‘ஓம் நமோ நாராயணாய”

கதிரவன் குணதிசை சிகரம் வந்தணைந்தான்
கன இருள் அகன்றது காளையம் பொழுதாய்
மது விருந்தொழுகின மாமலரெல்லாம்
வானவர் அரசர்கள் வந்து வந்து ஈண்டி
எதிர் திசை நிறைந்தனர் இவரொடும் புகுந்த
இருங்களித்தீட்டமும் பிடியொடும் முரசும்
அதிர் தலில் அலைக் கடல் போன்றுள தெங்கும்
அரங்கத்தம்மா பள்ளி எழுந்தருளாயே!
-தொண்டரடிப்பொடி ஆழ்வார்

அன்று இவ்வுலகம் அளந்தாய் அடி போற்றி,

சென்று அங்கு தென் இலங்கை செற்றாய் திறல் போற்றி,
பொன்னச் சகடம் உதைத்தாய் புகழ் போற்றி
கன்று குனிலாய் எறிந்தாய் கழல் போற்றி
குன்று குடையாய் எடுத்தாய் குணம் போற்றி
வென்று பகை கெடுக்கும் நின் கையில் வேல் போற்றி

- என்று நம் செம்மொழித் தமிழில் போற்றி வழிபாட்டுக்கு ஆறாம் நூற்றாண்டிலேயே வழி ஏற்படுத்தித் தந்திருக்கிறார் தெய்வத் தமிழின் கம்பீரத்தை உணர்த்திய  ஸ்ரீ ஆண்டாள். 

இன்று நாம் சுலபமாக சர்வ சாதாரணமாக கேட்கும் சில மந்திரங்களுக்காக 
நம் பெரியோர்கள் பட்ட கஷ்டங்கள் கொஞ்ச நஞ்சமல்ல. 

‘ஓம் நமோ நாராயணாய” என்னும் இந்த அஷ்டாக்ஷர மந்திர உபதேசம் பெற இராமனுஜர்  பல கஷ்டங்களை அனுபவித்து, தான் பெற்ற நிறைவை, இந்த மண்ணுய்ய, மண்ணுலகிலுள்ள மனிதர் உய்ய, நம் எல்லாருடனும் பகிர்ந்து கொண்டுள்ளார்.

குருவே மேலான ப்ரஹ்மம். குருவே மேலான தனம். 

குருவே மேலான காமம். குருவே மேலான ப்ராப்யம். 

குருவே மேலான கல்வி.  குருவே மேலான ப்ராவகம். 

அப்பரம்பொருளையே உபதேசிப்பதால் குரு அதைக் காட்டிலும் உயர்ந்தவர்.

செல்வம் நிறைந்ததாய், மங்களங்களுக்கு இருப்பிடமான ஸ்ரீரங்கம் 
ஒப்பற்ற க்ஷேத்ரமாகும். 
ஸ்ரீரங்கம் அடைந்த மனிதன் நரகத்தையும் தாழ்ந்த கதிகளையும் அடைவதில்லை

ரங்கநாதர் சன்னதி எதிரில், கருடாழ்வார் 25 அடி உயரத்தில் விஸ்வரூப காட்சி தருகிறார். அஷ்ட நாகாபரணம் அணிந்து, இறகுகளை விரித்து கிளம்பத் தயாரான நிலையில் இருக்கிறார். 

கருடருக்கு, 30 மீட்டர் நீளத்தில் வேட்டி அணிவிக்கின்றனர். 

அபிஷேகம் கிடையாது. 

வியாழக்கிழமைகளில் கொழுக்கட்டை பிரதானமாக படைக்கப்படுகிறது. இவரது சன்னதி முன்பு சுக்ரீவன், அங்கதன் இருவரும் துவார பாலகர்களாக இருப்பதும், மார்கழி திருவாதிரையில் இவருக்கு திருநட்சத்திர விழா எடுப்பதும் சிறப்பு.

பெரிய திருவடி (கருடாழ்வார்)  சன்னதியின் பின்புறச் 
சுவரை ஒட்டியில்லாமல் நடுவிலேயே இருக்கிறார் கருடர். 

கருடரது பின்புறம் மற்றொரு சுவர் எழுப்பப்பட்டிருக்கிறது. 

கருடரின் பின்னால் ஒரு ரகசிய அறை இருப்பதாகவும், அதில் தங்கம், வெள்ளி என்று பொக்கிஷங்கள் புதைக்கப்பட்டிருப்பதாகவும் ஒரு தகவல். 

அந்த சந்தேகத்துக்கு வலு சேர்ப்பதுபோல் ஜன்னல்களின் இடைவெளிகளும்கூட கற்களால் அடைக்கப்பட்டு விட்டன. 

முஸ்லிம் மன்னர்களின் படையெடுப்பின்போது, கோயில் நகைகளைக் காப்பாற்ற அங்கே பொக்கிஷங்கள் குவிக்கப்பட்டுவிட்டதாகச் சொல்கிறார்கள்.

