ஆறுமுகமங்கலம் ஆயிரத்தெண் விநாயகர்

முதாகராத்த மோதகம் ஸதாவிமுக்தி ஸாதகம்
கலாதரா வதம்ஸகம் விலாஸிலோக ரக்ஷகம்
அநாயகைக நாயகம் விநாசிதேப தைத்யகம்
நதாசபாசு நாசகம் நமாமி தம் விநாயகம் 

விநாயகருக்கென தமிழகத்தில் எழுப்பப்பட்ட தேர், கொடிமரம் அமைத்து திருவிழா காணும் முக்கியமான கோயில் அருள்மிகு ஆயிரத்தெண் விநாயகர் கோயில், ஆறுமுகமங்கலம், தூத்துக்குடி மாவட்டம் - 628 802.

அடிக்கடி உடல்நலக் குறைவு ஏற்பட்டாலும், திருமணத்தில் தடை இருந்தாலும், படிப்பில் குறைபாடு இருந்தாலும், வழக்குகளில் இழுபறி இருந்தாலும் மோட்டார் வாகனங்களில் அடிக்கடி விபத்து ஏற்பட்டாலும், பணப்பிரச்னை தீரவும் இங்கு வந்து விநாயகரை வழிபட்டால் வேண்டிய காரியங்கள் சிறப்பாக முடியும் என்பது நம்பிக்கை.

வீடு கட்ட, திருமண வேலைகள் ஆரம்பிக்க, குழந்தைகளை பள்ளியில் சேர்க்க, வியாபாரம் ஆரம்பிக்க என நாம் எந்த காரியம் தொடங்கினாலும் முதற்கடவுளின் முதல் கோயிலுக்கு வந்து வழிபட்டு சென்றால் போதும் அதில் எவ்வித தடைகளும் வராமல் விநாயகர் பார்த்துக்கொள்வார்.

தலபெருமை:

ஆதிசங்கரர் தன் உடல் உபாதை நீங்க திருச்செந்தூர் செல்லும் வழியில் இத்தலத்தில் "கணேச பஞ்சரத்தினம்' பாடி, பின் திருச்செந்தூர் சென்று "சுப்ரமண்ய புஜங்க ஸ்தோத்திரம்' பாடி வியாதி நீங்கப் பெற்றார்.

ஆரம்ப காலத்தில் இந்த ஊர் குளத்தின் தென்கரையில் அந்தணர்கள் ஆயிரத்தெண் விநாயகரை ஸ்தாபித்து வழிபட்டனர். 

முதலில் கர்ப்பகிரகமும் அர்த்த மண்டபமும் அமைக்கப்பட்டது. 

பிற்காலங்களில் காளஹஸ்தீஸ்வரர், கல்யாணி அம்மன் சன்னதிகளுடன் மகாமண்டபம் அமைக்கப்பட்டது. 

பிறகு கோயில் விரிவடைந்தது. 

திருவாவடுதுறை ஆதீனத்தால் கொடிமரம், தேர் மற்றும் உற்சவ மூர்த்திகள் தரப்பட்டன. 

சமீப காலத்தில் சுற்று மண்டபமும், மேற்கூரை தளமும் அமைக்கப்பட்டன.

தஞ்சாவூர் அருகிலுள்ள திருச்செங்காட்டங்குடி வாதாபி விநாயகர் கூட ஏழாம் நூற்றாண்டில் எழுப்பப்பட்டதாக கூறப்படும் நிலையில், இத்தல விநாயகர் 2300 ஆண்டுகளுக்கு முன் பிரதிஷ்டை செய்யப்பட்ட என்ற தகவல் புதுமையானதாகவே உள்ளது. 

மற்ற கடவுள்களை தேடி நாம் போக வேண்டும். 

ஆனால் விநாயகரோ நம்மை தேடி வருவார். 

எதுவுமே, இல்லாத இடத்தில் கூட கொஞ்சம் மஞ்சள், ஏன் மணலை பிடித்து வைத்தால் கூட பிள்ளையார் ரெடி. 

அப்படி வந்தவர் தான் இந்த ஆயிரத்தெண் விநாயகர். 

கி.மு. 4ம் நூற்றாண்டில் சோமார வல்லபன் என்ற மன்னன் நர்மதை நதிக்கரையிலிருந்து 1008 அந்தணர்களை வரவழைத்து இங்கு பெரிய யாகம் நடத்த முடிவெடுத்தான்.

