அதிசயமே ! அதிசயமே !!!

ஒரு வாசமில்லாக் கிளையின் மேல்
நறுவாசமுள்ள பூவைப்பார் பூவாசம் அதிசயமே
அலைக்கடல் தந்த மேகத்தில்
துளிக்கூட உப்பில்லை மழை நீரும் அதிசயமே
மின்சாரம் இல்லாமல் மிதக்கின்ற தீபம்போல்
மேனி கொண்ட மின்மினிகள் அதிசயமே
உடலுக்குள் எங்கே உயிருள்ளதென்பதும் அதிசயமே

பூவுக்குள் ஒளிந்திருக்கும் கனிக்கூட்டம் அதிசயம்
வண்ணத்துப் பூச்சிகளின் மேல் ஓவியங்கள் அதிசயம்

துளைசெல்லும் காற்று மெல்லிசையாதல் அதிசயம்
குருநாதர் இல்லாத குயில் பாட்டு அதிசயம்
அதிசயமே அசந்துபோகும் அதிசயம் கிராண்ட் கான்யான்.....

உலக இயற்கை விந்தைகளில் கிராண்ட் கான்யானும் இடம் பெறுகிறது.. 
இந்தப் பாறைகள் மணற்பாறை , சுண்ணாம்புக் கற்பாறை, கருங்கல் ஆகியவற்றால் ஆனவை.

இங்கே பாறைகள் பல வண்ண அடுக்குகளாகக் காட்சியளிக்கின்றன. 
இவ் வண்ணங்கள் சூரிய ஒளியில் பிரகாசிப்பதை சுற்றுலாப் பயணிகள் இன்றும் அதிசயமாக கண்டு ஆனந்தித்துக் களிக்கின்றனர்.

கொலரோடா ஆறு இன்றும் ஆண்டொன்றுக்கு பல மில்லியன் டன் மணலையும், சரளைக் கற்களையும் அடித்துச் செல்கிறது. 
எனவே, அரிமானமும் தொடர்கிறது. 

1540-ஆம் ஆண்டில் ஸ்பானியர்கள் இப்பள்ளத்தாக்கைக் கண்டுபிடித்தனர். 

1919-ஆம் ஆண்டு கொலரோடா பள்ளத்தாக்கு ஒரு தேசியப் பூங்காவாக ஆக்கப்பட்டது. 

இப்பள்ளத்தாக்கின் மொத்த நீளம் 349 கி.மீ., இதில் சுமார் 169 கி.மீ., தேசியப் பூங்காவாக உருவாக்கப்பட்டுள்ளது.
அதிசய கண்ணாடிப்பாலம் !!

இயற்கை விந்தையான இப்பள்ளத் தாக்கையும், பாறை அடுக்குகளின் பல வண்ணங்களையும் காண உலகின் பல பகுதிகளிலிருந்தும் சுற்றுலாப் பயணிகள் படையெடுக்கின்றனர்.

அமெரிக்க ஐக்கிய நாடுகளில் உள்ள அரிசோனா என்னும் இடத்தில் ஓடும், "கொலரோடா' என்னும் ஆறு, அங்குள்ள பெரிய பாறைகளுக்கு இடையே பல மில்லியன் ஆண்டுகளுக்கு முன் அதன் கிளை ஆறுகளும் ஓடிக் கொண்டிருந்தன.

ஆனால், இன்றோ கொலரோடா ஆறு அதல பாதாளத்தில் ஓடுகிறது. ஏன் தெரியுமா? பாறைகளை ஆற்று நீர் அரித்து, அரித்து பெரிய பள்ளத்தாக்கு களையே உண்டாக்கியுள்ளன.
இதை ஆங்கிலத்தில் மிகப்பெரிய பள்ளத்தாக்கு எனப் பொருள்படும், "கிராண்ட் கான்யான்' என்று சொல்வர்.

இவ்வாறு கொலரோடா ஆறு உண்டாக்கிய பள்ளத்தாக்குகளில் ஒன்று ஒன்றரை கிலோ மீட்டர் ஆழமும், இருபத்தொன்பது கிலோ மீட்டர் அகலமும் என்றால் ஆற்று நீரின் அசுர அரிப்புத் தன்மை வியக்கத்தானே வைக்கும்.....