குதுகல ஆங்கில புத்தாண்டு வாழ்த்துகள்-2016

திருத்தணிமலை நின்றருளும் 
தணிகாசலமூர்த்தி
சங்கரனார் அளித்த 
தனிப்பெரும் செல்வங்கள்...!



அனைவரும் கொண்டாடும் குதுகலமான நாள்..!

புத்தாண்டில் வானில் வண்ணக்கோலங்கள் தீட்டும்  காற்றாடிகளைப் பறக்கவிட்டு மனதில் மகிழ்ச்சி கொண்டாடி , 
 பட்டம் வானில் இறக்கைகட்டி பறப்பதுபோல் தங்களது பேரும் புகழும் சிறகடித்து பறக்கும் என நம்பிக்கை வர்ணம் கொள்கின்றனர்..!

புத்தாண்டு தினத்தன்று முதல் உணவாகத் தேன் சாப்பிட்டு 
இனிய புத்தாண்டே வருக என வாழ்த்தி வரவேற்கின்றனர்..

திருத்தணியில்  ஆங்கிலப் புத்தாண்டுப் படி உற்சவம் பிரபலமானது! 

எல்லாரும் ஆங்கில மோகம் கொண்டு அலைகிறார்களே என்று 
பார்த்த வள்ளிமலை சுவாமிகள், சரியாக ஆங்கிலப் புத்தாண்டு அன்று, தமிழ்க் கடவுளுக்குப் படி உற்சவம் நடத்தி, அதைத் தமிழ் விழாவாக 
ஆக்கி விட்டார்..

ஒவ்வோர் ஆண்டிலும் தான் சந்தித்த சவால்களையும், தன்னுடைய சாதனைகளையும், பாதிப்புகளையும் சீர்தூக்கிப் பார்ப்பதற்கான 
ஒரு வாய்ப்பாக ஒவ்வொருவரும் புத்தாண்டு நாளை வரவேற்கிறோம்.


சிரிப்புகள் அழுகைகள்
நம்பிக்கைகள் அவலங்கள்
வெற்றிகள் தோல்விகள்
பெருமைகள் பொறாமைகள்
புதிதாக என்ன இருக்கிறது..!
எல்லாமே தொடரத்தான் போகிறது ..!!

மார்கழி மகோற்சவங்கள்

சூடிக் கொடுத்தாள் சுடர்க் கொடியே தொல்பாவை
பாடி அருளவல்ல பல்வளையாய்
நாடி நீ வேங்கடவற்கு என்னை விதி ஒன்ற இம்மாற்றம்
நாங்கடவா வண்ணமே நல்கு

கள்ளழகருக்கு நூறு குடம் வெண்ணெயும், அக்கார வடிசலும் சமர்ப்பிப்பதாக தனது விருப்பத்தை ஆண்டாள் பாடியதை ஸ்ரீராமானுஜர் நிறைவேற்றினார். பின்னர் ஸ்ரீராமானுஜர் ஸ்ரீவில்லிப்புத்தூர் வந்தபோது
 ‘என் அண்ணன் அல்லவோ!’ என்று அசரீரி ஒலியுடன் ஆண்டாள் விக்கிரகம் முன்னோக்கி நகர்ந்து ஸ்ரீராமானுஜரை வரவேற்றது

திருப்பாவை முப்பதும் செப்பினாள்
பெரியாழ்வார் பெற்றெடுத்த பெண்பிள்ளை
ஸ்ரீபெரும்புதூர் மாமுனி யின் (ராமாநுஜரின்) தங்கை-
நாச்சியார் திருமொழி 143 பாசுரங்கள் சொன்ன திருவாடிப் பூரத்துச் செகத்துதித்தாள் வாழியே!

ஒருநூற்று நாற்பத்து மூன்றுரைத்தாள் வாழியே!(நாச்சியார் திருமொழி-143)
உயரரங்கர்க் கேகண்ணி யுகந்தளித்தாள் வாழியே!.
மருவாரும் திருமல்லி வளநாடு வாழியே!
வண்புதுவை நகர்க்கோதை மலர் பதங்கள் வாழியே!
ஸ்ரீஆண்டாள் திருவடிகளே சரணம்

வேதம் அனைத்திற்கும் வித்து' என சிறப்பிக்கப்படும் திருப்பாவையின் 30 பாடல்களும் 'சங்கத் தமிழ் மாலை' என போற்றப்படும் சுத்தமான அழகுத் தமிழ் கொஞ்சும் பாமாலை!

