தீப மங்கள ஜோதி நமோநம'

ஆடிப்பாடி அண்ணாமலை தொழ  ஓடிப்போம் நமதுள்ள வினைகளே" என்பது அப்பர் சுவாமிகள் வாக்கு ...

தன்னை நாடி வந்தவர்க்கெல்லாம்  அருள் வழங்கும் மலை அனைவருக்கும் முக்தி தரும் மலை அண்ணாமலை..

ஆராத இன்பம் அருளும் மலை அண்ணாமலை..

ஈசனிடம் இடப்பாகத்தில் இடம் வாங்கி.. மாதொரு பாகனாய்..பாகம் பிரியாளாய் நின்ற மந்திர மாமலை.திருவண்ணாமலை

மலை மீது பெரும் செப்புக் கொப்பரையில் இருபத்து நான்கு முழம் துணி கற்பூரத் தூள் சேர்த்துத் திரி சுற்றிப் போடப்பட்டு. நெய் ஊற்றி தீபத்தை ஏற்றப்படும்   ஜோதியைக் காண்பதற்கு பஞ்ச மூர்த்தியும்  எழுந்தருளுவதாக ஐதீகம். 

சோதி பல மைல்களுக்கு அப்பால்  பல நாட்கள் ஒளிவீசி மலையை அடுத்து அனைத்தும் செந்நிற சிகப்பு நிறம் பொருந்தி வண்ணமாய் ஒளிர்ந்திடச்செய்வதால் ஜோதிலிங்கமாக காட்சி தரும் திருவண்ணாமலை  அக்கினித் தலமாக விளங்குகிறது.

கார்த்திகை மாதத்தில் ஏற்றப்படும் ஜோதியானது, உலகம் முழுதும் உள்ள அஞ்ஞான இருளை அகற்றி மெய்ஞான ஒளியைப் பரப்பும் சிவஞான ஜோதியாகப் பிரகாசிக்கும்