தழல் வீரம்

‘அக்கினிக் குஞ்சொன்று கண்டேன் -அதை
அங்கொரு காட்டிலோர் பொந்தினில் வைத்தேன்

வெந்து தணிந்தது காடு – தழல்

வீரத்தில் குஞ்சென்றும் மூப்பென்றும் உண்டோ?

தத்தரிகிட தத்தரிகிட தித்தோம்..

வெட்டி அடிக்குது மின்னல் - கடல் 
வீரதிரைக் கொண்டு விண்ணை இடிக்குது 
கொட்டி இடிக்குது மேகம் - கூஹூகூவென்று 
விண்ணைக் குடையுது காற்று 

தத்தட திட தத்தட தட்ட ....
தத்தட திட தத்தட தட்ட ....
என்று தாளங்கள் கொட்டி கனைக்குது வானம் 

பாட்டுத்திறத்தாலே இவ் வையகத்தை பரிபாலித்திட வந்த பாட்டுக்கொரு புலவன் பாரதியின் பா திறமும் பாத்திரப்படைப்பும் வியக்கவைக்கும் திறம் பெற்றவை ...

ஓம் சக்தி ஓம்சக்தி ஓம்சக்தி ஓம் பராசக்தி ஓம் சக்தி ஓம்சக்தி ஓம் 

கணபதி ராயன் அவனிரு காலைப்பிடித்திடுவோம் 

குணமுயர்ந்திடவே விடுதலை கூடி மகிழ்ந்திடுவோம்

 தன்னுடைய மனதில் ஒரு சிறு பொறி போல் இருந்த இறை உணர்வு, மனதின் சகல ஆசா பாசங்களையும் பொசுக்கி விட்டு மனத்தை நிர்மலமாய் வைத்தது என்கிறார்.

பெறற்கரிய பேறு பெற்றதாய்ப் பெருமையுடன் பாடி நம்க்களிதிருக்கிறார் ..

தான் பெற்ற இன்பம் பெறுக இவ் வையகம் என்னும் உயர்ந்த  எண்ண நிலையில்  அளித்த பாடல்கள் சிறப்பு மிக்கவை ...

பாரதி பாடிய அற்புதமான தீந்தமிழ்ப் பாடல்கள் கண்களிலும் 
மனதிலும் கருத்திலும் புத்துணர்வு பூக்கச் செய்யும்...

இசையுடன் இசைந்த பாரதியின் பாடல்கள் காதுகளை 
வைகுண்ட வாசலாக்கும் ... 

எத்தனை கோடி இன்பம் வைத்தாய்
எங்கள் இறைவா! இறைவா! இறைவா!

சித்தினை அசித்துடன் இணைத்தாய் - அங்கு
சேரும் ஐம்பூதத்து வியனுலகமைத்தாய்!
அத்தனை உலகமும் வர்ணக் களஞ்சியமாகப்
பல பல நல்லழகுகள் சமைத்தாய்!

முக்தியென்றொரு நிலை சமைத்தாய் - அங்கு
முழுதினையும் உணரும் உணர்வமைத்தாய்
பக்தியென்றொரு நிலை வகுத்தாய் - எங்கள்
பரமா! பரமா! பரமா!