ஆனால் ஒருவர் மட்டும் குறைந்துள்ளர்.

பிரார்த்தனையின் பேரில் விநாயகர் அந்தணர் வடிவில் ஆயிரத்தெட்டாவது நபராக வந்து யாகத்தை பூர்த்தி செய்து தந்ததன் காரணமாக இங்குள்ள விநாயகர் ஆயிரத்தெண் விநாயகர் எனப்படுகிறார். 

யாகத்தின் முடிவில் தனக்கு கொடுக்கப்பட்ட ஆறுமுகமங்கலம் கிராமத்திலேயே விநாயகர் தங்கி விட்டதாக வரலாறு கூறுகிறது.

 

கணபதியின் கண் பாருங்கள்......

கணபதி சரணம்

வினாயகனே வினை தீர்ப்பவனே
வேழமுகத்தோனே ஞால முதல்வனே
குணாநிதியே குருவே சரணம்
குறைகள் களைய இதுவே தருணம்

திருவாக்குஞ் செய்கருமங் கைகூட்டுஞ் செஞ்சொற்
பெருவாக்கும் பீடும் பெருக்கும் - உருவாக்கும்
ஆதலால் வானோரு மானை முகத்தோனைக்
காதலாற் கூப்புவர்தங் கை.

அக்னி வைத்த நெற்றிக் கண்ணனும்
ஆதிபராசக்தி அன்னையும்
என் மகன் என் மகனென்று மடிவைத்து
கொஞ்சி விளையாடும் அஞ்சுகர பாலன்

காலைப் பிடித்தேன் கணபதி நின் பதம் கண்ணில் ஒற்றி
நூலைப் பல பலவாகச் சமைத்து நொடிப்பொழுதும்
வேலைத் தவறு நிகழாது நல்ல வினைகள் செய்து உன்
கோலை மனமெனும் நாட்டில் நிறுத்தல் குறியெனக்கே

கணபதி சரணம் அனுதினம் வரனும்

உந்தன் வரவு எங்களுக்கு புதிய உறவு

யானை முகத்தவனே என்குட்டி மன்னனே

விநாயக பெருமானே என் வணக்கம் அய்யா

மனம் கோணாமல் மனமார வரம் அருளும் அய்யா

எந்தன் விநாயக பெருமானே சித்தி விநாயகனே போற்றி போற்றி

பிரணவ வடிவமே விநாயகர், தமக்கு மேலான நாயகர் இல்லாத பெருமான் என்பதே சொற்பொருள்.

தேவர், மனிதர் முதலிய, யாவராலும் முதலில் வழிபடப்படுபவர்
மூத்த பிள்ளையாரே.

  “விக்கின விநாயக பாத நமஸ்தே” என்பர் வட நூலார்.

தம்மை நினைவாரது இடையூறுகளைப் போக்கியும், நினையாதார்பால் துன்பங்களை உளவாக்கியும் விளங்குதலால் விநாயகருக்கு விக்கினேசுவரர் என்ற திருநாமமுளதாயிற்று.

தேன் குடிக்கும் பிள்ளையார்

ஸ்வேதவிநாயகர்

பிரளயம் காத்த விநாயகர்

 "மூர்த்தி சிறிசானாலும் கீர்த்தி பெரிசு", என்ற வழக்கு  மிகப் பொருந்தும்.
சிறிய உருவம்.  திருவலஞ்சுழியில் உள்ள பிள்ளையாரை
"வெள்ளைப் பிள்ளையார்"என்றும் "ஸ்வேத விநாயகர்"
என்றும் அழைப்பார்கள். 

பாற்கடலைக் கடைந்தபோது அமிர்தம் தோன்றாமையினால், தேவர்கள் கடல் நுரையைப் பிடித்து வைத்து விக்னேசுவரப் பூசை செய்ததாக ஐதீகம். மூர்த்தமும் வெள்ளை நிறமாக இருக்கிறது.

வாணி, கமலா என்னும் இரு தேவியர் உற்சவமூர்த்திக்கு இரு மருங்கிலும் இருக்கின்றனர். இவர்தான் அந்த கோயிலின் பிரதான  மூர்த்தியாக இருக்கிறார். 

                   
மூர்த்தத்தைக் கையால் தொடமாட்டார்கள். பச்சைக் கற்பூரத்தைக் கொண்டே 

அபிஷேகம் செய்கிறார்கள்.

