பாந்தமாய் அருளும் பத்மாசனித் தாயார்

கண்ணன் கீதையில் "அச்வத்தம் ஸர்வ வ்ருக்ஷாணாம்' "நான் மரங்களுக்குள் அரச மரமாய் இருக்கிறேன்' என்று கூறியுள்ளார்.
அரசமரம் ராஜ விருட்சம் என்று அழைக்கப்படுகிறது. 

 பதினைந் தாம் அத்தியாயத்தில், இந்த மாபெரும் உலகத்தை- வேர்ப் பகுதியை மேலே கொண்ட, கீழ்ப்பகுதியில் கிளைகளைக் கொண்ட தலை கீழாயுள்ள ஒரு அரச மரமாகக் கூறியிருக்கிறார். 

ஸ்ரீபகவாநுவாச

ஊர்த்வமூலமத:ஸாகமஸ்வத்தம் ப்ராஹுரவ்யயம்

சந்தாம்ஸி யஸ்ய பர்ணாநி யஸ்தம் வேத ஸ வேதவித் 

இதுவே பாகவத புராணத்திலும் பேசப்படுகிறது. 

பாண்டிநாட்டு 18 திருப்பதிகளில் நான்காவது திவ்ய தேசமாக
விளங்குகிறது -புல்லாரண்யம் என்ற திருப்புல்லாணி.

ஸ்ரீராம பிரானே திருப்புல்லாணித்தலத்து பெரியபெருமாளை ஆராதித்ததை, திருமங்கையாழ்வார் தமது பெரிய திருமொழியில் இருபது பாசுரங்களிலும் பெரிய திருமடலில் பாசுரத்திலும் (மன்னு மறை நான்கு) அருளிச் செய்திருக்கிறார்.

திருஞானசம்பந்தரும், அப்பரும் தத்தமது தேவாரப் பதிகங்களில் இத்தலத்தைப் பாராட்டி உள்ளனர். 

 வேறெங்கும் காணவியலாத அசுவத்தமும் (அரச மரமும்),
நாகத்தின்மீது நர்த்தனிக்கும் ஸ்ரீசந்தான கிருஷ்ணனும்,
கட்கம், கேடகம், கிரீடத்துடன் சேவை சாதிக்கும் தர்ப்பசயன 
இராமனும், மூலிகைசக்தி ததும்பிய சக்கரத் தீர்த்தமும்
திருப்புல்லாணிதலத்தின் சிறப்பம்சங்களாக விளங்கி,
நமது முற்பிறவி வினைகளை அறுத்தெறிகின்றன.

கல்யாண ஜெகந்நாதன், தெய்வச்சிலையார், கல்யாணவல்லித் தாயார், கல்யாண விமானம், ஹேம தீர்த்தம், சக்கரத் தீர்த்தம், அசுவத்த விருட் சம், கிழக்கே திருமுக மண்டலம், வீற்றிருந்த திருக்கோலம்,

புல்லாரண்ய க்ஷேத்திரம், தர்ப்பசயனம், புல்லாரண்ய மகரிஷிக்கு அசுவத்த நாராயணனாக காட்சி கொடுத்த தலம், சமுத்திர ராஜனுக்கு ஸ்ரீராமன் பிரத்தியட்சமாய் வரம் அருளிய இடம், 

திருமங்கையாழ்வார், பெரிய நம்பிகள், மணவாள மாமுனிகள் போன்ற பல மகான்கள் உகந்து அருளிய பெருமை மிக்க வைணவத் தலமாக பொலிவுடன் திகழ்கிறது. 

தினமும் காலை, உச்சிக்காலம், மாலை, அர்த்த ஜாமம் என நான்கு காலப் பூஜைகள் நடைபெறுகின்றன.

தேரோடும் வீதி, மாட வீதியையும் சேர்த்து ஐந்து பிராகாரங்களாக அமைந்துள்ள

 நாச்சியார், உபய நாச்சியாருடன் எம் பெருமான் குடிகொண்டுள்ளார்.

மூலவருக்கு தெய்வச்சிலையார், திவ்ய சாபர், ஸ்ரீஆதி ஜகந்நாதன் ஆகிய திருப்பெயர்கள் விளங்கியதாகக் கல்வெட்டுகளில் குறிக்கப்பட்டுள்ளது. தெய்வச்சிலை பெருமான் நாயனார், திருப்புல்லாணி ஆழ்வார் என்பதாக சுவடிகளில் அழைக்கப்படுகிறது. 

