சேர்ந்த மகான்களையும் ராமகிருஷ்ணர். தரிசித்து இருக்கிறார்..

காசி, பிருந்தாவனம் போன்ற பல புண்ணிய தலங்களுக்கு யாத்திரையை மேற்கொண்ட ராமகிருஷ்ணர், காசியில் ஒரு மடத்தில் தங்கியிருந்த த்ரைலிங்க சுவாமிகளைச் சந்தித்து ஆசி பெற்றார்.

காசியில் ராமகிருஷ்ணர் தரிசித்த ஞானிகளில் மகான் த்ரைலிங்க சுவாமிகள் ஒருவரே பிரம்ம ஞானியாக விளங்கியவர்.

இதனை சுவாமி விவேகானந்தரிடம், ’ஒரு மிகப் பெரிய மகானைச் சந்தித்தேன்’ என்று சொல்லி விளக்கிக் கூறியிருக்கிறார் பரமஹம்சர்.

பிற்காலத்தில் சுவாமி விவேகானந்தரும் மகான் த்ரைலிங்க சுவாமிகளைச் சந்தித்து ஆசி பெற்றிருக்கிறார்.

மஹா அவதார் பாபாஜியின் நேர் சீடரான மகான் ஸ்ரீ ஸ்ரீ லாஹரி மஹா சாயர், த்ரைலிங்க சுவாமிகளின் உற்ற நண்பராகத் திகழ்ந்தவராவார்.

அவரது வாழ்க்கை ரகசியம் ருசிக்க ருசிக்கத் திகட்டாத ஆன்மிகப் பேரமுதம்!

kali dressed as krishna

Some Monastic Disciples (L to R): Trigunatitananda, Shivananda, Vivekananda,
Turiyananda, Brahmananda. Below Saradananda.

Shrine - Vivekananda Building

Marble Statue of Sri. Ramakrishna Paramahamsar - Mirror temple! Malaysia.

pathurighata mullick's thakurdalan graced by ramakrishna paramahamsa

marble palace calcutta

நவரத்தின நகரம்

2012-05-22T16:44:00.000+05:30

சீனாவின் முத்துநதியின் முகத்துவாரத்தில் -Pearl River Delta நவரத்தினங்களாய் ஜொலிக்கும் வண்ணம் வசிக்கமாட்டோமா என ஏக்கம் கொள்ளவைக்கும் அழகிய ஒன்பது நகரங்களை நிர்மாணித்து -Turn The Pearl River Delta Into One" -என்கிற ஒருங்கிணைப்புத் திட்டத்தினை செயல்படுத்தி வியக்கவைத்திருக்கிறது உழைப்பிற்கு பெயர் பெற்று பொருளாதார வளர்ச்சியிலும் ,இராணுவ வலிமையிலும், புதிய கண்டுபிடிபுகள் அளிப்பதிலும் தலைசிறந்து விளங்கும் சீனா....

சுவிட்சர்லாந்து நாட்டை விட பெரிதாக அமெரிக்காவின் நியூஜெர்சி நகரத்தின் இரண்டு மடங்காக , நியூயார்க நகரத்தின் மக்கள் தொகையைப் போல் நான்குமடங்கு அதிகம் வசிக்கும் வகையில் மிகப்பிரம்மாண்டமான ஒன்பது நகரங்களின் தொகுதியை மிக மிக நவீன வச்திகளுடன் நாம் புராணங்களில் கேட்டுவியந்ததை கண்முன் மிகப்பிரண்டமாக அமைத்திருக்கிறது சீனா..

முத்து நதியை தூய்மை கெடாமல் முத்துப்போல் சுத்தமாக வைக்கும் திட்டமும் உண்டு..

லண்டன், மாட்ரிட், சிட்னி, நியூயார்க் போன்ற நகரங்களில், நாமும் வசிக்க மாட்டோமா, என ஏங்கும்மேற்கத்திய நாடுகளின் கலாசாரத்தின் மீதும், அங்குள்ள நாகரிகத்தின் மீதும், ஆசைப்படும் சீன மக்களின் கனவை நனவாக்கும் நோக்கத்துடன்.சீனாவின் வர்த்தக நகரமான, ஷாங்காயின் புறநகர் பகுதியில், மேற்கு நாடுகளில் உள்ள சிறப்பு வாய்ந்த அடையாளங்களுடன், அட்டகாசமான அருமையான குடியிருப்புகள் அமைக்கப்பட்டுள்ளன.

லண்டனின் தேம்ஸ் நதி, அங்குள்ள அழகு கொஞ்சும் கட்டடங்கள், வின்ஸ்டன் சர்ச்சில் சிலை ஆகியவற்றை, இந்த குடியிருப்புகளில் தத்ரூபமாக வடிவமைத்துள்ளனர். லண்டனில் இருப்பது போன்ற கடை வீதிகள், பார்கள், காபி ஷாப்களும் உண்டு. சீனாவில் இருக்கிறோம் என்பதே மறந்து போய் லண்டனில் இருப்பதாக உணரமுடியுமாம்...

இப்பகுதியிலேயே, சற்று தூரம் சென்று, இடதுபுறமாக திரும்பினால், ஸ்பெயினின் மாட்ரிட் நகரம், நம்மை வரவேற்கும். மாட்ரிட் நகரின் அடையாளமாக விளங்கும், இயற்கை எழில் கொஞ்சும் பொட்டானிக்கல் கார்டன், பழைமை வாய்ந்த கதீட்ரல் தேவாலயம் ஆகியவற்றை, நம் கண் முன்னே நிறுத்தியுள்ளனர். இவற்றை சுற்றி, ஸ்பெயின் கலாசாரத்தில் உருவாக்கப்பட்ட வீடுகள் கட்டப்பட்டுள்ளன.

இதை கடந்து சென்றால், ஆஸ்திரேலியாவின் சிட்னி நகருக்குள் நுழைந்தது போன்ற உணர்வை ஏற்படுத்தி விடுகின்றனர். ஒபரா ஹவுஸ், சுற்றுலா பயணிகளின் சொர்க்கமாக விளங்கும் சிட்னி துறைமுகப் பாலம் ஆகியவற்றை போல் வடிவமைத்துள்ளனர். இதேபோல், நியூயார்க், பாரீஸ் நகரங்களில் உள்ளதைப் போன்ற வீடுகளும், அவற்றின் அடையாளங்களுடன் கட்டப்பட்டுள்ளன.

இண்டர் நெட் வச்திகள் சிறப்பாக செய்யப்பட்டுள்ளன..

மருத்துவ மனகளும் கல்விச்சாலைகளும் உண்டு..

ஹாங்காங் நகரத்துடன் இணைக்கும் அதி நவீன சாலை வசதி மிகுந்த பொருட்செலவில் அமைக்கப்பட்டுள்ளது...

3100 மைல் நீளமுள்ள 29 ரயில் பாதைகள் நிறுவப்பட்டுள்ளன.

சீனாவில் சைக்கிள்களுக்கு தனி சிறப்பு உண்டு.. சுற்றுப்புறத்தை கெடுக்காது.. உடற்பயிற்சியாகவும் ஆகிறது..

"ஒரே இடத்தில் ஒன்பது நகரங்கள்' என, இதற்கு பெயரிடப்பட்டுள்ள இந்த பிரமாண்ட அதிசயத்தை காண்பதற்காக, தினமும் ஆயிரக்கணக்கான சுற்றுலா பயணிகள் இங்கு குவிகின்றனர்.

எப்போதும் மிகவும் சுறுசுறுப்பாக காணப்படும் இந்த உல்லாசபுரியை காண வருவோர், அவற்றைப் பார்த்து அதிசயிக்கின்றனர்

"இந்த இடம், சுற்றுலா தலம் போல் ஆகிவிட்டது. தினமும் ஆயிரக்கணக்கானோர் இங்கு வந்து, ஜோடி ஜோடியாக புகைப்படங்களை எடுத்துக் கொள்கின்றனர்.

the world's biggest mega city by merging nine cities to create a metropolis twice the size of Wales with a population of 42 million.

A Megacity The Size Of Switzerland

Chinese Mega City For 42 Million People

The world's first mega-city, comprised of Hong Kong, Shenhzen and Guangzhou,
home to about 120 million people.

ஈஸ்வர மைந்தர் ஈச்சனாரி விநாயகர்

2012-05-21T18:02:00.000+05:30

இன்று ஹ்லோ எஃப் . எம் வானொலி நிகழ்ச்சியில் சாதனைப்பெண்கள் நிகழ்ச்சியில் http://jaghamani.blogspot.com/ வலைத்தளத்தை அறிமுகப்படுத்தியிருக்கிறார்கள்..

ஈச்சனாரி விநாயகர், தங்க கவசம், அலங்காரம்,

சுக்லாம் பரதரம் விஷ்ணும் ஸஸிவர்னம் சதுர்புஜம்

ப்ரஸன்ன வதனம் த்யாயேத் சர்வ விக்நோப சாந்தயே

ஓம்-ஸ்ரீம்-ஹ்ரீம்-க்லீம்-க்லௌம்-கங், கணபதியே
வரவரத, ஸர்வஜனம்மே வசமானய ஸ்வாஹா!
அப்பனுக்கு முந்திவரும் அருட்கனி கணபதி
அப்பமுடன் பொரி கடலை அவலுடனே
அருங்கதலி ஒப்பில்லா மோதகமும் ஒருமனதாய் ஒப்பித்து
எப்பொழுதும் வணங்கிடும் விநாயகர் உலகின் தலையாய எழுத்தர் ..

அவர்தானே தன் அழகிய கொம்பின் முனை உடைத்து வியாசர் தந்த விருந்தான மஹாபாரதக்கதையை எழுதியவர் !

மரியாதைத்தமிழால் பேச்சுத்தமிழை அலங்கரித்து இனிய சிறுவாணித்தண்ணீரால் பெருமைபெற்று , குளிச்சியான தென்றலால் மகிழ்வுறும் கோவை மாநகரில் ஈஸ்வர மைந்தராம் ஈச்சனாரி விநாயகர் அருளும் ஆலயத்திற்கு சென்றிருந்தோம்..

அஸ்வினி நட்சத்திரம் முதல் ரேவதி வரையிலான 27 நட்சத்திரங்களுக்கும் ஒவ்வொரு விதமான அலங்காரம் அலங்கரிக்கும் எழில் மிகு. நட்சத்திர அலங்கார பூஜை ஈச்சனாரி கோயிலின் சிறப்பம்சம்.

கோயிலின் தினப்படி பூஜைக்கு வேண்டிய பால், பன்னீர், சந்தனம், குங்குமம், மலர் மற்றும் கோயிலின் மின் கட்டணம் அனைத்தும் கட்டளைதாரர்களைக் கொண்டே நடத்தப்பட்டு வருகிறது...

கோயிலின் அழகிய கோபுரம், மாடங்கள், மண்டபங்கள் வேறு எங்கும் காண முடியாதவை.

மேலைச் சிதம்பரம் என திகழும் பெருமை வாய்ந்த பேரூர் பட்டீஸ்வர சுவாமி திருக்கோயிலில் பிரதிஷ்டை செய்ய 5 அடி உயரமும், 3 அடி பருமனும் கொண்ட விநாயகர் விக்ரகத்தை மதுரையில் இருந்து வண்டியில் எடுத்து வரும் வழியில் அச்சு ஒடிந்து, தற்போது எழுந்தருளியுள்ள இடத்திலேயே அமர்ந்து விட விநாயகர் திருவுள்ளம் கொண்ட பின்னர் பேரூர் எடுத்துச் செல்ல முயன்றால் இயலுமா என்ன ??
தெய்வ சித்தத்தை அறிந்த மகான் காஞ்சி சங்கராச்சாரியார் அவர்கள் அருள் வாக்குப்படி விநாயகர் இங்கு பிரதிஷ்டை செய்யப்பட்டு விநாயகர் எழுந்தருளியுள்ள இடமே ஈச்சனாரி விநாயகர் திருக்கோயிலாக புகழ் பெற்று விளங்குகிறது.

ஆண்டுதோறும் ஆவணி மாதத்தில் வரும் விநாயகர் சதுர்த்தி விழா மிகவும் விமரிசையாகக் கொண்டாடப்படுகிறது.

தங்கரத்தில் உலா வந்து தண்னருள் பொழியும் கணபதி !

மாத கிருத்திகை, பௌர்ணமி, அமாவாசை, சதுர்த்தி நாட்களிலும் தமிழ் மற்றும் ஆங்கிலப்புத்தாண்டு நாட்களிலும், விசேஷ தினங்களிலும் ஈஸ்வர மைந்தனாம் ஈச்சனாரி விநாயகரை வழிபட்டு வாழ்வில் வளம் பெறுகிறார்கள். ஏற்றம் காண்கிறார்கள்..

சாலையில் செல்லும் வாகனங்களிலிருந்தே வணங்கும் வண்ணம் கண்களுக்கு விருந்தளித்து நாம் செல்லும் காரியங்களின் தடைகளை நீக்கி நம்பிக்கை அருள்கிறார் கணபதி !

வக்ரதுண்ட மஹாகாய ஸூர்யகோடி ஸமப்ரப|

நிர்விக்னம் குரு மே தேவ ஸர்வ கார்யேஷு ஸர்வதா

Ganapathy Homam

நிறைந்த நன்றிகள் http://www.eachanarivinayagar.com/galary.html
நவக்கிரக விநாயகர்,MALAYSIA

DATTAPEETHAM-VIJAYAWADA மோதகம்-கொழுக்கட்டை அலங்காரம்.

செல்வ விநாயகர், மோதக மாலை, வெண்ணை காப்பு

பனை ஓலை விநாயகர்

இனிப்பு பூந்தி விநாயகர்

கரும்பு அலங்காரம், தேனி - பெத்தாட்சி பிள்ளையார்,

ஆசியாவின் பெரிய விநாயகர்

மணக்குள விநாயகர் ...

வசீகரிக்கும் வைகாசி

2012-05-20T17:01:00.000+05:30

உள்ளம் கொள்ளை கொள்ளும் ஜகன் மோகினி திருகோலம்

வேதாந்த தேசிகர் ஆலயம்.. மயிலாப்பூர் ..அலங்காரமாக அழகாய் வசீகரிக்கும் ஆண்டாள்... இரண்டு அடி நீளம் ..அரை கிலோ எடையுடன் தங்க முலாம் பூசப்பட்ட வெள்ளி ஜடை -- 1230 செயற்கை ரூபி கற்கள் பதிக்கப்பட்டது..

விசாலமாய் மனதை வசீகரித்து விகசிக்கும் மாதம் என்பதால் வைகாசி எனப் பெயர்பெற்றிருக்குமோ!

விகாஸம் என்றால் மலர்ச்சி என்று பொருள். அதனை அடியொற்றியே வசந்த ருதுவாக- இளவேனிலாக வைகாசி பருவகாலம் அழைக்கப்பட்டு வருகிறது.

மாதவ மாதம் என்னும் தனிச்சிறப்பு பன்னிரு மாதங்களில் வைகாசிக்கு மாத்திரமே உண்டு

துளசி பத்ரங்களால் பூஜை செய்து, பலன்கள் நிறைய பெற்று புண்ணியப் பேறு அடைகிற பெரும் தவம் நிறைந்த மாதம் இது.

ஆயுள், செல்வம், மக்கட் செல்வம் அனைத்தும் தரவல்ல பருவகாலம் வைகாசி
உத்தராயண காலத்தின் ஐந்தாவது மாதமான வைகாசியில் வெயிலின் கொடுமை அதிகமாக இருக்கும்.

வைகாசியின் வீரியம் அக்னி நட்சத்திரம், கத்திரி என்றெல்லாம் சொல்வதில் அறியலாம்..

"பூமியில் வெடிப்புகள்; வெடிப்புகளின் ஊடே பள்ளமடை; பெருமழை பொழியும்போது, அதனூடே நீர் ஓடி நதிகளில் தெளிவுடன் பாய்ந்தோடி ஸ்படிகமென திகழும் வைகாசி' என்று நயம்பட சாஸ்திரம் வைகாசியில் பெருமழை பொழியும் என்கிறது.கடும் வெயில் மாதத்தில் அடைமழை என்றால் வசந்தம் தருவதாக இருக்கிறது..
Sri Siva Subramaniar Vaikasi Visakam

வைகாசி மாதத்தை "மாதவ மாதம்' என்றும் நிர்ணயம் செய்திருக்கிறார்கள்.கால சாஸ்திரத்தை நிர்ணயம் செய்துள்ள பெரியோர்கள்

புண்ணிய பலன்களை நல்கும் தன்மை கொண்ட களந்திகா என்னும் தாரா பாத்திர தானம் வைகாசி மாதத்தின் சிறப்பு.

வேத தத்துவங்களில் உயர்ந்ததாகப் போற்றப்படும் நரஹரி வடிவம் ..நரஹரி, மானுடம், மிருகம் என மூன்றும் ஒன்றாகி வந்த பகவானின் பெருமைமிக்க அவதாரம் !வைகாசி சுக்ல சதுர்த்தசியின் சிறப்பிற்குக் காரணம், சிங்கவேளின் அவதாரம்.

தசாவதாரங்களில் ஒன்றான பராக்கிரம பரசுராமர் அவதாரம் நிகழ்ந்தது வைகாசி மாத அட்சய த்ரிதியையில்தான் ..

வானளாவிய சீர்படைத்த மாதவ மாதம் வைகாசி- வசந்தம் தரும் மாதம்..

வைசாக பூர்ணிமைதான் புத்த பூர்ணிமை.

Sri Subramaniaswamy temple at Kumara Vayalur
near Tiruchi ‘Vaikasi Visakam' festival

Sri Sugavaneswarar Temple in Salem Vaikasi Vishakam Peruvizha’

நல்லூர்பேட்டை
Sri Renukadevi is celebrated as Sri Gangai Amman.Padavedu Sri Renukambal temple.