வேறெந்தப் பொருளும் பயன்படுத்தப்படுவதில்லை.
இவர் ஒரு வலம்புரி விநாயகர்.

வலது பக்கமாக துதிக்கை சுழித்திருப்பதால் "வலஞ்சுழி" என்று பெயர் ...

அருகே ஓடும் ஆறு, இந்தத் தலத்தின் அருகே வலப்புறமாக
சுழித்துச் செல்வதால் இப்பெயர் ஏற்பட்டதாகவும் கூறுவர்.

சூரியனும், சனிக் கிரகமும் பகைக் கிரகங்கள் ஆகும்.

எந்தக் கோவிலுக்குச் சென்றாலும் சூரியன் ஓரிடத்திலும், சனி மற்றொரு இடத்திலும் இருப்பதைத்தான் காண முடியும்.

ஆனால் தஞ்சாவூர் அருகில் உள்ள திருவலஞ்சுழியில் உள்ள சுபர்தீஸ்வரர் கோவிலில் இந்த இரண்டு கிரகங்களும் நேருக்கு நேர் உள்ளன.

இங்கு இவர்கள் இருவரும் நட்பு நிலையில் இருப்பதாகச் சொல்கிறார்கள். சூரியன் மற்றும் சனி பகவானால் ஜாதகத்தில் தோஷம் உள்ளவர்கள் இங்கு வந்து அர்ச்சனை செய்து கொள்ளலாம். 

பிரளயம் காத்தவர்              

கும்பகோணத்திற்கு அருகிலேயே ஐந்து மைல் தூரத்தில் உள்ள திருப்புறம்பியம் என்னும் தலத்தில்தான் பிரளயம் காத்தவிநாயகர் இருக்கிறார். 

ஒரு யுகத்திற்கும் இன்னொரு யுகத்திற்கும் இடையே ஏற்பட்டதொரு ஊழிப்பெருவெள்ளம் கட்டுக்கடங்காது போயிற்று.

கிருதயுக முடிவில் உண்டான பிரளயத்திலிருந்து தற்போதைய திருப்புறம்பியம் தலத்தைக் காக்க தந்தையின் ஆணைப்படி விநாயகப் பெருமான் ஓம்காரத்தினை பிரயோகித்து ஏழு கடல்களின் சக்தியையும் ஒரு கிணற்றுக்குள் அடக்கினார்.

பிரளயம் காத்தார். பிரளயம் காத்த பிள்ளையாரானார். 

பிரளயத்திற்கு புறம்பாக, பிரளயத்தை மீறியதால்
இத்தலத்தை திருப்புறம்பியம் என்றழைத்தனர்

அப்போது வருணன் கடலிலிருந்து கிடைத்த பொருள்களைக் கொண்டு பிள்ளையார் பிடித்து வழிபட்டார்.

விநாயக வழிபாட்டிற்குப் பின்னர் பிரளயமும் ஒடுங்கியது.
ஆகவே பிள்ளையாருக்கு "பிரளயம் காத்த விநாயகர்" என்ற பெயர் ஏற்பட்டது.

விநாயகரின் திருமேனி  சிலாவுருவத்தில் கடற்சங்கு, நத்தை, கிளிஞ்சல் .   சங்கு, கடல்நுரை, நத்தான்கூடு போன்ற கடல் பொருட்களால் ஆனது. 

    

இந்த பிள்ளையாருக்குத் "தேன் குடிக்கும் பிள்ளையார்" என்ற பெயரும் உண்டு.

இவருக்கு ஆண்டுக்கு ஒரு முறை மட்டுமே அபிஷேகம் நடக்கும். .

இவருக்கு விநாயகர் சதுர்த்தியன்று மட்டும் இரவு முழுவதும் தேன் அபிஷேகம் நடைபெறும்.

ஆச்சரியமாக அவ்வளவு தேனையும் விநாயகப் பெருமான் தன் திருமேனி மூலம் உறிஞ்சிக் கொள்வார்!

தேனபிஷேகத்தின்போது செம்பவள மேனியனாக ஜொலிப்பார்.

அதனாலேயே இவரை தேன் உறிஞ்சும் பிள்ளையார் என்றும் அழைக்கிறார்கள்.

இரவு 8-00 மணிக்கு மேல் தொடங்கி விடிய விடிய தேன் அபிஷேகம் செய்வார்கள்.

