முதலையோ முதலை!!

இந்திரத்துய்மன் என்னும் பாண்டியமன்னன் நாராயண விரதத்தில் ஆழ்ந்திருக்கும்போது,அதிதி உபசாரம் நாடிவந்த கும்பசம்பவரான அகத்திய முனிவரைக் கண்ணெடுத்தும் பார்க்கவில்லை. யானையாக மாறுமாறு சபித்துவிட்டார் அகத்தியர்.
ஹூஹூ என்னும் கந்தர்வன் குளித்துக்கொண்டிருந்த தேவலமுனிவரின் கால்களை விளையாட்டாகப் பற்றி இழுக்க ,முதலையாக சபித்தார் தேவல மகரிஷி.
பூஜைக்கு தாமரை பறிக்க வந்த இந்திரத்துய்ம யானையின் காலைப் பற்றியது முதலை.
ஆதிமூலமே! நாராயணா !!அகிலகுரு பகவன் நமஸ்தே!என்று பூர்வ ஜென்ம வாசம் மாறாமல் கதறிய யானையை கருடன் மேல் வந்து, சக்ராயுதத்தால் முதலையின் கழுத்தை வெட்ட முதலை கந்தர்வனாகி சாபவிமோசனம் பெற்றது.

யானையின் நம்பிக்கை என்னும் தும்பிக்கை பற்றி, வைகுண்டம் ஏகிய பகவான் இந்த கதையை விடியற்காலையில் துதிப்பவர் எல்லா நலன்களும் பெறுவார்கள் என்று அருளிச் செய்தார்.

அவினாசியில் முதலை உண்ட பாலகனைப் பதிகம் பாடி
உயிர்ப்பித்து உபநயனம் காணச் செய்தார் சுந்தரர் பெருமான்

கங்கா நதியின் வாகனமாக முதலை கருதப்படுகிறது.

நாவற்பழம் கொடுத்த குரங்கை ஈரலுக்கு ஆசைப்பட்டு முதுகின் மேல் அமரவைத்து அழைத்துச் சென்ற முதலையை மரத்தின் மேல் வைத்திருப்பதாகச் சொல்லி குரங்கு தப்பித்த பஞ்ச தந்திரக் கதையும் அறிவோம்.

ஸ்டீவ் இர்வின் என்னும் ஆஸ்திரேலிய முதலை பயிற்றுன வீரரை முதலைக்குப் பலிகொடுத்த அவரது மகன் அவரது குளோனிங்கோ என்று வியக்கும் வண்ணம் இப்போது முதலை பயிற்றுவிக்கிறார்.

ஆத்தா ஆடு வளர்த்தா,கோழி வளர்த்தா நாயை மட்டும் வளர்க்கலியே மயிலு இந்த சப்பாணியைத்தானே வளர்த்தா- என்ற பாராதிராஜாவின் வசனம் உலகநாயகனான கமலஹாசனால் உயிரூட்டப் பட்டது.

இந்த ஆஸ்திரேலிய ஆத்தாவைப் பாருங்களேன் முதலையைச் செல்லப் பிராணியாக வளர்க்கிறார்.

நடைப்பயிற்சிக்கும் அழைத்துச் செல்கிறார்.

நடையா! இது நடையா ! ஒரு முதலை அல்லவா நடக்கின்றது??

வெள்ளிக்கண்ணு மீனா வீதிவழி போனா

தைய்ய தக்க தைய்ய தக்க உய்யா என்று நடிகர் திலகம் இருந்தால் பாடியிருப்பாரோ??

ஊர்கோலம் போகும் முதலை காண மெல்போர்ன் நகரம் வியக்கிறது.

என் கண்ணையே உன்கிட்டே ஒப்படைக்கிறேன்.அதில் முதலைக் கண்ணீரையும் ஆனந்தக்கண்ணீரையும் தவிர வேறு கண்ணீரைக் காணக்கூடாது என்று வழியும் கண்ணீரைத் துடைத்தவாறு இவரிடம் முதலையை ஒப்படைத்திருப்பார்களோ?

ஆனந்தக் கண்ணீராலும் முதலைக் கண்ணீராலும் குளிப்பாட்டுவாரோ!!

குழந்தைகளுடன் குழந்தையாகப் பழகும் முதலை.

   இவரை ஆஸ்திரேலிய மக்கள் ஆச்சரியத்துடன் நோக்குகின்றனர்.

இவருக்கு முதலைப் பெண் என்று பட்டப் பெயரும் சூட்டி உள்ளார்கள்.

இவரது மகனின் பெயர் அன்ரூ.  அன்ரூவின் படுக்கை அறையில் படுக்கையில்கூட இவை அமர்ந்து இருக்கும். முதலைகள் மகனை விழுங்கி விடக் கூடும் என்கிற அச்சம் தாய்க்கு கிடையாது.

முதலைகளை மடியில் வைத்து கொஞ்சுவார் விக்கி.

முதலைகளும் விக்கியின் அரவணைப்பில் மகிழும்.

காரில்கூட முதலைகள் ஏற்றித் திரிவார்.

நம் நாட்டு அரசியல் முதலைகளும்,பணமுதலைகளும் , முதலைக் கண்ணீர் வடிப்பவர்களும் தான் இந்த முதலைகளைக் கண்டு கொள்வதில்லை.

அழைத்து வந்து தேர்தல் பிரச்சாரத்தில் பயன்படுத்தினால் சிம்பாலிக்காக இருக்குமே!!