Thursday, May 29, 2014

சர்வ மங்களங்களும் அருளும் சமயபுரம்மாரியம்மன்.

தாய் வீடு சமயபுரம் தன்னருள்சேர் கண்ணபுரம்

கோவில் என்றும் கோட்டை என்றும் கோலம் தரும் காளிபுரம். (தாய்).

காப்பதற்கே அமைந்த இடம் கைதொழுவார் திரளும் இடம்

வேப்பிலையால் வேலிகட்டி வினைகளெல்லாம் தீர்க்கும் இடம். (தாய்).

பகை அடக்க வரும் நீலி பண்பு மிகும் மலைச்செல்வி

பகை அறுக்கும் உயிர்களுக்கு வழிகாட்டும் மகமாயி. (தாய்).

எட்டு திசையும் மணம் பரவ இடும் நீறு உயர்மருந்து

பட்டினியாய் நோன்பிருந்து பயன் வழங்கும் தவக்கொழுந்து. (தாய்).

தங்கஜடாமகுடத்துடன் - குங்கும மேனி நிறத்தில் நெற்றியில் அழகிய வைரப்பட்டைகள் மின்ன-கண்களில் அருளொளி வீச வைரக்கம்மல்களுடன் மூக்குத்தியும், சூரியன் சந்திரன் போல பேரொளிவீச காட்சி தரும் மகா அன்னை சமயபுரம் மகமாயியின் அருளொளி பொங்கும் அற்புத திருக்கோலத்தினை காணக்கண்கோடி வேண்டும்தான்..

அம்மனை பக்திப் பரவசத்தால் வியந்து விழிவிரித்து நோக்கினால் ஆதிசக்தியான அம்மன் தனது எட்டுக் கைகளில் இடப்புறமாக கபாலம் மணி வில் பாசம் வலப்புறமாக கத்தி சூலம் அம்பு மற்றும் உடுக்கை ஆகிய ஆயுதங்களை தாங்கி காட்சிதருகிறாள்.. .

இடது காலை மடக்கி வலது காலை தொங்கிய நிலையில் சுகாசனத்தில் அமர்ந்து பக்தர்களின் குறைகளை நீக்கி அருள்பொழிந்து கொண்டிருக்கிறாள்..

கருவறையில் அமர்ந்த நிலையில் காட்சியளித்துக் கொண்டு அம்பாள் எழுந்தருளியிருக்கும் இடம் முதன்மை பீடமாகும் . அன்னையின் தலைக்கு மேலே ஐந்துதலை நாகம் குடையாக விளங்குவது சிறப்பாகும் .

அருள்மிகு சமயபுரம் மாரியம்மன் திருக்கோயிலின் கருவறையில் மூலவராக வீற்றிருக்கும் அம்பாள் மாறுபட்ட வடிவம் கொண்டு அருளாட்சி வழங்கும் திருவுருவம் மரத்தாலும் அதன்மேல் சுதை வேலைப்பாடுகள் மேற்கொள்ளப்பட்டிருப்பதும் புதுமையான ஒன்றாகும் .

10 ஆண்டிற்கு ஒருமுறை இது மறுசீரமைப்பு செய்யப்படுகிறது..

சித்திரை மாதத்தில் சித்திரை தேரோட்டமும்,
வைகாசி மாதத்தில் பஞ்ச பிரகாரத்திருவிழாவும்
ஆனி மாதத்தில் ஒவ்வொரு நாளும் ஆறுகால பூஜையும்
பிரதோஷம், அஷ்டமி, பௌர்ணமி மற்றும் அமாவாசை நாட்களில் சிறப்புப் பூஜைகளும் நடைபெறுகின்றன.

ஆடி மாத்தில் ஆடிப்பூரத் திருநாள்

அன்று தீர்த்தவாரி வைபவம் நடக்கிறது. -

திருக்கோயிலின் முதல் கோபுரவாயில் வழியாக நுழைந்தால் திருச்சுற்றின் முதலில் அருள்மிகு விநாயகர் சன்னதியையும் அதனை தொடர்ந்து திருக்கோயிலின் தல மரமான வேம்பு மரத்தை அடையலாம்.

அருள்மிகு மாரியம்மன் திருக்கோயிலின் தல விருட்சம் வேப்ப மரமாகும். சுமார் ஆயிரம் வருடங்களுக்கு முற்பட்டதாக கருதப்படும் இம்மரம் தற்போது திருக்காப்பு விண்ணப்பச் சீட்டை விண்ணப்பிக்கும் முதன்மை இடமாகத் திகழ்கிறது.

