விசித்திர விநோதங்கள்

வலை உலாவின் போது பூனை வடிவ ஜப்பானிய வீடுகளும், மெக்ஸிகோ நாட்டின் பாம்புவடிவ வீடுகளும் கவனத்தைக் கவர்ந்து மனதை ஈர்த்து ,பகிர்ந்து கொள்ளத் தூண்டின.

ஜப்பானிய நாட்டில் பூனைகளின் தீவு என்று ஒரு இடம் இருக்கின்றது. மனிதர்களை காட்டிலும் பூனைகள் இங்கு அதிகம் வசிப்பதால் இத்தீவு இப்பெயரால் அறியப்படுகின்றது. 


இத்தீவின் பெயர் ரஸிரொஜிமா.இஸினோமகி நகரத்தில் அமைந்து உள்ளது.

பூனைகளை வளர்த்து உணவு ஊட்டுகின்றது செல்வச் செழிப்பைத் தரும் என்று இத்தீவுவாசிகள் நம்புகின்றனர். மனிதர்களின் எண்ணிக்கையை காட்டிலும் பூனைகளின் எண்ணிக்கை இத்தீவில் அதிகமாக இருந்து வருகின்றது.

நூறு மனிதர்கள் வரை இத்தீவில் வசித்தாலும் பாதிப்பேருக்கு அறுபத்தைந்து வயதிற்கு மேல் வயதாகிறதாம்.விருத்தர்கள்!

இத்தீவில் பூனைகளுக்கு கோவில்கள், நினைவுத் தூபிகள் ஆகியனவும் உள்ளன. பூனை உருவத்தில் வீடுகள், கட்டிடங்கள் ஏராளமானவை கட்டப்பட்டு இருக்கின்றன.

மெக்சிகோ நாட்டில் பாம்பின் உருவத்தில் கட்டப்பட்டு இருக்கின்றது ஒரு வீட்டுத் தொகுதி.

இவ்வீட்டுத் தொகுதி மிகவும் விநோதமானதாக மாத்திரம் அன்றி இரவு நேரங்களில் பார்வையிடுகின்றவர்களை பயம் கொள்ள வைப்பதாகவும் உள்ளது.

பாம்பு இருக்கின்ற வீட்டில் மனிதர்கள் வாழ முடியாதுதான்.ஆனால் பாம்பின் உருவத்தில் கட்டப்படுகின்ற வீட்டில் வாழ முடியும்தானே?

ந்டுங்கிக்கொண்டே பாம்பு நடனம் ஆடிய படியே படிகளில் இறங்குவார்களோ??

கம்பன் வீட்டுக்கட்டுத்தறியும் கவிபாடுவது போல, குலவித்தை கல்லாமல் பாகம் பட்டு இந்தியாவில் பாம்பாட்டிகளாகத் திரியும் நாடோடி மக்களின் இரண்டு வயதுக் குழந்தைகள் பாம்புகளை வசப்படுத்தும் வித்தையை கற்று வைத்து இருக்கின்றன. கையாளவும் செய்கின்றன.