வைகாசி விசாக திருவிழா - முளைப்பாரி , காவடி, பால்குடம்,

Mylapore temple VASANTA UTSAVAM

pulling the car of Kottai Alagiri Nathar temple in Salem Vaikasi Vishakam festival.-

ஸ்ரீஆஞ்சநேயர் கடாக்ஷம்

2012-05-19T18:32:00.004+05:30

ஸர்வ கல்யாண தாதாரம்

ஸர்வா பத்கந வாரகம்

கருணா மூர்த்திம்

ஆஞ்சநேய நமாம்யஹம்

ஸ்ரீ ராம ராமாய ஸ்வாஹா

ஸ்ரீராமதூதாய ஆஞ்சநேயாய, வாயுபுத்ராய, மஹாபலாய,

ஸீதாதுக்க நிவாரணாய, லங்காவிதாஹகாய, ம்ஹாபலப்ரசண்டாய,

பல்குணஸகாய, கோலாஹல ஸகல ப்ரஹ்மாண்ட பாலகாய,

ஸப்தஸமுத்ர நிராலங்கிதாய, பிங்கள்நயநாய அமித விக்ரமாய,

ஸூர்யபிம்பஸேவகாய, துஷ்ட நிராலம்ப க்ருதாய,

ஸஞ்சீவிநீ ஸமாநயந ஸம்ர்த்தாய,

அங்கத லக்ஷ்மணகபிஸைந்ய ப்ராணநிர்வாஹ்காய,

தசகண்ட வித் வம்ஸநாய ராமேஷ்டாய, பல்குணஸகாசாய,

ஸீதாஸஹித ராம சந்த்ர ப்ரஸாதகாய

ஷட்ப்ரயோகாங்க பஞ்சமுகி ஹநுமதே நம:

சுக வாழ்வு அளித்து அகங்காரம் போக்கும் ஹனுமான்.

ஆஞ்சநேயர் சிவ கடாக்ஷம் பெற்றவர். மகேசனின் மற்றொரு ரூபம், சிரஞ்சீவி.

ஹனன் - அழிப்பவர், மன் - மனம், தான் எனும் அகங்காரத்தை மனதிலிருந்து அழிப்பவராதலால் அனுமன் என்று பெயர்.

கர்ணனைப் போலவே காதணிகளுடன் பிறந்தவர்.

வாயு, கருடனைவிட வேகமாகச் செல்லும் சக்தியை, நான்முக பிரம்மன் அனுமனுக்கு வரமாக அளித்தார்.

சூரியனைத் தன குருவாகக் கொண்டவர்.நவவியாகரணங்களையும் சூரி யனின் வேகத்துக்கு ஈடுகொடுத்து குருவின் முன்னிலையில் கைகட்டி வாய்பொத்தி அடக்கத்தின் திரு உருவாக கற்றுகொண்ட கல்விமான் அனுமன் !

குருதட்சணையாகத் தன மகன் சுக்ரீவனுக்குக் கடைசி வரை துணையாக இருக்கும்படி சூரியன் கேட்டுக் கொள்ள, அதன்படி வாலியிடமிருந்து

அரசுரிமையைப் பெற்றுத் தந்தார் அனுமன் ...

குருவணக்கமாக சூரிய நமஸ்காரத் தோத்திரத்தை பாடியவர்.

தகப்பனார் வாயுபகவானிடமிருந்து பிராணாயாமம் கற்று, பின் அதை மனித குலத்துக்கு அருளியவர்.

இலங்கேசுவரனின் பிடியிலிருந்து நவக்கிரகங்களை மீட்டதால், கோள்கள் அவருக்குக் கீழ்படியும் என்பது ஐதீகம்.

ஏழரை ஆண்டுச் சனியாக அனுமனைப் பிடித்த சனீஸ்வர பகவான், ஏழரை நிமிடங்கள் கூட இவரிடம் தாக்குப் பிடிக்க முடியாமல் விட்டுவிட்டான். அனுமனை வழிபட்டால் சனி பகவான் தோஷம் நீங்கும்.

மகாவீரராகிய அனுமன் முழுக்க முழுக்க புலன்களை வென்றவர். ஆச்சரியப்படத்தக்க அறிவுக் கூர்மை வாய்ந்தவர் அனுமன் ஒரு பக்கம் சேவையின் இலட்சியமாக விளங்குகிறார்.

மற்றொரு பக்கத்தில் உலகம் முழுவதும் நடுங்கச் செய்கின்ற சிங்கம் போன்ற தைரியத்தின் வடிவமாகவும் விளங்குகிறார்.

ஆஞ்சநேய பகவானை,கெட்டியாகப் பிடித்து நமக்கு நல்ல வழி காட்ட வேண்டி வழிபட்டு எல்லா வளமும் பெறலாம்..

இராமாவதாரத்தின் முடிவினில் “சீதாதேவி பூமியினில் சென்றுவிட்டால் மறுபடியும் என்னை எவ்வாறு அடைவாய்” என்று ஸ்ரீராமன் சீதையிடம் கேட்டார்.

அதற்கு சீதாதேவி, “நான் மறுபடியும் (திருத்துழாய்) துளசியாக வந்து உன் திருவடியை அடைவேன்” என்று கூறியதாக புராணங்கள் கூறுகிறது.

எனவே, துளசி இருக்குமிடத்தில் ஸ்ரீ ராமர் இருக்கின்றார். ஸ்ரீராமன் இருக்குமிடத்தில் ஹனுமான் இருக்கின்றார் என்ற ஐதீகத்தினைக் கொண்டு, துளசியை மாலையாக ஸ்ரீ ராமனின் பிரசாதமாக ஆஞ்சநேயருக்கு அணிவித்தால், ஹனுமான் மிக்க மகிழ்வுற்று வேண்டுவோருக்கு வேண்டியவற்றைத் தந்து அருள்வார் என்பது நம்பிக்கை..

விஷத்தை முறித்து, உடலுக்கு வெப்பத்தை தரும் சக்தி துளசிக்கு உண்டு. நிர்மால்ய தோஷம் இல்லாதது துளசி ..

துளசி மாடக் கோலம் -

pப்பெங்களூர்

மும்பை பாலாஜி மந்திர் அனுமன் தங்கக்கவசம்

sury has left a new comment on your post "ஸ்ரீஆஞ்சநேயர் கடாக்ஷம்":

Highly motivating

and inspiring

just recollected the Hanumath satha namavali and recited on dharsan of hanuman in your blog
http://youtu.be/hcDzb3BWOgA
subbu thatha
mena paatti

YouTube - Videos from this email

ஸ்ரீ லட்சுமி வர்ஷிக்கும் அமிர்த தாரை

2012-05-18T17:05:00.000+05:30

ஆதித்ய வர்ணே தபஸோதி ஜாதோ வனஸ்பதி ஸ்தவ வ்ருஷோதபில்வ

-ஸ்ரீ சுக்தத்தில், ஸ்ரீ லட்சுமிக்கு வில்வம் விசேஷம்என்று சொல்லப்பட்டுள்ளது.

சூரியனின் வர்ணத்தோடு கூடியவளே! தபஸ்சினாலே உணரப்படுவளே! உன்னுடைய வனஸ்பதி வில்வ விருசமாகும்'' என்பது பொருள்.

வில்வ விருட்சபழங்கள், மாயையான(திருவின்மை) தடைகளை நீக்கி, (லட்சுமிகரமாக) ஆக்கும்.

ஸ்ரீ லட்சுமியை வில்வத்தால் அர்ச்சித்து பூஜிப்பது மிகவும் விசேஷம். அர்ச்சிக்கும் போது, வில்வத்தை தளப் பக்கமாக பூஜிக்க வேண்டும். ஏன் என்றால் வில்வ தளத்தில் அமிர்த தாரையாக லட்சுமி வாசம் செய்கிறாள். அதேபோல் தாமரை மலரால் லட்சுமி பூஜிக்கும் போதும் தாமரையின் பூ உள்ள பக்கமாக பூஜிக்க வேண்டும்.
ஸ்ரீ லட்சுமியை சாமந்திப் பூ, தாழம் பூ இலைகளாலும் அர்ச்சிக்கலாம்.

ஸ்ரீரங்க சேத்திரத்தின் தல விருட்சம் வில்வம்,

திருவஹீந்திரபுரத்து ஹோமாம்புஜநாயகி தாயாருக்கு வில்வார்ச்சனை தான் செய்து வருகிறார்கள்.

வில்வ மரத்தைப் பிரதட்சிணம் செய்வது ஸ்ரீ லட்சுமியை வலம் வருவதற்குச் சமமாகும்.

திருமலை ஸ்ரீ வெங்கடேச பெருமானுக்கு மார்கழி மாதம் வில்வார்ச்சனை செய்கிறார்கள்.

வைகாசன ஆகமத்தின் போது வில்வம் உபயோகப்படுத்தப்படுகிறது.

வாமன புராணத்தில் திருமகளின் திருக்கரங்களில் இருந்து வில்வ விருட்சம் தோன்றியது என்றும்ஸ்ரீலட்சுமி தவம் செய்வதற்கு வில்வ மரத்தடியில் எழுந்தருளினாள் என்றும் கூறப்பட்டுள்ளது.

வில்வ பத்திரம் சிவ சொரூபம், வில்வ மர முட்கள் சக்தி வடிவம், கிளைகள் வேதம், வேர்கள் 14 கோடி ருத்ரர்கள்.

இத்தனை மந்திர சக்தி சொரூபமான வில்வ மரமே ஸ்ரீ லட்சுமி சொரூபமாக விளங்குகிறது என்பது புராணம்.

நெல்லி மரம் திருமாலின் பேரருளைப் பெற்றது. அது காரணம் பற்றியே நெல்லி மரத்தை ``ஹரி பலம்'' என்று கூறுவர். நெல்லிக்கனி இருக்கும் இல்லத்தில் ஸ்ரீ லட்சுமி நிரந்தரமாக வாசம் புரிகிறாள்.

ஒரு அந்தணன் மகாலட்சுமிக்கு ப்ரீதியான நெல்லி மரத்தடியில் உயிர் நீத்த புண்ணியத்தால் வைகுண்ட பிராப்தியை பெற்றான்.

நெல்லிக்கனியை பிட்சை இட்டதற்காக, கடும் வறுமையில் வாடிய குடும்பத்தவர்களுக்கு கனகமணி கட்டிகளை வர்ஷித்தவள் மகாலட்சுமி. குபேர பட்டணத்தில் நெல்லி விருட்சங்களை நெடுகிலும் காணலாம். அதனால் தான் நெல்லி மர வழிபாட்டால் குபேர சம்பத்தைக் கொடுக்கும் என்பது உள்ளங்கை நெல்லிக்கனி !

துளசி செடியிலும் லட்சுமி எழுந்தருளியுள்ளாள்.

மஞ்சளிலும் ஸ்ரீ லட்சுமி வாசம் செய்கிறாள்.

மஞ்சள் செடியை வளர்ப்பது விசேஷம்.
மங்களகரமான பொருள் மஞ்சள் என்பதால், எல்லாவிதமான சுபமுகூர்த்தங்களுக்கும் மஞ்சள் உபயோகப்படுகிறது.

மஞ்சள் கலந்த மந்திராட்சதை - மங்களார்த்தி என்று கூறப்படும் மஞ்சள் நீர், மஞ்சள் பூசிய மாங்கலய சரடு என்று பல மங்களகரமான பொருட்களோடு, மஞ்சள் கலந்து சர்வ மங்களமாகிறது.

பெண்களின் நெற்றியிலும், வகிட்டிலும் இட்டுக் கொள்ளும் மஞ்சள் குங்குமம் பெண்களின் சௌபாக்கிய சின்னமாக விளங்குகிறது.

குங்குமத்துடன் விளங்கும் பெண்களை மகாலட்சுமி மாதிரி இருக்கிறாள் என்று கூறுவது நமது மரபு.

ஸ்ரீ வைஷ்ணவர்கள் அணிந்து கொள்ளும் திருமண், ஸ்ரீ சூர்ணம் அவற்றிலும் திருமாலும், ஸ்ரீமகளும் வாசம் செய்கின்றனர்.

ஸ்ரீ சூர்ணத்தை ஹரித்ராசூர்ணம் என்று கூறுவர். மஞ்சளினால் செய்யப்பட்டது தான் ஸ்ரீ சூர்ணம். அதுவே ஸ்ரீ லட்சுமி.

அதேபோல் திருமண் என்றால் திவ்யமான மண் என்று பொருள்.

திருமண் திருமாலின் அம்சமாகக் கருதப்படுகிறது.

திருமண்ணையும் ஸ்ரீ சூர்ணத்தையும் சேர்த்து நெற்றியில் இட்டுக் கொள்வது தான் பாக்கியம்.

ஒன்றை விட்டு ஒன்றை மட்டும் இட்டுக் கொள்ளுதல் கூடாது.

ஸ்ரீ ராமச்சந்திர பிரபுவையும், சீதா பிராட்டியாரையும் சேர்த்துப் போற்றிப் பணிந்த ஆஞ்சநேய மகாப் பிரபுவும், அவரது திருவடியைச் சிந்தனையிலே கொண்ட பக்தர்களும் சகல சவுபாக்கியங்களுடனும் வாழ்கின்றனர்.

இல்லங்களை ஸ்ரீ லட்சுமி கடாட்சத்துடன் வைத்துக் கொள்ள வேண்டும். அப்போது தான் அவள் நம்முடன் வாசம் செய்வாள்.

புராண காலத்தில் யாக சாலைகளில் விதவிதமான வண்ணக் கோலங்களை போட்டு, அக்கோலங்களின் மீது ஹோம குண்டங்களை அமைப்பதை பழக்கமாக கொண்டிருந்தனர்.

ஸ்ரீ லட்சுமி தேவி தீபமங்கள ஜோதியாக விளங்குகிறாள். இல்லத்திலே விளக்கு எரிவதால் லட்சுமி நிரந்தரமாக வாசம் புரிவா..

ஸ்ரீலட்சுமி திருமாலின் வக்ஷ்சத் தலத்தில் நித்திய வாசம் புரிகின்றாள். சுமங்கலிகள், பூரண கும்பம்-மஞ்சள், குங்குமம், திருமண், சூர்ணம், கோலம், சந்தனம், வாழை, மாவிலைத் தோரணம், வெற்றிலை, திருவிளக்கு, யானை, பசு, கண்ணாடி, உள்ளங்கை, தீபம் ஆகிய லட்சுமிகரமான மங்கலப் பொருட்களில் மகா லட்சுமி நித்தியவாசம் புரிகிறாள்.

அழகு, தைரியம், அடக்கம், அறிவு, ஆற்றல், தர்மசிந்தனை, பொறுமை, தெய்வபக்தி, ஐம்புலன் அடக்கம், சத்துவ குணம் இத்தகைய மனோபாவம் உடைய மனிதர்களிடத்தும் திருமகள் நிலையாக வாசம் செய்கின்றாள்.

தேவர்களிடத்திலும் பிரம்ம ஞானியர்களிடத்திலும் பரமனடியார்களிடத்திலும் பக்தி உள்ளோர் கிருஹங்களிலும், பசுக்களிடத்திலும், அந்த பசுக்களை பராமரிக்கும் பெண்களிடத்திலும் ஸ்ரீதேவி நித்யவாசம் புரிகிறாள்.

வில்வ மரம், நெல்லி மரம், துளசி, மஞ்சள் ஆகிய மரம் செடிகளிலும் ஸ்ரீலட்சுமி வசிக்கிறாள்.

Lord Srinivasa of Kudavasal

Kudavasal Srinivasa Perumal - The only temple where Lord Srinivasa is seen facing North

Friday Thirumanjanam and Thursday Nethra Darshan are performed similar to Tirupathi temple

குருவருள் கூடும் திருப்பெயர்ச்சி..

2012-05-17T18:37:00.000+05:30

குரவே ஸர்வ லோகாநாம் பிஷஜே பவ ரோகிணாம்
நிதயே ஸர்வ வித்யாநாம் தட்சிணாமூர்த்தயே நமஹா.

குரு காயத்ரி மந்திரம்

தேவனாம்ச ரிஷிணாம்ச குரும் காஞ்சன ஸந்நிபம்
பக்தி பூதம் த்ரிலோகேசம் தம் நமாமி ப்ருஹஸ்பதிம்.

ஓம் விருஷபத்வஜாய வித்மஹே
க்ருணி ஹஸ்தாய தீமஹி
தந்நோ குரு ப்ரசோதயாத்”
குரு பார்க்க கோடி நன்மை' .. குருவருள் இருந்தால் தான் இறைவனின் திருவருள் கிடைக்கும் என்பது பழமொழி.சுபக் கிரகமாக குருபகவான் நவக்கிரகங்களில் முதன்மையானதாக திகழ்கிறார்.
இரண்டு முழு சுப கிரகங்களான குருவை தேவகுரு என்றும்; சுக்கிரனை அசுர குரு என்றும் புராணங்கள் வர்ணிக்கின்றன்..,

குரு ஒருவரே முழு சுபகிரகமாகவும் நல்லதைச் செய்ய வல்லவராகவும் திகழ்வதால் "தை பிறந்தால் வழி பிறக்கும்' என்று பொதுவாகச் சொல்வதுபோல் குருப் பெயர்ச்சியினால் விமோசனம் ஏற்படும் என்றும்; குருபார்வையில் நன்மைகள் நடக்கும் என்றும் நம்பிக்கை நிலவுகிறது...
எந்த‌ப் ப‌ரிகார‌ங்க‌ள் செய்தாலும் குருவின் திருவ‌ருள் இல்லை என்றால் பரிகாரங்களினால் எந்த நற் ப‌லனும் ஏற்ப‌டாது.
குருவருளின்றித் திருவருள் இல்லை!!!!
தென்திசை பார்த்து, கால்மேல் கால் போட்டு, ஆலமரத்தின் கீழ் அமர்ந்திருக்கும் தக்ஷிணாமூர்த்தி சிவபெருமானின் ஞான வடிவம்.

மௌனமாக உட்கார்ந்து ஞானதீட்சை அளிக்கும் சிவ மூர்த்தி..

