நவக்கிரஹ நாயகியர்

அகரமுதல எழுத்தெல்லாம் அறியவைத்தாய் தேவி

ஆதிபகவன் முதலென்றே உணரவைத்தாய் தேவி

இயல் இசை நாடக தீபம் ஏற்றி வைத்தாய்

ஈன்றவர் நெஞ்சை இன்று குளிர வைத்தாய் தாயே

உயிர் மெய் எழுத்தெல்லாம் தெரியவைத்தாய்

உயிர் மெய் எழுத்தெல்லாம் தெரிய வைத்தாய்

ஊமையின் வாய் திறந்து பேச வைத்தாயம்மா பேச வைத்தாய்

எண்ணும் எழுத்தெங்கும் கண் திறந்தாய்

ஏற்றம் தரும் புலமை ஆற்றல் தந்தாய்

ஏற்றம் தரும் புலமை ஆற்றல் தந்தாய்

ஐயம் தெளியவைத்து அறிவு தந்தாய்

ஐயம் தெளியவைத்து அறிவு தந்தாய்

ஒலி தந்து மொழி தந்து குரல் தந்தாய்

ஒலி தந்து மொழி தந்து குரல் தந்தாய்

ஓங்கார இசை தந்து உயர வைத்தாய் தேவி

கற்றவரும் கொற்றவரும் முற்றுமே

அறிந்தவரும் நித்தம் நித்தம் புகழ்ந்திட

நின்னருளை தந்தருள்வாய்

அம்பிகையின் கதை கேட்பவர்களை கிரகதோஷம் எதுவும் செய்யாது. 

பிரிந்த உறவினர்கள், நண்பர்கள் மீண்டும் ஒன்று சேர்வர். 

திருடர்களால் பயமில்லை. 

நெருப்பு, தண்ணீர், ஆயுதம் போன்றவற்றால் ஏற்படும் 

கண்டங்கள் இருந்தால் ஓடிப்போய் விடும். 

அம்மை நோய் வராது என்பது மிகவும் முக்கியம். 

நவராத்திரி காலம் மட்டுமின்றி பிற அஷ்டமி, நவமி, சதுர்த்தசி திதிகளிலும் அம்பாளின் கதையை  வாசிக்கலாம்.

நாயகி நான்முகி நாராயணி கை நளின பஞ்ச
சாயகி சாம்பவி சங்கரி சாமளை சாதி நச்சு
வாயகி மாலினி வாராகி சூலினி மாதங்கி என்று
ஆயகியாதி உடையாள் சரணம் அரண் நமக்கே

நவக்கிரகங்களின் சஞ்சாரத்தை கோள்சாரம் என்று குறிப்பிடுவர். 

இதில் சூரியனுக்கு மிகுந்த முக்கியத்துவம் உண்டு. சூரியன் புரட்டாசி மாதத்தில் புதனுக்குரிய கன்னிராசியில் சஞ்சரிப்பார். புதன் கல்வி,கலைகளுக்குரியவராகவும், புத்திகாரகராகவும் (புத்திக்கு உரியவர்), பண்புநலன்களைத் தருபவராகவும் இருப்பவர். 

அதனால் தான் கல்வி, கலைகளுக்குரிய கலைமகளை  புரட்டாசி மாதத்தில் வழிபாடு செய்கிறோம். 

இசை, நடனம், விளையாட்டு போன்ற கலை பயில்பவர்களும், அட்சர அப்யாசம் என்னும் முதல் படிப்பு சடங்கு செய்பவர்களும் புரட்டாசியில் வரும் விஜயதசமி நாளிலேயே தொடங்குகிறார்கள். 

புரட்டாசியில் வரும் நவராத்திரியை சரஸ்வதியின் பெயரை இணைத்து சாரதா நவராத்திரி எனப்படும்...சரஸ்வதிக்கு சாரதா என்ற பெயரும் உண்டு ...

கல்வியோடு  செல்வம், தைரியமும் மனிதனுக்கு அவசியம். 

அனைத்தையும்  பெற்று வாழ்வு வளம்பெறுவதற்காகவே புதனுக்குரிய புரட்டாசியில் தேவியை கலைமகள், அலைமகள், மலைமகள் என்னும் மூன்று அம்சங்களில் வழிபடுகிறோம்.

கல்வியில் சிறந்து விளங்க நினைப்பவர்கள், எந்தச் செயலிலும் வெற்றி பெற விரும்புபவர்கள், அரசியலிலும் ஆட்சியிலும் தொடர எண்ணுபவர்கள், சுகமான வாழ்வு வேண்டுபவர்களுக்கு நவராத்திரி பூஜை உகந்தது. 

தங்கள் இல்லங்களில் சக்திதேவி சிலையோ  படமோ அலங்கரித்து வைத்து  நவராத்திரியின் ஒன்பது நாட்களும் மலர் மாலைகள் அணிவித்து, ஒவ்வொரு நாளும் ஒவ்வொரு விதமான நைவேத்யம் படைத்து பூஜை செய்து வணங்க வேண்டும். ஏழைகளுக்கு தானமும்  செய்பவர்கள் நினைப்பது நடக்கும் என்பது ஐதீகம்.