ஸ்ரீராமஜயம்

ஸ்ரீராமஜயம்    வியாழக்கிழமையும், சனிக்கிழமையும் ஹனுமனுக்கு உகந்த நாட்கள்.

சனிக்கிழமை, மூலா நக்ஷத்திரமும் விசேஷமாகும்.

தென்னிந்தியாவில் உளுந்துடன் மிளகு மட்டும் சேர்த்து ஹனுமனுக்கு வடை மாலை சாத்துவது வழக்கம்.   

இந்த உளுந்தினால் செய்த வடைமாலையை பாம்புபோல ஹனுமனுக்கு சாத்துவதால், நவக்கிரஹங்களில் பாம்பு வடிவத்தில் உள்ள ராகுவுக்கு, நவதான்யங்களில் ஒன்றான உளுந்தினால், ப்ரீதி ஏற்பட்டு ராகுவினால் ஏற்படும் தொல்லைகள் நம்மை நெருங்கவே நெருங்காமல் காக்கப்படுகிறோம்.

அதுபோலவே ஹனுமனை வழிபட்டால் நவக்கிரஹங்களில் மிகவும் நம்மை ஆட்டிப்படைக்கும் சனிபகவானின் தொல்லைகளும் விலகிவிடும்.

ஹனுமனுக்கு துளசி மாலை மிகவும் ஏற்றது. 

வெற்றி கிட்டிட வெற்றிலை மாலைகளும் சாத்துவதும் உண்டு. 

அது போல மனக்கிலேசங்கள் ஏற்பட்டால் சிறிதளவு வெண்ணெயை கொண்டுபோய் ஹனுமார் கோயிலில் ஹனுமனின் நெஞ்சினில் தடவச்சொல்லி கொடுத்துவிட்டால், அவர் நெஞ்சம் குளிர்ந்து போய் நம் மனதையும் குளிர்விக்கிறார். 

ஹனுமனுக்கு வாலில் தினமும் மடியாக சந்தனம் குங்குமம் இட்டு வழிபடுவதும் உண்டு. 

பூஜை அறையில் ஹனுமன் படத்துக்கு முன்னால் சுத்தமான பச்சரிசி மாவினால் சஞ்சீவி மலை போன்ற கோலமிட்டு வழிபடுபவர்களும் உண்டு. 

அதில் கீழ் வரிசையில் அரை வட்ட வடிவில் ஐந்தும், அதன் மேல் நாலும், அதன் மேல் மூன்றும், அதன் மேல் இரண்டும், உச்சியில் ஒன்றுமாக ஆக மொத்தம் பதினைந்து சிறுசிறு மலைகள் போல கோலமிடுவார்கள்.

ஒவ்வொரு சிறுசிறு மலைகளிலும் ராம ராம ராம ராம ராம என்று ஐந்து முறை கூறிக்கொண்டே ராம நாமத்தை எழுதுவார்கள். 

அது தவிர தனியாக ஒன்பது முறை ராம ராம ராம என்று வரிசைக்கு மூன்று வீதம் மூன்று வரிசை எழுதுவதுண்டு. ஆக மொத்தம் 15+9=24 முறை எழுதுகிறோம். 24*5=120 முறை வாயால் ஜபிக்கிறோம்.

இதை பூஜை அறையில் தினமும் செய்ய முடியாதவர்கள், தனியாக ஒரு நோட்டுப்போட்டு, தினமும் இவ்வாறு வரைந்து எழுதி ஜபித்து வந்தால் போதும். பழகிவிட்டால் தினமும் 5 முதல் 10 நிமிட நேரமே ஆகும்.  

இப்படி தினமும் செய்வதனால் நாம் நினைக்கும் சகல நல்ல கார்யங்களும் ஸித்தியாகும். புத்தி தெளியும். தைர்யம் பிறக்கும். மனது ஸாந்தமாகும். அனைத்து வெற்றிகளும், புகழும் நம்மை வந்தடையும்.

அனு​மனை வணங்​கிய மாத்​தி​ரத்​தில் நமக்கு தைரி​யம்,​ ஞானம் வள​ரும். புத்தி,​ பலம்,​ புகழ்,​ அஞ்​சா​நெஞ்​சம், ஆரோக்​யம் ஆகிய அனைத்​தும் வரும். ஆஞ்​ச​நே​யர் அடி பணி​வோம். அவர் கலி​யுக வர​தர்!​ கண் கண்ட தெய்​வம்!​ கரு​ணையே வடி​வான கற்​பக விருட்​சம்!​ 

"அஞ்​சனை மைந்​தன் இருக்க அஞ்​சு​வ​தேன்?​' 

என்ற தாஸர் கீர்த்​த​னத்​தின்​படி அனு​மனை அடி பணி​வோம்!​ அச்​ச​மின்றி ஆனந்​தப்​ப​டு​வோம்!​  வீர மாருதி!​ கம்​பீர மாருதி!​​

அஷ்ட சித்தி நவநிதி கே தாதா

அஸ் வர தீன் ஜானகி மாதா

அஞ்சிலே ஒன்று பெற்றான் அஞ்சிலே ஒன்றைத்தாவி

அஞ்சிலே ஒன்று ஆறாக ஆரியர்க்காக ஏகி

அஞ்சிலே ஒன்று பெற்ற அணங்கைக் கண்டு அயலார் ஊரில்

அஞ்சிலே ஒன்றை வைத்தான் அவன் நம்மை அளித்துக் காப்பான்.”

பக்த ஆஞ்சநேயர், வஜ்ர கவசம், உடுப்பி