லக்ஷ்மி கடாசமருளும் “லக்ஷ்மி நாராயண் மந்திர்”

திருமாலின் கமல மலர் மார்பில் உறையும் அன்னை லக்ஷ்மி தேவியைப் பூஜிக்கும் இல்லம் வைகுந்தத்திற்கு நிகராகி சகல சௌபாக்கியங்களும் நிறைந்திருக்கும்.


லக்ஷ்மி புத்திரராக -பெரும் செல்வந்தராக எண்ணப்படும் பிர்லா அவர்களால் நிர்மாணிக்கப்பட்ட உயர்ந்தவகை சல்வைக்கல்லால் இழைத்து நுணுக்கமான அழகிய சிற்ப வேலைப்பாடுகளுடன் கண்களையும் கருத்தையும் கவர்ந்த பிர்லா மந்திர் என்று அழைக்கப்படும் “லக்ஷ்மி நாராயண் மந்திர்” என்னும் மிகச் சிறப்பாகப் பரமரிக்கப்படும் ஆலயத்திற்குச் சென்றிருந்தோம்.



இந்திர பிரஸ்தம்"என்று புராண காலத்தில் அழைக்கப்பட்ட தலை நகர் டெல்லியில் கரோல்பாகின் அருகில் மந்திர் மார்க்” பகுதியில் அமைந்துள்ள அழகான கோவிலாகும்.
Temple decorated on Occasion of Janmashtami, the birth anniversary of Lord Krishna


 லக்ஷ்மிநாராயணன் கோவில் நுழைய கெடுபிடிகள் அதிகம். வாரணாசியிலிருந்து சிற்பக்கலை நிபுணர்களை அழைத்து வந்து இங்குள்ள சிற்பங்களை வடிவமைத்துள்ளனர்.





கோவிலின் உள்ளே நுழைந்ததும் இடப்புறத்தில் தனி மண்டபத்தில் விநாயகரும், வலப்புறத்தில் ஆஞ்சனேயரும் அருள்பாலிக்கின்றனர்..

உள்ளே லக்ஷ்மி நாராயணன் அருள்பாலிக்கிறார்.



இருபுறமும், சிவனுக்கும், புத்தருக்கும் தனி கோவில்கள் உள்ளன. வேதங்களிலிருந்து சில காட்சிகளை இங்கே அழகாக செதுக்கி வைத்துள்ளனர். முற்றிலும் ஜெய்பூரிலிருந்து வரவழைக்கப்பட்ட மார்பிள் கற்களால் ஆன சிற்பங்கள் இங்கு உள்ளன. அருகிலேயே பகவான் ஸ்ரீக்ருஷ்ணனுக்காக “கீதா பவன்” என்ற தனி கோவிலும் உள்ளது. இந்த கோவிலின் உள்ளே பரிசாக வந்த ஒரு பெரிய உலக உருண்டை அழகாக இருக்கிறது. . கோவிலின் உள்ளே அலைபேசி, புகைப்படக்கருவி போன்ற எந்தப் பொருட்களையும் கொண்டு செல்ல அனுமதி இல்லை. கோவிலின் வெளியே காலணிகள் வைக்கும் இடத்திலேயே இப்பொருட்களையும் வைக்க சிறு சிறு பெட்டகங்கள் உண்டு. அவற்றில் வைத்துப் பூட்டி அதன் சாவியையும்அவரவரிடமே ஒப்படைத்து விடும் சிறப்பான ஏற்பாடு உண்டு.


புது தில்லி வடமேற்குப் பகுதியில் இந்தர்புரியில் உள்ள அருள்மிகு தேவி மாரியம்மன் கோயிலில் ஆண்டுதோறும் நடைபெறும் சித்திரைத் திருவிழாவில் ஏராளமானோர் தீ மிதித்து, காவடி எடுத்து நேர்த்திக் கடன் செலுத்துகின்றனர்.

 இந்தர்புரியில் கடந்த 61 ஆண்டுகளுக்கு முன்பு விரல்விட்டு எண்ணும் வகையில் சில தமிழ் குடும்பங்கள் இருந்தன. அப்போது, பிர்லா மந்திர் பகுதியில் இருந்து மாரியம்மன் சிலையை எடுத்து வந்து இந்தர்புரி புத் நகர் ஏ-பி பிளாக்கில் தமிழர்கள் சிலர் கோயில் அமைத்தனர்.

 கோயிலில் உள்ள பிரதான சன்னதியில் அமர்ந்த திருக்கோலத்தில் 5 நாகங்களை தலையில் கிரீடமாகக் கொண்டு அருள்பாலிக்கிறாள் அம்மன். இதனால், தேவி கருமாரி அம்மனை இப்பகுதி மக்கள் நாகம்மாள் கோயில் என்றே அழைக்கின்றனர்.

,விநாயகர், நாகதேவதை, சிவலிங்கம் ஆகிய தெய்வங்களும் பக்தர்களின் வழிபாட்டில் உள்ளன. காலையிலும், மாலையிலும் அம்மனுக்கு பூஜைகளும், நைவேத்தியமும் செய்யப்படுகின்றன.

 இப்பகுதியைச் சுற்றியுள்ள சில இடங்களில் கோயில்கள் கட்டும் பணி தொடங்கியபோது மிகுந்த சக்தி வாய்ந்தஇக்கோயிலில் இருந்துதான் மண் எடுத்துச் செல்லப்பட்டது. . இந்த அம்மனை பயபக்தியுடன் வழிபடுவோருக்கு நினைத்தது நிறைவேறும்''என்பது நம்பிக்கை..

கோயிலில் ஆண்டுதோறும் சித்திரைத் திருவிழா 9 நாள்கள் நடத்தப்படும். அப்போது அம்மனுக்கு விசேஷ அபிஷேகம், தீபாராதனை, விளக்கு பூஜை, அரண்மனை முத்து எடுத்தல், அம்மன் திருவீதி உலா, பொங்கலிடுதல், அக்னி கரம், பால் குடம் எடுத்தல், அலகு குத்துதல், பூக்குழி இறங்குதல் உள்ளிட்ட நிகழ்ச்சிகள் நடத்தப்படுகின்றன. 61-ம் ஆண்டு சித்திரைத் திருவிழா கொண்டாடப்பட்டிருக்கிறது.

 திருவிழாக் காலங்களில் இந்தர்புரி பகுதி தமிழர்கள் மட்டுமன்றி வட இந்தியரும், பிற தென் இந்திய மக்களும் திரளாக கலந்துகொண்டு தீமிதித்து, காவடி எடுத்து அம்மனுக்கு நேர்த்திக் கடன் செலுத்துகின்றனர்.

 அம்மனுக்கு தங்கத் தாலி: 61-ம் ஆண்டு சித்திரைத் திருவிழாவின்போது அம்மனுக்கு 100 கிராமில் தங்கத் தாலி அணிவிக்கப்பட்டது.

 வெள்ளிக் கவசம் அம்மனுக்கு அணிவிக்க கோயில் நிர்வாகக் கமிட்டி மூலம் திட்டமிடப்பட்டுள்ளது.

 கோயிலில் நடைபெறும் பல்வேறு பணிகளுக்கும் கோயில் வீட்டுவரி மூலம் பக்தர்களிடம் பணம் வசூலிக்கப்படுகிறது. பொதுமக்களிடம் நன்கொடையும் பெறப்படுகிறது