பத்மாசனித் தாயார் 

தாயாரின் மூல விக்ரகத்துக்கும் உற்சவத் திருமேனிக்கும்
பத்மாசனித் தாயார் என்னும் ஒரே பெயர்தான் வழங்கப்படுகிறது. 

கோவிலின் வடக்குப் பிராகாரத்தில் மூலவர் தர்ப்பசயனப் பெருமாள் சயனக் கோலத்தில் பள்ளிகொண்டும்; உற்சவமூர்த்தி வீரவாளுடன் ஸ்ரீகோதண்ட ராமனாக சீதை, இலக்குமணன், விநய ஆஞ்ச னேயருடன் எழுந்தருளிக் காட்சி தருகிறார். மற்றொரு மூலவராக சீதை, இலக்குமணனோடு சேர்ந்து ஸ்ரீபட்டாபிராமர் காட்சி கொடுக்கிறார்.

ஸ்வஸ்திக விமானம், கல்யாண விமானம் (ஸ்ரீஆதிஜெகந்நாதர் சந்நிதி), புஷ்பக விமானம் (தர்ப்பசயன இராமன், பட்டாபிராமன் சந்நிதிகள்) என விமானங்கள் சிறப்பாக அமைந் துள்ளன.

சக்கரத் தீர்த்தம், ஹம்ச தீர்த்தம், வருண தீர்த்தம், தரும தீர்த்தம், இராம தீர்த்தம், அகத்திய தீர்த்தம் ஆகிய குளங்களும்; இரண்ய நதி, கண்வ நதி, க்ஷீ ர நதி என்னும் நதிகளும்; ஆதிசேது எனப்படும் கடலும் நம் கர்ம வினைகளைப் போக்கி, மோட்சம் தந்திட நம்மை வரவேற்கின்றன.

எனவே ஆற்றுநீர், குளத்துநீர், கடல் நீர் என மூன்று நீர்ப் பெருமை வாய்ந்த தலமாக இது உயர்ந்து நிற்கிறது.

தல விருட்சம்: கோவில் பிராகாரத்தில் வடமேற்கு மூலையில் தொன்மையான அரசமரம் தல மரமாய் நிற்கிறது.

அரச மரத்திற்கு வடக்கே சற்று தூரத்தில் பல நாகர் சிலைகளுடன் கூடிய பெரிய மேடை ஒன்றுள்ளது.

400 வருடங்களுக்குமுன் இங்குதான் இம்மரம் காணப்பட்டது. பின் தானாகவே கிளைகளைத் தரையில் தாழ்த்திக் கொண்டு மண்ணில் புதைந்து, பழைய இடத்தை விட்டு ஆலமரம்போல் நகர்ந்து வந்திருக்கிறது. 

இந்த மரத்தின் இலை மற்ற அரச மரங்களைப்போல் அல்லாது, 
இலை சிறுத்து, காம்பும், நுனிப்பகுதியும் நீண்டு இருக்கிறது. 

இம்மரத்தடியில்தான் புல்லவர், கன்வர், காளர் என்ற மும்முனிவர் ஸ்ரீமந்நாராயணனைக் குறித்துக் கடுந்தவம் புரிந்தனர்.

இவர்களின் தவப்பயனால் இம்மரம் பொன்மயமாகி அஸ்வத்த நாராயணனாய் காட்சியளித்ததால், இம்மூன்று முனிவர்களும் மகிழ்வுற்று சாளக்கிராமம் பிரதிஷ்டை செய்து, பின்வரும் சந்ததியினருக்கும் கருமவினை தீர அருள்பாலிக்க எம் பெருமானிடம் வேண்டிக் கொண்டனர். 

பெருமாளும் முனிவர்கள் வேண்டுகோளுக்குச் செவி சாய்த்து, 

அஸ்வத்த நாராயணனாய் அமர்ந்து இன்றும் அடியார்க்குக் காட்சி தருகிறார்; வினை தீர்க்கிறார்.

இந்த அரசமரம் நாச்சியார் சந்நிதிக்குப் பின்புறம் கம்பீரமாகத் தோற்றமளிக்கிறது.

  "மருமலர் பிறந்த கோதை மருவி மகிழும் புல்லாணி வளர் அரசு' என்ற பாடலின் மூலம் நம் தாயார் இதை மருவி மகிழ்ந்து வருகிறாள் என்பதை உணரலாம்.

இது யுகங்களைக் கடந்த மரமாகும்.