நவகிரஹ குருவின் ராசி மாற்றத்தை ‘குரு பெயர்ச்சிப் பலன்’ என தக்ஷிணாமூர்த்தியைச் சித்தரிக்கிறார்கள்.
கொண்டைக்கடலை, மஞ்சள் துணி முதலானவை வியாழ பகவானுக்கு உகந்தவை.. அவற்றுக்கும் தக்ஷிணாமூர்த்திக்கும் தொடர்பில்லை.

ஜகத் குரு தட்சினாமூர்த்தி தேவர்களின் குரு பிருகஸ்பதி - வியாழன்

மூலவர் வசிஷ்டேஸ்வரர்

ராஜகுருவாக எழுந்தருளி குரு பகவான் தனி சன்னதியில் தனி விமானத்துடன்பக்தர்களுக்கு அருள்பாலித்து வரும் குருபரிகார தலமான தஞ்சை மாவட்டம் தென்குடி திட்டையில் வசிஷ்டேஸ்வரர் கோவிலில் .ஈஸ்வரனுக்கும், அம்பாளுக்கும் இடையில் தனி சன்னிதியில் குரு பகவான் ராஜ குருவாக எழுந்தருளியுள்ளார்.

மற்ற குரு ஸ்தலங்களில் தட்சிணாமூர்த்திக்கே குருபெயர்ச்சி நடத்தப்படும். இங்கு மட்டும்தான் குருவுக்கு பெயர்ச்சிவிழா கொண்டாடப்படுகிறது..

குருயந்திரம் - எண் வசிய எந்திரத்தை சிறிய மஞ்சள் அட்டையில் எழுதி பூஜை அறையில் வைத்து வணங்கலாம்..

10 5 12
11 9 7
6 13 8

திருவாரூர் மாவட்டம் வலங்கைமான் அருகேயுள்ள ஆலங்குடி ஆபத்சகாயேஸ்வரர் கோவில் தமிழகத்திலேயே முதன்மை வாய்ந்த குரு பரிகார தலமாக குரு பகவான் தனி சன்னதியில் எழுந்தருளி பக்தர்களுக்கு அருள்பாலிக்கும் ஆலயமாகும்...

ஆல‌ங்குடியான‌ குருஸ்த‌ல‌த்தில் சர்வ லோக‌ குருவாக தானே வீற்றிருக்கிறார்..

தங்கக்கவசத்தில் பொன்னன் என அழைக்கப்படும் குருபகவான்

புண்ணிய நதிகளுக்கும், கண்ணுவர் போன்ற முனிவர்களுக்கும் சிவஞானம் பெற்றிட வழிகாட்டிய சிவபெருமான் எழுந்தருளிய தலமான மயிலாடுதுறையிலிருந்து சிதம்பரம் போகும் பாதையில் வள்ளலார் கோவில் சிவாலயத்தில் மேதா தட்சிணாமூர்த்தி நந்தி வாகனத்தில் காட்சியளிக்கிறார்.
சிவபெருமான் குருமூர்த்தமாக (தட்சிணாமூர்த்தியாக) இருக்கும் பொழுதும் தன்னைத் தாங்கும் தனிப்பெரும் உயர்நிலையை ரிஷபதேவருக்கு அருளினபடி, மயிலாடுதுறை வள்ளலார் கோவிலில், தட்சிணாமூர்த்தி ரிஷபத்தின் மீது அமர்ந்த நிலையில்காட்சி தருகிறார்.

இவரை, ‘மேதா தட்சிணாமூர்த்தி’ என்று போற்றுகின்றனர். இத்திருக்கோவிலில் தட்சிணாமூர்த்திக்கென்று தனியே திருவிழா நடைபெறுகிறது. தட்சிணாமூர்த்தி உற்சவமூர்த்தமும் உண்டு.

தட்சிணாமூர்த்தி மூல மந்திரம்
ஓம் நமோ பகவதே தட்சிணாமூர்த்தயே
மஹ்யம் மேதாம் பிரக்ஞாம் ப்ரயச்ச நமஹா.

கும்பகோணம், ஆடுதுறை அருகில் சூரியனார் கோவிலில், சூரியனுக்கு எதிரில் குரு எழுந்தருளியுள்ளார்.

சென்னைக்கு அருகில் தற்போது பாடி என்று அழைக்கப்படும்திருவலிதாயத்தில்
இறைவனின் பெயர் திருவல்லீஸ்வரர், இறைவி ஜகதாம்பிகை. திருஞானசம்பந்தர் இந்தப் பகுதிக்கு விஜயம் செய்தபோது அவரால் பாடல் பெற்ற பெருமை உடையது.
“கரிகால் சோழன் பாடிவீடு (army camp) கட்டி அங்குத் தங்கினான்.
வசிஷ்டர், குருவி உருவில் இருந்து சிவனை வழிப்பட்ட தலம் குரு ஸ்தலம்’ என பிரபலமாகிவிட்டது...

மயிலாடுதுறை பேரளம் பூந்தோட்டம் அருகில் திருவீழிமிழலையில் ஸ்ரீ யோக தட்சிணா மூர்த்தியாக அருள்பாலிக்கிறார்..

சென்னையில் இருந்து சுமார் 56 கிலோ மீட்டர் தொலைவிலும், திருப்பதியில் இருந்து 75 கி.மீ. தொலைவிலும் சுருட்டப்பள்ளி உள்ளது.

ஆலகால விஷத்தை உண்டு சிவபெருமான் மயக்க நிலையில்
அன்னை பார்வதி மடியில் தலை வைத்து உறங்கும் காட்சியில் பக்தர்களுக்கு
அருள் பாலிக்கிறார்.

நால்வர் தமிழ்கொடுத்த ஞானக் கிறக்கமோ

மாங்கனி தந்த மயக்கமோ-ஆலத்தை

உண்ட மயக்கமோ உத்தமியாள் பேரழகைக்

கண்ட மயக்கமோ கூறு

ஸ்ரீ சர்வமங்கள ஸமேத பள்ளிக்கொண்டீஸ்வரர் ஆலயம் சுருட்டப்பள்ளி

அம்பாளை மடியில் இருத்தியபடி தாம்பத்ய தட்சிணாமூர்த்தியாகவும் அருள்புரிகிறார்.
பதஞ்சலி, வியாகர பாதர்களுடன், ரிஷபாரூடராய் தேவியை அனைத்த வண்ணம் சின்முத்திரையுடனும், ஞான சக்தியுடனும் காட்சியளிக்கிறார். அம்பிகையின் பெயர் கவுரி.
தேவ்யாலிங்கித வாமாங்கம் பாதோ தபஸ் மூர்திம் சிவம்!
நந்தி வாஹன மீஸானம் ஸ்ரீதாம்பத்ய தட்சணாமூர்த்தியே நமஹ!!
ஸ்ரீ கௌரி ஸ்மேத தட்சிணாமூர்த்தி

ஸ்ரீதட்சிணாமூர்த்தி எந்தத் திருக்கோலத்தில் எழுந்தருளினாலும் அவரை வழிபட்டால் குருவின் திருவருள் கிட்டும்; ஞானம், கல்வியில் சிறந்து விளங்கலாம்; குரு தோஷம் நீங்கும் ..

தேனி மாவட்டம், சின்னமனூர் அருகில் குச்சனூர் ஆதீனம் ராஜயோகம் தரும் வட குரு பகவான் ஸ்தலத்தில் குரு யானை வாகனத்தில் காட்சியளிக்கிறார்.

சோழவந்தான் அருகே குருவித்துறை சித்திர ரத வல்லப பெருமாள் கோயில் முன்பு குருபகவான் கோயில் அமைந்துள்ளது. தமிழகத்தில் வேறு எங்கும் இல்லாத வகையில் இக்கோயிலில் மட்டும் குருபகவான் தவக்கோலத்தில் சக்கரத்தாழ்வாருடன் தனிசந்நிதியில் காட்சியளிக்கிறார்.

இதனால் இக்கோயில் சிறந்த குருபரிகார ஸ்தலமாக விளங்குகிறது.

http://jaghamani.blogspot.com/2011/10/blog-post_13.html
அருளும் குருவும் திருவும்

குரு துதிப் பாடல்

மறைமிகு கலை நூல் வல்லோன் வானவர்க் காசான் மந்திரி
நறைசொரி கற்பகப் பொன் நாட்டினுக்கு அதிபனாகி
நிறைதனம் சிவிகை மண்ணில் நீடுபோகத்தை நல்கும்
இறையருள் குரு வியாழன் இரு மலர்ப் பாதம் போற்றி!

ஞானத்தைத் தரும் குரு என்ற முறையில் குரு பெயர்ச்சி காலங்களில் தட்சணாமூர்த்திக்கு பூஜை செய்யப்படுகிறது.
குருபெயர்ச்சியால் பரிகாரம் செய்ய வேண்டிய ராசிக்காரர்கள் விஷேடமாக தட்சணாமூர்த்தியை தரிசிக்கிறார்கள்..

மாணிக்கவாசகர் இறைவனை நாயகனாகவும், குருவை சகியாகவும் உருவகித்துப் பாடியுள்ளார். நாயகனான இறைவன் மேல் தீராத பக்தி கொண்ட நாயகி சோலையில் பறந்து திரியும் இராஜ வண்டிடம், "நீ ரீங்காரம் செய்து பாடும் போது இறைவனுடைய தொன்மைக் கோலத்தையும், பெருமைகளையும் பாடு" எனக் கூறுவது போல் பாடப் பட்ட திருவாசகப் பாடலே கோத்தும்பி ஆகும்.

கோத்தும்பி என்றால் வண்டுகளுக்கெல்லாம் அரசனாக விளங்கும் இராஜ வண்டைக் குறிக்கும்.

சிற்ப அற்புதங்கள் நிறைந்த புதுக்கோட்டை ஸ்ரீபிரகதாம்பாள் திருக்கோயில் ஒவ்வொரு சந்நிதியிலும் அழகு ததும்பி நிற்கிற இறைத் திருமேனிகளைக் கண்குளிரத் தரிசிக்கும் சிறப்புத்தலத்தில் முழுமுதற் கடவுளும் ஆனைமுகனுமான ஸ்ரீவிநாயகருடன், ஞானகாரகனாக ஸ்ரீகுரு தட்சிணாமூர்த்தி அருள்பாலித்து,சகல தோஷங்களும் விலக்கி, எடுத்த காரியங்கள் யாவும் வெற்றியைத் தேடித் தரும்; குருவின் பேரருள் கிடைக்கப் பெற்று, கல்வி- கேள்விகளிலும், தொழில் மற்றும் வேலையிலும் முன்னுக்கு வருவார்கள் என்பதி ஐதீகம்..
புதுக்கோட்டை மன்னருக்கு குருவருள் கிடைத்த தலம் !
ஸ்ரீவிநாயகருடன் காட்சி தரும் ஸ்ரீதட்சிணாமூர்த்தியை வணங்கி வற்றாத வளம் பெறலாம் !

குருர் ப்ரம்மா குருர் விஷ்ணு குரு தேவோ மஹேஸ்வரஹ
குரு சாட்சாத் பரப்ரம்மா தஸ்மை ஸ்ரீ குரவே நமஹா.
என்கிற குரு மந்திரப்படி பிரம்மாவே முதல் குரு

திருவேங்கைவாசல் குரு தட்சிணாமூர்த்தி சந்தன காப்பு அலங்காரம்.

ஞாயிறு திங்கள்செவ்வாய் புதன்வியாழன் வெள்ளி
சனிபாம் பிரண்டு முடனே
ஆசறு நல்லநல்ல அவைநல்ல நல்ல
அடியா ரவர்க்கு மிகவே”

குதூகல குடும்ப தினம் வாழ்த்துகள்

2012-05-16T19:13:00.000+05:30

அன்னையர் தினம் கொண்டாடிய இதே வாரத்தில்சர்வதேச குடும்ப தினமும் குதூகலமாக கொண்டாடப்படுகிறது..
'சர்வதேச குடும்ப தின'த்திலும் அன்னையர்குளுக்கு ஐக்கிய நாடுகள் சபை முக்கயத்துவம் கொடுத்திருக்கிறது மகிழ்ச்சி அளிக்கிறது.

ஐக்கிய நாடுகள் சபை 1992 -ஆம் ஆண்டு பிரகடனப்படுத்தப்பட்டு, ஆண்டு தோறும் மே 15 -ஆம் தேதி 'சர்வதேச குடும்ப தினம்' - கடைபிடிக்கப்பட்டு வருகிறது..

குழந்தைகளும், இளைஞர்களும் கல்வியிலும், வாழ்க்கையிலும் சிறப்பான நிலையினை அடைய, பெற்றோரும், சமூகமும் உறுதுணையாக இருப்பது அவசியம்

குடும்ப ஒற்றுமையின் முக்கியத்துவத்தை அனைவரும் உணர வேண்டும். ,ஒவ்வொருவரும் குடும்பத்துக்கு முக்கியத்துவம் கொடுக்கும் நோக்கத்துடன் ஐ.நா., சார்பில், மே 15ம் தேதி சர்வதேச குடும்ப தினம், கொண்டாடப்படுகிறது.

எந்த சூழ்நிலையிலும், எந்த வயதினிலும், யாரும் குடும்பத்தை கைவிடாமல் ஆதரவளிக்க வேண்டும் என்பதை சர்வதேச குடும்ப தினம், வலியுறுத்துகிறது.

வாழ்வாதாரத்திற்காக வெளிநாடுகளுக்கு இடம் பெயர்ந்துள்ளவர்கள் உலகம் முழுவதும் பரவி வாழ்ந்து வருகின்றனர்..

இவர்களது குடும்பம், இவர்களைத் தான் சார்ந்து உள்ளது. என்ன தான் இவர்கள், குடும்பத்திற்கு வருமானமோ அல்லது பாசத்தையோ அங்கிருந்து அளித்தாலும், அருகில் இல்லாதது அவர்களது குடும்பங்களுக்கு ஏமாற்றமாகவே இருக்கும்.

குடும்பங்களுக்கிடையே சமத்துவத்தை வளர்க்கவும், வீட்டு பொறுப்புகள், தொழில் வாய்ப்புகள், கல்வி மற்றும் வேலைவாய்ப்பில் குடும்பங்களின் பங்களிப்பை உணர்த்தவும் இத்தினம் கடைப்பிடிக்கப்படுகிறது.

ஐக்கிய நாடுகள் சபை வெளியிட்ட அறிக்கையில், அகதிகளாக உலகம் முழுவதும் வாழும் மக்களின் எதிர்காலம் பிரச்சனைகள் பற்றி குறிப்பிட்டுள்ளனர்.

"மாறி வரும் உலகில் , பல சவால்களை நாம் எதிர்நோக்கி உள்ள இந்த சூழ்நிலையில், ஒரு சிறந்த அடுத்த தலைமுறையை உருவாக்குவதில் அகதிகளற்ற சமுதாயம் முக்கியத்துவம் " என்று அறிக்கை குறிப்பிடுகிறது.

மாறிவரும் உலகத்தில் அன்னையர்களும் குடும்பங்களும் சந்திக்கும் சவால்களை கருவாகக்கொண்டு, அந்த சவால்களை எதிர் கொள்ளவும், அன்னையர்கள் சந்திக்கும் பிரச்சனைகளையும், அதற்கான பாதுகாப்பு நடவடிக்கைகளுக்கும்முக்கியத்துவம் கொடுக்கப்பட்டுள்ளது.

வளர்ந்து வரும் நாடுகளில் உள்ள மகப்பேறு மருத்துவ வசதிகள், பெண்களுக்கு எதிரான வன்முறைகள் மற்றும் பெண் கல்விக்கான அவசியம் குறித்த முக்கியத்துவத்தை பெறுகிறது..

கற்பனை கடந்த கற்பகம்

2012-05-15T19:37:00.000+05:30

பிள்ளையார் பிள்ளையார் பெருமை வாய்ந்த பிள்ளையார்
ஆற்றங்கரை ஓரத்திலே அரச மரத்து நிழலிலே
வீற்றிருக்கும் பிள்ளையார் வினைகள் தீர்க்கும் பிள்ளையார்

ஆறுமுக வேலவனின் அண்ணனான பிள்ளையார்
நேரும் துன்பம் யாவையும் தீர்த்துவைக்கும் பிள்ளையார்

ஊரைக் காக்கும் பிள்ளையார் உலகை காக்கும் பிள்ளையார்
பாரிலுள்ள அனைவருக்கும் பலனளிக்கும் பிள்ளையார்

மஞ்சளிலெ செய்யினும் மண்ணினாலெ செய்யினும்
ஐந்தெழுத்து மந்திரத்தை நெஞ்சில் காட்டும் பிள்ளையார்

அவல் பொரி கடலையும் அரிசி கொழுக் கட்டையும்
கவலை யின்றித் தின்னுவார் கண்ணை மூடி தூங்குவார்

கலியுகத்தின் விந்தையை காண வேண்டி அனுதினம்
எலியின் மீது ஏறியே இஷ்டம் போலச் சுற்றுவார் (பிள்ளையார்)

மூஷிக வாஹன மோதகஹஸ்த
சாமரகர்ண விளம்பித சூத்ர
வாமனரூப மஹேஸ்வர புத்ர
விக்ன விநாயக பாத நமஸ்தே!!''

அணுவுக்கு அணுவாகவும், பெரிதுக்கும் பெரிதானவனுமாக இறைவன் இருக்கிறான் என்பதைத் தத்துவ வடிவில் உணர்த்த யானை வடிவம் கொண்ட விநாயகர் சிறிய எலி வாகனத்தில் ஆரோகணிப்பதாக சொல்லப்படுகிறது..

கற்பனை கடந்த அற்புத கற்பகக்க்ளிறு....

ஒரு பெரிய உருவம் ஒரு சிறிய விலங்கின் மீது ஏறி அமர்கிறது என்று இதற்கு பொருள் கொள்ளக்கூடாது.

