வானமே எல்லை

இந்த உலகத்தில் எதையும் எதிர்கொள்ள வேண்டும் என்ற துணிவு இல்லாத மனிதர்கள் , நிச்சயமாகச் சாதித்ததாக வரலாறு இல்லை. 

என்ன தான் நடக்கும் நடக்கட்டுமே என்று, தான் கொண்ட குறிகோளுக்காகத் துணிவுடன் போராடும் மனம் படைத்த மனிதர்கள் தான் சாதனையாளர்கள் பட்டியலில் அமர்ந்து இருக்கிறார்கள்.

தெரிகிறதோ இல்லையோ எதையும் எதிர்கொள்வோம் என்ற நேர்மறை எண்ணத்துடன் இருக்கும் பல பேர், பணி வாய்ப்பு பெற்று நல்ல பதவியில் சிறப்பாக செயல்படுகிறார்கள்...




 கதவுகளை தட்டுங்கள். கண்டிப்பாக கதவுகள் திறக்கும். 

தட்டுங்கள் திறக்கப்படும்   .. கேளுங்கள் தரப்படும்.....

எது வேண்டும் என்று முதலில் வாய் திறந்து கேளுங்கள். அது கண்டிப்பாக கிடைக்கும். இது தான் இயற்கையின் நியதி.

புதிதான இடத்திற்குப் பயணம் போகிறிர்களா? பயப்படாமல் செல்லுங்கள். அங்கு போய் உங்கள் திறமைகளை, மற்றவர்களைப் பார்த்து வளர்த்துக் கொள்ள முடியும். 

மொழி பிரச்னை ஒரு கவலையா? ஒரு மனிதனால் ஒரு மாதத்தில் பிற மொழிகளை கற்றுக் கொள்ள இயலும். 

இந்த உலகத்தின் கதவுகள் சாத்தப்பட்டிருக்கலாம். ஆனால் அடைக்கபடுவதில்லைவேண்டும் வேண்டும் என்கின்ற ஆசையை மட்டும் விட்டு விடாதிர்கள். 

அதுதான் உற்சாகப்படுத்தும் மந்திரத் தீ. 

அது மனதில் கொழுந்து விட்டு எரிந்தால் எந்த சூழ்நிலையும் நமக்கு சாதகமாக மாறிவிடும். 

பயம், எதிர்மறை எண்ணம் யாவும் தூள் தூளாகும். 

சாதனைக்குத் துணிந்து விட்டால் எந்த ஒரு சாதாரண மனிதப் பிறவியும் சரித்திரத்தைப் படைக்க முடியும்

வானமே எல்லை என்பது நமது முயற்சிகளை ஊக்குவிக்க சொல்லிவரும் மந்திரச்சொல் ..

நமது முயற்சிகள் வழியாக நமது கனவுகள் மெய்ப்பட, மெய்ப்பட, நாம் கனவு காண்பதை நிறுத்தாமல் எதிர்பார்ப்புகளை விரிவாக்கி மேலும் மேலும் முயற்சிகள் செய்ய வேண்டும் என்பதே இதன் பொருள்.