பத்ம புராணத்தில், "க்ரியா யோக சாரம்' என்ற பகுதியில், அசுவத்த ஸேனம் (அரசுக்கு நீர் வார்த்தல்) வர்ணனைப் பகுதியில், பெருமாள் லட்சுமியைப் பார்த்து, "ஆயுர் விருத்தி, பவேத்தஸ்ய வர்த்தந்தே ஸர்வஸம்பத:' என்றார். 

 அரச மரத்தை எவனொருவன் பார்த்து வணங்கித் தொழுகிறானோ அவன் ஆயுள் வளரும்; செல்வம் பெருகும் என்று பொருள்.

திருமகளைப் பார்த்து, "அஸ்வத்த வ்ருக்ஷம் ஆஸாத்ய ஸதாலட்சுமி ஸ்திராபவ' என்று கூறுகிறார்.
 "லக்ஷ்மியே! நீ அரச மரத்தில் எப்பொழுதும் நிலையாக இருந்திடுவாய்' என திருமால் கூறுகிறார்.

புராணங்கள் அரச மரத்தை மும்மூர்த்தி சொரூபமாகப் போற்றுகின்றன . அடிப்பகுதி பிரம்ம வடிவம் , நடுப்பகுதி விஷ்ணு சொரூபம் , மேல்பகுதி சிவ வடிவம் என்கிறது ஒரு சுலோகம் . 

மரங்களின் அரசனான அரச மரத்தை வலம் சுற்றி வணங்கும் போது :

மூலதோ பிரம்ம ரூபாய மத்யதே விஷ்ணு ரூபிணே
அக்ரதச் சிவரூபாய வ்ருக்ஷ ராஜாயதே நம :

என்ற சுலோகத்தைச் சொல்லி வணங்குதல் வேண்டும் .

ஸ்ரீராமன் இத்தலத்தில் லங்கைக்கு அணை கட்டும்பொழுது, பெருமானுக்கு கைங்கரியம் செய்த அணில் களின் முதுகில் ஸ்ரீராமன் தன் திருக்கைகளால் தடவிப் பாராட்டினார் என்று வரலாறு எடுத்தியம்புகிறது. 

ராமபிரான் தர்ப்பைப் புல்லின் மேல் பள்ளி கொண்டார்
என்பதையும் அறிகிறோம்.

தர்ப்பையின் பெருமையை பத்ம புராணம் தெளிவாக விவரிக்கிறது. இது மூன்று வகை தோஷங்களைச் சமப்படுத்தும் ஆற்றல் கொண்டது.

உஷ்ண வீரியமுடையது;

நீரை சுத்தப்படுத்த வல்லது;
உலோகங்களின் அழுக்கைப் போக்கக் கூடியது;

தேவர்களுக்கும் பித்ருக்களுக்கும் உகந்ததாயும் அமைகிறது.

புண்ணிய பூமி தவிர வேறு எங்கும் முளைக்காது.

திருமணச் சடங்குகளில் மணப்பெண்ணின் இடுப்பில்
அரைஞாண் கயிறு போல் தர்ப்பையைத் திரித்துக் கட்டுவார்கள்.

தர்ப்பைக்கு அதிக வீரியம் உள்ளதால், அதன் வீரியம்
உயிர் அணுக்களைக் கூட்டி, சிசு தங்கி வளர வழி செய்து கொடுக்கும். 

கருவைத் தாக்கும் விஷக்கன்னி தோஷத்தை அறவே நீக்கிவிடும் பெருமையை உடைய தர்ப்பையை "அமிர்த வீர்யம்' என்று போற்று வார்கள். உலர்ந்து போனாலும் இதன் வீரியம் குன்றுவதில்லை.

குறிப்பாக சூரிய- சந்திர கிரகணங்களின்போது இதன் வீரியம் பல மடங்கு பெருகும் என்பதால், மோதிரமாய் இதனை அணிந்து, நீர் நிலைகளில் அதிகாலையில் தவறாது ஸ்நானம் செய்கிறார்கள்.

தர்ப்பைப் புல்பட்ட நீரைத் தெளித்தவிடத்தில் தொற்றுநோய் பரவாது. தர்ப்பைப் புல்லில்பட்ட காற்றினால் உடலின் ஆரோக்கியம் வளரும்.

நிறைந்த நன்றிகள் http://thiruppul.blogspot.com/2010/03/4.html

திருப்புல்லாணி புஷ்ப யாகம்

தெப்போற்சவம்

இந்த வருடத்தில் நான் - தொடர் பதிவு .

