கடற்படை அணிவகுப்பு நிகழ்ச்சிகள்

ஆஸ்திரேலியா சென்றிருந்த போது, மகன் கடற்படை பயிற்சியில் 11 வாரங்கள்  கடினப்பயிற்சியை நிறைவு செய்தபிறகு அணிவகுப்பு நிகழ்ச்சியை காண அழைப்பு கிடைத்தது..

நாங்கள் இருந்த பிரிஸ்பேனில் இருந்து ஒன்னரை மணிநேர்ம் விமானப்பயணம் செய்து மெல்போர்ன் நகரம் சென்றோம்.

பிரிஸ்பேன்விமான நிலையத்தில் கார்களை மூன்றுநாள் நிறுத்துவதற்கு ஆன் லைனில் பதிவுசெய்து 99டாலர்கட்டணம் செலுத்தினோம்.

மெல்பேர்ன் விமான நிலையத்தில் இறங்கி வரிசையில் நின்று நாமே ஓட்டும் வகையில் வாடகை கார் புக் செய்து மூன்றுநாள் ஓட்டிக்கொள்வதற்குக் கட்டணம் 100 டாலர்கள் என்னும்  போது வேடிக்கையாக இருந்தது..

மீண்டும் மீண்டும் நம்பமுடியாமல் கேட்டு கட்டணத்தை உறுதி செய்து கொண்டேன்.

பெட்ரோல் நம் செலவாம்.. கார் கொடுக்கும் போது கழுவித்துடைத்து பெட்ரேல் நிரப்பித் தருகிறார்கள்..

காரை ஒப்படைக்கும் போது எவ்வளவு பெட்ரோல் டாங்கில் இருக்கிறதோ, அதிலிருந்து முழு டாங்குக்குமான தொகையை வசூலித்துக்கொள்கிறார்கள்..

நாங்கள் சிறிய வண்டி புக் செய்திருந்தாலும் அப்போதைக்கு அது அவர்களிடம் உபயோகத்தில் இல்லாததால் நல்ல பெரிய வண்டி , புத்தம் புதிய நியூமாடல் கார் கிடைத்தது.

குழந்தைகளை மடியிலோ கார்சீட்டிலோ அமர்த்தி பயணிக்கக்கூடாதாம் .

அவர்களுக்கான் சீட்பெல்ட்டுடன் கூடிய இருக்கையை விமானத்தில் எடுத்துச் சென்றோம்..

குழந்தை அமரும் தள்ளுவண்டியும் எடுத்துச்சென்றோம்..

மிகவும் பாதுகாக்கப்பட்ட பகுதியான கடற்படைத்தளம் நான்கு அடுக்கு கடுமையான

ராணுவப் பாதுகாப்பு சோதனைகளுக்குப் பிறகே அனுமதிக்கிறார்கள்.

பகல் நேரச்சேமிப்பு என்று ஒரு மணி நேரம் முன்னதாக நேரத்தைக் கூட்டி வைத்திருப்பதால் 

இரவு 9 மணி வரை அதாவது ஆஸ்திரேலிய நேரப்படி 10 மணிவரை சூரிய வெளிச்சம் இருந்தது

அணிவகுப்பு நிகழ்ச்சியைக் காண வசதியாக இருந்தது.

வெள்ளைச்சீருடையில் பல பயிற்சிகளில் சிறப்பாகத்தேறி, பல கடுமையான கட்டுப்பாடுகளை மேற்கொண்டு நடன அசைவுகள் போன்று நடைபெற்ற அணிவகுப்பு கண்களில் ஆனந்தக்கண்ணீரை வரவழைத்தது.

பூ மாதிரி  அனைவருக்கும் செல்லமாக வளர்நத பிள்ளை அல்லவா அது..

பயிற்சிக்காலம் முழுவதும் வாரம் ஒருமுறைதான் கைபேசி தருவார்கள்.. மீதிநேரங்களில் வாங்கிவைத்துக் கொள்வார்கள்..மகனிடம் இருந்து அழைப்பு வரும் வரை இருப்புக்கொள்ளாது

காஷ்மீர பனிமலையில் மகன் இருந்தான்

கருநீல மலை மீது தாய் காத்திருந்தாள்

என்ற பாடல் மனதில் ஒலிக்கும்.

நாங்கள் குழந்தையுடன் சென்றிருந்ததால் அங்கிருந்த நேவி ஆபீசர்கள்  எங்களிடம் வந்து இப்போது உண்மையான துப்பாக்கியை பயிற்சி பெறும் வீரர்கள் வெடித்துக் காட்ட இருக்கிறார்கள், குழந்தையின் காதுகளை  வெடித்து முடிக்கும் வரை மூடி வைத்துக்கொள்ளுங்கள்.. 

குழந்தை பயந்துவிடாமல் பத்திரமாகப் பார்த்துக்கொள்ளுங்கள்''

என்று எச்சரிக்கை தந்துவிட்டு , அதன்படி செய்கிறோமா என்று நிச்சயப்படுத்திக்கொண்ட பின்பே துப்பாக்கி வெடிக்கவும், வாண வேடிக்கைகள் நிகழ்த்தவும் சிக்னல் கொடுத்தார்..

கடற்படை அணிவகுப்பு முழுவதையும் ஜிம்மிஜிப் காமிராவில் முழுவதுமாக பதிவு செய்து வெப்சைட்டில் வெளியிட்டிருக்கிறார்கள்..

அவரவரவர்கள் இருக்கும் படத்தைக் குறிப்பிட்டால் வீடியோவாக பதிவு செய்து தருகிறார்கள்,

உள்ளேயே அமைத்திருக்கும் போட்டோ ஸ்டூயோவில் அவரவர் குடும்பத்தோடு போட்டோ எடுத்து பிரிண்ட் போட்டுக் கொடுக்கிறார்கள்..

காபி . டீ. ஜுஸ் வகைகள் , கேக், ஸ்நாக்ஸ்  வகைகளுடன் ஹை டீ நிகழ்ச்சியுடன் விழா இனிது நிறைவடைந்தது..

11 வாரங்கள் பிரிந்திருந்த தங்கள் பிள்ளைச்செல்வங்களை கடற்படை ராணுவ வீரர்களாக உருமாறி கண்ணுற்ற பெற்றோர் கண்களில் கண்ணீர் வழிய வழிய எதிர்கொண்ட உணர்ச்சிகளைக் கூற வார்த்தைகள் ஏது.?

HMAS   Stuart 

NAVY Serving Australia with Pride