Wednesday, February 6, 2013

சர்வதேச யானைகள் திருவிழா













சர்வதேச யானைகள் திருவிழாவில்  யானனைகளுக்கான ஓட்டப்பந்தயம், அழகுப்போட்டி, ரேக்ளா வண்டி போட்டி குதிரை வண்டிப்போட்டி ஆகியவை நட்த்தப்படுவது கண்கொள்ளாக்காட்சியாகத்திகழ்கிறது...

நேபாள நாட்டு வனத்துறையினர் யானைகளையும் கால்பந்து விளையாட பயிற்சி அளித்துள்ளனர்.

அங்குள்ள சவ்ரஹா நகரில் சர்வதேச யானைகள் திருவிழாவை முன்னிட்டு யானைகளுக்கான கால்பந்து போட்டி  சிறப்பாக நடைபெறுகிறது...

யானைகள் கால்பந்தாட்டத்தில் பாகன்களை சுமந்தவாறு யானைகள் பந்தை லாவகமாக தட்டிச்சென்று கோல் அடிக்க முயன்றது பார்வையாளர்களை வெகுவாக கவர்கிறது.

 போட்டியின் இறுதி ஆட்டத்தில் நேபாள கிஸ்ட் வங்கி யானைகள் அணி சங்கர் வளர்ச்சி வங்கி யானைகள் அணியை 6-0 என்ற கோல் கணக்கில் வென்று பரிசை தட்டிச்சென்றது.!!

வருடந்தோறும் நேபாள், சிட்வான் தேசிய பூங்காவில் யானைகளுக்கான விழா நிகழ்வில்  அழகு யானை போட்டி நடத்தப்பட்டுள்ளது.

அழகுப் போட்டியில் கலந்துகொள்ளும் யானைகளின் தலை உட்பட 
உடல் சிறப்பாக அலங்கரிக்கபட்டிருக்க வேண்டும்.

அத்துடன் யானைகளின் கால் விரல் நகங்கள் சிறப்பாக வர்ணமிடப்பட்டிருக்க வேண்டும் என போட்டி விதிமுறைகள் அறிவிக்கப்பட்டிருந்தன.

கலந்துகொண்டிருந்த 9 யானைகளில் 'சித்வார் காலி' என்ற யானை  
நேபாள அழகு யானையாக தெரிவுசெய்யப்பட்டது.!!
'அழகு யானை' போட்டி
' சித்வான் காலி மிக சிறப்பாக அலங்கரிக்கப்பட்டிருந்தது'  

அழகுப்போட்டியில் கலந்துகொள்ளும் யானைகள் தமது பாகன்களின் கட்டளைப்படி இயங்கவேண்டும் என்பது கட்டாயமானது 








Tuesday, February 5, 2013

வண்ண வண்ண எழில் முருகன் .






சீரங்க ராகமறமோது திகிரி செங்கைகொண்ட
சீரங்க ராக மருகந்த தேசிக செந்தினைமேற்
சீரங்க ராக தனகிரி தோய்கந்த செந்தமிழ்நூற்
சீரங்க ராக விநோதவென் பார்க்கில்லை தீவினையே.

ஆறு முகம் உடையவன் ஷண்முகன் ... 

கணேச, சிவ, சக்தி, ஸ்கந்த, விஷ்ணு, சூர்ய என்ற ஆதிசங்கரர் வகுத்த ஷண்மதம் ஒன்றிய வடிவினன்.

அதாவது முகுந்த மு என்றால்-விஷ்ணு.

ரு என்றால் ருத்ரன்- அதாவது சிவன்.

கு என்றால் கமலத்தில் உதித்தவன்- அதாவது பிரம்மன் ...

முருகனின் ஒரு திருநாமம் கோடி நாமங்களுக்குச் சமம் என்பர்

முருகப்பெருமான் சிவபெருமானின் அம்சமாக அவதரித்தவர். 

ஓம் எனும் பிரணவ மந்திரத்தின் பொருளை தந்தைக்கே குருவாக இருந்து உபதேசித்தவர். 

அதே மந்திரத்தின் பொருள் தெரியாத பிரம்மாவை, சிறையில் அடைத்தவர். 

சூரனை சம்ஹாரம் செய்து, பின் மகாவிஷ்ணுவின் மகளை மணந்து கொண்டவர். 

மாமனான மகாவிஷ்ணுவின் பாசத்திற்கு கட்டுப்பட்டவர்.

இவ்வாறு முருகன், மும்மூர்த்திகளாகவும் திகழ்கிறார். 