வைகுண்ட ஏகாதசி விரதத்தை அனுஷ் டித்தால் மூன்று கோடி ஏகாதசி விரதங் களைக் கடைப்பிடித்த பலன் கிடைக்கும். அதனால் முக்கோடி ஏகாதசி என்றும்; மோட்ச ஏகாதசி என்றும்; பீம ஏகாதசி என்றும் பெயருண்டு.

 பாற்கடல் நஞ்சினை ஈசன் விழுங்கியதால் நஞ்சுண்ட ஏகாதசி என்றும் கூறுவர்

.ஸ்ரீரங்கத்தில் வைகுண்ட ஏகாதசி விழா திரு அத்யயன உற்சவம் என 21 நாட்கள் நடைபெறும்.

 பகல் பத்து என்ற திருமொழி விழா பத்து நாட்கள் நடைபெறும். பத்தாம் நாள்தான் வைகுண்ட ஏகாதசி- சொர்க்கவாசல் திறப்பு.

திருவாய் மொழி விழா என்னும் இராப்பத்து விழா பத்து நாட்கள், இயற்பா விழா ஒருநாள் என 21 நாட் கள் தமிழ்விழா நடைபெறும்.

பகல் பத்தில் அரங்கன் அர்ச்சுன மண்டபத் தில் அனைத்து ஆழ்வார்கள், ஆச்சார்யார்களு டன் எழுந்தருளி சேவை சாதிப்பார்.

பெரியாழ்வார் அருளிய திருமொழி, ஆண்டாள் நாச்சியார் அருளிய நாச்சியார் திருமொழி, குலசேகராழ்வார் பாடிய பெருமாள் திருமொழி, திருமங்கை ஆழ்வார் பாடிய பெரிய திருமொழி ஆகிய திருமொழிப் பாசுரங்களைப் பாடுவார்கள். அதனால் இதைத் திருமொழித் திருநாள் என்பர்.

 பத்தாம் நாள் வைகுண்ட ஏகாதசியின்போது இந்தப் பாடல்கள் அபிநயத்துடன் அரையர் களால் சேவிக்கப்படும்.

பத்தாம் நாள்  மதுரையை ஆண்ட ராணி மங்கம்மாவால் திருவரங்கனுக்கு அளிக்கப்பட்ட ரத்ன அங்கியுடன் ஜொலிப்பார்.

பகல் பத்தின் பத்தாம் நாள் பெருமாள் நாச்சியார் கோலம் கொள்வார்.
இதற்கு மோகனாவதாரம் என்று பெயர்.


 வைகுண்ட ஏகாதசி யிலிருந்து ஏழு நாட்கள் மூலவருக்கு முத்துக்களாலான அங்கியுடன்  "முத்தங்கி சேவை'  வெண்மைத் திருக்கோலம்   அரியகண்களையும் கருத்தையும் கொள்ளை கொள்ளும் மாட்சி.



சொர்க்க வாசல் என்ற பரமபத வாசல் திறப்பு
வைகுண்ட வாசலுக்கு பூஜை செய்து நான்கு வேதங்களும் ஓதப்பட்ட பிறகு, பெருமாள் ஜோதி ஸ்வரூபமாக ஆபரண தேஜஸுடன் காட்சியளித்துக் கொண்டே மங்களவாத்தியம் முழங்க வாசலைக் கடந்து வருவார்.

பக்தர்கள் பக்திப் பெருக்குடன் பகவானைப் பின்தொடர்ந்து  "ரங்கா, ரங்கா' என ஜெபித்தபடி.  பரமபத வாசல் திறப்பு விழா என கொண்டாடுகின்றனர்.   பரமபத வாசலின்   அடியில் விரஜா நதி ஓடுகிறது. பக்தர்கள் வாசலைக் கடக்கும்போது புண்ணிய நதியில் நீராடி பரமபத வாசல் வழியாக வைகுண்டம் போவதாக ஐதீகம்.

வைகுண்ட ஏகாதசியன்று இராப்பத்து உற்சவம் தொடங்குகிறது.
இராப்பத்தின் ஏழாம் நாள் கைத்தல சேவையும்; எட்டாம் நாள் திருமங்கை மன்ன னின் வேடுபறி உற்சவமும்; பத்தாம் நாள் நம்மாழ்வாரின் மோட்சமும் நடைபெறும்.

