வண்ணமிகு வண்ணத்துப்பூச்சிகள்

யுனெஸ்கோ அமைப்பினால் உயிரியல் பண்பாட்டுச் சின்னமாக 

(Biosphere Reserve) அறிவிக்கப்பட்டுள்ள உயிரியல் பூங்கா மெக்ஸிகோ நாட்டில் வண்ணத்துப் பூச்சிகளுக்கென்று 56,000 ஹெக்டேர் பரப்பளவில்  அமைந்துள்ளது..

100 கோடி அளவிலான வண்ணத்துப் பூச்சிகள் வருடம் தோறும் கனடா மற்றும் அமெரிக்காவிலிருந்து இந்த உயிரியல் பூங்காவிற்கு வருகை தரும் பொழுது எங்கு பார்த்தாலும் வண்ணத்துப் பூச்சிகளாக பார்ப்பதே கண்கொள்ளக் காட்சியாக மகிழ்ச்சி தருகிறது...

வருகை தரும் வண்ணத்துப் பூச்சிகள் தாங்கள் பிறந்த இடத்திற்க்கேத் திரும்பச் செல்ல நான்கு தலைமுறை ஆகிறதாம்.. இப்படி அடுத்தடுத்தச் சந்ததியினர் எப்படி தங்கள் மூதாதையர் இடத்திற்க்கேச் செல்கின்றன என்பது இயற்கையின் அதிசயம் !

Great Migration எனப்படும் ஆப்ரிக்காவில் நடைபெறும் 

20 லட்சம் விலங்குகளின் இடப்பெயர்ச்சிக்கு இணையானது 

வண்ணத்துப் பூச்சிகளின் இந்த இடப்பெயர்ச்சி.

மாற்றங்கள் இல்லையேல் மகத்துவங்கள் இல்லை. 

மாற்றங்களுக்கு மிகச் சிறந்த உதாரணம் வண்ணத்துப் பூச்சி .

புழுவாகப் பிறந்து பூச்சியாக மாறும் மாற்றம் அழகானது. 

பல நாடுகளில் வண்ணத்துப் பூச்சிகளுக்கென்று உள்ள தனியான மூடிய அருங்காட்ச்சியங்களில் பல வண்ணப் பூக்களும் வண்ணத்துப் பூச்சிகளும் இருக்கும். 

அருங்காட்ச்சியங்களில் கைகளில் தேனைத் தடவிக் கொண்டு இருந்தால், அந்த வண்ணத்துப் பூச்சிகளே கைகளில் வந்து உட்காரும். 

 அருங்காட்சியங்களில் இருக்கும் ஒரே நிபந்தனை 
வண்ணத்துப் பூச்சிகளைத் தொடக்கூடாது என்பதுதான் !