 








ஜனவரி 21ம் தேதி பதிவிட ஆரம்பித்தேன்...

மூன்றாம் கோணத்தில் பயணக்கட்டுரையில் கொள்ளை கொள்ளும் கொல்லிமலைச்சாரல் கட்டுரை முதல் பரிசு பெற்றது இனிமை..
மூன்றாம் கோணத்தில் நூறுக்கு மேற்பட்ட பதிவுகள் தொடர்ந்து அளித்துக்கொண்டிருக்கிறேன்..

ஏழாம் வகுப்பு படிக்கும் போது பாரிவள்ளல் பாடம் நடத்தினார் தமிழ் ஆசிரியர்..

ஜனவரி மாதம் புதிய காலண்டர் வந்தது..

கோபிகைகள் அழகிய மண்குடங்களை வைத்து ஆற்றங்கரையில் தண்ணீர் எடுப்பதுமாதிரியான படத்தில் , முல்லைக்குத்தேர் தந்த பாரி மாதிரி பெண்களும் மண்குடத்தில் படர்ந்த முல்லைக்கொடிகளை எடுக்க மனம் வராமல் முல்லைக்கு பானை தந்த வள்ளல்களாய் தண்ணீர் எடுக்காமல் சென்றதாக அந்த காலண்டர் பின்பக்கம் கதை எழுதியிருந்தேன்..

எல்லோரும் நம் வீட்டிலும் ஒரு கம்பர் இருக்கிறார் காவியம் படைக்க என்று கிண்டலடித்து வீட்டிற்கு வருபவர்களிடம் அந்த கதையைக்காட்டி நையாண்டி செய்தார்கள்..

கதை எழுதுவதை மறந்திருந்த என்னை உடான்ஸ் சிறுகதைப் போட்டிக்கு பீமனின் பராக்கிரமம் என்று கதையை உடான்ஸ்க்கு அனுப்பி பரிசும் பெற்றது இனிமை..

376 பதிவுகள் ஒருவருடத்தில்

 தொடர்ந்து கொடுத்துக்கொண்டிருப்பது இனிமை..

335 பின்தொடர்பவர்கள் அருமை!

பாகவதம், நாராயணீயம், திருப்புகழ் உள்ளிட்ட புத்தகங்களும்,  

பல கட்டுரைப்போட்டியில் வென்ற புத்தகங்களும், 

சென்று வந்த கோவில்களின் ஸ்தல புராணங்களும், 

எடுத்த போட்டோ ஆல்பங்களுமாக இனிமையாக
நிரம்பி ததும்பி வழியும் அலமாரியைப் பார்க்கவும், 

உடான்ஸ் பரிசுப்போட்டியில் வந்த புத்தக பரிசுகளைப்பார்த்தும் 

என் இல்லத்தில் ரசிப்பதில்லை..

ஆச்சர்யம் :பெண் எழுத்து, பெயர் புராணம், முத்தான மூன்று, 

மழலைகள் உலகம் மகத்தானது , இந்த வருடத்தில் நான் என்றெல்லாம் தொடர் பதிவு எழுத என்னை அழைத்துப் பெருமைப்படுத்தியது பதிவு உலகம்..

ஆரம்பத்தில் டிராப்டில் எழுதிவைத்து பதிவு வெளியிடும் வசதி அறியாமல் அவ்வப்போது டைப் செய்வதை பப்ளிஷ் செய்து வந்ததால் ஒரு நாளில் இரண்டு அல்லது மூன்று பதிவுகள் கூட வெளியானது..

ஆரம்பத்தில் படங்கள் சேர்க்கத் தெரியாது..மகனோ மகளோ பதிவு வெளியிட்டு சிலநாட்கள் சென்ற பிறகு படங்கள் சேர்த்துத்தருவார்கள் சலித்துக்கொண்டு..

இப்போது படமில்லாமல் பதிவு எழுத்த முடிவதில்லை.. 

படங்களைப்பார்த்தே பதிவு எழுதுக்கிறேன்..

  என் இல்லத்திலும் பதிவு எழுதத் தான் லாயக்கு.. 

இதை எல்லாம் பிளாக்கில் போய் எழுதிக் கொ(ல்)ள் என்று 
சர்டிபிகேட் கொடுக்கிறார்கள்...

