Friday, February 8, 2013

அருட் சுடர் அன்னை


View bigger - Gods Lord Abirami Wallpaper for Android screenshot
மணியே மணியின் ஒளியே ஒளிரும் மணிபுனைந்த
அணியே! அணியும் அணிக்கழகே! அணுகாதவர்க்குப்
பிணியே! பிணிக்கு மருந்தே! அமரர் பெருவிருந்தே!
பணியேன் ஒருவரை நின் பத்மபாதம் பணிந்த பின்னே.

தை மாத அமாவாசையன்று அபிராமிபட்டர் அபிராமி அந்தாதி 
பாடிஅம்பாளின் அருள்பெற்றார்

சூரியனின் வடக்கு திசை பயணம் துவங்கும் உத்ராயண 
காலத்தின் துவக்கமான தை மாதம் மிகவும் புனிதமானது.

தை அமாவாசை நாளில் நம் முன்னோருக்கு உணவு, 
புத்தாடை படைத்து வழிபாடு செய்ய வேண்டும்.

முன்னோரை வழிபடும் நாட்களில் தை அமாவாசை 
முக்கியமானது

சிரத்தையுடன் அதாவது அக்கறையுடன் செய்வதற்கு 
சிரார்த்தம் என்று பெயர்.

மனிதவாழ்வு இறப்புக்கு பின்னும் தொடர்கிறது என்ற உண்மையை உணர்ந்து செய்யும் போது சிரார்த்தச் சடங்கு பொருளுடையதாகும்.

திருநெல்வேலி நெல்லையப்பர் கோவிலில் ஆண்டு தோறும் 
தை அமாவாசை தினத்தன்று லட்ச தீபம் ஏற்றப்படுகிறது. 
அன்றைய தினம் ஸ்ரீநெல்லையப்பர்- காந்திமதியம்மன் 
கோவிலில் காணும் இடமெல்லாம் தீபங்களாக 
பிரகாச ஜோதியாகவே காணப்படும்.
ஸ்ரீ நெல்லையப்பர்-காந்திமதியம்மன்
ஸ்ரீ நெல்லையப்பர்-காந்திமதியம்மன்
ஆடி மாத அமாவாசையன்று நம்மைக் காண வரும் பித்ருக்கள் எனப்படும் முன்னோர் தை அமாவாசையன்று விடை பெற்று திரும்புவதாக ஐதீகம்.

முன்னோர் வழிபாடு மிக முக்கியமானது என்கிறார் 
தெய்வப்புலவர் திருவள்ளுவர் ...

தெய்வத்தை வணங்குகிறோமோ இல்லையோ, முன்னோர்களை 
நிச்சயம் வழிபட வேண்டும். அதற்குரிய சிறந்த நாள் அமாவாசை.

பசுக்களுக்கு பழம், அகத்திக்கீரை கொடுப்பது  நல்ல பலன் தரும்.

தென்னகத்து காசி என்று போற்றப்படும் ராமேசுவரம் ராமநாத சுவாமி கோவிலில் நடைபெறும் திருவிழாக்களில் தை அமாவாசை பிரசித்தி பெற்றது. 

அதிகாலை அக்னி தீர்த்த கடலில் புனித நீராடி இறந்த தங்களது முன்னோர்கள் நினைவாக கடற்கரையில் புரோகிதர்கள் மூலமாக 
தர்ப்பணம் கொடுக்கும் புனித நாள...

 ராமநாதசுவாமி கோவில் வளாகத்தில் உள்ள 22 தீர்த்தங்களிலும் நீராடி. ராமநாதசுவாமி, பர்வதவர்த்தினி அம்பாளை தரிசனம் செய்வார்கள்... 
ஸ்படிகலிங்க பூஜை சிறப்புவாய்ந்தது ...  

 ஸ்ரீராமர் பஞ்சமூர்த்திகளுடன் அக்னி தீர்த்த கடற்கரைக்கு எழுந்தருளி  விசேஷ தீபாராதனைகள் நடத்தப்பட்டு பக்தர்களுக்கு தீர்த்தவாரி நிகழ்ச்சியும் இரவு ஸ்ரீராமர் மின் விளக்குகளால் அலங்கரிக்கப்பட்ட வெள்ளி ரதத்தில் வீதி உலா நிகழ்ச்சி கண்கொள்ளாக்காட்சியாகத் திகழும் நாள் ... 

இன்று தை அமாவாசை
 
 ராமேசுவரத்தில் 2 லட்சம்
 
 பக்தர்கள் குவிந்தனர்;
 
 அக்னி தீர்த்த கடலில் புனித நீராடினர்

Thursday, February 7, 2013

ஆனந்தத் தேன் சிந்தும் பூஞ்சோலை


படிமம்:Flower Garden at Muckross House.jpg

குயில்கூவிக் கொண்டிருக்கும்; 
கோலம் மிகுந்தமயிலாடிக் கொண்டிருக்கும்; 
வாசம் உடையநற் காற்றுக் குளிர்ந்தடிக்கும்; 
கண்ணாடி போன்றநீர்ஊற்றுக்கள் உண்டு; 
கனிமரங்கள் மிக்க உண்டு;

பூக்கள் மணங்கமழும்; பூக்கள்தோறும் சென்று
தேனீக்கள் இருந்தபடி இன்னிசைபாடிக் களிக்கும்;


 என்னும் புரட்சிக்கவி பாரதிதாசன் கவிதை மொழிக்கு சாட்சியாக கட்டியம் கூறும் காட்சி மனம் மயக்கும் ஆனந்தத் தேன் சிந்தும் பூஞ்சோலை..

இயற்கையை ரசித்தல் என்றும் இன்பமயமானது
சக்கரவாகமோ மழையை அருந்துமாம்
நான் சக்கரவாகப் பறவையானேனோ

மழையின் தாரைகள் மண்ணில் விழுதுகள்
விழுது பிடித்து விண்ணில் சேர்வேனோ 

என் சுவாசக்காற்றே சுகந்தமாகும் 
மலர்கடலில் மலர்ந்த  மணமிகு 
வண்ண வண்ண எழில் மலர்களால் ...
மரங்களின் மவுன மொழி தென்றலுக்கு....., மட்டும் தான் தெரியும்.......
மேகங்களின் கருணை மொழி  மழைதுளிக்கு......,மட்டும் தான் தெரியும்........
மலர்களின் அழகு மொழி அனைவருக்கும்  புரியுமே !

கதிரவன் கண் மலரும் பொன்வான ஒளியின் கீழ் 
செவ்விதழ் தாமரை மலர்ந்திடும் நதியோர கரையோரம் !!

Trippy Hippie Rainbow FlowersTrippy Hippie Rainbow Flowers
Trippy Hippie Rainbow Flowers