ஸ்ரீராம நாமம்

ஸ்ரீ ராமனை துதிசெய் மனமே ஸ்ரீ வாமனை கதியென்றிரு தினமே

எமனை அடிக்கும் வில்குணமே காமனை ஜெயிக்கும்சொல் மனமே"

ரோம ரோமமு ராம நாமமே...

ஆஞ்சநேயரின் உடலிலுள்ள ஒவ்வொரு தனி முடியும் கூட, ராம நாமத்தை உச்சரித்துக் கொண்டிருந்தது. 

அனுமனது பராக்கிரமம் பொருந்திய  வாலை யாராலும் வெல்ல முடியாத சிலம்பக்கம்பு என்று பெயர் பெற்றது .... 

அது சுழன்றடித்தால் அதன் அருகே நிற்கும் சக்தி யாருக்கும் கிடையாது. அனுமனின் வாலில் இருக்கும் ஒவ்வொரு ரோமமும் ராமநாமம் சொல்வதால், அதற்குள் மந்திர சக்தி வெகுவாக பரவியிருக்கிறது. 

அவரது வாலுக்கு பூஜை செய்தால், ஸ்ரீராமஜெயத்தை நோட்டுப் போட்டு எழுதவே வேண்டாம். 

ஏனெனில், அவரது வாலிலுள்ள ரோமங்கள் சொல்லும் ராமநாமமே எண்ணிக்கையற்றதாகும்..

ஸ்ரீமன் நாராயணனே தன் மகளுக்கு மாப்பிள்ளையாக வர, வேண்டித் தவமிருந்த  ராஜரிஷி ஜனகனுக்கு அமைந்த அருமையான கோவில்  மதுரை சோழவந்தானில் உள்ள 'ஜனக நாராயணன் கோவில்' ஆகும் ...

ஜனக புத்திரி என்று வால்மீகி சீதா பிராட்டியை கொண்டாடுகிறார் ..