சாக்லேட் தொழிற்சாலை

ஆஸ்திரேலியாவில் மெல்பர்ன் நகருக்கு அருகில் இருந்த பிலிப்தீவில் அமைந்திருந்த சாக்லட் தொழிற்சாலைகுச் சென்றிருந்தோம்..

ஐந்து டாலர் நுழைவுக்கட்டணம் செலுத்தினால் நுழைவுச்சீட்டாக ஒரு சாக்லேட் தந்தார்கள்..


 கோகோ விதையை காயவைத்து பொடியாக்கும் இயந்திரங்கள், கோகோ காயிலிருந்து விதைகளைப்பதப்படுத்தி கோகோ வெண்ணை தயாரிப்பது , சாக்லேட் தயாரிப்பது போன்றவற்றை சுவாரஸ்யமாக காட்சிகளாக்கி ரசிக்கவைக்கிறார்கள்.

சில விளையாட்டுகளில் வென்ற காயின்களை கொடுத்தால் அதற்கான பரிசாக சாக்லட்டுகள் அளிக்கிறார்கள்.

எங்கள் குழந்தை சாக்லட்டுகளைவிட அந்த காயினால் கவரப்பட்டு சாக்லட் பெற மறுத்துவிட்டு காயினையேவிரும்பி வாங்கிக்கொண்டது,..

நிறைய சாக்லட் சாப்பிட்டு சலிப்பு ஏற்பட்டுவிட்டது போலும்..

ஒருடன் எடையுள்ள சாக்லட் ஒன்றும் பார்வைக்கு வைத்திருந்தார்கள்..

விதம் விதமான சாக்லட்டுகள்மாடலாக வைத்து காமிராவும் செட்செய்து வைத்திருக்கிறார்கள்.. உள்ளே சென்று கிளிக்செய்து நம் இ மெயில் முகவரி டைப் செய்தால் படம் அந்த முகவரிக்கு வந்துவிடுகிறது..

முழுவதும் சாக்லட்டுகளால் ஆன நகரம் , சின்னச்சின்ன பொம்மைகள் சாக்லட் செய்து பாக்கெட் செய்து ஏற்றுமதி செய்வது எல்லாம் சாக்லட்டுகளாலேயே அமைத்திருந்தது கண்கொள்ளாக்காட்சியாக இருந்தது..,