இந்தவருடத்தில் நான் என்கிர தலைப்பில் எழுதுமாறு  அசாதாரணமான திறமைகள் பல கொண்ட திரு . வை .கோபாலகிருஷ்ணன் ஐயா அவர்களைக் கேட்டுக்கொள்கிறேன் ..  

திரு . வை .கோபாலகிருஷ்ணன் ஐயா அவர்கள்

வலைச்சரத்தில் ஆசிரியராக அறிமுகபடுத்தியும், பதிவுகளுக்கு கருத்துரைகளும் நல்வாழ்த்துகளும் அளித்து ஊக்குவிக்கும் 
சீனா ஐயா அவர்கள்,


ஆத்மார்த்தமாய் நிறைவான கருத்துரைகள் வழங்கி உற்சாகப்படுத்தும் 
viji  அவர்கள்,


லேடீஸ் ஸ்பெஷல் ஆசிரியர் கிரிஜா ராகவன் அவர்கள்,


லேடீஸ் ஸ்பெஷல் இதழில் வலைப்பூவை அறிமுகப்படுத்தும்
தேனம்மை லஷ்மணன் அவர்கள், 


வல்லமை மின் இதழ் அமைதிச்சாரல் அவர்கள்
மூன்றாம் கோணம் சஹிதா அவர்கள்
தமிழ் வண்ணம் திரட்டி,

ஆன்மீகக் கடலின் பிரமிக்கத்த வீச்சு லக்ஷ்மி பூஜை பற்றி அறிய மணிராஜ் என்று  எனது தளத்தின் லிங்க கொடுத்திருந்தார்கள்..

.http://www.aanmigakkadal.com/2011/10/blog-post_6052.html ----

ரஜினி ரகசியமாய் சென்ற் சித்தர்கோவில் என்று 
நெரூர் சதாசிவபிரம்மேந்திரர் லிங்க் கொடுத்திருந்தார் 
நல்லநேரம் சதீஷ்குமார் அவர்கள்..
http://www.astrosuper.com/2011/10/blog-post_8478.html ---


venkatnagaraj -,கோவை2தில்லி தம்பதியர்,
ஸ்ரீவில்லிபுத்தூர்... ரத்னவேல் நடராஜன் ஐயா அவர்கள்,

தீதும் நன்றும் பிறர் தர வாரா. Ramani ஐயா அவர்கள்,

அப்பாதுரை ஐயா அவர்கள்,

Advocate P.R.Jayarajan,

Vanga blogalam அனந்து,

சென்னை பித்தன் ஐயா அவர்கள்,
சாமியின் மனஅலைகள் Palaniappan Kandaswamy ஐயா அவர்கள்

புலவர் சா இராமாநுசம்ஐயா அவர்கள்

தி. ரா. ச.(T.R.C.) ஐயா அவர்கள்

G.M Balasubramaniam ஐயா அவர்கள்

வானவில் மோகன்

கூடல் பாலா
மஞ்சு பாஷிணி
ஆதிரா
ஹேமா

MADURAGAVI RAMVI

மிடில் கிளாஸ்மாதவி

திருமதி பி.எஸ். ஸ்ரீதர் ,

கற்றலும் கேட்டலும் ராஜி

மகிழம்பூச்சரம் சாகம்பரி,

துளசி கோபால்

வெட்டிப்பேச்சு சித்ரா
அப்பாவி தங்கமணி
ராமலஷ்மி
kovaikkaviவேதாவின் வலை..
மாயக்கண்ணாடி ஷர்மி,
Lakshmi  அம்மா
மாலதி
மாதேவி 
goma 
சந்திர வம்சம்
ஷக்திபிரபா
ஆஸ்திரேலியாவில் இருந்து என் பதிவுகளைப் படித்துவிட்டு 
தோழியான பல்கலைகழக மாணவி சஞ்சுதா

தம்பி கூர்மதியன்
டாக்டர் எம்.கே. முருகானந்தம் ஐயா அவர்கள்
போளூர் தயாநிதி ஐயா அவர்கள்,
ஆன்மீக உலகம்
மாய உலகம்
ஸ்ரீராம்.
மகேந்திரன்
ஆர். வி. எஸ்,
shanmugavel
கோவை நேரம் 

கவி அழகன்

 பாரத்... பாரதி..

M.R 

கடம்பவன குயில்

காந்தி பனங்கூர் 

கோகுல் 

ரிஷபன் 

இன்னும் இன்னும் ஊக்குவிக்கும் அனைத்து நல் உள்ளங்களுக்கும்
இதயம் நிறைந்த இனிய நன்றிகள்..