மகத்துவம் மிக்க வியாச பௌர்ணமி

'வியாசாய விஷ்ணு ரூபாய வியாச ரூபாய விஷ்ணவே

மகிமைகள் மிக்க   வேத முனிவராகத்திகழும் .ஸ்ரீவியாச பகவான் தேவர்கள், மனிதர்கள் என எல்லோருக்கும் அவசியமான வேதங்களைப் பிரித்து தொகுத்தளித்த புண்ணிய புருஷர் ஆவார்..!- 

வியாசர்  பூவுலகுக்குக் கிடைத்த மாபெரும் வரம், பொக்கிஷம், 
உபகாரம், ஆசீர்வாதம்...!!

.வேத சாரங்களை இன்னும் எளிதாக நமக்குப் 

புரியவைக்க 18 புராணங்களைப் படைத்தார்; 

மகாபாரதம் எனும் காலத்தால் அழியாத காவியத்தை அளித்தார். 

வேதாந்த சித்தாந்த கண்ணாடியாக திகழும் பிரம்ம சூத்திரத்தை தந்தவரும் ஸ்ரீவியாசர்தான். 

இதற்கு த்வைத, அத்வைத, விசிஷ்டாத்வைத ஆச்சார்யர்கள் பாஷ்யம் (பொழிப்புரை) அருளியிருக்கிறார்கள்.

இவ்வளவு மகத்துவங்களுக்கும் சொந்தக்காரரான ஸ்ரீவியாச பகவானுக்கு, மூன்று மத ஆச்சார்யர்கள் செய்யும் பூஜையே ஸ்ரீவியாச பூஜை மற்றும் சாதுர்மாஸ்ய விரதமாகும். 

அற்புதமான இந்த விரதத்தை நான்கு மாதங்கள் செய்யவேண்டும்.

ஆனாலும்... ஒரு பக்ஷத்தை ஒரு மாதமாகக் கணக்கில் கொண்டு, நான்கு பக்ஷங்களாக, அதாவது இரண்டு மாதங்கள் விரதம் அனுஷ்டிப்பது வழக்கமாகிவிட்டது.

மழைக்காலத்தில் யதிகள் பாத யாத்திரையாகப் போகும்போது, பல சிறு சிறு பூச்சி வகைகள் மிதிபட நேரிடும் என்று அஞ்சி, இதைத் தவிர்க்க குறிப்பிட்ட அந்தக் காலத்தில் ஒரே இடத்தில் இருந்து சாதுர்மாஸ்யம் மேற்கொள்வார்கள். 

அந்த தருணத்தில் சிஷ்யர்களும் பக்தர்களும் குருமார்களுக்கு 
சிஷ்ரூக்ஷை செய்வார்கள். 

இந்த புண்ணிய காலத்தில்... வேதாந்த கிரந்தங்கள், சாஸ்திர வாக்யர்த்தங்கள் என யதிகள் (சாதுக்கள்) தாம் தங்கியிருக்கும் இடத்தையே புனிதமாக்குவார்கள்.இது ஸ்ரீவேத வியாசருக்கு மிக உகந்ததும் விசேஷமானதும் ஆகும். 

ஆனி மாதம் பௌர்ணமி அன்று விரதம் ஆரம்பமாகும்  . எனவே 
ஆனி பௌர்ணமி வியாச பௌர்ணமி எனப் போற்றப்படுகிறது..

சந்நியாசி ஒருவரின் வயது அவர் செய்த வியாச பூஜையின் எண்ணிக்கையைக் கொண்டே கணக்கிடப்படும்.

விரத பூஜை துவங்கும் நாளன்று, புனிதமான கலச தீர்த்தத்தில் ஸ்ரீவேதவியாசர் ஆவாஹனம் செய்யப்பட்டு பூஜிக்கப்படுவார். 