இதனை உணர்த்தும் விதமாக திருச்செந்தூரில் முருகப்பெருமான், ஆவணி, மாசி மாத திருவிழாவின் போது சிவன், விஷ்ணு, பிரம்மா என மும்மூர்த்திகளின் அம்சமாக காட்சி தருகிறார். 

முருகன் சிவப்பு நிற வஸ்திரம் சாத்தி சிவபெருமானாக காட்சி தருகிறார்.

 முருகன் வெண்ணிற ஆடையில் பிரம்மாவின் அம்சமாக அருளுகிறார்.....

 பச்சை வஸ்திரம் சாத்தி பெருமாள் அம்சத்தில் காட்சியளிக்கிறார். 

வள்ளி குகையில் மும்மூர்த்தி சிலை மூன்று முகங்களுடன் இருக்கிறது.

அலைபாயும் செந்திலம்பதியாகிய திருச்செந்தூரில்  சீரும் சிறப்புமாக நடத்தப்படும். திருச்செந்தூர் சுப்பிரமணிய சுவாமி கோயிலில் ஆவணிதிருவிழாவில் சுவாமி சண்முகர் சிவப்பு சாத்தி வீதி உலாவில் திருமுருகன் உடையும் சிவப்பு, செங்கடம்பு மாலையும் சிவப்பு, அவரது வேலும் சிவப்பு பகைவரை கொல்வதால் இரத்தம் தோய்ந்து, அவர் மேனியும் சிவப்பு செந்தமிழில் தோன்றியதால், அவரது திருமுகமோ விரியும் செங்கதிர் இளஞாயிறு போன்ற சிவப்பு என்று  கந்தன் சிவப்பு உடை அணிந்து வரும் அற்புத கோலத்தில் சுவாமி வரும் வழியில் பக்தர்கள் சிவப்பு பூக்களை தூவியும்,சிவப்பு பந்தல்கள் அமைத்தும் சுவாமியை வரவேற்கின்றனர்.  
சுவாமி தங்க சப்பரத்தில் சிவப்பு சாத்தி கோலத்தில் எழுந்தருளி அருள்பாலிக்கும் கோலம் எண்ணம் நிறைக்கும் வண்ணமயமானது... 
விழாவில் சிகர நிகழ்ச்சியாக  தேரோட்டம் திகழ்கிறது. 

மஞ்சள் நீராட்டுடன் விழா நிறைவடையும்போது சுவாமி, அம்பாள் வீதி உலா செல்லும் நிகழ்வில் பக்தர்கள் மஞ்சள் நீர் ஊற்றி சுவாமியை 
குளிர்ச்சிப்படுத்துகின்றனர்.


செஞ்சடையாரின் விழியாலே, 
சேந்தனாக வந்துதித்தவன் முருகன் ..

செவ்வேள் என்னும் பெயராலே,
சேர்ந்தோரால் வணங்கப்படுபவன் ...

சேவற்கொடியோன் ,
செந்திரு போன்ற வள்ளியினை,

சிறப்பாய் மணமும் கொண்டவன் ..,
முத்தமிழால் வைதாரையும் வாழவைப்பவன் ...

செவ்வாய் கிரகத்திற்கு அதிபதியாய் திகழ்பவன் ...

கருநிற யானையாம் பிணிமுகத்தின் மேல் செவ்வேள் குமரன் அமர்ந்து வருவது கருநிறக்கடலின் மேல் செந்நிறக் கதிரவன் தோன்றுவதைப் போல்  திகழ்கிறது ..

உலகத்தவர் மகிழ உலகத்தின் வலப்பக்கத்தில் வலிவுடன் தோன்றி உலகத்தினைச் சுற்றும், பலரும் போற்றும், ஞாயிறு கடலில் தோன்றியதைப் போல

நீல நிற மயிலின் மேல் சேயோன் முருகன் அமர்ந்து வருவது நீலத்திரைக்கடலின் மேல் செங்கதிரவன் தோன்றுவதைப் போல் அருள்கிறான் ....

சேய் என்பதற்கு சேய்மையும், சிவப்பும் என இரு பொருள்கள் உண்டு

சேயோன் என்று முருகனையும் சிவனையும் குறிக்கும் வழக்கமும் உண்டு 

உதிக்கின்ற செங்கதிர் உச்சித் திலகம் 
உணர்வுடையோர் மதிக்கும் மாணிக்கமாம் 
அன்னை அபிராமி மகிழ் திருமகன் முருகன் ...

திருமால் தனக்கும் திருமகளுக்கும்  இனிய மருகன்..
இந்திரன் மகள் தெய்வயானைக்கு மணமாலை சூட்டியவன் ... 

முதலில் முடிவு அது
முடிவில் முதல் அது
மூன்று காலம் உணர்ந்த பேர்க்கு ஆறுமுகம் புதியது!