இராப்பத்தின் 11-ஆம் நாள் இயற்பாவை அமுத னார் மூலம் சேவித்து சாற்று முறை நடக்கும். இப்படி 21 நாள் வைகுண்ட ஏகாதசி விழா நிறைவடையும்.

வைகுண்ட ஏகாதசி இரவில் பரமபதம் விளையாடுவார்கள்.

சங்காபிஷேக வைபவம்

ஓம் பாஞ்சஜந்யாய வித்மஹே பவமாநாய தீமஹி 

தந்ந சங்க ப்ரேசோதயாத் .சங்கு காயத்ரி..

‘சங்கமத்யே ஸ்திதம் தோயம் ப்ராமிதம் சங்கரோபரி

அங்க லக்ஷ்ணம் மனுஷ்யாணாம் ப்ரும்ம ஹத்யாதிகம் தகேத்'

என்பது வேதவாக்கியம்..

கார்த்திகை மாத சோமவாரங்களில் சிவாலயங்களில் அபிஷேகப்பிரியர். சிவனுக்கு சங்கினால் அபிஷேகம் செய்தால் பரமானந்தம் வழங்குவார்.

  சங்கில் புனித நீர் நிரப்பி, அந்தத் தீர்த்தத்தை கங்கையாகப் பாவித்து கங்கை சடைமுடியானுக்கு,  சங்காபிஷேகம் செய்வது வழக்கம்.

 சங்கு, செல்வத்தின் சின்னம். வற்றாத பொருள் செல்வம் வேண்டும் இல்லறத்தாரும், இறைவனின் அருட்செல்வம் வேண்டும் துறவிகளும், சங்கு பூஜையை மேற்கொள்கிறார்கள். - 

வைணவத்தில் சங்கு வீரத்தின் சின்னமாகத் திகழ்கிறது. பகவான் கிருஷ்ணனின் பாஞ்சஜன்யம் என்ற சங்கொலி கேட்டு குருக்ஷேத்ரமே நடுங்கியது. 

 சங்கு, இயற்கையாக கிடைக்கக் கூடியது. வெண்மையானது. சுட்டாலும் வெண்மை தருவது. மனித மனங்களும் சங்கைப்போல, நிலையான தன்மையுடையதாக இருக்க வேண்டும் என்பதை வலியுறுத்தவே அபிஷேகத்திற்கு  சங்கைப் பயன்படுத்தி சங்காபிஷேகம் செய்யப்படுகிறது. 

சங்கினுள் பால், பன்னீர், பஞ்ச கவ்யம் போன்றவற்றை நிரப்பி அபிஷேகம் செய்தாலும், அதை கங்கையாகப் பாவித்தே அபிஷேகம் செய்யப்படுகிறது

. கார்த்திகை மாதத்தில் இறைவன் அக்னிப் பிழம்பாக இருப்பார். அவரைக் குளிர்விக்கும் பொருட்டு சங்காபிஷேகம் செய்வார்கள். கார்த்திகை மாதம் சூரியன் பகை வீடான விருச்சிகத்தில் சஞ்சரிப்பார். அப்போது சந்திரன் நீச்சத்தில் இருப்பதால் தோஷம் என்பர். இந்த தோஷத்தை நீக்கவே சங்காபிஷேகம் நடத்தப்படுகிறது.

தலைவாழை இலையில் அரிசி போட்டு, தர்ப்பைப் புல் வைத்து சங்குக்கு சந்தனம், குங்குமம் வைத்து, மலர்களால் அலங்கரிக்க வேண்டும். இந்தச் சாதாரண சங்குகளின் நடுவில் ஒரு தட்டில் சிவப்பு நிறத் துணியில் மிகப்பெரிய வலம்புரிச் சங்கை வைத்து, நீர் விட்டு, வாசனை திரவியங்கள் போட்டு அருகில் சிவபெருமானைக் கலசத்தில் வர்ணிக்க வேண்டும்.

அபிஷேக ஆராதனைகள்சங்குகளைச் சுற்று முறையில் அடுக்கி வைத்தும், ஸ்வஸ்திகம், சங்கு, திரிசூலம், சிவலிங்கம், பத்மதளம், வில்வதளம் வடிவங்களிலும் அடுக்கி வைத்து வழிபடலாம்.

சோமவாரத்தில் சங்காபிஷேகத்தைத் தரிசித்தால் ஆயுள் விருத்தி உண்டாகும், தீராத நோய்களும் தீரும், துர்சக்திகள் நம்மை விட்டு விலகும் என்பது நம்பிக்கை.