அம்பாளுக்கு திருப்பூஜைகள் நடைபெறும் போது

தல விருட்சத்திற்கும் பூஜைகள் நிகழ்த்துவது வழக்கம்.

வேப்ப மரம் என்றாலே அது மகா மாரியின்

மறு பிம்பமாகக் கருதப்படுகிறது.

வேப்ப மரத்தை அம்பாளுடன் தொடர்புபடுத்திக் கூறும் மரபு

தமிழ்ப் பண்பாட்டில் நிலைபேறு டையதாகக் கருதப்படுகிறது.

பல்வேறு மருத்துவ நலம் பயக்கும் இவ்வேப்ப மரத்தினடியில்
உள்ள புற்றில் தான் ஆயிரம் கண்ணுடையாளின்
அழகிய செப்புத் திருமேனி எடுக்கப்பட்டது.

தற்போது துணை சன்னிதியில் வீற்றிருக்கும் அன்னை இன்றும் தல விருட்சத்தை நோக்கியவாறே காட்சியளித்துக் கொண்டுள்ளார்.

நலன்பயக்கும் வேப்ப மரம்அன்னையின் திருவுருவமாக

வணங்கப் பட்டு வருகிறது.

வேப்ப மரத்தை அன்னையின் உடலாகவும், வேப்ப இலையை மகா மாரியின் அக்னி கிரீடமாகவும், வேப்ப பூவை நெற்றியில் உள்ள வைரத் திலகத்திற்கும் தொடர்புபடுத்திக் கூறுவர்.

எனவே சிறப்பு பெற்ற இத்தல மரம் இன்றும் பக்தர்களுக்கும்
பொது மக்களுக்கும் குறைகளை நீக்கி அருள் வழங்கும்
தீர்த்தவாரி வைபவம் நடக்கிறது.

தொடர்புடைய பதிவுகள்

சமயத்தில் காப்பாள் சமயபுரத்தாள்..

வளம் வழங்கும் வளையல் அலங்காரம்

Wednesday, May 28, 2014

காருண்யம் மிக்க ஸ்ரீ காயத்ரி தேவி கோயில்..

வேதமந்திரங்கள் அனைத்துக்கும் தாயாகப் போற்றப்படும் பெருமைக்கு உரிய காயத்ரி மந்திரம். வேதமாதா என்று போற்றப்படும் பெருமை மிக்கது.

காயத்ரி மந்திரம் சூரிய வழிபாட்டைக் குறிப்பது.

பிரபஞ்சம் இருப்பதற்குக் காரணமானவரும் உயிர்கள் வாழ்வதற்குரிய ஆற்றலை அளிப்பவரும் துன்பங்களை எல்லாம் போக்கி இன்பத்தை அளிப்பதும் எமது அறிவினைத் தூண்டி தெய்வ சக்தியினை நிறைவாக்கி எம்மை சரியான பாதையில் இட்டுச் செல்வதுமான ஒளிக்கடவுளை நான் தியானிக்கிறேன் என்பதே இதன் பொருள்.

காயத்ரி மந்திரத்தின் சிறப்பை உலகுக்கு உணர்த்தியவர், விஸ்வாமித்திரர். காயத்ரி என்பதற்கு தன்னை ஜபிப்பவனைக் காப்பாற்றுவது என்று பொருள் உண்டு.

காயத்ரி மந்திரம் காலையில் காயத்ரிக்காகவும்
நண்பகலில் சாவித்ரிக்காகவும்
மாலைச் சந்தி நேரத்தில் சரஸ்வதிக்காகவும் ஜபிக்கப்படுகிறது.

மந்திர வழிபாட்டில் முதல் இடம் காயத்ரிக்குத்தான்.

இதற்குப் பின்தான் மற்ற மந்திரங்களை ஜபிக்க வேண்டும்

27, 108, 1008 தடவை முறைப்படி காயத்ரி மந்திரத்தை ஜபித்தால், முழுப்பலனை அடைவதோடு எந்த ஓர் ஆபத்தும் அண்டாது .

காலையிலும் மாலையிலும் கதிரவனை நோக்கி அமர்ந்து இதை ஜபம் செய்வது பூர்ண பலனைத் தரும். ஆண், பெண், குழந்தைகள் என அனைத்து வயதினரும் இம் மந்திரத்தை ஜபிக்கலாம். காயத்ரி மந்திரத்தில் உள்ள 24 அட்சரங்கள் 24 வகையான பேறுகளை அளிக்க வல்லது.

