நாற்று நடவு திருவிழா

ஆரூர் அத்தா ஐயாற் றமுதே அளப்பூர் அம்மானே

காரூர் பொழில்கள் புடைசூழ் புறவிற் கருகா வூரானே

பேரூர் உறைவாய் பட்டிப் பெருமான் பிறவா நெறியானே

பாரூர் பலரும் பரவப் படுவாய் பாசூ ரம்மானே.

- சுந்தரமூர்த்தி சுவாமிகள் அருளிச்செய்த தேவாரப் பதிகங்கள்

மேலைச்சிதம்பரம் என்று சிறப்புப் பெற்ற பேரால் பெரியோனாய் இலங்கி ஆருயிர்க்கெலாம் அருள் பொழியும் பேரூர் பட்டீஸ்வரர் கோயிலில் ஆனி திருமஞ்சன நாற்று நடவு திருவிழா சிறப்பாக நடைபெறும்...

தேவேந்திரர் குல வேளாளர் பெண்கள்  அவர்களது மண்டபத்தில் முளைப்பாரி வைத்து இருப்பார்கள்..

தினந்தோறும் பட்டீஸ்வரர் மற்றும் பச்சைநாயகி அம்மன் உடன் சென்று முளைபாரிகளுக்கு தண்ணீர் ஊற்றும் நிகழ்ச்சி, தொடர்ந்து மகா தீபராதனை நடைபெறும்...

மாலை பட்டீஸ்வரர், பச்சை நாயகி அம்மன் ரிஷப வாகனத்தில் நாற்றுகள் வைக்கப்பட்டுள்ள மண்டபத்திற்குப் புறப்படும் போது நந்தியிடம் “நாற்று நடும் நிகழ்ச்சிக்கு செல்கிறோம். சுந்தரமூர்த்தி கேட்டால் தகவல் கூற கூடாது“ என கூறும் நிகழ்ச்சியும் தொடர்ந்து சுவாமிகள் ரதத்தில் மண்டபத்திற்கு சென்றனர்.

தம்பிரான் தோழர் சுந்தரர்  

கோயில் வாயிலில் காளை மாடுகள் அலங்கரிக்கப்பட்டு, 
ஏர் கலப்பைக்கு பொன்னேர் பூஜை நடைபெறும்..

சுந்தரமூர்த்தி நந்தியிடம் சென்று சிவபெருமான் எங்கு சென்று உள்ளார். என கேட்டதற்கு நந்தி பதில் கூறாமல், தலையை தெற்கு புறமாக சாய்த்து, நாற்று நடவு மண்டபத்தில் சுவாமிகள் உள்ளதை மறைமுகமாக தெரிவிக்கும் நிகழ்ச்சி நடக்கும்..

தொடர்ந்து பட்டத்து யானை முன்னே செல்ல தாரை தப்பட்டை மற்றும் செண்டை மேளம் முழங்க ஊர்வலமாக பட்டீஸ்வரர் மண் வெட்டியுடன், பச்சை நாயகி அம்மன் நாற்றுகள் எடுத்து கொண்டு நாற்று நடவு மண்டபத்தில் எழுந்தரும் முன்னதாக வயலில் தண்ணீர் நிரப்பப்பட்டு, கலப்பையால் உழவு செய்யப்படும்..

 தேவேந்திர குல தம்பதியினர் வேடத்தில் சுவாமிகள் வயலில் இறங்கி, சுவாமி மண் வெட்டியால் வெட்ட, அம்மன் நாற்றுகளை நடும்போது பெண்கள் குலவை சத்தம் எழுப்பி, போட்டி, போட்டு குழந்தைகள் முதல் முதியவர்கள் வரை நாற்றுகள் நடுவார்கள்...  

அப்போது அங்கு வந்த சுந்தரமூர்த்தி பட்டீஸ்வரரை சந்தித்து,  “திருப்பணிக்கு பொன், பொருள்கள் கேட்டு பாடல்கள் பாட அதற்கு சுவாமிகள் “இங்கு முக்தி கிடைக்கும் என கூறி பொன் பொருளுக்கு சேரமானை சந்திக்க ஓலை கொடுக்கும் நிகழ்ச்சி தொடர்ந்து சுவாதி திருவீதி உலா ..

சுந்தரமூர்த்தியிடம் தகவல் கூறிய நந்தியின் தாடையை மண்வெட்டியால் சுவாமி வெட்டும் நிகழ்ச்சியும் மகாதீபாரதனையும் சிறப்பாக நடைபெறும்.. 

ஆனி திருமஞ்சனம் . நடராஜர், சிவகாமி அம்மனுக்கு 11 வகையான அபிஷேகம் கண்கொள்ளாக்காட்சியாகத் திகழும்..


சிவாலயங்களில் ஆடும் நிலையில் உள்ள நடராஜரை தரிசிக்க முடியும்; ஆடி முடியப்போகும் நிலையில் நடராஜர் எப்படி இருப்பார் என்பதை பேரூர் கோயிலில் காணலாம்


நடராசர் அம்பலம் - நடராச சபை, வேறெங்கும் காண முடியாத

சிற்பக்கலை நுட்பங்கள் வாய்ந்தது. மண்டபம் முழுவதுமே - 
ஒவ்வொரு பகுதியும் சிற்பக் கலையழகுடன் மிளிர்கின்றது. 

Sastha in Perur Temple Ratham

பிறவாப்புளி -  விதைகளை எங்கு போட்டாலும் முளைப்பதில்லை, 





 16 வளைவுகளைக் கொண்ட திருக்குளம்