அன்பு நண்பனுக்கு ஆராதனை

201 வது பதிவு...

இந்து சமயத்தில் முப்பத்து முக்கோடி தேவர்கள் இருப்பதாக புராணங்கள் கூறும். 

இந்துதேசமான நேபாளத்தில் தீபங்களின் வரிசையான தீபாவளி முதலிடம் பெறுகிறது.  

Tihar என்னும் ஐந்து நாள் பண்டிகையில் முதல் நாள் காகத்திற்கு. காகம் பூமிக்கும் சொர்க்கத்திற்குமான தூதுவனாகக் கருதப்படுகிறது.காகபுஜண்டர் என்ற முனிவரும் உண்டே. 

இரண்டாவது நாள் நன்றியுள்ள நாய்களுக்கு. 

பைரவராக நாய் காவல் தெய்வமல்லவா. 

ஆதிகாலத்திலிருந்து உற்ற நண்பனாக, காவலாக பழகும் நன்றிக்கு இலக்கணமாகத்திகழும் ஆசைத்தோழன் நாய்தானே.

 அருமை நண்பேண்டா என்று கொண்டாடுகிறார்கள்.

மூன்றாம் நாள் பசுக்களை லட்சுமி தேவியாக பூஜிக்கிறர்கள்.

நான்காம் நாள் கோவர்த்தன் பூஜை. 

சாணம் தூய்மையைக் குறிக்கும் அடையாளம். 

திரு நீறு இதிலிருதே தயாரிக்கப் படுவதே இதன் சிறப்புக்குச் சான்று பகரும்.

இதுதான் நேபாள நாட்டின் சம்பிரதாயத்தில் புத்தாண்டு தினமாக கொள்கிறார்கள். 
ஆனால் இது அலுவலக பதிவுகளில் அல்ல.

நாமும் தானே தமிழ் மாதங்களைக் கொள்கிறோம் சம்பிரதாயமாக்..  

ஐந்தாம் நாள் சகோதரிகள் சகோதரர்கள் நலம் வேண்டி பூஜிக்கும் திரு நாள்.
வட இந்தியாவிலும் ஹோலி கொண்டாடி சகோதரருக்கு ராக்கி என்னும் புனிதக்கயிறு கட்டும் விழா நடைபெறுகிறது வண்ணமயமாக.

ஒரு நாளிலும் வாடிவிடாத வாடாமல்லி மலர் மாலையை சகோதரர்களுக்கு அளித்து அந்த மாலை வாடாதிருக்கும் வரை தன் சகோதரனின் ஆயுள் நீடிக்க வேண்டும் என்று தர்மராஜனிடம் வேண்டி விருந்தளிக்கும் நாளாகக் கொண்டாடப் படுகிறது.

சமயோசிதத்துடன் எத்தனை அன்பு உடன்பிறந்த சகோதரனிடம்!

   

  
உலகில் மிகவும் விலை மதிப்புள்ள அரிய வகை நாய் வியப்பூட்டியது.

பணத்தால் அன்பை வாங்க முடியாது என்போம். 

பார்ப்பதற்கு அழகிய பொம்மை போல் அருமையான தோற்றத்துடன் காட்சிப்படும்- மனிதனுக்கு மிகவும் உற்ற நண்பனான அன்புக்குரிய இந்த நாயை ஒருவர் பெருந்தொகை கொடுத்து வாங்கியுள்ளார். 

இது திபெத்தைச் சேர்ந்த சிவப்பு நிற உயர் ரக நாய்.சீனாவின் வட பகுதியைச் சேர்ந்த ஒருவர்தான் இதை வாங்கியுள்ளார்  ஒரு பெரும் கோடீஸ்வரர். 

 இந்த நாயை பராமரிப்பது இலேசான காரியமல்ல. 

இறைச்சியும், கோழியும் தான் உணவாகக் கொடுக்கப்பட வேண்டும். 

இன்னும் கடல் வெள்ளரிக்காய் போன்ற பல உயர் ரக உணவும் தேவைப்படுகின்றது. 

இந்த ரக நாய்கள் மிகப் பெரிதாக வளரக் கூடியவை. 

எனவே அதற்கேற்ற பெரிய இருப்பிடமும் அவசியமாகின்றது. 

இந்த வகை சிவப்பு திபெத் நாயை வைத்திருப்பது சீனாவில் ஒரு சமூக அந்தஸ்த்துக்குரிய சின்னமாகும். 

நகை அலங்காரங்களுக்குப் பதிலாக இத்தகைய உயர ரக நாய்கள் தான் இன்று சீன செல்வந்தர்களின் சமூக அந்தஸ்த்தாகும். 

இந்த நிறம் சீனாவில் அதிர்ஷ்டத்துக்குரிய ஒரு நிறமாகக் கருதப்படுகின்றது. 

இந்த வகை நாயும் புனிதமானதாகவே கருதப்படுகின்றது. 

தமது எஜமானர்களின் செல்வத்துக்குரிய ஆசீர்வாதமாகவும் பாதுகாப்பாகவும் இது கருதப்படுகின்றது. 

இது உணவாகக் கொள்ளும் கடல் வெள்ளரியின் அற்புத குணம் ஒன்று வியப்பில் ஆழ்த்தியது.

எதிரிகளிடமிருந்து தன்னை காப்பாற்றிக் கொள்ள, தன் குடலையே கொடுத்து விட்டு தப்பிக்கும் அழகிய கடல் வெள்ளரி மீனினங்கள், மன்னார் வளைகுடா பகுதியில்  கடலடியில் காணப்படும் ஒரு அரிய வகை உயிரினம்.

கடலடியில் வாழ்வியல் பிரச்னைகள், உணவிற்கு போராட்டம், பாதுகாப்பின்மை என எத்தனையோ இன்னல்கள் வந்தாலும், அவற்றை தாக்கு பிடிக்கும் திறன்கள் பல உயிரினங்களிடம் 

இயற்கையாகவே அமைந்துள்ளன. 

இவைகளின் உத்திகள் நம்மை சிலிர்க்க வைக்கின்றன. 

உணவிற்கும், உயிர் பிழைக்கவும், இனப்பெருக்கம் செய்வதில் பல வினோதங்கள் மீனினங்களிடம் உண்டு. 

உணவு, இடம் பாதுகாப்புக்கு ஒன்றையொன்று சார்ந்திருத்தல், இருபாலரும் உறவால் பலன் பெறுதல் என எத்தனையோ உறவு மலர்கள். 

சற்று வித்தியாசமான கடல் வெள்ளரி தன் உடலினுள் மீனொன்று பதுங்கி வாழ அடைக்கலம் தருகிறது. 

சேற்றின் அழுக்கை தின்று, சுத்தப்படுத்தும் இயல்பு கொண்டசிறப்பு வாய்ந்த கடல் வெள்ளரி, ஆள் விழுங்கி மீனிடமிருந்து தப்பிக்க பல தந்திரங்களைக் கையாள்கிறது. 

அவற்றுள் ஒன்றுதான் தனது குடலையே வெளியேற்றி விடுவது. தாக்க வரும் இனம் அதை தின்று விட்டு போய்விடும். 
குடலில்லாத வெள்ளி மீனுக்கு மீண்டும் குடல் உருவாகிவிடும். 

இயற்கையின் எண்ணற்ற அதிசயங்களை எண்ணத்தான் முடியுமா மனிதனால்..!!