ஸ்ரீலட்சுமி ஹயக்ரீவ ஜெயந்தி

ஞானானந்தமயம் தேவம் நிர்மல ஸ்படிகாக்ருதிம்

ஆதாரம் ஸர்வ வித்யானாம் ஹயக்ரீவ முபாஸ்மஹே

ஸ்படிகம் போன்று நிர்மலமானவரும், ஞான சொரூபியானவரும், எல்லா கலை களுக்கும் ஆதாரமானவருமான ஹயக்ரீவரை வணங்குகிறேன்' 

 ‘ஓம் வாகீஸ்வராய வித்ம ஹே

ஹயக்ரீவாய திமஹி தன்னோ ஹம்ஸ ப்ரசோதயாத்’ 

என்ற ஹயக்ரீவ காயத்ரி மந்திரத்தை  தினமும் சொல்லி வந்தால், 

கல்விபில் கவனமும் நாட்டமும் அதிகரிக்கும்..

படிப்பில் மந்த நிலையில் உள்ளவர்கள், எவ்வளவு படித்தாலும் மறதி ஏற்படுபவர்கள் ஹயக்ரீவருக்கு விரதம் இருந்து அஹயக்ரீவருக்கு உகந்த ஸ்லோகத்தை சொல்லி வந்தால் நல்ல பலன் கிடைக்கும்.

கல்விக்கு அதிபதியான சரஸ்வதி தேவியின்  குரு ஸ்ரீஹயக்ரீவ மூர்த்தி. 

அறியாமை எனும் இருளில் இருந்து ஞானம் எனும் ஒளியை நோக்கி அழைத்து செல்லும் ஞான ஆசிரியனாக ஹயக்ரீவர் அருள்புரிகிறார்

கல்விச் செல்வத்தோடு சேர்த்து பொருள் செல்வத்தை 
வழங்கும் விதமாக  தனது மடியில் லட்சுமி தேவியுடன்  
ஸ்ரீலட்சுமி ஹயக்ரீவராக அருள்புரிகிறார். 

ஹயக்ரீவ ஜெயந்தி ஆவணிமாத திருவோண 
நட்சத்தித்தன்று கொண்டாடப்படுகிறது. 

நவராத்திரியில் மஹாநவமி (சரஸ்வதி ஆவாஹனம்) 
அன்றும் ஹயக்ரீவருக்கு ஆராதனைகள் நடைபெறுகிறது. 

ஒவ்வொரு மாதமும் வரும் திருவோண 
நட்சத்திரத்தன்றும் ஸ்ரீஹயக்கீரவருக்கு பூஜை செய்யலாம். 

மஞ்சள் நிறம் ஸ்ரீஹயக்கீரவருக்கு உகந்தது. 

கையில் புஸ்தகத்தோடு காட்சி தரும்  ஹயக்ரீவர் முகம் 
குதிரை போன்றும் உடல் மனித உடலாகவும் இருக்கும். 

திருவோண நட்சத்திரத்தன்று விரதமிருந்து 

கடலைப்பருப்பை  வேகவைத்து வெல்லத்தூள் , நெய், ஏலம், 
வறுத்த முந்திரி சேர்த்து கலந்து  ஹயக்ரீவ பிரசாதம் தயார் செய்து, -

மஞ்சள் நிற பூக்களால் அர்ச்சித்து, பூஜை செய்யலாம். 

ஞானம் எனும் கல்விச் செல்வத்துக்கு அழிவே கிடையாது.  .  

கல்விச் செல்வத்தை வழங்க வழங்க, ஞானமும் கல்வியும் வழங்குபவருக்கு  அதிகரிக்கும்.  கடைசி வரை வரக்கூடியது கல்வி செல்வமாகும். 

கல்வியிலும்,, இசை, நடனம் போன்ற கலைகளிலும் 
சிறந்து விளங்குவதற்கு ஞானத்தின் இருப்பிடமாக 
விளங்கும் ஹயக்ரீவரை வணங்கலாம். 