குடம் குடமாக ஊற்றப்படும் அவ்வளவு தேனையும், சிந்தாது சிதறாது பிள்ளையார் சிலை அப்படியே தன்னுள் உறிஞ்சிக்கொள்கிறது.

ஒரு டன் தேன் அவ்வாறு உறிஞ்சப் படுவதாக கணித்திருக்கிறார்கள்.

சந்தனநிற சுயம்புவானஇந்த அபிஷேகக் காட்சியை காண்போர் கோரும் வரங்கள், அடுத்த விநாயகர் சதுர்த்திக்குள் ஈடேறி விடுகின்றன. 

கும்பகோணத்திற்கு வடமேற்கே சுமார் 10 கி.மீ. தொலைவில் அமைந்துள்ளது 

சொல் கேட்கும் பிள்ளையார்

ராமநாதபுரம் மாவட்டத்தில் உள்ள கோட்டையூரில் உள்ள விநாயகரை வித்தியாசமாக ``சொல் கேட்கும் பிள்ளையார்'' அல்லது `
சொல் கேட்டான் பிள்ளையார்' என்று அழைக்கிறார்கள்.

பேச்சு வழக்கில் சொக்கட்டான் பிள்ளையார் என்கிறார்கள்.

பக்தர்களின் குறைகளை உடனுக்குடன் கேட்டு அருள்புரிகிறார் என்பதால் இந்தப் பெயர் அவருக்கு ஏற்பட்டதாகச் சொல்கிறார்கள். 

காலப்போக்கில் இந்தப் பெயர் மாறி `சொக்கட்டான் பிள்ளையார்' என்றாகிவிட்டது.

வேலூரிலிருந்து மூன்று கி.மீ. தொலைவில் உள்ளது 

சேண்பாக்கம். 1677ம் வருடம், துக்கோஜி என்ற மராட்டிய மந்திரியின் கனவில் தோன்றிய கணபதி, தன்னுடைய பதினொரு மூர்த்தங்கள் அத்தலத்தில் புதைந்திருப்பதாகவும் அவற்றைக் கொண்டு கோயில் கட்டுமாறும் அறிவுறுத்தினார்.

உடனே துக்கோஜி அங்கே அழகான சிறிய கோயிலை அமைத்தார்.

கோயிலில், 
பாலவிநாயகர், 
நடன விநாயகர், 
ஓங்கார விநாயகர், 
கற்பக விநாயகர், 
சிந்தாமணி விநாயகர், 
செல்வ விநாயகர், 
மயூர விநாயகர், 
மூஷிக விநாயகர், 
வல்லப விநாயகர், 
சித்தி&புத்தி விநாயகர், 
பஞ்சமுக விநாயகர் 

என்று வரிசையாக வளைந்து, ஓம் எனும் பிரணவ வடிவத்தில் இருக்கும் அழகு மனதை கொள்ளை கொள்ளும்.

விநாயகர் அருவமும், உருவமுமானவர் எனும் தத்துவத்தைச் சொல்லும் ஞான மூர்த்திகள் அவை.

ஏனெனில் அந்த விநாயகர்கள், எந்த உருவமுமற்று வெறும் கோளங்களாகத்தான் இருக்கிறார்கள்.

ஆனாலும் உற்றுப்பார்த்தால், விநாயகர் நிழலாய் மறைந்திருப்பது புலப்படும்.

இதுதான் சேண்பாக்கத்தின் சிறப்பம்சம்.

ஆறாவதாக உள்ள செல்வ விநாயகர் தினமும் அபிஷேகம் பெறுகிறார்.

ஆழத்துப் பிள்ளையார்

திருமுதுகுன்றம் எனும் விருத்தாசலம் பழமலைநாதர் ஆலயத்தினுள், ஆழத்துப் பிள்ளையார் அருள்பாலிக்கிறார்.

18 அடி ஆழத்தில் உள்ளதால் இந்த விசித்திரப் பெயர்!

ஷோடச கணபதிகளை (16 வித பிள்ளையார் உருவங்கள்) நினைவுபடுத்தும் விதமாக பதினாறு படிகள் உள்ளன.

நுண்ணியதாக, அணுவுக்குள் அணுவாக அமைந்து எல்லாவற்றிற்கும் ஆதார சக்தியாக வெகு ஆழத்தில் அமைந்து இவர் ஆட்சிபுரிகிறார் என்ற தத்துவம் உணர்த்தப்படுகிறது.