அன்று அவருடன் சேர்த்து ஆறு வகையான மூல புருஷர்கள் கொண்ட பஞ்சகங்கள்... அதாவது ஸ்ரீகிருஷ்ண, ஸ்ரீவியாச, ஸ்ரீசங்கர பகவத் பாத, ஸ்ரீசனக, திராவிட மற்றும் குரு பஞ்சகமும்...  அத்துடன் ஸ்ரீசுகர், ஸ்ரீநாரதர், ஸ்ரீதுர்கை, ஸ்ரீகணபதி, க்ஷேத்திர பாலகர்கள், ஸ்ரீசரஸ்வதி மற்றும் இந்திரன் முதலான தச திக்பாலகர்கள் எல்லாம் எலுமிச்சை பழத்தில் ஆவாஹனம் செய்து பூஜிப்பதுடன், கடைசியாக 10 சுத்த சைதன்யர்கள் பூஜை செய்து (சாளக்ராமத்தில்) நிறைவு செய்வார்கள். 

பின்னர் புனர்பூஜை செய்து அவர்களிடம் வியாச பூஜை அக்ஷதையைப் பெற்றுக்கொண்டால்,  பாவங்கள் யாவும் விலகி, நல்வாழ்வு 
வாழ அனுக்கிரஹம் கிடைக்கும்.

 வியாச பூஜை வரும் புனிதமான  திருநாளில் ஸ்ரீகுருவருளையும், லோக குரு ஸ்ரீகிருஷ்ணரின் திருவருளையும் ஸ்ரீவேத வியாசரின் ஆசியையும் பெற்று, எல்லா விதமான சுபிட்சத்தையும் பெற்றுச் சிறக்க பிரார்த்திக்கலாம் .. கிருஷ்ணம் வந்தே ஜகத்குரும்’

’

சௌபாக்யம் அருளும் காரடையான் நோன்பு

 ஓம் நமோ பகவதி சர்வ மங்களதாயினி

சர்வயந்த்ர ஸ்வரூபிணி சர்வமந்திர ஸ்வரூபிணி

சர்வலோக ஜனனீ சர்வாபீஷ்ட ப்ரதாயினி

மஹா த்ரிபுரசுந்தரி மஹாதேவி

சர்வாபீஷ்ட சாதய சாதய 

சம்பத்தோ ப்ராபய ப்ராபய சஹகுடும்பம் வர்தய வர்தய

அஷ்ட ஐஸ்வர்ய சித்திம் குருகுரு

மாசிக்கயிறு பாசி படியும்' என்று, பங்குனி முதல் நாளில் 

புதிய மங்கலச் சரடை மாற்றிக்கொள்வது விசேஷம்..

மாசி மாத கடைசி நாள் இரவு ஆரம்பித்து பங்குனி முதல் நாள் காலையில் முடிக்கும் வகையில். மாசியும் பங்குனியும் கூடும் வேளையில் நோற்கப்படுவது காரடையான் நோன்பு. 

 காமாட்சி நோன்பு, சம்பத் கௌரி விரதம், சாவித்திரி விரதம் 

என்றும் அழைக்கப்படுகிறது..!

சத்தியவானின் மனைவி சாவித்திரி தன் கணவனை 

எமதர்ம ராஜனிடமிருந்து மீட்டது இந்த நாளில்தான். 

சுமங்கலிப் பெண்கள் தங்கள் கழுத்தில் மங்கல நாண் நிலைக்கவும்; தங்களது கணவன் நீண்ட ஆயுளோடு வாழ வேண்டும் என்பதற்காகவும் சாவித்திரி அம்மனை வேண்டி இந்த விரதம் இருக்கிறார்கள்.

சாவித்திரி விரத பூஜையில் காமாட்சி அம்மனையும், கலசத்தையும் 

(கலச பூஜை) வழி படுவார்கள். 

அம்மனுக்கு கார் அரிசியும் காராமணி யும் கலந்து செய்த 

அடையும், உருகாத வெண்ணெயும் நிவேதனம் செய்வார்கள். 

