வளம் அருளும் வலம்புரி விநாயகர்

சந்தான செளபாக்யத்துடன் அனைத்துக் கலைஞானமும் பெற்று ஆரோக்யமாய் அரும்பெரும் வாழ்வு வாழ வெற்றிகளை அளிக்கும் வித்தகக் கடவுள் கணபதியின் திருவருள் துணை நிற்கும்.

“பறவாத தம்பி கருகாத வெங்கரி பண் புரண்டே

இறுகாத தந்தி உருகாத மாதங்கம் இந்து நுதல்

நிறவாத சிந்துரம் பூசாக் களபம் நெடும் சுனையில்

பிறவாத ஆம்பல் வலஞ்சுழிக்கே வரப் பெற்றனனே”

தும்பி, வெங்கரி, தந்தி, மாதங்கம், சிந்துரம், களபம், ஆம்பல் என்னும் பெயர்கள் ஆனையைக் குறிக்கும் சொற்களாகவும் நற்றமிழில் விளங்குகின்றன.

அவற்றை விநாயகருடன் பொருந்தி, ‘பறக்காத தும்பி, கருகாத கரி, ஸ்வரம் எழுப்பாத வீணைத் தந்தி, உருகாத பொன், சிவப்பைக் காட்டாத சிந்துரம், பூச முடியாத சந்தனம்,  நீர் நிலையில் தோன்றாத ஆம்பல்’ என்று சிலேடையைக் கவி காளகமேகம் பாடுவது ஆழ்ந்து, ரசிக்கத்தக்க அற்புதமாய் விளங்குகிறது.

சங்குகளில் "வலம்புரி சங்குக்கு' அதிக விசேஷம் உண்டு.. , 

வலம்புரி விநாயகர் வடிவத்தில் ஒரு சூட்சுமம் இருக்கிறது. 

இந்த வளைவு "ஓம்' என்ற பிரணவ மந்திரத்தை ஒத்துள்ளது. 


இடதுபக்கமாக தும்பிக்கை சுழிந்திருந்தால் "ஓம்' என்ற பிரணவ வடிவம் கிடைக்காது. வலம்புரிக்கு இத்தகைய சிறப்பு உண்டு. 

அவரது வாயின் வலதுஓரம் ஆரம்பித்து, கன்னம், மத்தகம் (சிரசு) ஆகியவற்றை சுற்றிக்கொண்டு, இடதுபக்கம் தும்பிக்கை வழியாக இறங்கி, அதன் சுழிந்த முடிவுக்கு வருவது "ஓம்' என்பதை ஒத்திருக்கும். 

இயற்கையாகவே வில்வமரம் தல விருட்சமாக அமைந்துள்ள வடதிருமுல்லைவாயிலில் நீங்காத செல்வம் அருளும் வலம்புரி விநாயகர் ஆலய மண்டபத்தின் விதானத்தில் 32 வகை கணேச வடிவங்களை தரிசிக்கலாம். 

சிருஷ்டி தத்துவம் 64 பிரிவுகளைக் கொண்டது. அவற்றிலிருந்து 32 தத்துவங்களின் மூலம் 32 கணேச வடிவங்கள் உருவாக்கப்பட்டுள்ளன.


சிவன், லட்சுமி நாராயணர், பூர்ண - புஷ்கலை சமேத ஐயனார், வள்ளி தேவசேனாவுடன் ஆறுமுகன், லட்சுமி நரசிம்மர், சரபேஸ்வரர், நவகிரகங்கள் , காலபைரவர் சந்நிதிகளைத் தரிசித்து அருள் பெறலாம்..


சென்னை, வடதிருமுல்லைவாயிலில் செந்தில்நகர் பகுதியில் ஆலயம் அமைந்துள்ளது !


 ஆண்டுதோறும் தைப்பூசத்தன்று பெரிய அளவில் அன்னதானம் நடத்தப்படுகிறது.



வலம்புரி விநாயகர், வீமநகர், 

ஸ்ரீ வலம்புரி விநாயகர், முத்தங்கி அலங்காரம் 
ஞாபக வளர்ச்சிக்கு வலம்புரி விநாயகரை வணங்கலாம்....










தனுஷ்கோடி விநாயகர்.