எல்லோராலும் அறியப்பட்ட ‘திருவும் கல்வியும் சீரும் தழைக்கவும்....’ என்று தொடங்கி, ‘பெருகும் ஆழத்துப் பிள்ளையைப் பேணுவோம்’ என்று முடியும் பதிகம் இத்தல ஆழத்துப் பிள்ளையாரைப் பற்றியதுதான்.

விநாயகருக்கான அறுபடை வீடுகளில் இதுவும் ஒன்றாகத் திகழ்கிறது..

கலைநிறை கணபதி சரணம் சரணம்
கஜமுக குணபதி சரணம் சரணம்
தலைவநின் இணையடி சரணம் சரணம்
சரவண பவகுக சரணம் சரணம்

முந்தி வரமருளும் முக்குருணி விநாயகர்

எனக்கு வேண்டும் வரங்களை இசைப்பேன் கேளாய் கணபதி!

மனத்தில் சலனம் இல்லாமல் மதியில் இருளே தோன்றாமல்

நினைக்கும் பொழுது நின் மவுன நிலை வந்திட நீ செயல் வேண்டும்

கனக்கும் செல்வம் நூறு வயது இவையும் தர நீ கடவாயே!

முத்துக்கள் தோற்கும் மோகனப் புன்னைகையோடு, இந்திரலோகத்துக் காமதேனுவையும், அமுதசுரபியையும் விட அதிகமாய்க் அருள் சுரக்கும் கண்ணாட்சியால் அண்ட சராசரங்களையும் காத்து ரட்சிக்கும் அன்னை 

மாணிக்கமூக்குத்தியும், மரகதப் பச்சைக் கிளியும் செங்கோலும் தாங்கி அருளாட்சி புரியும் மீனாட்சி அம்மன் கோயிலில் ஏராளமான விநாயகர் விக்ரஹங்கள் இருந்தாலும் முக்குறுணி விநாயகரே உருவத்தால் பெரியவர். 

ஒரு குறுணி என்பது 4 படி. (6 கிலோ) இந்த விநாயகருக்கு 18 கிலோ பச்சரிசி மாவால் ஆன கொழுக் கட்டை விநாயகர் சதுர்த்தி நாளில் படைக்கப்படுகிறது.

மதுரை மீனாட்சி அம்மன் கோயிலில் உள்ள முக்குறுணி விநாயகருக்கு 
மெகா சைஸ் கொலுக்கட்டை படைக்கப்படுகிறது.

ஒரு முறை திருமலை நாயக்கருக்கு தீராத வயிற்று வலி ஏற்பட்டது. 
வலி நீங்க மீனாட்சிக்கு தெப்பக்குளம் கட்டுவதாக நேர்ந்து கொண்டாராம். அப்படி தெப்பக்குளம் தோண்டும் போது பிரம்மாண்டமான 
பிள்ளையார் கிடைத்தார்.

அவரை சுவாமி சன்னதி செல்லும் வழியில் தெற்கு நோக்கியபடி 
“முக்குறுணி விநாயகர்’ என்ற திருநாமத்துடன் பிரதிஷ்டை செய்தனர்.

இவருக்கு விநாயகர் சதுர்த் தியன்று 18படி அரிசியில் ஒரே கொழுக்கட்டையாக செய்து படைக் கிறார்கள் அந்த பெயரே விநாயகருக்கு நிலைத்துவிட்டது. 

அவ்வளவு பிரமாண்டமாக இருந்தாலும், சிறிய இடத்தில் உட்கார்ந்து கொண்டு இருப்பது ஆச்சரியமளிக்கிறது. 

கணேச ருணஹர ஸ்துதி

ஸிந்தூர வர்ணம் த்விபுஜம் கணேசம் 

லம்போதரம் பத்மதளே நிவிஷ்டம் 

ப்ரஹ்மாதிதேவை: பரிஸேவ்யமானம் 

ஸித்தைர்யுதம் தம் ப்ரணமாமி தேவம்.

தெற்கு கோபுரத்தை கடந்து உள் நுழையும் இடத்தில் பக்தர்கள் விபூதியால் அர்ச்சிக்கும் விபூதி விநாயகர் அருள்பாலிக்கிறார்.

மன்னர்கள் காலத்தில் யாரோ ஒரு சிற்பி, இக்கோயிலுக்கு வரும் அனைத்து பக்தர்களும் தாங்களே அபிஷேகம் செய்துகொள்ளும் வகையில் ஏற்பாடு செய்து தரவேண்டும் என மன்னரிடம் கேட்டிருக்க வேண்டும்.