நோன்புச் சரட்டில் மலரைக் கட்டி பூஜையில் வைத்து 

கழுத்தில் கட்டிக் கொள்வார் கள். 

நெடுநாட்கள் பிள்ளைப் பேறு இல்லாமலிருந்த அசுபதி மன்னன், மகப்பேறு வேண்டி தான- தர்மங்கள் செய்ததன் பயனாக சாமுத்திரிகா லட்சணங்கள் அனைத்தும் கொண்ட பெண் குழந்தை பிறந்தது. குழந்தைக்கு சாவித்திரி என்று பெயரிட்டனர். 

அவளுக்கு எட்டு வயதாகும்போது அங்கு வந்த நாரதர், அவளது எதிர்காலத்தைப் பற்றி கூறிச் சென்றார். 

தாய்- தந்தையரை தெய்வமாக மதிக்கும் சத்யவான் என்பவனை அவள் மணந்து கொள்வாள் என்றும்; சத்யவான் 21 ஆண்டுகள் வரைதான் வாழ்வான் என்றும் கூறியிருந்தார்.

சாவித்திரி சத்யவானையே மணந்து, அவனது வாழ்நாள் அதிகரிக்க பல விரதங்களையும் நோன்புகளையும் .கடைப்பிடித்தாள்..! 

சத்யவானும் சாவித்திரியும் வேற்று நாட்டு அரசனால் நாடு கடத்தப்பட்டு ஒரு கானகத்தில் வசித்து வந்தனர். 

நாரதர் கூறியிருந்தபடி சத்யவானின் இறுதிநாள் வந்தது. அன்று சாவித்திரி தடுத்தும் கேளாமல் அவன் விறகு சேகரிக்க காட்டுக்குப் புறப்பட்டான். சாவித்திரியும் உடன் சென்றாள். 

நண்பகல் வேளையில் சத்யவான் சாவித்திரியின் மடியில் தலைவைத்து படுத்திருந்தபோது, எமதர்ம ராஜன் அவன் உயிரைப் பறித்துச் சென்றான். சாவித்திரியின் கற்புத் திறத்தால் எமதர்மனின் உருவம் அவள் கண்களுக்குத் தெரிந்தது. அவள் தன் கணவனின் உடலைக் கீழே கிடத்தி விட்டு, எமனைப் பின்பற்றிச் சென்றாள்.

அவளது காலடி ஓசை கேட்டுத் திரும்பிய எமனின் பாதங்களில் விழுந்து சாவித்திரி வணங்கினாள். 

அவளை "தீர்க்க சுமங்கலி பவ' என்று எமன் வாழ்த்தினான். 

சாவித்திரி எமனை வேண்டி பல வரங்களைப் பெற்றாள். 

அதில் வம்சவிருத்தி அருளும்படி வேண்டிய வரம் எமனைத் 

திகைக்க வைத்தது. சாதுர்யமாக தன் கணவனின் உயிரை 

அவள் மீட்டதை அறிந்தான் எமன்.

சாவித்திரியின் பதிபக்தியை மெச்சிய எமன், ""இதுவரை என்னை யாரும் பார்த்தது இல்லை. உன் கற்பின் மகிமையால் நீ வெற்றி பெற்று விட்டாய். நீ என்னிடம் கேட்டுப் பெற்ற வரங் கள் அனைத்தும் நிறைவேறும். உலகம் உள்ளளவும், உன்னை நினைத்து மாசியும் பங்குனியும் சேரும் சமயத்தில் விரதமிருப்பவர் களுக்கு உன் ஆசி கிட்டும். அவர்கள் மனமொத்த தம்பதிகளாக வாழ்வார்கள்'' என ஆசி கூறி அனுப்பினான்.