பார்வையில்லாத ஐவர் ஒரு யானையைத் தொட்டுப்பார்த்தனர். ஒருவர் யானையின் வயிறைத் தொட்டு, அது சுவர் போல் இருப்பதாகச் சொன்னார். இன்னொருவர் அதன் வாலைத் தொட்டு கயிறு போல் இருக்கிறதென்றார். மற்றொருவர் காலைத் தொட்டு தூண் போல் உள்ளதென்றார்.
ஒருவர் துதிக்கையைத் தொட்டு உலக்கை போல் இருக்கிறதென்றார்.
ஒருவர் காதைத் தொட்டு முறம் போல் உள்ளதென்றார்.
இதில் எதுவுமே உண்மையில்லை.

அதுபோல், இறைவனையும் இன்னாரென வரையறுத்துச் சொல்ல முடியாது. அவரது குணநலன்களை அறிந்து கொள்ள முடியாது.

எலி மீது யானை ஏறுவதென்பது எப்படி கற்பனைக்கு கூட சாத்தியமில்லையோ, அது போல் இறைவனும் நம் கற்பனைகளையெல்லாம் கடந்தவன் என்பதே இதன் தத்துவம்.

சமயக் குரவர்களில் ஒருவரான சுந்தரமூர்த்தி சுவாமிகள் இல்லறம் வெறுத்து, கைலாயம் செல்ல எண்ணி சிவபெருமானைப் புகழ்ந்து பாடிக் கொண்டிருந்தார்.
சிவன் அவரை கைலாயத்திற்கு அழைத்துச் செல்ல ஐராவதம் என்னும் தேவலோக யானையையும், தேவர்களையும் அனுப்பினார்.
சுந்தரரும் யானை மீது கிளம்பி விட்டார்.

அப்போது வெளியில் சென்றிருந்த சேரமான் பெருமாள், வானத்தில் இந்த அதிசயத்தைப் பார்த்தார்.
அவருக்குச் சுந்தரரைப் பிரிய மனமில்லை. எனவே, தன் குதிரையில் ஏறிய அவர் அதன் காதில் "சிவாயநம' என்னும் பஞ்சாட்சர மந்திரத்தை ஓதினார்.

உடனே குதிரையும் கைலாயத்தை நோக்கிப் பறந்தது.

இப்படி சென்ற சுந்தரரும், சேரமான் பெருமாளும், கீழ் நோக்கிப் பார்த்தனர். ஓரிடத்தில் ஔவையார் விநாயகர் பூஜையில் இருப்பதைக் கண்டு "தாங்களும் வாருங்களேன் பாட்டி' என்று அழைத்தனர்.
பூஜையை முடித்து விட்டு வருகிறேன் என்று அவ்வைப்பாட்டி பதில் அளித்தாள். அப்போது விநாயகர் அவ்வையார் முன் தோன்றி, "தாங்களும்ம் கைலாயம் போக வேண்டுமா?' என்றார்.

"நீ இருக்கும் இடமும், உன்னைப் பூஜிக்கும் இடமுமே எனக்கு கைலாயம் போலத்தான். நீ விருப்பப்பட்டால் என்னை கைலாயத்திற்கு கொண்டு போ' என்றார் அவ்வையார்.

"ஔவையே! நீ குழந்தைகளுக்காக நிறைய பாடியிருக்கிறாய். தெய்வக் குழந்தையான என்னைப் பற்றி ஒரு பாட்டுப் பாடு' என்றதும், "சீதக்களப' என ஆரம்பிக்கும் அகவலைப் பாடினார்.

பாடி முடிந்ததும், விநாயகர் மகிழ்ச்சியில் அவளைத் தும்பிக்கையால் தூக்கி, சுந்தரரும் சேரமான் பெருமாள் நாயனாரும் கைலாயம் சென்று சேர்வதற்கு முன்பாகவே கொண்டு சேர்த்து விட்டார்.

கைலாயத்தை அடைந்த பிறகு ஔவையாரை சுந்தரரும், சேரமான் பெருமாளும் ஆச்சரியப்பட்டு நடந்த விபரத்தைக் கேட்டனர். விநாயகர் முதற்கடவுள். அவரை வணங்குவோர் எல்லாவற்றிலும் முதல்நிலையில் தான் இருப்பார்கள் என்றாள் ஔவை. இப்படி பிறந்தது தான் விநாயகர் அகவல் என்னும் தேன்தமிழ் பாடல்.

விநாயகர் அகவல் விநாயகப் பெருமானின் அழகையும் பெருமைகளையும் அற்புதமாக விளக்குகிறது.

எல்லையில்லா ஆனந்தம் அளித்து அல்லல் களைந்தே அருள் வழி காட்டி
சத்தத்தின் உள்ளே சதாசிவம் காட்டிச்
சித்தத்தின் உள்ளே சிவலிங்கம் காட்டி
அணுவிற்கு அணுவாய் அப்பாலிற்கும் அப்பாலாய்
கணுமுற்றி நின்ற கரும்புள்ளே காட்டி
வேடமும் நீறும் விளங்க நிறுத்திக் கூடும் மெய்த் தெண்டர் குழாத்துடன் கூட்டி
அஞ்சக் கரத்தின் அரும்பொருள் தன்னை நெஞ்சக் கருத்தின் நிலையறிவித்துத்
தத்துவ நிலையை தந்து எனை ஆண்ட
வித்தக வினாயக விரை கழல் சரணே!

பொற்பதத்தினைப் பிடித்து நற்பதத்தினை உற்ற அற்புதம்

மணக்குள விநாயகர்

திருவிடைமருதூர் திருத்தலம்..

2012-05-14T19:28:00.005+05:30

நேற்றைய தொடர்ச்சி.....

அப்போது தஞ்சாவூர் சோழ மன்னன் ஆதிக்கத்தில் இருந்ததால் பாண்டிய மன்னன் அந்த நாட்டின் மீதே படையெடுத்து சென்று சோழ மன்னனை விரட்டி விட்டு அந்த ஆலயத்துக்கு செல்ல வேண்டி இருந்தது .

அவனை தொடர்ந்து வந்து கொண்டு இருந்த பிரும்மஹத்தியால் ஆலயத்துக்குள் நுழைய முடியாது என்பதால் ஆலய வாயிலிலேயே அமர்ந்து கொண்டு மன்னன் வரவை எதிர்பார்த்து காத்து இருந்தது.

ஆலயத்துக்குள் சென்ற மன்னனிடம் பண்டிதர்கள் பிரும்மஹத்தி தோஷத்தைக் களையும் பூஜை செய்து ஆவிட்டு பின் பக்க வாயிலினால் வெளியேறி விடுமாறு கூறினார்கள்.

ஆகவே மன்னன் வருகையை எதிர்பார்த்துக் காத்திருந்த பிரும்மஹத்தி வாயிலிலேயே இன்றும் அமர்ந்து இருப்பதான ஐதீகம் உள்ளதால் அந்த ஆலயத்துக்கு சென்பவர்கள் ஆலயத்தில் நுழைந்து விட்டு திரும்பிப் பார்க்காமல் இன்னொரு வழியே வெளியில் சென்று விட வேண்டும் என்கிறார்கள்.

ஆலயத்தின் நுழை வாயில் அருகில் அமர்ந்து காத்திருக்கும் சிலை பிரும்மஹத்தியின் வடிவம் ....
Brahma Harthi

Inner Praharam 3

Inner Praharam 2

Inner Praharam 2

Temple Tank of Mahalingaswami

சொர்க்கவாசல்

மகாலிங்க பெருமான் ஆலயத்தின் கிழக்கே, மேலவீதியில் அமைந்துள்ளது, ரிஷிபுரீஸ்வரர் திருக்கோயில்.

மகாலிங்க ஆலயத்திற்கு முன்பே இந்த ஆலயம் தோன்றியதாக கூறப்படுகிறது.

பரத்வாஜர், காஸ்யபர், கௌதமர், அகத்தியர், ரோமசர் போன்ற முனிவர்கள் சிவனை பூஜித்து ஞானம் பெற வில்வ மரங்கள் நிறைந்த இந்த இடத்தில் தவம் மேற்கொண்டனர்.

அம்பிகையுடன், ஈசன் தோன்றி அவர்களுக்கு ஞானத்தை போதித்தார். ரிஷிகளுக்கு அருள்புரிந்ததால் ஈசன் ரிஷிபுரீஸ்வரர் என்றும் அன்னைக்கு ஞானாம்பிகை என்றும் பெயர் வந்தது.
பட்டினத்தார், பத்திரகிரியார் ஆகியோர் இத்தல ஈசனை வழிபட்டு முக்தியடைந்தார்கள்.

இத்தலத்தில் வடக்கு பார்த்த குபேரனை வழிபட கடன் தொல்லைகள் நீங்கும். அஷ்ட ஐஸ்வர்யமும் கிட்டும்.

தல விருட்சம்-வில்வம். தீர்த்தம்-கனக தீர்த்தம். இது சிவபெருமான் திருக்கண்களிலிருந்து உண்டானதாம். இதில் நீராடி ஞானாம்பிகையையும் ரிஷிபுரீஸ்வரரையும் வழிபட குழந்தைப் பாக்கியம் கிட்டும். நோய்கள், பாவங்கள் நீங்கும்.

ரிஷப, மிதுன, சிம்மராசிக்காரர்களுக்கு சிறந்த பரிகார தலம் ...

சிம்ம தீர்த்தம்

திரு இடைமருதிற் பூரணம்

2012-05-13T19:21:00.000+05:30

மந்திரமும் தந்திரமும் ஆனார்போலும்

வேலைக் கடல்நஞ்சை யுண்டார் போலும்

மேல்வினைகள் தீர்க்கும் விகிர்தர் போலும்

ஏலக்கமழ் குழலாள் பாகர் போலும்

இடைமருதுமேவிய ஊசனாரே." அருளாளர் அப்பர்...

அந்தி வெண்பிறை சூடும் எம்மானே

ஆரூர் மேவிய அமரர்கள் தலைவா

எந்தைநீ எனக்கு உய்வகை அருளாய்

இடைமருதுறை எந்தை பிரானே." என சுந்தரரால் படல் பெற்ற பெருமை மிக்க திருத்தலம் திருவிடைமருதூர் ..

தேக்கும் வரகுணனாந் தென்னவன்கண்சூழ் பழியைப்

போக்கும் இடைமருதிற் பூரணமே. (வள்ளலார் - அருட்பா)

மூர்த்தி தலம் தீர்த்தம் என்ற மூன்றானும் சிறப்புடைய திருத்தலம் திருவிடைமருதூர் தேவார மூவராலும் பாடல் பெற்ற சிறப்புடையது.. .

கருவூர்த்தேவர், மாணிக்கவாசகர், பட்டினத்தார் அருணகிரிநாதர் கவிகாளமேகம் போன்ற .அருளாளர்கள் அனைவராலும் பாடல்களால் போற்றித் துதிக்கப்பட்ட அருட்தலம்...

சண்பகாரண்யம் சந்திபுரம் வில்வவனம் தபோவனம், ஜோதிபுரம், சர்வதீர்த்தபுரம், செல்வவிருத்திபுரம், தருமவிருத்திபுரம், முத்திபுரம், இடைமருது, வீரசோழபுரம், நைமிசாரண்யம் எனப் பன்னிரு பெயர்களால் வழங்க்கப்படும் சிறப்பு பெற்றது..

காசிக்கு நிகரான தலங்களாகக் குறிப்பிடும். பதினொரு சிவத்தலங்களில் திருவிடைமருதூர் திருத்தலம் (மத்தியார்ச்சுனம்) காவிரியின் தென்கரைத் தலமாகும்.

உலகில் ஸ்ரீசைலத்தில் உள்ள மல்லிகார்ஜுனா, புட்டார்ஜுனா மற்றும் திருவிடைமருதூர் போன்ற மூன்று இடங்களில் மட்டுமே அர்ச்சுனம் என்னும் மருத மரம் உள்ள விருஷத்தை தல விருஷமாகக் கொண்ட சிவன் ஆலயங்கள் உள்ளதாகவும் அவற்றின் மத்தியில் திருவிடைமருதூர் ஆலயம் உள்ளதால் இதை இடைமருதூர் என்று அழைக்கின்றார்கள்.

ஸ்தல விருட்சம் - மருத மரம்..

மகாலிங்கத் தலம் என்று புகழப்படும் திருவிடை மருதூரைச் சுற்றி திருவாவடுதுறை (நந்தி),

திருவலஞ்சுழி (விநாயகர்),

சுவாமிமலை (முருகன்),

திருவாரூர் ( சோமாஸ்கந்தர்),

சிதம்பரம் (நடராஜர்),

ஆலங்குடி ( தட்சிணாமூர்த்தி),

சிர்காழி (பைரவர்),

திருவாய்ப்பாடி (சண்டீசர்),

சூரியனார்கோவில் (நவகிரகம்)

ஆகியஒன்பது ஸ்தலங்கள் பரிவாரத் தலங்களாக விளங்குகிறன..

எந்த ஆலயத்திலும் மூலவரை சுற்றி இருக்குமாறு பரிவார மூர்த்திகள் எனப்படும் குடும்ப தெய்வங்கள் அங்காங்கு சன்னதிகளில் அமர்ந்து இருப்பார்கள்.

ஆனால் அந்தப் பகுதியை சேர்ந்த சோழ நாடு முழுவதுமே அமிர்தம் விழுந்த இடம் என்பதினால் மஹாலிங்க ஸ்வாமியின் ஆலயம் நமது கண்களுக்குத் தெரியும் வகையில் திருவிடைமருதூரில் இருந்தாலும், மஹாலிங்கர் எனப்படும் சிவபெருமான் ஆலயம் சூட்ஷும ரூபத்தில் சோழநாட்டின் ஒரு எல்லை முதல் அடுத்த எல்லை வரை விஸ்தரித்து இருப்பதால் அவரை சுற்றி ஆலய வளாகத்துக்குள்ளேயே இருக்க வேண்டிய பரிவார தெய்வங்களான

விநாயகர் திருவாஞ்சுலையிலும்,

முருகன் ஸ்வாமிமலையிலும்,

சோமஸ்கந்தர் திருவாரூரிலும்,

நடராஜர் சிதம்பரத்திலும்,

பைரவர் சீர்காழியிலும்,

நந்தி ஆடுதுரையிலும்,

தக்ஷிணாமூர்த்தி ஆலங்குடியிலும்,

சந்தேகேஸ்வரர் திருப்பாடியிலும்,

சூரியனார் ஆலயத்தில் அனைத்து நவகிரகங்களும் அமர்ந்து உள்ளார்கள் என்றும், நமது கண்களுக்குத் தெரியும் மஹாலிங்க ஸ்வாமியின் ஆலயம் சோழ நாட்டில் ஒரு சன்னதி மட்டுமே என்றும் ஐதீகம் உள்ளது.

திருவிடைமருதூர் தெரு அழகு' என்பது முதுமொழி.

வரகுண பாண்டியனுக்குப் பிரமஹத்தி நீங்கிய தலம். கிழக்குக் கோபுர வாயிலில் பிரஹத்தி உள்ளது.

இன்றளவும் ஆலயத்திற்கு வரும் பக்தர்கள் பிரதான கிழக்கு வாயில் வழியாக உள்ளே சென்று மேற்கிலுள்ள அம்மன் சந்நிதி கோபுரவாயில் வழியாக வெளியே செல்லும் முறையைக் கடைப்பிடித்து வருகிறார்கள்.

திருவிடைமருதூர் ஆலயம் உண்மையில் ஏழு பிராகாரங்களைக் கொண்டது .அவற்றுள் முக்கியமானது வீதிக்கு அடுத்த தேர் ஓடும் பிராகாரம் ,

அடுத்தது அஸ்வமேத பிராகாரம்,

நான்கு பக்கமும் சேர்த்து சுமார் ஒரு கிலோ மீட்டர் அளவு நீண்டு உள்ள அஸ்வமேத பிராகாரத்தை ஒரு முறை சுற்றி வந்தால் அஸ்வமேத யாகம் செய்தப் பலன் கிடைக்கும் என்கிறார்கள்.

வெளிப்பிரகாரமான பெரிய பிரகாரம் "அஸ்வ மேத பிராகாரம்" மூலம் சுவாமி அம்பாள் கோயிலை வலம் வரலாம். இப்பிராகாரத்தை¬ வலம் வந்தால் பேய், பைத்தியம் முதலியன நீங்கும். இன்றும் இவற்றால் பீடிக்கப்பட்டோர் வந்து வலம் செய்து குணமடைவதைப் பார்க்கலாம்.

அடுத்து பிரணவ பிராகாரம் அல்லது சித்திரப் பிராகாரம்,

பிரணவ பிராகாரத்தில் 32 தோற்றங்களைக் கொண்ட விநாயகரின் சிலைகளும் 108 நடன லட்ஷனன்களை எடுத்துக் காட்டும் சிவபெருமானின் நடராஜ தோற்றங்களும் உள்ள ஆலய வளாகம் ஏழு கோபுரங்களைக் கொண்டு உள்ளது.

பிரணவப் பிராகாரத்தினால் சுவாமியை வலம் வரலாம். இப்பிராகாரத்தில் தலமரம் உள்ளது. அம்பாள் கோயில் உள்ளது உள் பிராகாரம். உள்ளும் ஒரு பிராகாரமுள்ளது.

அடுத்துள்ள "கொடுமுடிப்பிராகாரம்" - மூலம் சுவாமியை மட்டும் வலம் வரலாம்.

தேவர்கள் அமிர்த கலசத்தை எடுத்துக் கொண்டு சென்றபோது இந்த ஆலயப் பகுதியிலும் அமிர்தப் பாத்திரத்தில் இருந்து சிறிதளவு சிந்தியதனால் இந்த ஆலயத்துக்கு வந்து வழிபடுபவர்கள் அனைத்து தோஷங்களும் விலகி சிரஞ்சீவியாக வாழ்வார்கள் என்பது ஐதீகம்..

தேரோடும் நான்கு வீதிகளின் மூலைகளிலும் நான்கு விநாயகர் கோயில்கள் உள்ளன.