காயத்ரி மந்திரத்தின் அதிர்வுகள் பிராண சக்தியினை

ஈர்த்து அளிக்க வல்லவை.

பிராண சக்தியே ஒருவருடைய உடல், மனம், புத்தி ஆகியவற்றின் ஆற்றலுக்குக் காரணமானது.

காயத்ரி மந்திரத்தை ஜபிப்பவர் பிராண சக்தியினை அதிகமாகப் பெறுவர்.

ஒவ்வொரு மனிதனுக்கும் அறிவு, மனோசக்தி, ஞானம் இருப்பது போல், இந்தப் பிரபஞ்சத்தின் முழு ஞான ஆன்ம சக்தியின் அலைவடிவம் தான் காயத்ரி மந்திரம் என்பார்கள்.

மந்திரங்களில் நான் காயத்ரியாக இருக்கிறேன் என்று பகவத் கீதையில் பகவான் கிருஷ்ணர் கூறுவதிலிருந்து. இதன் மகத்துவத்தை நாம் உணரலாம்

மகிமைமிக்க காயத்ரி மந்திரத்தினையே காயத்ரி மாதாவாக வழிபடும் வழக்கம் உள்ளது

காயத்ரி தேவிக்கான கோயில்கள் மிக அபூர்வமாகவே உள்ளன. அந்த வகையில் காயத்ரி தேவிக்கு கோவை வேடபட்டியில் ஓர் அழகிய ஆலயம் அமைந்துள்ளது.

ஆலயத்தில் பிரதானமாக கொலுவீற்றிருக்கும் காயத்ரி அம்மன், ஐந்து முகங்களுடன் பத்துக்கரங்களில் சங்கு, சக்கரம், கதை, அங்குசம், கபாலம், தாமரை, கசை, ஏடு என ஏந்தி வெண்தாமரை மீது அமர்ந்து அருள்பாலிக்கின்றார்.

ஐந்து முகங்களும் ஐந்து நிறங்களைக் கொண்டவை.

அவை ஞானம், மனதைக் கட்டுப்படுத்துதல், உயர்ந்த குணங்கள், ஐஸ்வர்யம் தரக்கூடிய வல்லமை, , உயர்ந்த ஆன்மிக ஞானம் என ஐந்து பண்புகளைக் குறிப்பவை என்பர்.

ஒவ்வொரு வருடமும் ஜனவரி மாதம் முதல் சனி மற்றும் ஞாயிறு அன்று ராதா மாதவ திருக்கல்யாண மஹோத்ஸவம் நடைபெறுகிறது.

ஒவ்வொரு ஆங்கில மாதத்தின் இரண்டாவது ஞாயிற்றுக்கிழமைகளில் கணபதி, துர்க்கை, தன்வந்திரி, மிருத்யுஞ்சய, ஆஞ்சநேயர் நரசிம்மர், சுப்ரமணியர், தட்சிணாமூர்த்தி, நவகிரக குபேர, காயத்ரி ஹோமங்களுடன் சிறப்பு வழிபாடுகளும் நடந்து வருகின்றன.

இந்த ஹோமங்கள் தொடர்ந்து நடை பெற்று வருவதால் கூடுதல் அதிர்வுகள் வியாபிப்பதால் இத்தலத்தில் அமர்ந்து தியானிக்கும்போது கூடுதல் அதிர்வுகளையும், உடனடி பலனையும் உணர முடியும்.

காயத்ரி சன்னதியின் இடதுபுறம் லட்சுமி நரசிம்மர் காட்சி தருகிறார்.

நரசிம்மரின் ஒருபுறம் கருடாழ்வாரும் மறுபுறம் ஆஞ்சநேயரும் அருள்பாலிப்பது அரிதான ஒன்றாகும்.

ரம்ய கணபதி, ஆஞ்சநேயர், கல்யாண முருகன், தட்சிணாமூர்த்தி, துர்க்கை, நவகிரகம் என எழிலுடன் அமைந்துள்ள சன்னதிகள் கோயிலுக்கு மேலும் சிறப்பு சேர்ப்பதாக உள்ளன.

கல்வியில் சிறந்து விளங்கவும், ஐஸ்வர்யம் பெருகவும், இங்கு வேண்டிக் கொள்கின்றனர்.