சாவித்திரி காட்டில் கணவனை விட்டுச் சென்ற இடத்திற்குத் திரும்பி வந்து, அவன் உடலைத் தன் மடியில் கிடத்தினாள். 

சிறிது நேரத்தில் தூக்கத்திலிருந்து விழிப்பதுபோல் சத்யவான் விழித்தெழுந்து, ""உன்னைப் போன்ற பெண் ஒருத்தி என்னை மீட்டு வந்ததாகக் கனவு கண்டேன்'' என்று கூறினான். 

அவன் உயிரை எமன் எடுத்துச் சென்றதையும்; எமனுடன் போராடி அவன் உயிரையும், மேலும் பல வரங் களையும் பெற்று வந்த விவரத்தையும் சாவித்திரி கூறினாள்.

சாவித்திரியும் சத்யவானும் தங்கள் குடிலுக்குத் திரும்பி வந்தனர். 

சாவித்திரி எமனிடம் பெற்ற வரத்தின்படி சத்யவான் மீண்டும் தன் நாட்டைப் பெற்றான். அவனது பெற்றோர்கள் கண்பார்வை பெற்றனர்.

சாவித்திரி நோற்ற நோன்பு அவளது காலம் வரை

 கௌரி நோன்பு எனக் கூறப்பட்டது. 

அதன்பின்னர் சாவித்திரி நோன்பு என்ற பெயர் பெற்றது. 

சாவித்திரி காட்டில் இருந்து இந்த நோன்பை மேற்கொண்டபோது அங்கு அவளுக்குக் கிடைத்த காராமணி, கார் அரிசி ஆகியவற்றைக் கொண்டு காரடை செய்து நிவேதனம் செய்தாள். 

அதனால் இந்த நோன்பு நோற்கும் பெண்கள் நிவேதனத்தில் காரடை வைத்து,"உருகாத  வெண்ணெயும் ஓரடையும் நான் தருவேன்; ஒருக்காலும் என் கணவர் என்னைப் பிரியாதிருக்க வேண்டும்' என வேண்டி நோன்புக் கயிறு கட்டிக் கொள்வார்கள்.

திருமணமான பெண்கள் தங்கள் மாங்கல்ய பாக்கியம் நிலைக்க, கணவரை நோய் நொடி யின்றி காக்க இந்த நோன்பு கவசமாக இருக்கிறது. 

இந்த நோன்பை நோற்பதன் பலனாக சாவித்திரி நூறு பிள்ளைகளுடன் சௌபாக்கிய வதியாய் பல்லாண்டு காலம் வாழ்ந்தாள் என்பது புராணம். அவளது சரித்திரத்தை நோன்பு தினத்தில் படிப்பதால் 

சகல சௌபாக்கி யங்களும் பெறலாம்.

ஆனந்த நடனம்

தை மாதத்தில் பூசம் நட்சத்திரம் வருகின்ற நாள் சூரியன் உதிக்கின்ற நேரத்தில் சந்திரனும் வானத்தில்இருக்கும்.

சந்திரன் என்பது மன அறிவு,
சூரியன் என்பது ஜீவ அறிவு.
அக்னி என்பது ஆன்மா அறிவு.

சந்திரன் சூரியனில் அடங்கி ,சூரியன் அக்னியில் அடங்கி அக்னி ஆகாயத்தில் அடங்கும் என்பதே தை பூசம்.

மனம் ஜீவனில் அடங்கி,ஜீவன் ஆன்மாவில் அடங்கி,ஆன்மா சிவத்துடன் கலந்து விடும்,என்பதை காட்டவே தை பூசம்  வள்ளல் பெருமானால் அளிக்கப்பட்டது.

அசுரன் சூரபத்மனை வதம் செய்ய வேலாயுதத்தை முருகப் பெருமானுக்கு, தாய் பார்வதி அளித்த நாளையே தைப் பூசம் என 48 நாட்கள் விரதம் இருந்து, தைப் பூசத்தன்று காவடி எடுத்து பழனி, திருச்செந்தூர், திருத்தணி போன்ற புகழ் பெற்ற முருகன் ஆலயங்களுக்கு செல்லும் திருநாள்...

