ஹரே ராமா ஹரே கிருஷ்ணா

ஹரே கிருஷ்ணா ஹரே கிருஷ்ணா
கிருஷ்ணா கிருஷ்ணா ஹரே ஹரே
ஹரே ராமா ஹரே ராமா
ராம ராம ஹரே ஹரே

ஹரே கிருஷ்ணா மந்திரம், பதினாறு வார்த்தைகளைக் கொண்ட 
மஹா மந்திரம் என உபநிடதம் கூறுகின்றது.

அகில உலக கிருஷ்ண பக்திக் கழகம் அல்லது இஸ்கான் எனவும் அறியப்படும் ஹரே கிருஷ்ணா இயக்கம் அமைப்பு இந்து சமயத்தையும், இந்திய மரபுரிமைகளையும் பாதுகாத்துக் கொள்வதற்காக ஏற்படுத்தப்பட்ட அமைப்புகளில் குறிப்பிடத்தக்கதாக விளங்குகின்றது.

கல்கத்தாவில் பிறந்த ஸ்ரீல பிரபுபாதா இஸ்கானின் நிறுவனராவார்.

இவரது ஆன்மிகக் குருவாகிய ஸ்ரீல பக்தி சித்தாந்த ஸ்வாமி அவர்களின் வேண்டுகோளின் பெயரால் ஸ்ரீசைதன்யரின் போதனைகளை உலகமெங்கும் பரப்ப இஸ்கான் அமைப்பை உருவாக்கினார்.

இண்டர்நேஷனல் சொசைட்டி ஃபார் க்ருஷ்ணா கான்ஷியஸ் என்ற பெயரின் சுருக்கமே இஸ்கான்.

இந்த அமைப்பின் பெங்களூர்க் கிளை ராஜாஜி நகர் அருகே இஸ்கான் ஹில் என்றே பெயரிடப்படுள்ள சிறு குன்றின் மேல் அமைக்கப்பட்டிருக்கின்றது. இதை ராதாகிருஷ்ண மந்திர் என்றும் சொல்கிறார்கள்.
பெங்களூர் ராதாகிருஷ்ணா மந்திருக்குச் சென்றிருந்தோம்.

தமிழர்களின் உழைப்பில் உருவான பிரமாண்டம் பிரபலமான அந்த ஆலயத்தின் கட்டுமான பணியாளர்கள் அனைவரும் தமிழர்களே.....

கொஞ்சம் மலை ஏறியதும் காலணிகள் வைக்கும் இடம் உள்ளது. 
வரிசையாக அடுக்குகள் உள்ளன. 

கொஞ்சம் மேலே ஏறினால், கைகளை கழுவிக் கொள்வதற்குத் தண்ணீர் பைப்புகள். கால்களைக் கழுவிக் கொள்ள பாதையிலேயே ஒரு கிடைமட்ட பைப் வைத்து குளிர் நீர் கசிந்து படிக்கட்டை முழுக்க நனைத்துக் கொண்டிருக்க,திருப்பதி போல் நாம் அந்தச் சிறு நீர்ப்பரப்பில் நனைத்துக் கொள்ளலாம்.

பெங்களூரு ராஜாஜி நகரில் உள்ள ஹரே கிருஷ்ணா கோயிலில் ஏழை பள்ளிக் குழந்தைகளுக்கு உணவு வழங்கும் அக்ஷய பாத்ரா என்னும் தொண்டு நிறுவனம் இயங்கிவருகிறது.

பெங்களூர் மற்றும் சுற்றுப்புரத்து அரசுப் பள்ளிகள் அனைத்திலும் உள்ள மாணவர்களுக்கு மதிய உணவு இந்த இஸ்கானாலேயே வழங்கப்படுகிறது.  தூய்மையாக உணவு தயாரிக்கப்பட்டு, எடுத்துச் செல்லப்படுகிறது

 

முதலில் வருவது நரசிம்மர் கோயில். 
மஞ்சள் வெளிச்சத்தின் நடுவில் அத்தனை நகைகளுடன் 
இரணியனைக் கொல்லும் அதே கோபத்துடன் அமர்ந்திருக்கிறார்.

தகதகதகவென ஜொலிக்கிறார் வெங்கடாசலபதி .  உண்டியலும் இருந்தது.

இன்னும் கொஞ்சம் படிக்கட்டுகள் வழியேறினால் மிகப் பெரியதாக ராதாகிருஷ்ணர் கோயில்.

கூம்பு வடிவ உயர உச்சியின் உடலெங்கும் கண்ணன் ஓவியங்கள்.

மையத்தில் பிரம்மாண்டமான ஷாண்ட்லியர் மின் விளக்கு ஒன்று தொங்குகின்றது.

உயரமான மாடங்களில் திருவிழாக்களில் ஏற்றப்படும் எண்ணெய் விளக்குகள்.

முன்னே பார்த்தால் தங்கக் கோபுரங்களின் கீழே மூன்று பகுதிகள். வலப்புறம் கண்ணன், பலராமன். இடப்புறம் நித்ய கெளரங்கா. கெளரங்கா என்ற பெயர் ஸ்ரீ சைதன்ய மகாப்ரபுவையும், நித்ய என்ற பெயர் அவரது பிரதான சீடரான நித்யானந்த பிரபுவையும் குறிக்கின்றது.

மையத்தில் ராதையுடன் வட இந்தியப் பாணி கண்ணன்.  
பூரியில் இருக்கும் பாண்டுரங்கனைப் போன்ற அடையாள உற்சவர்கள்.

பஞ்ச லோகச் சிலைகள் (தங்கம், வெள்ளி, தாமிரம், பித்தளை மற்றும் இரும்பு). இவை கும்பகோணம் அருகில் உள்ள ஸ்வாமி மலையில் தேவஸ்தான ஸ்தபதி மற்றும் அவரது மகனான இராதாகிருஷ்ண ஸ்தபதிகளால் உருவாக்கப்பட்டவை.



தங்கக் கோயில்கள் அருமையாக ஜொலிக்கின்றன..!

புத்தகக் கடைகளில் ஆங்கிலம், இந்தி, வங்காளம், தமிழ், தெலுங்கு, கன்னடம், ஒரியா ஏன் சைனீஸிலும் புத்தகங்கள் உள்ளன. 

இராதாகிருஷ்ணர் கோயிலின் கதவுகளில் மேலிருந்து கீழாகத் தசாவதாரச் சிலைகள். அவற்றின் இரு புறமும் நாரதர், அழகுப் பெண்கள், யானைகள், பறவைகள்.

காற்றில் அழகாய் அசைந்தாடுகின்றது பச்சையாய்க் குளம் 

அன்னதானம் பருப்புச் சாதம் அளிக்கிறார்கள்.

Mohini Alankara

Raja Rani Alankara and Radha Rajagopala Alankara