தேரடியில் விநாயகர் கோயிலும்,

கீழவீதியில் விசுவநாதர் கோயிலும்,

மேல வீதியில் ரிஷிபுரீஸ்வரர் கோயிலும்,

தெற்கு வீதியில் ஆத்மநாதர் கோயிலும்,

வடக்கு வீதியில் சொக்கநாதர் கோயிலும் இருக்க,

இவற்றிற்கு மத்தியில் மகாலிங்கேஸ்வரர் வீற்றிருக்கின்றார்.

எனவே இத்தலம் "பஞ்ச லிங்கத்தலம்" என்றும் சிறப்பிக்கப்படுகிறது.

வடக்குக் கோபுர வாயிலில் அகோர வீரபத்திரர் கோயிலும்,

மேற்குக் கோபுர வாயிலில் குமரன் கோயிலும் உள்ளன.

கிழக்கு வாயிலில் படித்துறை விநாயகரும் பட்டினத்தாரும், தரிசனம் த்ருகின்றனர்..

படித்துறை விநாயகர்

மேல் வாயிலில் பர்த்ருஹரியாரும் தரிசனம் தருகின்றனர்.

சொக்கநாதர் கோயிலில் உள்ள மூர்த்திக்கு அபிஷேகம் செய்து

மேகராகக் குறிஞ்சி பண்பாடினால் மழைபெய்யும் என்பது மக்களிடையே உள்ள நம்பிக்கை...

கிழக்கு நோக்கிய சுவாமி அம்பாள் சந்நிதிகள் கோயிலின் உள்ளே உள்ள பாண்டியன் கோபுரத்தையும் சேர்த்து ஐந்து ராஜகோபுரங்கள் உள்ளன.

உமாதேவியார், விநாயகர், முருகன், திருமால், காளி, இலக்குமி, சரஸ்வதி, வேதம், வசிட்டர், உரோமேச முனிவர், ஐராவணம், சிவவாக்கியர், கபிலர், அகத்தியர், வரகுண பாண்டியன் முதலியோர் இத்தலத்தில் வழிபட்டுப் பேறு பெற்றுள்ளனர்.

மருத மரத்தின் கீழே கட்டுண்ட கண்ணனின் உருவம் உள்ளது. பக்கத்தில் காவிரி ஓடுகிறது.

மூலவர் மகாலிங்கேஸ்வரர் - அழகான மூர்த்தி. நிறைவான தரிசனம்.

அம்பாள் அழகிய கோலத்துடன் தரிசனம். அம்பிகை மௌனமாக இருந்து தவஞ்செய்த மூகாம்பிகை சந்நிதியும், மேரு பிரதிஷ்டையும் தரிசிக்கத் தக்கவை.

கோயில் நன்கு பராமரிக்கப்பட்டுப் பொலிவுடன் திகழ்கிறது.

தைப்பூசத்தில் சுவாமி காவிரிக்கு எழுந்தருளி ஐராவணத்துறையில் தீர்த்தம் கொடுப்பது சிறப்பாக நடைபெறுகிறது.

.கோயிலில் உள்ள ஒரு கல்வெட்டிலிருந்து அந்நாளில் சுவாமி திருமஞ்சனத்திற்கு நீர் கொண்டு வர மண்குடங்களே பயன்படுத்தப்பட்டன என்னும் செய்தியை அறிகிறோம்.

கல்வெட்டில் இத்தலம் உய்யக்கொண்ட சோழவளாநடடுத் திரைமூர் நாட்டுத் திருவிடைமருதார்'என்று குறிக்கப்பெறுகின்றது.

இத்தலத்தில் உள்ள இறைவன் சுயம்பு லிங்க மூர்த்தியாகும்.

இறைவன் மகாலிங்கேஸ்வரர் தன்னைத்தானே அர்ச்சித்துக் கொண்டு பூஜா விதிகளை சப்தரிஷிகள் மற்றுமுள்ள முனிவர்களுக்கு போதித்து அருளிய தலம் திருவிடைமருதூர்.

மார்க்கண்டேய முனிவருக்கு அவரின் விருப்பப்படி அர்த்தநாரீஸ்வரர் உருவத்தில் இத்தலத்து இறைவன் காட்சி கொடுத்துள்ளார்.

திருவிடை மருதூர் ஆலயத்தில் உள்ள மூகாம்பிகை சந்நிதி மிகவும் புகழ் பெற்றது.

அம்பாள் சந்நிதிக்கு தெற்குப் பக்கம் இந்த மூகாம்பிகை சந்நிதி அமைந்துள்ளது. மூகாம்பிகைக்கு இந்தியாவில் திருவிடைமருதூரிலும், கர்நாடக மாநிலத்திலுள்ள கொல்லூரிலும் பட்டும் சந்நிதி இருப்பது குறிப்பிடத்தக்கது.
mookambigai,thiruvidaimaruthur

ஸ்ரீ மூகாம்பிகை தவநிலையில் காட்சி அருளும் அன்னை சோழர்காலக் கல்வெட்டில் யோகிருந்த பரமேஸ்வரி' என்று குறிப்பிடப்படுகிறார்.

அன்னை கொல்லூர் மூகாம்பிகை

அம்மன் சன்னதி விமானம்

தலவிநாயகர் ..கல்வெட்டில் ' புராண கணபதி' என்று குறிப்பிடப்படும்.ஆண்டவிநாயகர்

ஆண்ட விநாயகர் பூசித்ததாகப் புராணவரலாறு , ஆதலால் அருள்மிகு மகாலிங்கப் பெருமானுக்கு அபிடேகம், நைவேத்தியம், தீபாராதனை நடைபெறுவது இத்தலச்சிறப்பாகும்.

இத்தலத்தில் சோமாஸ்கந்தரை ஏகநாயகர் என்றும் நடராசரை மாணிக்கக்கூத்தர் என்றும் கல்வெட்டுகள் குறிக்கிற்ன.

திருவிடை மருதீர் ஆலயத்துக்கு வந்து வேண்டி வணங்குவத்தின் மூலம் நாம் தெரிந்தோ, தெரியாமலோ செய்த பாவங்களினால் ஏற்பட்டு உள்ள அனைத்து தோஷங்களும், முக்கியமாக பிரும்மஹத்தி தோஷம் போன்றவை விலகும் என்ற ஐதீகம் வரகுண பாண்டியனின் வரலாற்றுக் கதையில் உள்ளது.

ஒருமுறை பாண்டிய மன்னனான வரகுண பாண்டியன் என்பவர் தன நாட்டுக்கு திரும்பி வந்து கொண்டு இருந்தபோது இரவாகி விட அதி வேகமாக ஓடி வந்து கொண்டு இருந்த அவர் ஏறி வந்த குதிரையின் காலடிக் குளம்புகளால் மிதிக்கப்பட்டு வழியில் படுத்து இருந்த அந்தணர் ஒருவர் மரணம் அடைந்தார்.

தவறுதலாக ஒரு பிராமணரைக் கொன்று விட அவருக்கு பிரும்மஹத்தி தோஷம் பற்றிக் கொண்டது. இறந்து போன பிராமணன் அவர் பின்னால் பிரும்மஹத்தியாக தொடர்ந்து சென்று கொண்டு மன வேதனையை அளித்து வந்தார்.

ஆகவே அந்த மன்னன் மதுரை சோமசுந்தரர் ஆலயத்தில் சென்று பிரும்மஹத்தி தோஷத்தைக் களைய பூஜை செய்தபோது அந்த மன்னன் கனவில் வந்த சிவபெருமான் தன்னை திருவிடைமருதூரில் வந்து வணங்கினால் அவரை தொடர்ந்து கொண்டு வந்து இருந்த பிரும்மஹத்தி பிரச்சனை முடிவுக்கு வரும் என்றார்.

?
....தொடர்ச்சி நாளை.........

இனிய அன்னையர் தின வாழ்த்துகள்..

2012-05-12T19:56:00.002+05:30

அம்மா என்றால் அன்பு

அன்னையைப் பிள்ளை பிள்ளையை அன்னை

அம்மா என்றே அழைப்பதுண்டு

அன்பின் விளக்கம் பண்பின் முழக்கம்

அம்மா என்றொரு சொல்லில் உண்டு

உலகில் அத்தனைக்கும் பொதுவான மந்திரம் "அம்மா"!

அம்மா என்றழைக்காத உயிரில்லையே

அம்மாவை வணங்காது உயர்வில்லையே

நேரில்நின்று பேசும்தெய்வம்

பெற்றதாயன்றி வேறொன்று ஏது

அபிராமி சிவகாமி கருமாரி மகமாயிதிருக்கோவில் தெய்வங்கள் நீதானமாஅன்னைக்கு அன்றாடம் அபிஷேகம் அலங்காரம்புரிகின்ற சிறு தொண்டன் நான் தானம்மாபொருளோடு புகழ் வேண்டும் மகனல்ல தாயே உன்
அடுத்திங்கு பிறப்பொன்று அமைந்தாலும் நான் உந்தன்
மகனாகப் பிறக்கின்ற வரம் வேண்டுமே
அதை நீயே தருவாயே
அம்மா! அம்மா!
அருள்வேண்டும் எனக்கென்றும் அது போதுமே

பசும்தங்கம் புதுவெள்ளி மாணிக்கம் மணிவைரம்

அவை யாவும் ஒரு தாய்க்கு ஈடாகுமா

விலை மீது விலை வைத்துக் கேட்டாலும் கொடுத்தாலும்

கடைதன்னில் தாயன்பு கிடைக்காதம்மா

ஈரைந்து மாதங்கள் கருவோடு எனைத்தாங்கி
நீபட்ட பெரும் பாடு அறிவேனம்மா
ஈரேழு ஜென்மங்கள் எடுத்தாலும் உழைத்தாலும்
உனக்கிங்கு நான் பட்ட கடன் தீருமா

உன்னாலே பிறந்தேனே

தாயிற்சிறந்த கோயிலும் இல்லை
தந்தை சொல்மிக்க மந்திரம் இல்லை

ஆயிரம் உறவில் பெருமைகள் இல்லை

அன்னை தந்தையே அன்பின் எல்லை

தன்னலம் அற்றது தாயின் நெஞ்சம்

தாய்மை நிறைந்தது கடவுளின் நெஞ்சம்

அகிலத்து அன்பெல்லாம் ஓர் சொல்லாய் ஆனது போல் உள்ளத்தில் உவகை பெருக்கும் சொல். உச்சரிக்கையிலேயே மனதில் குழைவையும், நெஞ்சில் நெகிழ்வையும் தந்து விடுகின்ற சொல்.உலகத்துக்கெல்லாம் தாயான ஜனனி என்றால் ஜனிக்கச் செய்பவள் = அம்மா!இந்த அம்மா என்பது மந்திரமில்லாத மந்திரச் சொல்!

தாய்மைக்கு ஆண் - பெண் உருவம் இல்லை! அதனால் தான் இறைவனைத் "தாயும்-ஆனவன்" என்றார்கள்! "அரங்கத்து-அம்மா" பள்ளி எழுந்தருளாயே என்று அந்த அரங்கனையும் "அம்மா" என்றே பாடுகிறார்கள்!

ஓடும் நதியும் அம்மா! நாடும் நாடும் அம்மா!

பேசும் தமிழும் அம்மா! பேசாத் தமிழும் அம்மா!

அன்புடனே நினையழைத்து ஆராதனை யான் செய்ய
அன்புருவாய் அன்னநடை நீ நடந்து என்முன்னே வருவாய்
அன்பெனும் சக்தி! அவளிறை சக்தி!
அன்னையே உன்னையே அனுதினம் எண்ணியே ஆனந்த மயமாகினோம்!

உலக அளவில் தாய்மையை போற்றும் வகையில் கொண்டாடப்படும் அன்னையர் தினம் (Mother's Day) மே மாதத்தின் இரண்டாவது ஞாயிறன்று உலகில் பல நாடுகளில் கொண்டாடப்படுகிறது...

1912 ஆம் ஆண்டில், அன்னா ஜார்விஸ் "மே மாதத்தில் இரண்டாவது ஞாயிற்றுக் கிழமை" மற்றும் "அன்னையர் தினம்" ஆகிய வாக்கியங்களைப் பதிவுசெய்து அன்னையர் தின சர்வதேச அமைப்பை உருவாக்கினார்

உலகில் தாய்க்கு ஈடாக ஒப்பிட எதுவுமே இல்லை' அன்னையும் பிதாவும் முன்னறி தெய்வம்’ என்றும், ‘தாயிற் சிறந்ததொரு கோயிலும் இல்லை என்ற வரிகள் தாய்மையின் புனிதத்துவம், தாய்மையின் பெருமை, தாய்மையின் தியாகம் போன்றவற்றை உணர்த்துகிறது..

குழந்தையுடன் இருக்கும் தாய்க்கு நிகரான அழகான காட்சி உலகில் ஏதும் இருக்கமுடியாது..

இறைவன் அனைத்து உயிர்களுக்கும் உடனிருக்க முடியாது என்ற காரணத்தால் தன் பிரதிநிதியாக தாயைப் படைத்தார்..

பெண் தன் வாழ்நாளில் எத்தனையோ பாத்திரங்களில் வலம் வந்தாலும் 'அன்னை' என்ற பாத்திரம்தான் மிக உன்னதமான இடத்தை வகிக்கிறது. தாய்மை என்பது ஓர் உன்னதமான உணர்வு.

அத்தகைய தாயைப் போற்றவே மே மாதத்தின் இரண்டாவது ஞாயிறு அன்னையர் தினமாகக் கொண்டாடப்படுகிறது.

வசந்த காலத்தின் துவக்கத்தை கிரேக்கர்கள் பல வகைகளில் கொண்டாடினர். அதில் தாய் தெய்வத்தை வணங்குவதும் ஒன்றாகும். கிரேக்கர்கள் தெய்வமாக வழிபட்டு வந்த க்ரோனஸின் மனைவி ரேஹாவைத்தான் அவர்கள் தாய் தெய்வமாக வழிபட்டனர்.

கலை நிகழ்ச்சிகள் விளையாட்டு வீர சாகசங்கள் நிகழ்த்தி அன்னையை மகிழ்ச்சிப்படுத்தினர்...

அன்னையின் மதிப்பு நாம் வழங்கும் அன்பினாலன்றி பணத்தினால் தீர்மானிக்க முடியாது.

அன்னையர் தினம் என்பது உண்மையான அன்பிற்காகவும் தனது அன்னைக்கு நன்றி கூறும் விதத்திலும் இருக்க வேண்டும்

அன்னையர் தினத்தில் எங்கெங்கோ வாழும் பிள்ளைகள் தங்களது தாயை நினைவு கூர்ந்து தங்களது நன்றியையும் வாழ்த்துக்களையும் தெரிவிக்கின்றனர்.

அன்னையை போற்றாத எவரும் வாழ்க்கையில் வெற்றி பெற முடியாது. சிறந்த சமுதாயத்தை உருவாக்க அன்னையர்களின் பங்களிப்பு முக்கியமானது. "எந்த குழந்தையும், நல்ல குழந்தை தான் மண்ணில் பிறக்கையிலே, பின்பு, நல்லவராவதும் தீயவராவதும் அன்னை வளர்ப்பினிலே' என்ற பாடல் வரிகளுக்கு ஏற்ப சமுதாயத்துக்கு நல்ல மனிதர்களை உருவாக்கி வழங்குவது அன்னை தான்.

தீய வழியில் செல்லும் குழந்தைகளை திருத்தி நல்வழிக்கு கொண்டு வருவதும் அன்னை தான். இகோவிலுக்கு சென்று கடவுளை வணங்குவதை விட, நாம் இந்த உலகுக்கு வர காரணமாய் இருந்த அன்னையை இந்த நாளில் மனதார போற்றி வணங்குவோம்.

சொர்க்கம் அன்னையின் காலடியின் இருக்கிறது என்பது ஆன்றோர் மொழி

சில வெளி நாட்டுப் பிள்ளைகள் படிக்கும்போது விடுதியிலோ, வயது வந்தபின் தனித்தோ வாழும்போது, ‘அன்னையர் தினம்’ நாளில் மட்டுமே சந்தித்து பரிசளித்து வாழ்த்துக்கூறி கொண்டாடப்படும் கலாச்சாரம் நிலவுகிறது...

உயிருடன் இருக்கும்போது முதியோர் இல்லத்திலும் தனிமையிலும் தவிக்கவிட்டுவிட்டு இறந்தபின் திதிகொடுத்து தானம் செய்து பெருமையை பறைசாற்றிக்கொள்கிறார்கள்..

தாயென்னும் கோவிலை காக்கமறந்திட்ட பாவியடி கிளியே என்று சோக ராகம் பாடுகிறார்கள்..

தாயார் கும்பகோணத்தில் பசியில் தவிக்கையில்
பிள்ளை காசியில் அன்னதானம் செய்கிற மாதிரி !

அம்மா என்றழைக்காத உயிரில்லையே!

ஆனந்தமாய் அருளும் அனுமன் !

2012-05-11T17:42:00.002+05:30

ஓம் அனுமனே போற்றி
ஓம் அஞ்சனை மைந்தனே போற்றி
ஓம் ஆரோக்கியம் தருபவனே போற்றி
ஓம் ஆனந்த வடிவே போற்றி
ஓம் இன்னல் பொடிப்பவனே போற்றி
ஓம் சிந்தூரம் ஏற்பவனே போற்றி
ஓம் சொல்லின் செல்வனே போற்றி
ஓம் வெற்றியளிப்பவனே போற்றி
ஓம் வித்தையருள்பவனே போற்றி

ஸ்ரீ பாதுகா ஸஹஸ்ர ஸ்லோகம். சரீர சங்கடங்கள் அகல

தத்ரஜஸ்தவ தநோதி பாதுகே
மாநஸாந்யகடி நாநி தே ஹிநாம்!
ப்ரஸ்தரஸ்ய பதவீக தஸ்ய யத்
வ்யாசகார முநிதர்ம தாரதாம்||

ஒ பாதுகையே! உன்னுடைய தூளி, கல்லைப் பெண்ணாக (அகலிகையாக) மாற்றியது. அந்த தூளியே மனிதர்களின் மனசுகளையும் இளகச்செய்யும்.

