கோபியர் கொஞ்சும் ரமணா

கணபதியானை வணங்கி  
வலைப்பூவில் 2012 வருடத்தைத் துவங்குகிறோம்!

கணபதியே வருவாய் அருள்வாய் மனம் மொழி மெய்யாலே 
தினம் உன்னைத் துதிக்க மங்கள இசை என்தன் நாவினில் உதிக்க
தரணியில் யாவரும் புகழ்ந்து கொண்டாட

தூக்கிய துதிக்கையால் காத்திட வேண்டும்
துங்கக்கரிமுகத்து நாயகனே விநாயகனே 
உண்மை ஞானம் செல்வம் கொழிக்க

கோபியர் கொஞ்சும் ரமணா கோபால கிருஷ்ணா
மாபாரதத்தின் கண்ணா மாயக்கலையின் மன்னா
மாதவா கார்மேக வண்ணா - மதுசூதனா


தாயின் கருணை உள்ளம் தந்தையின் அன்பு நெஞ்சம்
தந்தவன் நீயே முகுந்தா ஸ்ரீ வைகுந்தா

வைணவ பக்த கோடிகள் இராமாவதாரத்தைப் “பூர்ண” அவதாரம் என்றும், கிருஷ்ணாவதாரத்தைப் “பரிபூர்ண” அவதாரமென்றும் சிறப்பித்து 

பேசுவர். அந்த ‘அவதாரம்’ செய்த லீலைகளை விரித்துரைப்பதுதான் பாகவதம்

இந்தப் பக்தி ‘ரசம்’ சொட்டும் பாக-வதத்தை மரணத்தின் பிடியில் இருந்த பரீட்சித்து (அபிமன்யு மகன்) அரசன் சுகர் (வியாசரின் மகன்) என்னும் முனிவர் சொல்லக் கேட்டுக் கொண்டிருந்தான். 

"பத்ரம் புஷ்பம், பலம் தோயம் யோமே பக்த்யா ப்ரயச்சதி", பக்தன் மிகுந்த பக்தி-சிரத்தையுடன் ஒரு சிறு இலை, பூ, பழம் போன்றவற்றைத் தந்தாலும் அதை நான் ஸ்வீகரிப்பேன் என்கிறான் கண்ணன்...

உத்தவர் மஹா ஞானி... கண்ணனின் தோழன், கோபியரின் மகத்துவம்
 பற்றி கண்ணனிடம் கேட்டாராம்.

இதை விளக்கும் நோக்கோடு கண்ணன் தனக்கு தீராத தலைவலி என்று சொன்னாராம். துடித்து போன உத்தவன், பரமாத்மாவிடம், நான் என்ன செய்ய வேண்டும், நீயே சொல் ஜகத்பதி என்று கேட்க..
கண்ணன், ”உத்தவா, உன் பாத தூளிகை (காலடி மண்) எடுத்து நான் ஸ்வீகரிக்க வேண்டும் அப்போது தான் இந்த வலி தீரும், கொஞ்சமே கொஞ்சம் உன் பாத தூளி தருகிறாயா”என்று ஸ்ரீ ஹரி கேட்டாராம்.

அதிர்ச்சியில், உத்தவர் மறுத்து விட்டாராம்.

அதெப்படி தன் காலடி மண்ணை எடுத்து பெருமான் தரிப்பதா என்று அவருக்கு ஒரே குழப்பமாம்.தனக்கு பாபமல்லவா சேரும் என்று மறுத்துட்டாராம் ..

 ”இதுதான் பக்தனின் மகத்துவம். இப்போது கோபியரின் அன்பின் மகத்துவம் பார்க்கிறாயா?” என்று அவர்களிடம் அழைத்துப்போனாராம்.

கோபியரிடம் கண்ணன் கேட்ட மாத்திரத்தில் மூட்டை மூட்டையாக காலடி மண் கிடைத்ததாம்! உத்தவர் அவர்களிடம் கேட்டாராம், ”உங்களுக்கு அறிவில்லையா? பெருமான் உங்கள் பாத தூளி கேட்கிறார்.இப்படி மூட்டை மூட்டையாக தருகிறீர்களே? நீங்கள் எல்லோரும் மஹா பாவம் செய்கிறீர்கள்.” என்றாராம்.

கொஞ்சம் கூட கவலையே படாமல் கோபியர்கள் சொன்னார்களாம், ”எங்களுக்கு பாவம் வந்து சேர்வதைப்பற்றிய கவலை இல்லை, கண்ணனின் தலை வலி தீர்ந்தால் அதுவே போதும், எங்களுக்கு வேறெதுவும் வேண்டாம்” என்றார்களாம்.

இதல்லவோ உண்மையான மெய் சிலிர்க்கும் அன்பு, தாய்மை! கோபியரின் சிறப்பை உத்தவர் உணர எம்பெருமான் கண்ணன் எடுத்துக்காட்டிய விதம் தான் எத்தனை மதுரம்.

அதரம் மதுரம் வதனம்_ மதுரம் நயனம் _மதுரம் ஹஸிதம் மதுரம்
ஹ்ருதயம் மதுரம் கமனம் மதுரம்_ மதுராதிபதே ரகிலம் மதுரம்

வசனம் மதுரம் சரிதம் மதுரம்_ வஸனம் மதுரம் லலிதம் மதுரம்
சலிதம் மதுரம் ப்ரமிதம் மதுரம்_ மதுராதிபதே ரகிலம் மதுரம்

எற்றைக்கும் ஏழேழ் பிறவிக்கும் உன்தன்னோடு உற்றோமே ஆவோம்
உனக்கே நாம் ஆட்செய்வோம்..  என்று வாழ்ந்தவர்கள் கோபியர்கள்..

கோபிகா ஜீவனஸ் ஸ்மரணம் கோவிந்தா கோவிந்தா!

பாலின் சாரம் வெண்ணெய்.
வாழ்வின் சாரம் கண்ணன்.ஆய்ச்சியர் தயிரைக் கடைந்து வெண்ணெயை எடுக்கிறார்கள்.
வாழ்க்கையைக் கடைந்துதான் ஆன்மீக ஞானத்தைப் பெற வேண்டும்.
நாடி வருகின்ற அன்னையர்க்குக் கண்ணன்நவநீத கிருஷ்ணனாகிறான்.

வாழ்க்கையின் சாரத்தை கீதையில் கண்ணன் கொடுத்திருக்கிறான்