படிப்பில் சற்று மந்தமாக இருப்பவர்கள், ஞாபக சக்தி குறைவாக உள்ளவர்கள், பேச்சு சரியாக வராதவர்கள் ஹயக்ரீவரை வணங்கினால் சகல குறைகளும் நீங்கி ஞானம் அதிகரிக்கும். 

செல்வாக்குடன் சொல்வாக்கும் நிறைந்து விளங்க   
ஹயக்ரீவரை வணங்கி வழிபட்டால் தடைகள், 
தடங்கல்கள் நீங்கி தொழில் சுபிட்சமாக நடக்கும்.

புதன்கிழமையன்றும், திருவோண நட்சத்திரத்திலும் ஹயக்ரீவருக்கு அபிஷேக ஆராதனைகள் செய்து ஏலக்காய் மாலை சாற்றி வழிபடஞானமும் அறிவும் மேம்படும். ஞாபக சக்தி கூடும்... 

செங்கல்பட்டு அருகில் செட்டிப் புண்ணியம், 

கடலூர் அருகில் திருவந்திபுரம், 

பாண்டிச்சேரி அருகில் முத்தியால்பேட்டை ஆகியவை 
ஹயக்ரீவ ஸ்தலங்கள் ஆகும். 

கடலூர் மாவட்டம் திருவந்திபுரத்தில் உள்ள தேவநாத சுவாமி கோயில்
 108 திவ்ய தேசங்களில் ஒன்றாகும். 

ஔஷத மலையில் ஸ்வாமி வேதாந்த தேசிகனுக்கு ஹயக்ரீவர் எப்படி காட்சி தந்தாரோ, அதே கோலத்தில் இங்கு இவரை தரிசிக்கலாம். 

.. 

குதிரை முகம் கொண்ட அசுரன் வேதங்களை அபகரித்துச் செல்ல, அரக்கனை வென்று வேதங்களை மீட்க திருமால் எடுத்த அவதாரமே ஹயக்ரீவ அவதாரம். 

வைணவப் பெரியாரான வேதாந்த தேசிகருக்கு கலை, 
ஞானம் அனைத்தையும் அருளியவர் ஹயக்ரீவர்

ஸ்ரீவித்யா உபாசகர்கள் ஹயக்ரீவரை குருவாக வணங்குவர். 

 ஹயக்ரீவர்- அகத்தியர் சம்வாதத்தில்தானே 
லலிதா சகஸ்ரநாமம் கிடைத்தது!

மத்வ சம்பிரதாயத்தவரான வாதிராஜர் ஹயக்ரீவ உபாசகர் ஹயக்ரீவ விக்ரகத்துக்கு பிரசாதம் நிவேதனம் செய்து வழிபட்டு,  அந்தத் தட்டை எடுத்து தலைமேல் வைத்தபடி அமர்ந்து கொள்வார். 

அப்போது ஒரு குதிரை அங்கு தோன்றி அவர் தோள்களின்
மேல் கால்களை வைத்துக் கொண்டு பிரசாதத்தை 
உண்டுவிட்டு மறைந்துவிடும். 

வாதிராஜர்மேல் பொறாமைகொண்ட சிலர் பிரசாதத்தில்  விஷத்தைக் கலந்துவிட்டதைஅறியாத வாதிராஜர் வழக்கம்போல் ஹயக்ரீவ விக்ரகத்துக்கு நிவேதனம் செய்துவிட்டு, பின்னர் தட்டை தலைமேல் வைத்துக்கொண் டார். 

குதிரையும் தோன்றி பிரசாதம்  தின்று விட்டு மறைந்தது. சற்று நேரத்தில் பார்த்தால், பஞ்சலோகத்திலிருந்த ஹயக்ரீவ விக்ரகம் நீலநிறமாகிவிட்டதாம். 

விஷம் வைத்தவர்கள் உண்மையை உணர்ந்து அவரைப் பணிந்திட, மீண்டும் பழைய நிலையை அடைந்ததாம். அந்த ஹயக்ரீவ விக்ரகத்தை இன்றும் அவர்கள் மடத்தில் காணலாம்.

Hayagreeva Saligrama