MOOLAI ANJANEYAR, JILEBI ALANKARAM, THANJAVUR

மூலை அனுமார் வாலில் சனீசுவர பகவான் உட்பட நவக்கிரஹங்கள் வாசம் செய்வதாக ஜதீகம். தொடர்ந்து 18 அமாவாசைகள் மூலை அனுமாருக்கு தேங்காய் துருவல் அபிஷேகம் செய்து வழிபட்டால், வறுமை, கடன் தொல்லைகள் நீங்கும் என்பது நம்பிக்கை.

KARYA SIDDHI ANJANEYAR, BANGALORE, CHENDURA KAAPPU/ALANKARAM.

ஸ்ரீ ஆத்யந்தப்ரபு, ஆஞ்சநேய விநாயகர், CHENNAI,

திருமணத்தடை நீங்க அனுமனுக்கு வியாழனன்று வெற்றிலை மாலை, துவங்கிய வேலைகளில் தடை நீங்க வியாழன், சனிக்கிழமைகளில் எலுமிச்சை மற்றும் வடைமாலை சாத்தலாம்.

அனுமனும் ராமனும்

அனுமன் பிறர் நலமே தன்னலம் என நினைத்தவர். சுயநலமில்லாமல் ராமனுக்கு சேவை செய்தவர். அப்படிப்பட்டவர்களுக்கு கடவுளின் அருகில் இடம் பதிவு செய்யப்படும் என்பதை உணர்த்தவே, ராமன் அனுமனை தன்னருகில் அமரச் செய்துள்ளார்.

இலக்கண பட்டதாரி

சிறந்த கல்விமானான அனுமனை, "நவ வ்யாகரண வேத்தா' என்பர். அதாவது, அவர் ஒன்பது வகையான இலக்கணத்தையும் படித்தவர். புத்தி, சக்தி இரண்டும் அவரிடம் இருந்தது.

ஒரே சிலையில் மூன்று வடிவம்

உ.பி. கான்பூரிலிருந்து 8 கி.மீ. தூரத்திலுள்ள பங்கி ஆஞ்சநேயர் கோயிலில், காலையில்அனுமன் குழந்தை வடிவிலும், மதியம் இளைஞனாகவும், மாலையில் வீர புருஷராகவும் காட்சி தருகிறார்.

வீரமங்கள ஆஞ்சநேயர்

நாகப்பட்டினத்திலிருந்து 4 கி.மீ தொலைவில் உள்ள பொரவச்சேரி ராமபத்ர பெருமாள் கோயிலில் வீரமங்கள ஆஞ்சநேயர், வலது காலைத் தொங்கவிட்டு இடது காலை வடக்கு நோக்கி மடித்து வைத்த நிலையில் தரிசனம் தருகிறார்.

ராம பாராயண ஆஞ்சநேயர்

ஸ்ரீமுஷ்ணம் பூவராக பெருமாள் கோயில் அருகேஉள்ள நந்தவனத்தில் ராமநாமம் பாராயணம் செய்யும் கோலத்தில் அனுமன் வீற்றிருக்கிறார். அருகே ராமர், பட்டாபிஷேக கோலத்தில் காட்சி தருகிறார்.

அனுமனை வணங்குவதன் பலன்

அனுமனை வணங்குவதால், புத்தி, பலம், புகழ், குறிக்கோளை எட்டும் திறன், அஞ்சா நெஞ்சம், ஆரோக்கியம், விழிப்புணர்வு, வாக்குவன்மை ஆகியவற்றைப் பெறலாம்.

கிருஷ்ணனுக்கும் பிரியமானவர்

அனுமன் ராமனுக்கு மட்டுமல்ல! ராமாவதாரத்தை அடுத்து வந்த கிருஷ்ணாவதாரத்தில், அர்ஜுனனின் கொடியில் இருந்தவர் அவர். அவரது முன்னிலையிலேயே, கிருஷ்ணன் கீதையைப் போதித்தார்.

துஷ்ட நிக்ரஹ அனுமான்

விழுப்புரம் மாவட்டம் செஞ்சி மலைக்கோட்டை செல்லும் வழியில் உள்ள சிறு குன்றில் துஷ்ட நிக்ரஹ அனுமான் அருள்பாலிக்கிறார். வலது கைபக்தர்களின் துன்பங்களைஅறைந்து விரட்டுவது போல வடிக்கப்பட்டுள்ளது.

கெடாத வடைமாலை

சிவகங்கை மாவட்டம் மானாமதுரையிலுள்ள வீர அழகர் கோயிலில் உள்ள ஆஞ்சநேயருக்கு பக்தர்கள் அணிவிக்கும் வடைமாலை நீண்டநாள் கெடுவதில்லை.

வாயைப் பொத்திய ஆஞ்சநேயர்

ராமனின் முன்பு தலையை குனிந்து, வாய் பொத்தி, மிகுந்த மரியாதையுடன் உள்ள அனுமன் சிலை கன்னியாகுமரி மாவட்டம் பத்மநாபபுரம் ராமசாமி கோயிலில் உள்ளது.

ராமநாம மகிமை

ராம நாமம் சொன்னால் பாவம் தீரும். மரணத்தின் விளிம்பிற்கு செல்பவர்கள் நலன் பெறுவார்கள். அனுமன் ஓயாமல் ராமநாமம் சொன்னதால் தான், கடலைத் தாண்ட முடிந்தது. முடியாததையும் முடித்து வைப்பது ராமநாமம்.

மனோ – ஜவம் மாருத – துல்ய – வேகம்
ஜிதேந்திரியம் புத்திமதாம் வரிஷ்டம் |
வாதாத்மஜம் வாநர – யூத – முக்யம்
ஸ்ரீராமதூதம் சிரஸா நமாமி ||

ஸ்ரீதியானஆஞ்சநேயர், குண்டூர்.. ஆந்திரா

நாமக்கல் ஹனுமான் சந்தன காப்பு/சந்தன அலங்காரம்,

அனுமனுக்குரிய பல மந்திரங்கள் டாகினி சாகினி ஆகியவர்களை அவர் அழிப்பதைக் குறிக்கும். 'மாருதி ராக்ஷஸாந்தகம்' என்றும் அவர் குறிப்பிடப்படுகிறார்.
எதிரிகளை அழிப்பதற்கு அவருடைய வாலைத் தோத்திரம் செய்யும் மரபு உண்டு...அந்த வாலால்தான் இலங்கையைக் கொளுத்தி அழித்தார்.
ராவணனுக்கும் மேலான ஆசனமாக உயர்த்திவைத்ததும் வால்தான்.
வாலால் கோட்டையேகூட கட்டியிருந்தார்.

' பிரமாஸ்த்திரத்தையே ஸ்தம்பனம் செய்த ஸ்ரீருத்ர மூர்த்தி' ஆபதுத்தாரக ஹனுமத் ஸ்தோத்ரம் -விபீஷணனால் துதிக்கப்பட்டது...

அஸ்யஸ்ரீ ஆபதுத்தாரக ஹனுமத் ஸ்தோத்ர மஹாமந்த்ரஸ்ய ; விபீஷண ரிஷி: ஆபதுத்தாரக ஹனுமான் தேவதா ஆபதுத்தாரக ஹனுமத் ப்ரஸாத ஸித்யர்த்தே ஜபே வினியோக:
த்யானம்
வாமே கரே வைரிபிதம் வஹந்தம சைலம் பரே இச்ருங்கல ஹாரிடங்கம்

ததாந மச்சச்சவி யக்ஞ ஸத்ரம பஜே ஜ்வலத் குண்டலம் ஆஞ்சநேயம்

ஸபீத கௌபீந முதஞ்சிதாங்குளீம் ஸமுஜ்ஜ்வலந் மௌஞ்ஜ் யஜ்ஞோபவீதினம்

ஸகுண்டலம் லம்பசிகா ஸமாவ்ருதம் தம் ஆஞ்சனேயம் சரணம் ப்ரபத்யே.

ஆபந்நாகில லோகார்த்தி ஹாரிணே ஸ்ரீஹனூமதே
அகஸ்மா தாகதோத்பாத நாசனாய நமோஸ்துதே
ஸீதா வியுக்த ஸ்ரீராம சோகதுக்க பயாபஹ:
தாபத்ரிதய ஸம்ஹாரிந் ஆஞ்சநேய நமோஸ்துதே
ஆதிவ்யாதி மஹாமாரீ, க்ரஹபீடாபஹாரிணே
ப்ராணாபஹர்த்ரே தைத்யானாம், ராமப்ராணாத்மனே நம:
ஸம்ஸார ஸாகராவர்த்த, கர்தவ்ய ப்ராந்த சேதஸாம்
சரணாகத மர்த்யானாம், சரண்யாய நமோஸ்துதே
ராஜத்வாரி பிலத்வாரி, ப்ரவேசே பூதஸங்குலே
கஜஸிம்ஹ மஹாவ்யாக்ர, சோரபீஷண காநநே
சரணாய சரண்யாய, வாதாத்மஜ நமோஸ்துதே
நம: ப்லவங்க ஸைன்யானாம் ப்ராண பூதாத்மனே நம:
ராமேஷ்டம் கருணாபூர்ணம், ஹநூமந்தம் பயாபஹம்
சத்ரு நாசகரம் பீமம், ஸர்வாபீஷ்ட பலப்ரதம்
ப்ரதோஷே வா ப்ரபாதே வா, யே ஸ்மரந்த் யஞ்ஜநாஸ¤தம்
அர்த்தஸித்திம் யச: கீர்த்திம் ப்ராப்நுவந்தி ந ஸம்சய:
காராக்ருஹே ப்ரயாணே ச ஸங்க்ராமே தேசவிப்லவே
யே ஸ்மரந்தி ஹநூமந்தம் தேஷாம் நாஸ்தி விபத் ததா
வஜ்ரதேஹாய காலாக்நி ருத்ராயாமித தேஜஸே
ப்ரஹ்மாஸ்த்ர ஸ்தம்பநாயாஸ்மை நம: ஸ்ரீருத்ரமூர்த்தயே
ஜப்த்வா ஸ்தோத்ரமிதம் மந்த்ரம் ப்ரதிவாரம் படேந்நர:
ராஜஸ்தாநே ஸபாஸ்தாநே ப்ராப்தவாதே ஜபேத்த்ருவம்
விபீஷண க்ருதம் ஸ்தோத்ரம் ய:படேத் ப்ரயதோ நர:
ஸர்வாபத்ப்யோ விமுச்யேத நாத்ர கார்யா விசாரணா
மர்க்கடேச மஹோத்ஸாஹ ஸர்வசோக விநாசக
சத்ரூந் ஸம்ஹார, மாம் ரக்ஷ இயம் தாஸம்ஸ்ச தேஹி மே
இதி விபீஷண க்ருத ஆபத்துத்தாரக ஹநூமத் ஸ்தோத்ரம் ஸம்பூர்ணம்

மகான் ஸ்ரீசேஷாத்ரி சுவாமிகள் ..

2012-05-10T16:12:00.002+05:30

ஸ்ரீ தேனுபுரீஸ்வரர் அருள் பாலிக்கும் “தேனுபுரீஸ்வரர்’கோவில் பத்தாம் நூற்றாண்டில் சுந்தர சோழன் என்னும் இரண்டாம் பராந்தக சோழனால் கட்டப்பட்டது. பின்னர் வந்த முதலாம் குலோத்துங்க சோழனால் புனரமைப்பு செய்யப்பட்டது.

கபில முனிவர் சிவபெருமானை இடது கையால் ஆராதனை செய்ததற்காக கபில பசுவாக (தேனு) இத்தலத்தில் அவதரித்து சாப விமோசனம் பெற்றதாகவும், இதனை கனவில் கண்ட சோழன் சுயம்புலிங்க மூர்த்தியை ஏரியில் கண்டு இக்கோவிலை கட்டியதாக வரலாறு கூறுகிறது

கபில மகரிஷி, சகரன் என்பவனின் மகனை சபித்து விட்டார். இந்த சாபம் தலைமுறை தலைமுறையாக தொடர்ந்தது.

வசிஷ்டரின் ஆலோசனைப்படி, சகரனின் குலத்தில் வந்த பகீரதன், கங்கை நதியை பூமிக்கு கொண்டு வந்து, சிவபூஜை செய்து சாப விமோசனம் தேடிக்கொண்டான்.

தனது கோபத்தால் சகரனின் தலைமுறை பாதிக்கப்பட்டதை எண்ணி வருந்திய கபிலர், பிராயச்சித்தம் கிடைக்க சிவபூஜை செய்தார்.

ஒரு லிங்கத்தை இடது கையில் வைத்து, வலது கையால் மலர்களைத் தூவினார். அவருக்கு காட்சி தந்த சிவன், தன்னை கையில் வைத்து வணங்கியதன் காரணம் கேட்க, “”மணலில் லிங்கத்தை வைக்க மனமில்லை,” என்றார்.

சிவன் அவரிடம், “”கையில் லிங்கத்தை வைத்து பூஜித்த முறை சரியல்ல,” எனச் சொல்லி அவரை பசுவாகப் பிறக்கச் செய்துவிட்டார்.

பசுவாக பிறந்தகபிலர், இங்கு சிவனை வழிபட்டு முக்திபெற்றார். பிற்காலத்தில் இப்பகுதியை ஆண்ட மன்னர் ஒருவர் இங்கு கோயில் எழுப்பினார்.

பசு வடிவில் கபிலர் வழிபட்ட தலமென்பதால் சுவாமி, “தேனுபுரீஸ்வரர்’ எனப்பட்டார். “தேனு’ என்றால் “பசு’.

இவருக்கு ”உலகுய்ய வந்த சிற்றேரி நாயனார்’ என்றும் பெயர் உண்டு.

மூலஸ்தானத்தில் “தேனுபுரீஸ்வரர்’ சுவாமி சதுர பீடத்தில், சுமார் ஒரு ஜாண் உயரத்தில் சிறிய மூர்த்தியாக காட்சி தருகிறார். மூர்த்தி சிறியது. கீர்த்தி பெரியது.

லிங்க அகலம் 3 விரற்கிடை (மூன்று விரல்களை சேர்த்து வைத்தால் இருக்கும் அளவு) மட்டுமே இருக்கிறது.

பசு மிதித்த தழும்பும், கல்லடி பட்ட பள்ளமும் இருக்கிறது.

லிங்கத்தில் சிறிய மண்டபம் போன்ற அமைப்பும், நாகாபரணமும் அணிவிக்கப்பட்டுள்ளது.

சிவன் சன்னதி எதிரிலுள்ள நந்திக்கு மேலுள்ள சுவரில் அஷ்டதிக் பாலகர்கள் வாகனத்தில் அமர்ந்தபடி காட்சி தருவது விசேஷம்.

அம்பிகை தேனுகாம்பாள் தனி சன்னதியில் இருக்கிறாள்.

முன் மண்டபத்திலுள்ள தூணில் கபிலர், கையில் லிங்க பூஜை செய்த சிற்பம் இருக்கிறது

“தேனுபுரீஸ்வரர்’ கோயிலிலுள்ள தூணில் சிற்பமாக சரபேஸ்வரர் காட்சி தருகிறார். இவருக்கு ஞாயிற்றுக்கிழமை மாலை வேளையில் விசேஷ பூஜை நடக்கிறது. அப்போது உற்சவரும் புறப்பாடாகிறார்.

ஒரு தூணில் விநாயகர் கையில் வீணையுடன் காட்சி தருகிறார்.

மற்றொரு தூணில் முருகன், யானை மீது அமர்ந்த கோலத்தில் இருக்கிறார். இடது கையில் சேவல் இருக்கிறது.

சிவனை வணங்கியபடி திருமால் மற்றும் பிரம்மா, கங்கா பார்வதியுடன் சிவன், வாசுகி நாகத்தின் மீதுள்ள தாமரையில் அமர்ந்த சிவன், மனைவியருடன்டன் தெட்சிணாமூர்த்தி மற்றும் பைரவர், மடியில் சீதையை அமர்த்தியிருக்கும் ராமனின் பாதம் தொட்டு வணங்கும் ஆஞ்சநேயர், ஐந்து முகங்களுடன் பிரம்மா ஆகிய சிற்பங்கள் அவசியம் காணவேண்டியவை.

இங்கு வேண்டிக்கொள்ளும் அனைத்து நியாயமான கோரிக்கைகளும் நிறைவேறும் என்பது நம்பிக்கை.

முருகன், வடுக பைரவர், சரபேஸ்வரர் ஆகியோர் பிரார்த்தனை மூர்த்திகளாக இருக்கின்றனர்.

கிரக, நாக தோஷம் உள்ளவர்கள் இங்குள்ள சரபேஸ்வரரிடம் வேண்டிக்கொள்கிறார்கள்.

ஜாதகரீதியாக வக்கிர தோஷம் உள்ளவர்கள் மூலஸ்தானத்தில் உள்ள சிறிய லிங்கத்திற்கு மல்லிகைப்பூ மாலை அணிவித்து, வேண்டிக் கொள்கிறார்கள். இதனால் தோஷம் நிவர்த்தியாவதாக நம்பிக்கை.

இங்குள்ள வடுக பைரவருக்கு திராட்சை மாலை அணிவித்தும், வெள்ளைப்பூசணியில் நெய் விளக்கேற்றியும் நேர்த்திக்கடன் நிறைவேற்றுகிறார்கள்.

முகவரி : அருள்மிகு தேனுபுரீஸ்வரர் திருக்கோயில்

மாடம்பாக்கம் – 600073 சென்னை.

Theppakulam of Thenubureeswarar temple

தங்கக் கை' சேஷாத்ரி சுவாமிகள் வேதம், பாஷ்யம், ஸ்லோகம் போன்ற அனைத்தையும் சிறுவயதிலேயே கசடறக் கற்றுணர்ந்தவர்...