அதன் அடிப்படையில் இந்த விபூதி விநாயகர் சிலை அமைக்கப்பட்டிருக்கிறது.

பக்தர்கள் தாங்கள் கொண்டு வரும் விபூதியை அபிஷேகம் செய்கிறார்கள். இவருக்கு அபிஷேகம் செய்தால் செல்வம் சேரும் என்பது நம்பிக்கை.

"விபூதி' என்றால் "மேலான செல்வம்' என்பது பொருள்.

இவரை வணங்கினால், வாழும் காலத்தில் பெரும் பொருளும் வாழ்க்கைக்கு பிறகு மோட்சம் என்னும் பிறவா நிலை செல்வமும் கிடைக்கும் என்பது நம்பிக்கை.

இரட்டை விநாயகர்: மீனாட்சியம்மன் சன்னதிக்கு இடதுபுறத்திலும் பிரகாரத்திலும் .அர்த்தமண்டபம்/கருவறைக்கும் முன்னால், வாயிலுக்குத் தெற்குப்புறமாக ஒரு சிறியமேடை. அங்கு இரண்டு பிள்ளையார்கள் இருப்பார்கள்.

இருவரையும் சேர்த்து 'இரட்டைப்பிள்ளையார்' என்று அழைப்பார்கள்.
இங்கு பூஜையாகித்தான் கருவறைக்குள் செல்வார்கள்.. 

 இதன் தாத்பர்யம் மிகவும் அற்புதமானது. 

உலகில் ஆதிமூலமாக விநாயகரை கருதுகிறோம். 

விநாயகரை வணங்கிய பிறகே பிற தெய்வங்களை வணங்குவது மரபாக இருக்கிறது. 

இந்த மரபை விநாயகரும் பின்பற்ற வேண்டும் என்பதின் அடிப்படையில் விநாயகர் கூட எந்த பூஜையை தொடங்குவதாக இருந்தாலும் தன்னைத்தானே வணங்கி தொடங்க வேண்டும் என்பதன் அடிப்படையில் இந்த சன்னதி அமைக்கப்பட்டுள்ளது

        
பிள்ளையாருக்கு இரண்டுதன்மைகள் ஆகமங்களில் சொல்லப்பட்டிருக்கும்.

விநாயகர் வழிபாட்டு நூல்களில் 'காரியசித்தி மாலை' என்று ஒன்று உண்டு. இதனைச் சங்கடஹர சதுர்த்தியன்று படிப்பார்கள்.  காரியசித்திக்காகவும் படிப்பார்கள். 

   
      வேண்டிய அடியார்க்கெல்லாம் விக்கினம் கெடுப்பாய் போற்றி

      வேண்டி வந்தனை செய்யார்க்கெல்லாம் விக்கினம் கொடுப்பாய் போற்றி

      வேண்டுவார் வேண்டிற்றெல்லாம்  விளைத்தருள் விமல போற்றி

      மாண்ட துட்டர்க¨ளைக்கொல்லும் மறமிகு மள்ள போற்றி.

Vyaghrapada Ganeshani, in female form with tiger feet

புதன் தலம்: நவக்கிரகங்களில் மதுரை புதனுக்குரிய தலமாகும். 

ஜாதகத்தில் புதன் தசை நடப்பவர்கள், இங்கு வேண்டிக்கொள்கிறார்கள். 

புதன் கிழமைகளில் காலை 6- 7 மணிக்குள் சிவனுக்கும், அம்பிகைக்கும் பச்சை பட்டு வஸ்திரம் சாத்தி, பாசிப்பயிறு நைவேத்யம் படைத்து வழிபட்டால் கல்வியில் சிறப்பிடம் பெறலாம் என்பது நம்பிக்கை. 

நைவேத்யத்தை கோயிலில் தான் தயாரிக்க வேண்டும். வீட்டிலிருந்து எடுத்துச் செல்லக்கூடாது. 

கல்வியில் பின்தங்கியுள்ள மாணவர்களைக் கடைத்தேற்றும் கருணைக் கடலாக மீனாட்சி சுந்தேரஸ்வரர் திகழ்கின்றனர்.

முதுமலை தெப்பக்காடு யானைகள் முகாமில் உள்ள விநாயகர் கோயிலில் யானைகள் சிறப்பு பூஜைகள் நடத்தின.

