திருக்கார்த்திகைத் திருநாள்

தீபங்கள் பேசும் திருக் கார்த்திகை மாசம்  மணிகள் போலவே அசைநது ஆடுதே தீபமே  திருக்கார்த்திகைத்திருநாளில் !

முத்து முத்து  விளக்கு முற்றத்திலே   இருக்க தாலாட்டி வந்தாடும் பூங்காற்று  பொன்னான நாள் பார்த்து  கொண்டாடும் கை கோர்த்து  குயில்கள் கூடி குலவை போடும் நாளும் இன்று தானோ !

நெருப்பில்லாமல் திரில்லாமல் எரியும் வானவிளக்காம் வெண்ணிலவின் முன்னாலே விண்மீன்கள் ஊர்கோலம் கண்கொள்ளாக் காட்சி !

கவிதை என்னும் சிறகு கொண்டு பறக்க வேண்டும் இனியே 

திருவிளக்கு தீபச்சுடரில் மூன்று தேவியர்களும் ஒருங்கே பிரசன்னமாகி அருள் பாலிக்கின்றனர். சுடர் லட்சுமியாகவும், ஒளி சரஸ்வதியாகவும், வெப்பம் பார்வதியாகவும் திகழ்கிறது. 

ஆன்மாவுக்கும் ஆண்டவனுக்கும் இடையிலுள்ள உறவை திருவிளக்குகள் உணர்த்துகின்றன. 

தீபத்தின் ஒளி காணும் இடத்தில் ஸ்ரீதேவி மங்களம் பொங்க வாசம் புரிவாள். இக்கார்த்திகை தினத்தன்று நெற்பொரி வைத்து நிவேதனம் செய்கிறோம்..

பார் உவந்த உத்தமத் திருநாள் கார்த்திகையில் கார்த்திகை நாளே- 

என்பார் மகாகவி பாரதி..