ஸ்ரீ ஐஸ்வரிய மஹா கணபதி

ஓம் நமோ பகவதே ஏக தம்ஷ்ட்ராய ஹஸ்திமுகாய
லம்போதராய உச்சிஷ்ட மகாத்மனே
ஆம் க்ரோம் ஹ்ரீம் கம் கே கே ஸ்வாஹா

ஸ்ரீஉச்சிஷ்ட கணபதி, கலியுகத்தின் கண்கண்ட தெய்வம்,

இன்றைய சமூக வாழ்வியல் சூழலில் சிக்கித்தவிக்கும்,  
குறை தீர்க்க  கிடைத்த சர்வ ரோக நிவாரணி , உய்விக்க வந்த      
ஸ்ரீ உச்சிஷ்ட கணபதி.

கருணைக்கடலாகிய ஸ்ரீ உச்சிஷ்ட கணபதியின் அருள் அள்ள அள்ளக் குறையாத கற்பக மேரு. எண்ணற்ற அரும்பெரும் ஆற்றலை நமக்குத்தரும் ஸ்ரீ உச்சிஷ்ட கணபதியை அதிகாலையில் வணங்கி வந்தால் , காரிய சித்தியும் குடும்ப வாழ்வில் அமைதியும் வளமும் ஏற்படும்., அனைத்து ஐஸ்வரியமும், சுபிட்சமும் உண்டாகும்.

அன்னை அபிராமபுரம் - மந்தைவெளி வழித்தடத்தில், சிருங்கேரி மடம் சாலையில் அமைந்துள்ள ஸ்ரீ உச்சிஷ்ட மஹா கணபதி ஆலயம்!

மூலவர் உச்சிஷ்ட மஹா கணபதி;
உப மூர்த்தியாக எழுந்தருளியிருப்பவர் வல்லப கணபதி! 

இவர்கள் தேவியுடன் எழுந்தருளியிருப்பதால்,  
ஞானமும் செல்வமும் அளிக்க வல்லவர்கள்! 

அருகிலேயே தனி சந்நிதியில் ஸ்ரீ சஞ்சீவி ஆஞ்சநேயர் அமைந்துள்ளார். 
இவர், ஆயுளும், ஆரோக்கியமும், வீர்ய விஜயமும் அளிப்பவர்.

ஆலயத்தில் சிறு மேடையில், ஞாயிறு, திங்கள், செவ்வாய், புதன், வியாழன், வெள்ளி, சனி பாம்பிரண்டுமாக ஒன்பது தலைகளுடன் நவக்கிரக நாகரைத் தரிசிக்கலாம். 

நவக்கோள்களையும் குறிக்க, ஒன்பது தலைகளுடன் உள்ள அபூர்வ நாகர் திருமேனியுடன், நாகேஸ்வரர் மற்றும் நாகாம்பிகை சிலைகளும் உள்ளன. 

ஜாதக ரீதியான தோஷ பரிகாரங்கள், சாந்திகள் செய்ய இந்த நாகரை ஆராதிக்கலாம். பாலாபிஷேகம் செய்யலாம். பாலன்னம் நிவேதனம் செய்வது நல்லது. 

அரை நூற்றாண்டுக்கும் மேலாக பக்தர்களின் அபிமான ஆலயமாக 
திகழ்ந்து வருகிறது..