தங்க மூஷிக வாகனத்தில் பிள்ளையார்பட்டி விநாயகர்.

விநாயகர் உருவமும், அதன் தத்துவமும்....

கணபதியின் உருவத்தின் அர்த்தங்கள்

பெரிய தலை - பெரியதாக சிந்தித்தல். வெற்றிக்கான முதல்படி பெரிய அளவில் யோசிப்பது

பெரிய காதுகள் - நிறைய கேள்- மற்றவர் பேசுவதை எந்தவித குறுக்கீடும் செய்யாமல் கேட்டல். 2ம் படி

சிறிய கண்கள் - கூர்மையான கவனம். 3 ம் படி- மனதை திசை திருப்பாமல், எடுத்த காரியத்தில் கண்ணும் கருத்துமாக கவனத்தை நிறுத்துதல்.

சிறிய வாய் - குறைவாக பேசுதல் - 4 ம் படி - நிறைய கேட்க வேண்டும், படிக்க வேண்டும் ஆனால் குறைவாக பேச வேண்டும். குறைவாகவும், அளந்தும் பேசுபவருக்கு வார்த்தைகள் சொந்தம் / கட்டுப்படும் அல்லாவிடில் வார்த்தைகளுக்கு அவர் கட்டுப்படவேண்டி இருக்கும். இதைத் தான் திருவள்ளுவர் "நா காக்க, காவாக்கால் சோ காப்பர் சொல்லிழுக்குப் பட்டு" என்ற சிக்கனமாக சொன்னார்.

ஏகதந்தம் - ஒரு தந்தம் - 5ம் படி - கெட்டதை விலக்கி நல்லதை எடுத்துக் கொள்ளல். நான்காம் படி, குறிக்கோளை அடையும் வழியில் நல்லது, கெட்டது இரண்டும் வரும். அப்போது கெட்டதை விலக்கி நல்ல வழியில் செல்ல வேண்டும்.

தும்பிக்கை - தும்பிக்கை விநாயகரின் ஐந்தாவது கரமாக கருதப்படுகிறது. ஐந்து கரத்தனை, ஆனை முகத்தானை என்று அவரை வழிபடுவதுண்டு. திறமை மற்றும் சூழ்நிலைக்கேற்ப மாறும் தன்மை - 6ம் படி - திறமையும் மற்றும் சூழ்நிலைகளுக்கேற்ப தன்னை மாற்றிக் கொள்ளும் தன்மையும் மிகவும் இன்றியமையாதது.

கோடரி - அறுத்தல் - பாசம், பந்தம் போன்ற கட்டுப்பாடுகளை அறுத்தல் - 7ம் படி - இதன் அர்த்தம் ஒரு கர்மயோகியைப் போல் லட்சியத்தை (அ) குறிக்கோளை அடைய செயல்படுவது. அதில் இந்த கட்டுப்பாடுகளினால் வரும் தடைகளை ஒரு பற்றற்ற துறவியைப் போல் விலக்குதல்.

கயிறு - வாழ்வின் உண்மையான குறிக்கோளுக்கு இழுத்துச் செல்ல.- 8ம் படி -  பெரிதாக யோசித்து சாதிக்க வேண்டிய காரியத்தில் கண்ணும் கருத்துமாக கவனத்தை நிலைநிறுத்தினால், குறிக்கோளை அடைய வழிகள் தன்னால் பிறக்கும்.

அபயம் / வாழ்த்தும் கை - வாழ்த்துதல் - 9ம் படி - விநாயகரின் அபய ஹஸ்தம் தன் பக்தர்களை காக்கும் கவசம். அவர்களின் பக்தி வழியில் வரும் எல்லா தடங்கலையும் விலக்கி அவர்களை உய்விக்கும் ஒரு வரப்பிரசாதம். - வந்தவர்களை எப்போதும் நன்றாக கவனித்து, வேண்டியவற்றை தன்னால் இயன்ற அளவில் செய்தல்.

பெரிய வயிறு - ஜீரணிப்பதற்கு - 10ம் படி - தன் குறிக்கோளை அடையும் வழியில், எத்தகைய துன்பம் வந்தாலும், எத்தனை தடைகள் வந்தாலும் அத்தனையையும் பொறுமையாக சகித்து ஜீரணித்தல்.