ரமணரை உலகுக்கு அடையாளம் காட்டி, அவரை ஸ்ரீரமண மகரிஷியாக்கிய பெருமை மகான் ஸ்ரீசேஷாத்ரி சுவாமிகளையே சேரும்.

திருவண்ணாமலை கிரிவலப்பாதையில் அக்னி லிங்கத்தை அடுத்து ஸ்ரீரமணாச்ரமத்துக்கு முன்னால் ஸ்ரீசேஷாத்ரி சுவாமிகளின் மகா சமாதி மற்றும் ஆசிரமம் உள்ளது.

சென்னை, மாடம்பாக்கத்தில் உள்ள 18 சித்தர் சக்திபீட பிருந்தாவனத்தில் மகான் ஸ்ரீசேஷாத்ரி சுவாமிகளின் ஜெயந்தி விழா வெகு சிறப்பாக நடைபெறுகிறது.

மகானின் குருபூஜை மார்கழி மாதத்து ஹஸ்த நட்சத்திரத்தில் கொண்டாடப்படுகிறது. தை மாத ஹஸ்தத்தில் ஜெயந்தி விழா நடக்கிறது.

மாடம்பாக்கம் சபரிவார ஸ்ரீசக்ர மஹாமேரு 18 சித்தர் சக்திபீட பிருந்தாவனத்தில் நடைபெறும் ஜெயந்தி விழாவில், கணபதி ஹோமம், கோமாதா பூஜை, அகோராஸ்தர ஹோமம் (மரணத்தை ஜெயிக்கக்கூடிய வேத மந்திரத்தால் சிவபெருமானைக் குறித்து செய்யப்படும் புனித வேள்வி), அஷ்ட பைரவர் ஹோமம், சுவாசினி பூஜை, செüபாக்ய லட்சுமி பூஜை ஆகிய பூஜைகள் நடைபெறும் .....

சத்குரு மகான் ஸ்ரீசேஷாத்ரி சுவாமிகளின் அருளாணையின்படி சூட்சும உத்தரவு பெற்று அவருக்கும் பதினெட்டு சித்தர்களுக்கும் மகானின் உள்ளம் விரும்பிய படி அன்னை ஸ்ரீ லலிதா திரிபுரசுந்தரிக்கும் கோவில் எப்படி அமைய வேண்டும் , எந்தெந்த சன்னதி எந்தெந்த முறையில் இருக்கவேண்டும் , சிலை வடிக்க கற்கள் எங்கிருந்து கொண்டுவரவேண்டும் , சிலைகள் யாரால் செய்யப்படவேண்டும் என்று சூட்சும முறையில் மகானின் வழிநடத்தல் கிடைக்கப் பெற்று உருவாக்கப்பட்ட சக்தி மிக்க உன்னத ஆலயம்..

இக்காலத்தில் அமையும் கிரானைட் தளங்கள் ஜொலிக்கும் மின் விளக்குகள் ஆகியவை அமைக்காமல் மிகப்பழங்கால முறைப்படி எழுப்பட்டு சாந்நித்தியம் நிரம்பி ததும்பும் அருள்தலம்...

இரண்டரை ஏக்கர் பரப்பில் ஐந்துகோடி ரூபாய் செலவில் முழுக்க பக்தர்களின் நிதியைக்கொண்டே எழுப்பப்பட்டு சுவாமிகளின் திரு அவதார நட்சத்திரமான ஹஸ்த நட்சத்திரத்தில் மே மாத்ம் 30ம் தேதி 2004 ஆம் ஆண்டு மிக விமரிசையாக குட முழுக்கு நடைபெற்றது....

பதினெட்டு சித்தர்களும் தனித்தனியாக ஏகாந்தமாக தவம் செய்யும் கோலத்தில் தனித்த்னிக்குடில்களில் அருள்பொழிகின்றனர் ...

ஒவ்வொரு சித்தரையும் குறிப்பிட்ட சில நாட்களில் தொடர்ந்து வழிபட நவக்கிரஹ தோஷம் உட்பட அனைத்து தோஷங்களும் சாபங்களும் நீங்குவதாக நம்பிக்கை நிலவுகிறது...

மிகச்சிறந்த வரப்பிரசாதியான சக்திபீட கணபதி ஆலயத்தில் நுழைகையில் நம்மை வரவேற்று நம்பிக்கை அளிக்கிறார்..

கணபதியை வேண்டிக்கொண்டு மட்டைத்தேங்காய் அல்லது தேங்காய் ச்மர்ப்பிப்பதன் மூலம் வியாபாரம் தொழில் தடைகள் நீங்கி நலம் பெறலாம்..

வெளிநாட்டுப்பயணத்தடைகளையும் நீக்கி அருளுகிறார் சக்திபீட கணபதி !

சித்தூருக்கு அருகிலுள்ள காணிப்பாக்கம் என்கிற அருட்தலத்திலிருந்து அழைத்துவரப்பட்டவர்தானே !!!

அழகுக் குழந்தையாக வள்ளிதெய்வானையுடன் அருட் காட்சிதருகிறான் முருகன ....

ஸ்ரீ தட்சிணாமூர்த்தி , ஸ்ரீ மஹாவிஷ்ணு திருகோலங்கள் எழிலாய் மிளிர்கின்றன...

ஒரேகல்லில் கம்பீரமாக வடிக்கப்பட்டு கருத்தைக் கவர்கிறார் ஐயப்பன்..

லலிதா திரிபுர சுந்தரி ஸ்ரீ சக்கர ரூபிணியாக மஹாமேருவாக எழுந்தருளி செங்கோல் ஏந்தி மஹாமாதாவாக அருளாட்சி நடத்தும் எழில் கோலம் நம்மை ஆட்கொள்ளும்...

மரகதப் பச்சைக்கல்லால் ஆதிசங்கரர் வகுத்தளித்த ஸ்ரீ வித்யா முறைப்படி நாலரை அடி உயரத்தில் ஒளிரும் இந்த ஸ்ரீ மஹாமேரு ஷேசாத்திரி சுவாமிகள் சூட்சுமத்தால அடையாளம காட்டப்பட்டு சிறப்பாக ஒரே கல்லால் வடிக்கப்பட்டதாகும்.. வேறெங்கும் காணமுடியாத அபூர்வமானது ...

வரம் தரும் அன்னையாக ஸ்ரீலலிதாவின் மந்திரிணிதேவியான ஸ்ரீ துர்க்கையாக சாந்த ஸ்வரூபிணியாக ராஜகாளியம்மன் சகல் தோஷங்கள் அனைத்தையும் நீக்கி நம்பிக்கை அளித்து அருளாட்சி நடத்துகிறாள் சுற்றுப்பிரகாரத்தில்..எலுமிச்சையில் தீபம ஏற்றி வழிபடுதல் விஷேஷம்...

குருவாயூரை நினைவுபடுத்தும் அதே அமைப்பில் அருள்புரிகிறான் மகானின் மனம் கவர்ந்த ஸ்ரீ கிருஷ்ணன்..

சன்னதி முகப்பில் வைக்கப்பட்டிருக்கும் குன்றிமணிகளை அளைவதன் மூலம் தோஷங்கள் நீங்கி புத்திரப்பேறு முதலிய வேண்டுதல்கள் நிறைவேறுகின்றன...

தனிச்சன்னதியில் அருள்பாலிக்கும் மகான் ஷேசாத்திரி சுவாமிகள் சிலாரூத்தில் அற்புதமாக வடிவமைக்கப்பட்டுள்ளார்... மகானின் உத்தரவுப்படி அடி அண்ணாமல்யில் இருந்து எடுத்துவரப்பட்ட கல்லில் சிரிக்கும் தோற்றத்தில் உள்ள மகானின் சன்னதி அதிர்வலைகள் நிரம்பியது...இங்கு அமர்ந்து தியானம் செய்வது ஆனம நலம் பெருக வழிவகுக்கும்...

தனிச்சன்னதில் அருளும் கோதண்ட ராமருக்கு எதிரில் வணங்கிய நிலையில் ஸ்ரீ ஆனுமன்...

திருநாகேஸ்வரத்தில் நாகவல்லி ,நாகலஷ்மி சமேதராக நாகராஜா அருட்காட்சி அமைப்பிலேயே இங்கும் காட்சிதந்து நாகதோஷம் புத்திர தோஷம் நீக்கி அருள்கிறார்..அபிஷேக அர்ச்ச்னை செய்கிறார்கள்..

ஆலயமுகவரி

ஸ்ரீ சக்ர மஹாமேரு பதினெண்சித்தர்கள் பிருந்தாவன் சித்தர் பீடம்,

எண் 1 --சன்னதித்தெரு , மாடம்பாக்கம் ,

சென்னை 600073 ,

இணைய தளம் <http://www.seshadri.info/

சத்குரு

சத்குருவின் தங்கப்பாதுகை

கிருஷ்ணன்

தரம் நிறை தாரமங்கலம்

2012-05-09T17:12:00.000+05:30

தாரமங்கலம் கைலாசநாதர் திருக்கோயில் கெட்டி முதலி அரச பரம்பரையினர் இந்தக் கோயிலை விரிவுபடுத்திக் கட்டியுள்ளனர். பிற்காலத்தில் மும்முடிச் சோழனும், சீயாழி மன்னனும் இந்தக் கோயிலைப் புதுப்பித்து திருவிழாக்களைக் கொண்டாடி வந்துள்ளனர். வணங்காமுடி மன்னர் காலத்தில்தான், இந்தக் கோயில் முழுமையாகக் கட்டி முடிக்கப்பட்டுள்ளது.

கோயிலைச் சுற்றி மிகப்பெரிய கல்சுவர் எழுப்பப்பட்டுள்ளது.

ஆலயத்தின் ராஜகோபுரம் 90 அடி உயரத்தில் ஐந்து அடுக்குகளைக் கொண்டது. ஒரு பெரிய தேரைக் குதிரைகளும் யானைகளும் இழுத்துச் செல்வதைப் போன்ற தோற்றத்தில் இந்தக் கோபுரம்

அமைந்துள்ளது.

கோவில் தரிசித்து திரும்புபவர்கள் வாழ்வில் ஏற்றம் உண்டு என்பதற்கு கட்டியம் கூறுவது போல் படிகள் அமைத்திருக்கிறார்கள்.

கோவில் பிரதான வாயில் பிரகாரமே மீனாட்சிசுந்தரேஸ்வரர் திருக்கல்யாண வைபவ பந்தல் போன்று செதுக்கப்பட்டுள்ளது அற்புதம்.

கோயிலில் ஆகஸ்டு-செப்டம்பர் மற்றும் பிப்ரவரி மார்ச் மாதங்களில் நுழைவு வாயில் கோபுரத்தின் வழியாக மாலை நேர வெயில் நுழைந்து கருவறையில் இருக்கும் சிவகாமி சமேதராக வீற்றிருக்கும் கைலாசநாதர் சிலை மீது விழும்.

தாருகா வனத்தில் அமர குந்தி என்ற ஊருக்கு கெட்டி முதலியார் என்பவர் அரசாண்டு வந்தார்.

பசுக்கள் தினந்தோறும் மேய்ச்சலுக்கு செல்கையில் ஒரு பசு மட்டும் குறிப்பிட்ட இடம் ஒன்றில் பால் சொரிகிறது என்ற தகவல் வந்தது.அந்த தகவல் கேட்டு அந்த இடத்திற்கு சென்று பார்த்தார்.

தான் கேள்விப்பட்ட தகவல்படி அந்த பசு குறிப்பிட்ட இடத்தில் பால் சுரந்தது.அதை கண்டு பரவசப்பட்ட கெட்டி முதலியார், சுவாமி அங்கு எழுந்தருள்வதாக உணர்ந்த அவர் அங்கு வழிபாடு செய்தார்.

அதன்பின்னர் பல ஆண்டுகள் கழித்து மகுடேறி மகுடசூடாவடி மன்னன் மணிமன்னன் வணங்கினும் வணங்காமுடி இந்த கோயிலைக் கட்டியதாக வரலாறு கூறுகிறது.

யாழி வாயில் இருக்கும் உருண்டை 360 டிகிரி சுழலும் வண்ணம் வெளியே வராதவாறு அமைக்கப்பட்டுள்ளது.

ஊர்த்துவ நடராஜருக்கு அருகே ஊடி நிற்கும் சிவகாமியை பெருமான் தாடையை பிடித்துக் கொஞ்சி சமாதானம் செய்துறார். அதனருகே ஊடல் தணிந்த தேவி புன்னகையுடன் தலை குனிந்து நிற்கிறாள். அதனருகே உள்ள அஹோர வீரபத்ரன் அக்னி வீரபத்ரர் சிலைகளும் உக்கிரமும் நுட்பமும் கொண்டவை. தனி சன்னிதியாக பின்பக்கம் நாய் நிற்கும் காலபைரவர் சிலை ..

மேற்கு பார்த்த சிவன் கோயில்...மாசி 9,10,11 ஆகிய தேதிகளில் சூரிய ஒளி நந்தியின் கொம்பு வழியே சென்று சிவலிங்கத்தின் மீது மூன்றாம் பிறை போல் விழுகிறது...

, மன்மதன் சிலையிலிருந்து பார்த்தால் ரதி தெரியும்படியும் அமைந்த சிற்பம் சிறப்பானது.
தாரமங்கலம் கோவிலின் உலகப்பிரசித்தி பெற்ற ரதி. ரதி அருகிலிருந்து பார்க்கையில் மன்மதன் கல்திரையால் மறைக்கப்பட்டுள்ளார்

ரதியின் கூந்தல் ஐந்து பிரி பின்னல், சூடிய தாழம்பூ

மன்மதன். கரும்பு வில்லின் நேர்த்தி. மன்மதன் அருகிலிருந்து பார்க்கையில் பெருமான் தெரிவார் ஆனால் பெருமானிடத்திலிந்து மன்மதன் தெரிவதில்லை மன்மதன் பெருமான் பார்வையை அஞ்சுவதால்.......

வாலி சுக்ரீவ போரில் ராமன் மறைந்து நின்று வாலியை வதம் சிலையும் அழகானது.ராமனிடமிருந்து வாலி தெரிகிறார், வாலியிடமிருந்து ராமர் தெரியவில்லை. அந்த அழகாக காட்சிப்படுத்தி வியக்கச் செய்திருக்கிறார் சிற்பி.
வாலி மனைவி பெயர் தாரை....!

இத்தலத்தில் உள்ள ஒற்றைக் கல்லில் கோர்க்கப்பட்ட மாதிரி செதுக்கப்பட்ட சங்கிலிகள் , கல்லினால் ஆன சுழலும் தாமரை மேற்கூரையில் மேலும் அதிசயக்கத்தக்கவாறு வடிவமைக்கப்பட்டு,சுற்றி இருக்கும் சுழலும் கிளிகள் , சிங்கம் ஆகியவை சிற்பகலைக்கு சிறந்த எடுத்துக்காட்டு.

எப்போதும் குளிர்ச்சியாக இருக்கும் பவளக்கல் பட்டியக்கல் நிலை கோயிலின் நுழைவாயிலில்உள்ளது.

தலத்தின் கீழ்பகுதியில் ஒரு காற்று புக முடியாத அறைக்குள் இருக்கும் பாதாள லிங்கத்திற்கு பச்சை கற்பூரம் வைத்து செவ்வாய்க் கிழமை தோறும் அபிஷேகம் செய்தால் கல்யாண பாக்கியம், புத்திர பாக்கியம் மற்றும் தொழில் விருத்தி ஆகியவை கை கூடுகின்றன.

பாதாள லிங்கம்

கண்ணப்பநாயனார். பாதாள லிங்க சந்நிதி நுழைவாயில் சுவற்றில்

ஜூரகேஸ்வரர் 3 தலை, 3 கால்களோடு இருப்பது சிறப்பு. இவருக்கு மிளகு ரசம் வைத்து சாதம் படைத்து வடைமாலை சாத்தி அபிஷேகம் செய்தால் காய்ச்சல் மற்றும் தீராத வியாதிகள் குணமடைகின்றன.

நவக்கிரஹ சிலைகளைச் சுற்றியுள்ள தூண்களில் தசாவதாரச் சிற்பங்கள் வேறெங்கும் காணமுடியாதவை..

கல் யானைக்குக் கரும்பு கொடுத்த சித்தர் திரு உருவிற்கு மகப்பேறு வேண்டி கரும்புச்சாறு அபிஷேகம் செய்வார்களாம்..

இராமரும் அனுமனும் இராமேஸ்வரம் போன்று சிவபூஜை செய்யும் சிற்பம் அபூர்வமானது ...

இங்கிருக்கும் துர்க்கை இராமரால் சக்தி பூஜை செய்யப்பட்ட பெருமை கொண்டவள்..

அபிராமி அன்னை தனி சன்னதியில் அருள்புரிகிறாள்..

அனைத்து “தரங்களும்” பெற்று “தரமான” மங்கலம் பின்பு தாரமங்கலம் ஆனது

ஒரே கல்லில் வடித்துள்ள பீடம்

தரிசனம் நிறைந்து திரும்பும் போது கோவில் படிக்கட்டில் ஒரு பெண்மணி இன்னொரு பெண்மணியின் உச்சந்தலை முடியை வெடுக்கென்று பற்றி இழுத்து சடக்கு எடுத்து வைத்தியம் செய்துகொண்டிருந்தார்..

விசாரித்தோம்....வறட்டு இருமலுக்கு வர்ம வைத்தியமாம்.. உள்நாக்கு தொண்டையில் படுவதால்தான் இருமல் ஏற்படுகிறது.. எனவே உச்சந்தலை முடியை சிறு கொத்தாக பற்றி இழுக்கும்போது சிறுநாக்கு மீண்டும் மேல்நோக்கி தன் நிலையை அடைவதால் இருமல் சட் என்று நின்றுவிடுகிறதாம்.. ஆச்சரியமாகத்தான் இருந்தது ..

