வளமான வண்ணமிகு வளைகாப்பு

பூத்தவளே,புவனம் பதினான்கையும் பூத்தவண்ணம்

காத்தவளே.பின் கரந்தவளே.கறைக்கண்டனுக்கு

மூத்தவளே.என்றும் மூவா முகுந்தற்கு இளையவளே

மாத்தவளே உன்னையேன்றி மற்றோர்தெய்வம் வந்திப்பதே !

…அபிராமி பட்டர் போற்றிய அன்னை ஈரேழு பதினான்கு லோகங்களையும் படைக்கும் தாய்..

தாய்மை என்பது பெண்களுக்கே உரித்தான ஒரு தனி சிறப்பு. உள்ளே உயிர் வளர்த்து உதிரத்தால் பால் கொடுக்க ஒரு தாயால்தான் முடியும். 

நம்முடைய மானிட வழக்கமான  பெண்ணுக்கு வளை காப்பு நடத்துவது போல மறிகடல்கள் ஏழையும், திகிரி இரு நான்கையும், 
மாதிரக்கரி எட்டையும், மாநாகமானதையும், 
மாகூர்மமானதையும, மாமேரு என்பதையும், 
ஓர் பொறியரவு தாங்கி வரும் புவனமேழையும், 
புத்தேளிர் கூட்ட்டத்தையும்,  பூமகளையும், 
திகிரி மாயவானையும்,  புலியாடை உடையானையும், படைக்கும் அன்னையாய் இருந்தும் கன்னி என்று மறைகள் பேசும் அம்பிகைக்கு நாம் வளைகாப்பு நடத்தி கண்டு களித்திடுகிறோம்..

ஆடிப்பூரம் என்னும் விழா ஆடி மாதத்திலே பூர நட்சத்திரத்தில் கொண்டாடப்படும் தேவிக்குரிய திருநாளாகும்.

மானிடத்தை இன்னல்களில் இருந்து மீட்பதற்கு உலகன்னை இவ்வுலகிலே தோன்றிய நாள் ஆடிப்பூரம்...

   சிவ சொர்ணாம்பிகை

அனைத்து உலகத்தையும் படைத்தும் காத்தும் கரந்தும் விளையாடும் அகிலாண்ட கோடி  காக்கும் அன்னை உளம் மகிழ்ந்து  அனைவருக்கும் தன் அருளை வழங்கி ஆடிப்பூர அம்மனாக எழுந்தருளியுள்ளாள்.

"தனம் தரும், கல்வி தரும், ஒரு நாளும் தளர்வறியா

மனம் தரும், தெய்வ வடிவுந்தரும் நெஞ்சில் வஞ்சமிலா

இனம் தரும் நல்லன எல்லாம் தரும் அன்பரென்பவர்க்கே

கனம் தரும் பூங்குழளாள் அபிராமி கடைக்கண்களே" 

நிலவின் ஒளியை மறைக்கும் ஒளி மிகுந்த திருமுகம், அருளும் கருணையும், வாத்ஸல்யத்தையும் வாரி வழங்கும் நீலத்திருக் கண்கள்.நிறைந்தவள்
அன்னை நீலாயதாக்ஷி 

 

அம்மனுக்கு உகந்த ஆடி மாதம்,  இரவு அதிகமாகவும், வெப்பம் குறையும் காலம்

 ஆடி மாதங்களில் எளிய உணவான கூழ் சாப்பிட்டால் உடம்பிற்கு நல்லது என்று ஜகத் ஜனனிக்கு, ஜகன் மாதாவிற்கு, அவளுக்கு கூழ் வார்க்கும் பழக்கத்தை ஏற்படுத்தினர் நமது முன்னோர்கள்.

 ஆடி மாதத்தில் வெள்ளி, செவ்வாய் , ஞாயிறுகளில் அன்னையை வழிபட எல்லா நலன்களும் தந்து அருளுவாள் அந்த தயாபரி.

 

 அம்பிகைக்கு மிகவும் உகந்த ஆடி மாதத்தில் வரும் பூர நாளில் அன்னைக்கு வளையல்களால் சிறப்பு அலங்காரம் செய்து வழிபட்டு அந்த வளையல்கள் பெண்மணிகளுக்கு பிரசாதமாக வழங்கப்படுகின்றன.

ஆடிப்பூரம் முளைப்பாலிகை திருவிழாவாகவும் கொண்டாடபடுகிறது.

அவரவர் இல்லங்களில் நவதான்யங்களை விதைத்து முளைப்பாலிகையை தயார் செய்கின்றனர்.

