வளம் வர்ஷிக்கும் ஸ்ரீவைகுண்ட ஏகாதசி

ரத்ன அங்கி - வெள்ளியாலான மெல்லிய சல்லாத் துணி -
வைகுண்ட ஏகாதசி சிறப்பு தரிசனம் 

பச்சை மாமலைபோல் மேனி பவளவாய் கமலச் செங்கண்

அச்சுதா அமரரேரே ஆயர்தம் கொழுந்தேயென்னும்

இச்சுவை தவிர யான்போய் இந்திரலோகமாளும்

அச்சுவை பெறினும் வேண்டேன் அரங்கமா நகருள்ளானே..--

- நாலாயிர திவ்யப்ரபந்தம்

ஞானேந்திரியங்கள் ஐந்து, கர்மேந்திரியங்கள் ஐந்து, மனம் ஒன்று. இந்த பதினொன்றையும் பரம்பொருளாம் திருமாலுடன்  ஒன்றுபடுத்தும் நாளான ஸ்ரீவைகுண்ட ஏகாதசி. நாளில் விரதம் இருப்போருக்கு திருமால் பரமபத வாசலைத் திறந்து வைத்து அருள்புரிகிறார் என்பது ஐதீகம்.

ஸ்ரீரங்கம் கோவிலில் நடைபெறும் விழாக்களிலேயே மிகவும் போற்றப்படுவது மார்கழி மாதத்தில் வரும் அத்யயன உற்சவம் எனும் வைகுண்ட ஏகாதசி விழா ஆகும்.

பகல் பத்து தொடக்கத்தில் சந்தனு மண்டபத்தில் நம் பெருமாள் எழுந்தருள்வார். 

அன்று இரவு சந்தனு மண்டபப் பக்கமாக அரையர்கள் நின்று திருமங்கையாழ்வாரின் திருநெடுந்தாண்டகப் பாசுரங்களை அபிநயத்துடன் பெருமாள்முன் பாடி, நடிப்பது வழக்கம்.

பகல் பத்தாவது திருநாளன்று நம்பெருமாள், நாச்சியார் திருக்கோலம் -   மோகினி அவதாரம்  கொண்டு காட்சியளிப்பார். 
இராப்பத்து தொடங்குவது வைகுண்ட ஏகாதசியன்று. அன்றுதான் 
பரமபத வாசல் திறக்கப்படும் புனித நாள். 

மூலவர் ரங்கநாதப் பெருமாளுக்கு முத்தங்கி அணிவிக்கப்படும். 

அன்று நம்பெருமாள் விடியற்காலை நாலரை மணியளவில் மூல ஸ்தானத்திலிருந்து ரத்ன அங்கி அணிந்து, அதை வெள்ளியாலான மெல்லிய சல்லாத் துணியால் மூடிக்கொண்டு பரமபத வாசல் வழியாக எழுந்தருள்வார்.


வைகுண்ட ஏகாதசியன்று முழு நாள் உபவாசம் இருப்பது சிறப்பானது. 

முதல் நாள் தசமியன்று இரவே உணவு உண்ணாமல் இருப்பது வழக்கம். ஏகாதசிக்கு மறுநாள் துவாதசி அன்று சூரிய உதயத்திற்குமுன் சாப்பிட்டு முடித்துவிட வேண்டும். 

உணவில்அகத்திக்கீரை, நெல்லிக்காய், சுண்டைக்காய் ஆகியவற்றை அவசியம் சேர்த்துக்கொள்ள வேண்டும். 

அகத்திக்கீரையை "அமிர்தபிந்து' என்பர். 
நெல்லிக்காயில் ஹரி வாசம் செய்வதாகவும், 
சுண்டைக்காயில் தன்வந்திரியின் நிழல் இருப்பதாகவும் சாஸ்திரம் கூறுகிறது. இவை உடல்நலத்திற்கு வளம் தருபவை 
 Salagrama on Vaikunta Ekadasi - சாளக்கிரம அபிஷேகம் 

வைகுண்ட ஏகாதசி அரங்கன்   அழகு கொண்டை ,அடுக்குப்பதக்கம் , கஸ்தூரி திலகம் , முத்துமாலை, வைர ஹஸ்தம் , அலங்காரத்தில் அருளும் எழில் காட்சி !