பன்னிரண்டாம் நூற்றாண்டின் மத்தியில் ஜடாவர்மன் சுந்தரவர்மன் சாம்ராஜ்யம் பரந்து விரிந்திருந்த காலத்தில்தான் திருவரங்கன் கோயிலின் மூலஸ்தானக் கூரை, துவஜஸ்தம்பம் ஆகியவற்றுக்குத் தங்க முலாம் பூசியதுடன், கருடாழ்வார் மேனியையும் தங்கத்தால் போர்த்தி சந்தோஷப்பட்டான் ஜடாவர்மன். 

கருடாழ்வார் மீது பூசப்பட்டிருந்த தங்க முலாம் மாலிக்காபூர் படையெடுத்தபோது பல கோயில் நகைகளை சூறையாடிச் சென்றான் என்பது வரலாறு. 

அந்த மாலிக்காபூர் கண்ணில் திருவரங்கமும் தப்பவில்லை. 

கருடாழ்வார் மேலிருந்த தங்கத்தை எப்படி எடுப்பது என்று யோசித்த மாலிக்காபூர் நிலையின் மேல் நெய் அபிஷேகம் நடத்தி நெருப்பைப் பற்ற வைத்துவிட்டான். 

உருகி ஓடிய தங்கத்தை கட்டிகளாக்கி எடுத்துக் கொண்டு போய்விட்டான்.

"ஸ்ரீ ரங்க ரங்கா!

பச்சை மாமலை போல் மேனி பவளவாய் கமலச்செங்கண்
அச்சுதா ! அமரேறே ! ஆயர்தம்கொழுந்தே ! என்னும்
இச்சுவை தவிர யான்போய் இந்திரலோகம் ஆளும்
அச்சுவை பெறினும் வேண்டேன் அரங்கமா நகருளானே
( தொன்றடிப்பொடியாழ்வார் அருளிச் செய்த திருமாலை )



"ஸ்ரீ ரங்க விமானம்
ஓம் என்ற பிரணவத்தின் வடிவமான பிரணவாகார கனக விமானம்" பிரம்மாவால் பாற்கடலிருந்து பெறப்பட்ட பெருமை பெற்றது ...

அவர் பூசை செய்தபின் சூரியனால் பூசை செய்யப்பட்டு சூரிய குல தோன்றலான இஷ்வாகு மன்னனின் தவத்தினால் மண்ணுலகம் வந்தது,

தசரதனுக்கு பிறகு இராமரால் பூசிக்கப்பட்டது,
இராம பிரானால் வணங்கப்பட்ட  ரங்க விமானம், 
விபீஷணால் இலங்கைக்கு எடுத்து செல்லப் படும் போது இறைவன் இச்சையால் காவிரிக்கு கொடுத்த வரத்தின் படி பிள்ளையாரால் இவ்விடத்திலே நிலை கொண்டது.

எம்பெருமான் இங்கே குட திசை சிரசு வைத்து(மேற்கு),குண திசை (கிழக்கு) பாதம் நீட்டி தென் திசை இலங்கை நோக்கி பள்ளி கொண்டிருக்கிறார். இன்றும் நள்ளிரவில் விபீஷணன் இங்கு வந்து வழிபடுவதாக ஐதீகம்.


எல்லாமே பெரியதுதான் திருவரங்கத்தில்
ஸ்ரீரங்கத்தை பற்றிக் கூறும் போது இங்கு எல்லாமே பெரியதுதான்,
பெருமாள் ஸ்ரீ ராம சந்திர மூர்த்தி வழிபட்ட - பெரிய பெருமாள்,
தாயார் - பெரிய பிராட்டி,
ஆழ்வார் - பெரியாழ்வார்,
மண்டபம் - பெரிய மண்டபம்,
ஜீயர் - பெரிய ஜீயர்,
மேளம்-பெரிய மேளம்,
அதனால்  பெரிய கோவில் என்று கூறுவர்.

இவ்விமானத்தை காண்பவர்களின் பாவங்களை எல்லாம் அழித்து நன்மைகளை தரவல்லது.


ஏழு மதில்களுடன் கூடிய உத்தமாஉத்தம ஷேத்திரமான திருவரங்கத்தில் கனக விமானத்தில் நம் பெருமாள் எழுந்தருளி அருள் பாலிக்கின்றார்.

விசலாமான தாமரை போன்ற திருக்கண்களுடன் பெருமாள் பள்ளிகொண்டிருக்கும் கருவறையின் மேலே பொன் விமானம் ,
தாமரையின் இதழ்களிலிருந்து வெளி வரும் நிலையிலுள்ள நான்கு பொற்கலசங்கள் கூட்டப்பட்டுள்ளன.

இந்த நான்கு விமானங்கள் நான்கு வேதங்களைக் குறிக்கின்றன.

விமானத்தின் ஒவ்வொரு பக்கத்திலும் மகரவடிவில் பலகணியில் தெற்கே பரவசுதேவர், மேற்கில் அச்சுதர், வடக்கில் அனந்தர், கிழக்கில் வேணு கோபால கிருஷ்ணர் ஆகிய திருமாலின் திருவுருவங்கள் அமைக்கப்பட்டுள்ள