திருஆடிப்பூரத்தன்று  அம்மன் சன்னதியில் சேர்க்கப்படுகின்ற முளை வளர்ந்துள்ள விதத்தில் இருந்து வருடம் எவ்வளவு செழிப்பாக இருக்கும் என்பதை உணர்த்துகின்றது என்பது ஐதீகம்.

 

 ஆடிப்பூரம் அம்மனுக்குரிய பிரம்மோற்சவமாக பத்து நாள் திருவிழாவாக வாகன சேவையுடன் சிறப்பாக நடைபெறுகின்றது.

திருவாரூரில் கமலாம்பாளுக்கு,
திருநாகையில் நீலாயதாக்ஷி அம்மனுக்கு,
திருக்கருகாவூரில் கர்ப்பரட்சாம்பிகைக்கு.
திருமயிலை கற்பகவல்லிக்கு ஆடிப்பூரத்தன்று வளை காப்பு உற்சவம்.

சைதை காரணீஸ்வரர் ஆலயத்தில் சொர்ணாம்பிகை அம்பாள் ரிஷப வாகனத்தில் பவனி வரும் உற்சவம்  ,. 

மேல் மருவத்தூரில் ஆதி பரா சக்திக்கு ஆடிப்பூரம் மிகப்பெரிய பண்டிகையாக அம்மனுக்கு கூழ் வார்க்கும் பண்டிகையாக சிறப்பாகக் கொண்டாடப்படுகின்றது.

உயர் அரங்கருக்கு கண்ணி உகந்தளித்த 

சூடிக்கொடுத்த சுடர்க்கொடியாள்

 

சூடிக் கொடுத்த சுடர்க்கொடியாள், பூமி பிராட்டியார் மண்ணுலகில் உள்ள நாம் எல்லாரும் உய்ய பெரியாழ்வாரின் திருமகளாராய் திருஅவதாரம் செய்து எம்பெருமானுக்கு பாமாலையும், பூமாலையும் சாற்றி , நாம் எல்லாரும் உய்ய வேத சாரத்தை எளிய தமிழில் திருப்பாவையாகப் பாடினார்.
வைணவ தலங்களிலும் ஆடிப்பூரம் சிறப்பாக கொண்டாடப்படுகின்றது

ஆடிப்பூரத்தன்று சந்தனக்காப்பும் வளைகாப்பும் 

கண்டருளும் கற்பகாம்பாள் 

சாகம்பரி (சாக - காய்கனி தொடர்பாக; அம்பரம் - ஆடை; காய் கனிகளையே ஆடையாகத் தரித்தவள்) ஆனாள்.

உலகின் தவிப்பைத் தீர்த்து உணவிடுவதற்காக, தாமே உணவுக் களஞ்சியமாக அன்னை அருள்பாலித்த வடிவமே, சாகம்பரி தேவி! 

பரதேவதை, சாகம்பரியாக ஆவிர்பவித்து,கோடி சூரியப் பிரகாசம் தன்னுள் ஐக்கியப்பட்ட அம்பிகை தன் கரத்தில் தாமரை ஏந்தியிருக்க அந்தத் தாமரையை வண்டுகள் சுற்றிச் சூழ்ந்திருப்பது போல் காய்கள், கனிகள், வேர்கள், கிழங்குகள் போன்றவற்றை அவளுடைய பற்பல கரங்களில் வைத்துக் கொண்டிருக்கும்அன்னை சாகம்பரி தேவி

பூத வாகனத்தில் முப்பெரும்தேவியாய் 

அருள் பாலிக்கும் கருமாரியம்மன் 

வளைகாப்பு முருகன்

முற்கால மனிதர்களின் முழு முதற் கடவுளாக முருகனே வணங்கப்பட்டிருக்கிறான்.

 போர்க்காலங்களில் ஆண்களுக்கும், பெண்கள் கர்ப்பமாக உள்ள சமயங்களிலும் அவர்களுக்கு கந்தனே காத்து நிற்பான் என்ற நம்பிக்கை நிலவியது. 

கலியுக தெய்வம் கந்தனை வழிபடுபவர்களை தன் தண்ணருளால் காத்து, மனம் குளிரும் வண்ணம் வாழ்வளிப்பான் அம்பிகை மகிழ்தளித்த பாலன் கலியுக தெய்வம் கந்தக்கடம்பன்.

ஆவணி மூல திருவிழா ஈசன் 

வளையல் விற்ற லீலை.