என்றும் தங்கும் தங்கத் தருணங்கள்,

எங்கள் வாரிசு பெற்ற  சான்றிதழ்களும் ,பரிசுகளும்...

 ஸ்ரீநேரு வித்யாலயா பள்ளி, கோவை நலச்சங்கத்தின் குழுவினரால் 

பதினொரு மாணவர்களுடன் ஆரம்பிக்கப்பட்டு இன்று 

சுமார் மூவாயிரம்  மாணவர்கள் பயிலும் பள்ளியாகத் திகழ்கிறது.

ஐம்பது ஆண்டுகள் நிறைவடைந்து பொன் விழாக்கொண்டாட்டத்தில் 

விளையாட்டுப்போட்டிகள் ​மிகவும் பெரிய அளவில் நடைபெற்றது.

​

பள்ளியின் விளையாட்டு அமைப்பு நிர்வாகக்குழுவில் ஒருவரான 

எங்கள் முன்னோர்களின் பெயரிலேயே எண்டோ​ண்மெண்​டாக​இயங்கிவருகிறது. 

பெருமை மிகு பாரம்பரியத்தின் சிறப்புமிகு வாரிசுகளாக திகழ்வதை​  பரிசுகள்  சான்றளிக்கின்றன.

ஸ்ரீநேரு வித்யாலயாபள்ளியின் வெள்ளி விழா ஆண்டு பரிசாக கோவை நல சங்க குழுவினரால் ஸ்ரீ நேரு மஹா வித்யாலயா

 என்னும் கல்லூரியை  சமுதாயத்திற்கு பரிசாக அன்பளித்தது. 

ஸ்ரீ நேரு மஹா வித்யாலயா கல்லூரியும் இதே தருணத்தில் 
வெள்ளி விழா கொண்டாடி மகிழ்கிறது.

கல்வியை வித்யாதானமாத்தான் தரவேண்டும் என்கிற உயரிய 
நோக்கில் பாரம்பரியமாக இன்றளவும் பள்ளி மற்றும் 
கல்லூரி சிறப்பாக நடைபெற்றுவருகிறது.

பள்ளி,மற்றும்கல்லூரி வளாகத்தில் அபயஹஸ்த அனுமன் 
ஆலயங்கள் அமைத்து சிறப்பான முறையில் நடத்திக் 
கொண்டு வருகிறது கோவை நலச்சங்க குழு.

கல்லூரி அனுமன் கோவில் கும்பாபிஷேகத்தில் ஏழாயிரம் பேருக்கு 

 இடைவிடாமல் அன்னதான கைங்கர்யம் நிகழ்ந்ததும் சிறப்பு.

பொன் விழா ஆண்டு விளையாட்டு போட்டிகளில் பங்கேற்க 
சுமார் 100 பள்ளிகளிலிருந்து மாணவர்கள் பங்கேற்று 
பரிசுகள் பெற்றனர்.

பொன்விழாஆண்டு விளையாட்டு விழாவிற்கு மகுடம் சூட்டினாற்போல் சிறப்பாக ஸ்ரீநேரு வித்யாலயா பள்ளியில் பயிலும் மாணாக்கர்களின் பெற்றோர்களை அழைத்து அவர்களுக்கு விளையாட்டுப் போட்டிகள் நடத்தி சிறப்பித்திருக்கிறார்கள். 

தத்தம் குழந்தைகள் முன் பெற்றோர்கள் திறமையை வெளிப்படுத்தி பெருமிதம் நிறைந்த சந்தோஷமடைந்தனர். 

பரிசுகள் பெறும் பெற்றோர்களை அவர்கள் குழந்தைகள் ஊக்குவித்து ஆரவாரப்படுத்தியது மிகவும் நெகிழ்ச்சியாக இருந்தது. 

பொன் விழா ஆண்டு விளையாட்டு போட்டியில் பங்குகொள்ளவும், கண்டு ரசிக்கவும் வந்த அனைவருக்கும் சிறப்பான உணவளித்து கொளரவப்படுத்தியிருக்கிறார்கள் கோவை நலச்சங்கத்தினர்.

இப் போட்டிகளில் எங்கள் வாரிசும், வாரிசின் வாரிசும் பங்கேற்று பரிசுகள் வென்றது மேலும் சிறப்பு.

பொன்விழா விளையாட்டுப்போட்டிகளை சிறப்புற ஒருங்கிணைத்து முன் நின்று நடத்திக்கொடுத்தமைக்காக  அளித்த நினைவுப்பரிசு 
ஜெய் அனுமன் படம்

அமெரிக்கா, ஆஸ்திரேலியா இன்னும் பல நாடுகளிலிருந்து வந்து கலந்து கொண்ட - ஒன்பது வயது முதல் எழுபத்து மூன்று வயது வரை உள்ள இரண்டாயிரத்திற்கும் அதிகமானோர் பங்குகொண்ட - 
மழைநீர் சேமிப்பு விழிப்புணர்வு - மாரத்தான் போட்டி வெகு 
சிறப்பாக நடைபெற்றது..!

ஆம்புலன்ஸ் , நர்ஸ், டாக்டர்கள் கொண்ட குழு, பாதுகாப்பு ஏற்பாடுகள் பங்கேற்ற அனைவருக்கும் உணவு என சிறப்பான ஏற்பாடுகள் அனைவராலும் பாராட்டுப்பெற்றன..

வாரிசின் வாரிசு வென்றவை

விளையாட்டு மட்டுமின்றி அறிவியல் போட்டியிலும் வாரிசின் வாரிசு கலந்துகொண்டு பரிசு வென்றது பெருமை. 
Pudita Thalaimurai Certificate

மரங்களை வெட்டாமல் பெயர்த்து வேறு இடத்தில் நடுவதற்காக செய்த 

அறிவியல் மாதிரி சிறப்பு பரிசினை வென்றது  பெருமை.

tree replanter model

ஆறாம் வகுப்பில் நடனமங்கை வேடம்..!

ஆஸ்திரேலியாவில் மருமகள் கைவண்ணத்தில் தோசையும் சட்னியும்..!

தண்ணீரில் மிதக்கும் தாமரைகளுடன் 
தங்கத்தாமரையாக  சின்னதேவதை - ஸ்ரீதியா

அடுத்த வாரிசு -.விஸ்வநாதன் ஆனந்த்..!