அரங்கத்து அமுதம் ..

காவேரி விரஜாஸேயம் வைகுண்டம் ரங்கமந்திரம்|
ஸ வாஸுதேவோ ரங்கேச:ப்ரத்யக்ஷம் பரமம் பதம்||

விமாநம் ப்ரணவாகாரம் வேதச்ருங்கம்மஹாத்புதம்|

ஸ்ரீரங்கசாயீ பகவாந் ப்ரணவார்த்த ப்ரகாசக:||

அநந்தானந்த சயன! புராண புருஷோத்தம!

ரங்கநாத! ஜகந்நாத! நாததுப்யம் நமோ நம:||

கற்பக மரமாக இருந்து அடியார்கள் வேண்டுவனவற்றை அருளும் ஸ்ரீரங்கநாதனைப் பின்னிப் பிணைந்து விளங்கும் கற்பகக் கொடி போன்று ஸ்ரீரங்கநாச்சியார் திகழ்கிறாள் ..


மஹாலக்ஷ்மியாகிய ஸ்ரீரங்கநாச்சியார் இல்லாமல் அரங்கனை அடையாளம் காண இயலாமல் திருக்கல்யாண குணங்கள் வெளிப்படாமல் உள்ளதோடு, தேயவும் செய்துவிடும்.

 தனது பார்வையை, அரும்பானது மெல்ல விரிவது போன்று, மெதுவாகத் திருக்கண்களைத் திறந்து பார்க்கிறாள். அந்தப் பார்வையின் காரணமாக ஏழு உலகங்களும் மலர்ந்து தளிர்த்து காணப்படுகின்றன ..

 ஸ்ரீரங்கத்தில் பெரிய பெருமாள் சயனித்துக் கொண்டுள்ள விமானத்தில் இருக்கும் மங்கள விளக்காக ஒளிவீசித்திகழ்கிறாள்...

 விமானத்தில் விளக்காக நின்று, தன்னை மட்டும் அல்லாது பெரிய பெருமாளையும் அனைவருக்கும் காட்டித்தரும் உயர்ந்த தன்மைகளை உடையவள்  பெரியபெருமாளான ஸ்ரீரங்கநாதனின் பட்டமஹிஷியாக உள்ள ஸ்ரீரங்கநாச்சியார் ஆவாள் . 

 .

ஸ்ரீரங்கநாதனின் பாதுகையே! 

தேவலோகத்தில் உள்ள வண்டுகள், தேவர்கள் திருவரங்கனின் திருவடிகளில் பொழிகின்ற மலர்களுடன் இணைந்தபடி திருவரங்கம் வந்து சேர்ந்து விடுகின்றன. 

அவை நறுமணம் வீசும் உன்னிடம் வந்து சேர்ந்து விடுகின்றன. அதன் பின்னர் எப்போதும் தேன் பெருகும் ஸ்ரீரங்கநாதனின் நாபிக் கமலத்தைக் கூட அடைய முனைவது இல்லை.

Srirangam puja flowers