நடராசர், நடேசர், நடனசபாபதி, ஆடலரசன், ஆடல்வல்லான், கூத்தபிரான் என்ற பல பெயர்களுக்குரியவராய் திகழ்கிறார் நடராசப் பெருமான்.

இவர் ஆடிய ஆட்டங்கள் எத்தனையோ வகை உண்டு. தில்லையில் பொன்னம்பலத்தில் ஆடியது ஆனந்த நடனம். எனவே அவர் ஆனந்த நடராசர்.

பதஞ்சலியும் (ஆதிசேஷன்), புலிக்கால் முனிவரும் (வியாக்ரபாதர்) தவமிருந்து ஒரு தைப்பூச நன்னாளில் திருவடிச் சிலம்புகள் கலீர் கலீரென ஆனந்த நடனத் தரிசனம் கிடைத்தது.


ஆதியில் தேவ லோகத்தில் . ஆனந்த  நடன நிகழ்ச்சியில்
விநாயகர் தன் தும்பிக்கையைத் தவழவிட்டு ஓய்வாக இருந்தார்.

அடியவராகிய அருணகிரி நாதர் "மயிலுமாடி நீயுமாடி வரவேணும்' என்று பாடியபோது ஆடி ஓடி வந்த முருகன் - தந்தையுடன் ஆனந்த நடனம் ஆடி இனிமையாக காட்சியளித்தார் ...

திருவண்ணாமலையில் கம்பத்தில் காட்சி தந்த கந்தனை இன்றும் காணலாம். கந்து என்றால் தூண். எனவே அங்கு முருகனை கம்பத்திளையனாராக வழிபடுகின்றோம்...

கயிலையில் முருகன் சிவனுடன் ஆடியபோது மயிலும் ஆடியதனால் மயிலின் காலடியில் இருந்த நாகம் தப்பிச் சென்று விநாயகரின் அசைவற்றிருந்த தும்பிக்கையுள் புகுந்து விட்டது.

நாகத்தை வெளியேற்ற விநாயகரும் ஆடினார்.

மாமனான திருமால், ""விநாயகா, இது என்ன நடனம்?'' என்றார்.

நாகத்தை வெளியேற்ற முயன்றுகொண்டிருந்த விநாயகர்
""இதுதான்  நாக நடனம்'' என்றார்.

 இதை நினைத்துதான் கிருஷ்ணாவதாரத்தில் காளிங்கனாகிய பாம்பின் தலைமீது நடனமாடினார் கண்ணபிரான்.

  தித்திக்கும் தில்லானாவின் வேகம் காளிங்க நடனத்தில் உண்டு.

தைப்பூச நாளில் காலை ஆறு மணி அளவில் கிழக்கு வானில் தன் பொற்கிரணங்களப் பரப்பி தத்தகாயமாய் உதிக்கவும், அதே நேரம்... மேற்கு வானில் கதிரவனுக்கு நேர்க்கோட்டில் தண் கிரணங்களைப் அளித்தபடி சந்திரனும் காட்சிப்படும் வானியல் அற்புதம் நிகழும் பொன்னாள்.

சிவாம்சமான சூரியன் மகர ராசியில் இருக்க, சக்தி அம்சமான சந்திரன் கடகராசியில் (பூசநட்சத்திரம்) ஆட்சி பெற்றிருக்க சூரிய சந்திரர்கள் பூமிக்கு இருபுறமும் நேர்கோட்டில் நிற்றல் தைப்பூசத்துடனிணைந்த பௌர்ணமியில் நிகழும்.

முருகன் தலங்களில் தேரோட்டம் நிகழும் திருநாள் தைப்பூசம்...

 
.


,