Rolling stone sculpture

ஆதிசங்கரரை முதலைபிடித்து தடுத்தாட்கொள்ளும் பெருமான்

பதஞ்சலி

http://jaghamani.blogspot.com/2011/04/blog-post_15.html

சிறப்பான சித்திரைத் தேரோட்டம்

2012-05-08T17:56:00.000+05:30

தேர்த்திருவிழா ஐயனின் ஐந்தொழில்களில் அழித்தல் தொழிலை குறிக்கின்றது. அசுரர்களை அழித்து தேவர்களையும் மற்ற ஜீவராசிகளையும் காப்பதைக் குறிக்கின்றது. ஆகவே தான் திருத்தேரில் எழுந்தருளி திரு உலா வரும் போது கையில் பினாகம் என்னும் அவருடைய வில்லை ஏந்தியவராக அலங்காரம் செய்வது மரபு.

யாராலும் அழிக்க முடியாத தங்க வெள்ளி இரும்பு பறக்கும் கோட்டைகளை அமைத்து கொண்டு மிரட்டிக் கொண்டு இருந்த திரிபுர அசுரர்களை தன் சிரிப்பினாலேயே எரித்து கொன்ற திருபுராரி, காரணீஸ்வரப் பெருமான் அன்னை சொர்ணாம்பிகையுடனும், எழில் முருகனுடனும், சண்டிகேஸ்வரருடன் மாட வீதிகளில் உலா வரும் அழகுத்திருக்கோலம் ...

அழகு குமரனின் அருட்கோலம்

பொன்னேரியில் சித்திரை மாதம் நடைபெறும் பிரம்மோற்சவ விழாவில் நந்தி வாகனத்தில் காட்சியளிக்கும் ஸ்ரீஅகத்தீஸ்வரர்.

கும்பகோணம் அருள்மிகு சாரங்கபாணி சுவாமி பெருமாளை ஏழு ஆழ்வார்கள் மங்களாசாசனம் செய்துள்ளனர்.சித்திரை தேரோட்டம் தமிழகத்தில் உலாவரும் மூன்று முக்கிய தேர்களில் ஒன்றாகவும், திருவாரூர் ஆழித்தேருக்கும், ஸ்ரீவில்லிபுத்தூர் ஆண்டாள் கோவில் தேருக்கும் இணையாக புகழ்பெற்றதாகும்.இப்பெரிய மரத்தேரின் எடை 500 டன் எடை ஆகும். தேரின் அடிப்பாகம் 25 அடியாகவும், மேல்தட்டு 35 அடியாகவும், உயரம் 30அடியாகவும் உள்ளது.

குடந்தை ஸ்ரீ சாரங்கபாணி கோயிலில் ரதபந்தன கவிதை

தேனி அருகிலுள்ள வீரபாண்டியிலுள்ள வீரபாண்டி கௌமாரியம்மன் கோயிலிலும் சித்திரைத் திருவிழா கொண்டாடப்படுகிறது. சித்திரை மாதம் கடைசி செவ்வாய்க் கிழமை தொடங்கி மறு செவ்வாய்க்கிழமை வரை தொடர்ந்து எட்டு நாட்கள் நடைபெறுகிறது.

இந்தக் கோயிலில் சித்திரைத் திருவிழாவின் போது மட்டும் 24 மணி நேரமும் கோயிலில் வழிபாடு நடத்தப்படுகிறது.

சித்திரைத் திருவிழாவின் போது அம்மன் அன்ன வாகனம், சிம்ம வாகனம், காமதேனு வாகனம், கருட வாகனம், குதிரை வாகனம் போன்றவற்றில் பக்தர்களுக்குக் காட்சி அளிக்கிறார். சித்திரைத் திருவிழாவில் வெள்ளிக் கிழமையன்று பூவால் அலங்கரிக்கப்பட்ட பூப்பல்லக்கில் ஊர்வலமாகக் கொண்டு வரப்படுகிறார். அன்று இதைக் காண அதிக அளவில் மக்கள் கூடுகிறார்கள்.

பாண்டிய மன்னனுக்குக் கண் பார்வை தந்த இந்தக் கோயிலில் வணங்கிச் செல்பவர்களுக்கு அம்மை மற்றும் கோடைக்கால அனைத்து வெப்ப நோய்களும் நீங்கி விடும் என்கின்றனர்.

கோயிலின் தீர்த்தமாக கோயிலுக்கு அருகே ஓடும் முல்லை நதியின் நீர் பயன்படுத்தப்படுகிறது.

கோயில் கோபுரத்தில் இந்திய சுதந்திரப் போராட்டத் தியாகிகளான மகாத்மா காந்தி, கஸ்தூரிபா காந்தி, ஜவஹர்லால் நேரு, நேதாஜி சுபாஸ் சந்திரபோஸ் ஆகியோரது உருவச் சிலைகள் கோபுரத்தில் இடம் பெற்றுள்ளனர்.

வீரபாண்டி கோட்டையிலே

மின்னலிக்கும் வேளையிலே
ஊரும் ஆறும் தூங்கும் போது
பூவும் நிலவும் சாயும் போது
கொலுசு சத்தம் மனச திருடியதே

மதுரை சித்திரை திருவிழா ...

மதுரை அருள்மிகு மீனாட்சி சுந்தரேசுவரர் திருக்கோயில்
சித்திரைத் திருவிழா திருத்தேர்கள்.

சித்திரைத் தேரோட்டம் - சென்னை ..திருவல்லிக்கேணியில் உள்ள செண்பகாம்பிகை உடனுறை திருவேட்டீஸ்வரர்

ஸ்ரீரங்கம் ரெங்கநாதர் கோவிலில் சித்திரை தேர் திருவிழா எனப்படும் விருப்பன் திருநாள்

”திருநெல்வேலியான் தேர் பாரான்

திருச்செந்தூரான் கடலாடான்”என்கிறது சொலவடை.

சொலவடைன்னா சும்மாவா,”சொந்தம் பொய்த்தாலும் சொலவடை பொய்க்காது ?

தேரை இழுத்து தெருவில விட்ட மாதிரி......ஊர் கூடி தேரிழுப்பார்கள் --
ஊர் கூடினால் தேர் ஓடும் என சமுதாய ஒற்றுமைக்கு அச்சாணி தேர்த்திருவிழா..

திருநெல்வேலித் தேரோட்டம் பார்த்த பின் வேறு ஊரின் திருவிழாக்கள் ரசிக்காது..

தூரத்தில் நின்று பார்க்கும் போது தேர், அதன் அலங்காரத் தட்டுக்கள், .கொடி, பிரம்பு வளையங்களின் மேல் சுற்றித் தைத்த துணிக் குழல்கள் (குட மாலைகள்) எல்லாம் மெலிதாக அசைய, தலைகள் மேலாக தேர் ஆடி ஆடி வரும்போது ”தேரு வந்தது போலிருந்தது நீ வந்த போது” என்று பாடியது சரிதான் என்று தோன்றும்

அவினாசி தேர் திருவிழா. தமிழ்நாட்டிலேயே இரண்டாவது பெரிய தேர்.

தேர் அமைப்பு. (அருணகிரிநாதர் நூல்கள்)

புத்த பூர்ணிமா விழா

2012-05-07T19:25:00.000+05:30

புத்தம் சரணம் கச்சாமி,
தர்மம் சரணம் கச்சாமி,
சங்கம் சரணம் கச்சாமி,
என்பதே புத்த சங்கத்தின் முழக்கம்.
ஞானம் பெற வேண்டும்; அதனை மக்களுக்கு போதிக்க வேண்டும்; தர்மம் காக்க வேண்டும் என்பதே அதன் அடிப்படையான கருப்பொருள்.

அன்புதான் இன்ப ஊற்று-அன்புதான் இன்ப ஜோதி -
அன்புதான் உல மகா சக்தி என்பதில் அசையா நம்பிக்கை கொண்டார் புத்தர்.

ஆசையே" துன்பத்திற்கு அடிப்படைக் காரணம் என்னும் தத்துவத்தை உலகிற்கு போதித்தவர் கௌதம புத்தர்.

உலக மகா ஞானிகளில் தனக்கென தனி இடம் பிடித்தவர்.

புத்த ஞாயிற்றின் ஒளி ஆசியாக் கண்டத்தில் பல நாடுகளிலும் இருளினை அகற்றி மக்கள் மனக்கண்களைத் திறந்து ஒரு புது வாழ்வை ஆரம்பித்து வைத்தது.

கௌதம புத்தர் பிறந்து 2,500 வருடங்கள் கடந்தும் ஞானோதயம் அடைந்த அவரின் போதனைகள் ஆன்ம சாதகர்களை இன்றும் வழி நடத்துகிறது.

புத்த பூர்ணிமா நாளானது கௌதம புத்தரின் பிறப்பு, ஞானோதயம், மற்றும் மஹா சமாதி ஆகிய நாட்களை நமக்கு நினைவு படுத்துவதோடு மட்டுமல்லாமல் நாமும் அந்த மாதிரி நிலையை அடையலாம் என்று நமக்கு உணர்த்துகிறது.

"புத்தன்" என்ற சொல்லுக்கு "விழித்தெழுந்தவன்", "ஒளியினைக் கண்டவன்" என்று பொருள். தன் ஆசையையும், அகந்தையையும் வெற்றி கொண்டார். "தான்", "தனது" என்ற நிலையிலிருந்து விலகினார்.

பிறந்த தினமும் ஞானபோதம் பெற்ற தினமும் பூவுலக வாழ்வைத் துறந்த நாளும் வைகாசிப் பௌர்ணமியாகும்.

வைசாகா அன்று புத்தரின் வாழ்வில் நிகழ்ந்த முக்கியமான இந்த மூன்று சம்பவங்களையும் நினைவு கூறுவதே புத்த பூர்ணிமா

புத்த பூர்ணிமா அன்று புத்த மதத்தினர் வெண் நிற உடைகளை மட்டுமே அணிந்து மடாலயங்களிலும், வழிபாட்டிடங்களிலும், வீடுகளிலும் வழிபாடுகளையும் விழாக்களையும் நடத்தி மகிழ்கிறார்கள்..

கீர் எனப்படும் பானம் அன்றைய தினம் அவர்களது உணவில் முக்கிய அங்கமாக இருக்கும்.

இந்தியாவின் பீகாரில் உள்ள புத்த கயாவிலும், உத்திரபிரதேச மாநிலத்திலுள்ள சாரநாத்திலும் புத்தப் பூர்ணிமா விழா மிகச் சிறப்பாகக் கொண்டாடப்படுகிறது.

முழுமை நிலையில் இருக்கும் குரு தன்மையை உணர ஒவ்வோரு உயிருக்கும் பாக்கியமாக அமைந்த நாள் தான் "குரு பூர்ணிமா ". .

ஆஸ்திரேலியாவில் SOUTH BANK என்னும் இடத்தில் புத்த பூர்ணிமா மிகச்சிறப்பாகக் கொண்டாடப்பட்டது

புத்தருக்கு அனைவரும் மண்டியிட்டு வணக்கம் செலுத்தினர் .. நீரால் அபிஷேகம் செய்தனர்.. வாசனை மிகுந்த ஊதுபத்திகளை ஏற்றி பிரார்த்தனை செய்தார்கள்..

வாணவேடிக்கை சிறப்பாக முழுநிலவுடன் போட்டியிட்டு வாணத்தை வர்ணமயமாக்கியது..

ஒவ்வொரு வருடமும் நடைபெறும் திருவிழாதான் என்றாலும் ஏழாம் அறிவு திரைப்படத்திற்குப் பின் வந்த விழா இன்னமும் அதிகமாக களைகட்டி சிறப்பாக்கியது..

Bathing Buddha. South Bank, Brisbane

Buddha Birthday Festival South Bank, Brisbane

FESTIVAL OF LANTERNS IN CHIANG MAI, THAILAND

Buddha Birthday World's Fair park. Brisbane

Sri Lankan Vesak Festival, Vihara Temple, Brisbane,

மதுரை அரசாளும் மீனாட்சி

2012-05-06T18:29:00.000+05:30

ஓம்
சஹனா பவது;சகனௌ புனக்து
சக வீர்யம் கரவாவகை
தேஜஸ் விநாவதி தமஸ்து
மா வித் விஷாவகை
ஓம் சாந்தி சாந்தி சாந்தி

அன்னையின் அன்பிற்கு ஈடாக ஏதும் இல்லை என்பதனாலேயே பால் நினைந்தூட்டும் தாயினும் சாலப் பரிந்து இறைவன் அருள்வதாக இறைவனின் அடியார்கள் இறைவனைத் தாய்க்கு நிகராகக் கொண்டு வழிபட்டனர். அவ்வாறு தாயின் வடிவில் அருள் புரிபவள் அன்னை பராசக்தி. அவள் காஞ்சிமாநகரில் காமாட்சியாகவும், மதுரையம்பதியில் மீனாட்சியாகவும், காசியில் விசாலாட்சியாகவும் அருள் பாலிக்கிறாள்.

சைவமும், வைணவமும், இணைந்து கொண்டாடும் ஒரு பெருவிழா மதுரை சித்திரைத் திருவிழா

மீனாட்சியும் சொக்கரும் தங்கப் பல்லக்கில் உலா வரும் பவனியின் நோக்கம், பல்லக்கில் சாமியின் திருவுருவங்களை திரைச்சீலை மறைத்திருக்கும்... நம் எதிர்காலம் எப்படி இருக்கும் என்று இறைவன் அன்றி யாவரும் அறியோர்.நல்லதும்,கெட்டதும் கலந்திருக்கும் உலகத்தில், நல்லவைகளுக்கு மட்டுமே மனதில் இடம் கொடுத்து நெறியோடு மனிதர்கள் வாழவேண்டும் என்பதை உணர்த்தவே பவனி...

அழகர்கோவில் சுந்தரராஜ பெருமாள் கோவில் வரலாற்றுச் சிறப்பு மிக்க சித்திரை திருவிழா கண்டாங்கி பட்டுடுத்தி, கையில் வேல்கம்புடன் பக்தர்களின் "கோவிந்தா' கோஷம் முழங்க தங்கப் பல்லக்கில் மதுரை நோக்கி புறப்பட்டுதோளுக்கினியாள் திருக்கோலத்தில் பல்லக்கில் எழுந்தருளி பக்தர்களுக்கு காட்சி அளிப்பது சிறப்பு.

திருவிழாவின் முக்கிய விழாவான ஆற்றில் இறங்கும் நிகழ்ச்சிஸ்ரீவில்லிபுத்தூர் ஆண்டாள் சூடிக் கொடுத்த திருமாலையை ஏற்றுக் கொண்டு தங்கக் குதிரை வாகனத்தில் எழுந்தருளி பக்தர்களுக்கு சேவை சாதிக்கிறா

சித்திரைத் திருவிழாவின் பத்தாம் நாள்,உலகை வென்ற அம்மன், இறுதியாய் இறைவனையும் வென்றாள்...

மீனாட்சி சுந்தரேஸ்வரர் திருக்கல்யாணத்தை காண, விண்ணுலகமே, மண்ணுலகிற்கு வந்து, தம்பதியரை வாழ்த்துவதாய் ஐதீகம். இறைவன் திருமணம் முடிந்த இரவு சுந்தரேஸ்வரர் யானை வாகனத்திலும், அம்மன் பூப்பல்லக்கிலும் வீதி உலா வருவார்கள்

மூன்று திரிபுர அசுரர்கள் ஆணவம் கொண்டு மூவுலகத்தை துன்புறுத்தியதாகவும் அவர்களை வதம் செய்யவே சிவபெருமான் தேரேறிப் புறப்பட்ட புராண நிகழ்வை நினைவூட்டும் விதத்தில் சுந்தரேஸ்வரரும், மீனாட்சியும் மாசிவீதிகளில் பவனி வருகின்றனர்.

இரவில் சுந்தரேஸ்வரரும், மீனாட்சியும் சப்தாவர்ண சப்பரத்தில் பவனி வருவர்.

நூபுர கங்கையில் நீராடி, பூஜையில் மூழ்கியிருந்த சுதபஸ் முனிவர், அங்கு வந்த துர்வாசமுனிவரைக் கவனிக்காததால் கோபம் கொண்ட துர்வாசர், தவளையாகப் போகக்கடவது. என்று சுதபஸ் முனிவரைச் சபித்தார். மறுகணம் தவளையான முனிவர், சாப விமோசனத்தை வேண்டிக் கேட்க... வைகை கரையில் தவம் இருந்து வா, சித்திரா பௌர்ணமிக்கு மறுநாள் கள்ளழகர் வைகைக்கு வந்து உனக்கு சாபவிமோசனம் தருவார்’’ என்று துர்வாச முனிவர் கூறியதாகவும், அதனால் சுதபஸ் முனிவருக்கு சாப விமோசனம் வழங்கவே கள்ளழகர் வைகைக்கு எழுந்தருள்வதாகப் புராணங்கள் கூறுகின்றன.

தன் தங்கை, மீனாக்ஷியின் கல்யாணத்துக்கு சீர்வரிசையுடன் புறப்பட்ட அழகர், மதுரை செல்வதற்கு தாமதமானது, அதற்குள் தன் தங்கையின் கல்யாணம் முடிந்து விட்டதால், கோவம் கொண்டு மதுரைக்குள் செல்லாமல் வைகையில் சென்று, தன் கோபம் குறைய நீராடினார் என்றும் ஒரு காரணக் கதை உண்டு.

பஞ்சபூத தலங்களில் அக்னித் தலமாக விளங்கும் திருவண்ணாமலை அருணாசலேஸ்வரர் கோயிலில் சித்திரை வசந்த உற்சவ விழா மன்மதன் தகனம் நிகழ்ச்சி நடைபெறும்....

மகாதீபத் திருவிழாவை அடுத்து சித்ரா பெளர்ணமி விழாஅருணாசலேஸ்வரர் உண்ணாமுலையம்மனுக்கு சிறப்பு அபிஷேக, ஆராதனைகள் நடைபெறும் .. கிரிவலம் வர கார்த்திகைதீபத்தைப் போல் சிறந்த நாளாக அமைகிறது....

The pallav of the sari has the Madurai Sri Meenakshi Amman Koil, and on the borders are woven the seven woders of the world;