பல்லாண்டு பல்லாண்டு பல்லாயிரத்தாண்டு ..

பல்லாண்டு பல்லாண்டு பல்லாயிரத்தாண்டு  பலகோடி நூறாயிரம் 
மல்லாண்ட திண்தோள் மணிவண்ணா! உன் சேவடி செவ்விதிருக் காப்பு. 
அடியோமோடும் நின்னோடும்    பிரிவின்றி ஆயிரம் பல்லாண்டு 

வடிவாய்நின் வலமார்பினில்       வாழ்கின்றமங்கையும் பல்லாண்டு 
வடிவார் சோதிவலத்துறையும்     சுடராழியும் பல்லாண்டு 
படையோர்புக்கு முழங்கும்     அப்பாஞ்சசன்னியமும் பல்லாண்டே. 

முக்கோடி தேவர்களின் துன்பத்தை போக்கியதால் வைகுண்ட ஏகாதசிக்கு முக்கோடி ஏகாதசி என்ற பெயரும் உண்டு. 

தேவர்களும் அசுரர்களும் அமுதம் பெற வேண்டி இரவும், பகலும் விரதம் இருந்து பாற்கடலை கடைந்த போது அமுதம் வெளிப்பட்டது. 

துவாதசியன்ற மஹாலட்சுமி சமுத்திரத்தில் இருந்து வெளியே வந்து தேவர்களுக்கு, திருக்காட்சி அளித்து அவர்களுக்கு அருளாட்சி புரிந்தார். 

அன்று முதல் ஏகாதசி அன்று இரவும், பகலும் விரதம் இருந்து மஹாவிஷ்ணுவை துதிப்போருக்கு இந்தப் பிறவியில் நிலைத்த புகழ், நோயற்ற வாழ்வு, நன்மக்கட்பேறு முதலியவற்றை பகவான் அளிப்பதோடு, மறுபிறவியில் வைகுண்டவாசம் சொர்க்கவாசல் வழங்குவதாக நம்பிக்கை ....

திரேதாயுகத்தில் முரன் என்ற கொடிய அரக்கனை 

பெருமாளின் உடலில் இருந்து ஒரு மகத்தான சக்தி, பெண் வடிவில் எழுந்து படைக்கலங்களுடன் விசுவரூபத்துடன் தோற்றமளித்து ஆங்காரத்துடன் முரன் அரக்கனை அழித்தாள்.

அரவணையில் துயிலும் அரங்கனின் நாயகியே!
முரன் அரக்கனை அழித்த முகுந்தன் மனம் நாடிட 
நீலோற்பவ மலரின விழிமுகத்தாள் நின் நீலவிழிப் பார்வை 

எனக்கு சௌபாக்கியத்தை அளிக்கட்டும்  

திருமால் மனம் மகிழ்ந்து சக்தியே, அசுரனை அழித்த உனக்கு ஏகாதசி என்று திருநாமம் சூட்டுகிறேன். அரக்கன் முரனை அழித்த இம்மார்கழி மாதத்தில் உன்னை விரதம் இருந்து வழிபடுவோருக்கு, யாம் வைகுண்ட பதவி அளித்து ஆட்கொள்வோம் என்று கூறினார். 

திருமால் கொடுத்த வரமே ஏகாதசியின் மகிமைக்கு காரணமாயிற்று.

அரக்கனை வென்று சக்தி வெளி வந்த மார்கழி மாதம் பதினோராவது நாளாக இருந்ததால், திருமாலின் சக்திக்கே ஏகாதசி என்ற பெயர் ஏற்பட்டது.

தேவர்களும், முனிவர்களும் ஏகாதசியன்று விரதம் இருந்து இழந்த தங்களது சக்தியை மீண்டும் பெற்றனர்