மோதகம் (கொழுக்கட்டை) - பலன்கள் - 11ம் படி - மேல் சொன்ன படிகளின் படி சென்றால் கிடைக்கும் பலன்கள் கொழுக்கட்டை எப்படி இனிக்கின்றதோ அது போன்ற தன்மை உடையது.

மூஞ்சுறு - வாகனம் - ஆசைகள் - 12 ம் படி - ஆசைகள் எல்லாருக்கும் உண்டு. ஆனால் ஆசையை கட்டுப்படுத்தாமல் அதன்படி நடந்தால் நம்மை கீழ் நோக்கி இழுத்துச் செல்லும்.

ஆகையால் ஆசையை கட்டுப்படுத்தி அதை நம் வழிக்கு திருப்பி நடந்தால் அது நாம் அடைய வேண்டிய குறிக்கோள் என்ற இல்லத்திற்கு அழைத்துச் செல்லும்.

பிரசாதம் - பழங்கள் - மேல் சொன்ன வழிகளின் படி நடந்தால், இந்த உலகமே வசப்படும் மற்றும் நமக்காக காத்திருக்கும்.

பெருமை வாய்ந்த பிள்ளையார்

கண்களால் தண்ணருள் பொழிந்து
காக்கும் வேழமுகத்து விநாயகன்
கண்ணுதற் கடவுள் கையளித்த
கருணை பொங்கும் கணநாயகன்
ஞால முதல்வன் முழுமுதற் கடவுள்

அலங்கார ரூபத்தில் அருள்பாலிக்கும் கோவை ஈச்சனாரி விநாயகர்.

சாரல் காற்றின் இதம் தரும் பருவநிலையுடன் நொய்யல் ஆற்றங்கரையில் அமைந்த தொழில்மிகு நகரம். தென் இந்தியாவின் மான்செஸ்டர்.மூச்சுக்கு மூச்சு வாங்க என்று பரிவு காட்டும் மரியாதை தெரிந்த கொங்கு நாட்டுத் தலைநகரம் கோவை.

ஆசியாவிலேயே மிக பிரமாண்டமான விநாயகர் சிலை வீற்றிருக்கும் புலியகுளம் விநாயகர் கோவிலில் 84 அடி உயரத்தில் ஏழு நிலை ராஜகோபுரமும், கற்கோவிலுமாக எழிலுற வீற்றிருக்கும் மூலவர் முந்தி விநாயகர்  19 அடி உயரத்தில் 190 டன் எடை கொண்டவர்.  

தினமும் பல ஆயிரம் பேர் வழிபடுகின்றனர். 

ஆசியாவிலேயே பெரிய அளவிலான சிலை என்பதால், சுற்றுலா பயணமாக கோவை வரும் வெளிநாட்டினரும் பார்த்து வியந்து செல்கின்றனர்.

சித்திவிநாயகப் பிள்ளையாரே
சித்தி தான் சித்தி தான்
புத்திய‌ தெளிய வைச்சு சீராக்கிடுவாய்
சென்ற இடமெல்லாம் சிறப்புற விளங்கிடவே!


கோவை காந்திபுரத்தில் சித்தி விநாயகர் கோயில்; திருவாச்சி, 
மூஷிக வாகனத்துக்கு தங்கக் கவசம் அணிந்துள்ளது.

இந்து அறநிலையத்துறையின் கட்டுப்பாட்டில் உள்ள கோயிலுக்கு இதுவரை எந்த கோயிலுக்கும் இல்லாத ஐ.எஸ்.ஓ. 9001_2008 (International Standard Organisation) தரச்சான்று அளிக்கப்பட்டுள்ளது.

ரேஸ் கோர்ஸில் 108 விநாயகர் சிலைகள் .  5 அடுக்குகளாக பிரதிஷ்டை செய்யப்பட்டுள்ளதால் பிரதட்சணம் செய்வதற்கு வசதியாக இருக்கிறது.


விநாயகர் சதுர்த்தி விழா கோவையில்சிலைகள் ...

ஆயிரம் ரூபாய் நோட்டுகள் 68  எண்ணிக்கை கொண்டு 6 அடி உயரத்திற்கு மாலையாக கோர்த்து அணிவிக்கப்பட்ட அதிர்ஷ்ட விநாயகர்.
 'கரன்சி' கணபதி!





சித்தி புத்தி சந்தோஷ கணபதி

நவக்கிரஹ கணபதி

கண்ணூஞ்சல் ஆடி மகிழ்ந்தார் கணபதி