"திருஆடிப்பூரத்து ஜகத்துதித்தாள் வாழியே'

அஸ்மாத்ருசா மபக்ருதௌ சிரக்ஷிதாநாம்
அஹ்நாய தேவி தயதே யதஸௌ முகுந்த:
தந்நிச்சிதம் நியமிதஸ் தவ மௌளிதாம்நா
தந்த்ரி நிநாத மதுர: ச கிராம் நிகும்பை:

-கோதாஸ்துதி

ஆண்டாள் தேவியே, உனக்கு வந்தனம். 
சாத்திரங்கள் அனுமதிக்காத பாகவத அபசாரங்கள் பலவற்றை நெடுங்காலமாக நாங்கள் செய்து வருகிறோம். 

ஆனாலும் எங்களுக்கெல்லாம் தங்கள் கணவரான அரங்கத்துப் பெருமாள்  திருவருள் புரிகிறார். 

தவறு செய்யும் எங்களுக்கும் பெருமாள் அருளும் காரணம் என்னவாக இருக்கும்? 

அது, நீ சூடிக் கொடுத்த பூமாலையால் அவர் வசப்பட்டிருப்பதால்தான். 

அது மட்டுமல்லாமல் வீணையின் நாதம் போன்ற உன் குரலால் தீந்தமிழில் பிரபந்தமும் பாடித் துதித்திருக்கிறாய். 

அதனாலேயே உன் குழந்தைகளாகிய எங்களை பெருமாள் தண்டிக்காமல் விட்டிருக்கிறார். 
அதற்காக ஆண்டாள் தேவியே உனக்கு மீண்டும் வந்தனம். 

(ஆடிப்பூர தினத்தன்று இத்துதியை பாராயணம் செய்தால் திருமணமாகாத கன்னியர்க்கு, தடைகள் எல்லாம் நீங்கி, நல்ல கணவர் அமைவார்)
http://www.youtube.com/watch?v=V84R23YRcmo

திரு ஆடிப் பூரத்து செகத்து உதித்தாள் வாழியே!
திருப்பாவை முப்பதும் செப்பினாள் வாழியே!
பெரியாழ்வார் பெற்றெடுத்த பெண் பிள்ளை வாழியே!
பெரும்புதூர் மாமுனிக்குப் பின் ஆனாள் வாழியே!

ஒரு நூற்று நாற்பத்து மூன்று உரைத்தாள் வாழியே!
 உயர் அரங்கற்கே கண்ணி உகந்தளித்தாள் வாழியே!
 மரு ஆரும் திருமல்லி, வள நாடி வாழியே!
 வண் புதுவை, நகர்க் கோதை, மலர்ப் பதங்கள் வாழியே!!!


ஶ்ரீ ஆண்டாள் திருவடிகளே சரணம்!

ஸ்ரீஆண்டாளின் அவதார உற்ஸவமான ஆடிப்பூரப் பெருவிழா ஸ்ரீவில்லிபுத்தூரில் சிறப்பாகக் கொண்டாடப்படுகிறது.

ஆடி மாதம், வளர்பிறை பஞ்சமி திதியில், செவ்வாய்க் கிழமையன்று, 

பூர நட்சத்திரத்திருநளில் துலா லக்னத்தில்  துளசி தோட்டத்தில் அவதரித்த ஆண்டாள். தனது தந்தையாராகிய பெரியாழ்வாரையே குருவாகக்கொண்டு கண்ணபிரானிடம் பக்தி செலுத்தி, பரமனாகிய ஸ்ரீரங்கநாதனையே மணவாளனாக அடைந்தாள்.

பூமிப்பிராட்டி ஸ்ரீ ஆண்டாளாக அவதரித்தது போல, உபநிடதங்கள் எல்லாம் திருப்பாவையாக பிராட்டி ஆண்டாளானாப் போல உபநிஸத்து தமிழானபடி' ஆண்டாள் திருவாக்கினால் அருளப்பட்டது ..!

பெருமானின் பல்வேறு அம்சங்களான சங்கு, சக்கரம், வில், கதை, வாள் போன்ற ஆயுதங்கள் மட்டுமே ஆழ்வார்களாக அவதரித்த தருணத்தில், பூமிபிராட்டியும் ஆடிப்பூர நாளில் அவதரித்தாள். 

அரங்கனுக்குச் சூட்ட வேண்டிய ஆரத்தினை தானே சூடிக் கொண்டு 

ஆடியில் அழகு பார்த்தாள் ஆண்டாள். 

தான் சூடிக் களைந்த மாலையைப் பெருமாளுக்கு அளித்து வந்ததால் 

சூடிக் கொடுத்த சுடர்க்கொடி என்ற திருநாமம் பெற்றாள். 

அப்போது அந்தக் கண்ணாடியில் அரங்கனாகவே தெரிந்தாள் அவள். 

தானே அவனாக பாவித்து மகிழ்ந்த ஆண்டாளின் அவதார தினமான ஆடிப்பூரம். அற்புதத் திருநாளில் நடக்கும் திருவிழாவில்

ஆண்டாளை தரிசிப்போர் ஆனந்த வாழ்வு பெறுவர் என்பது ஐதீகம்.

கையிலே அழகிய கிளி கொஞ்ச அழகிய மணவாளனான ஸ்ரீரங்கமன்னாருடன் நின்ற கோலத்தில் பக்தர்களுக்கு சேவை சாதிக்கும் ஆண்டாளின் அழகைக் காணக் கண் கோடி வேண்டும். 

ஸ்ரீவில்லிபுத்தூரில் ஸ்ரீஆண்டாளுக்காக ஸ்ரீரங்கநாதன், ரங்கமன்னாராக ராஜகோபாலனாக கண்ணனாக எழுந்தருளியுள்ளார். 

ஸ்ரீஆண்டாள் சூடிக் களைந்த மாலையை 

புரட்டாசி பிரம்மோற்ஸவத்தின்போது திருப்பதிப் பெருமாளும், 

சித்ரா பௌர்ணமியன்று மதுரையில் வைகையாற்றில் இறங்குவதற்கு முன்பு ஸ்ரீகள்ளழகரும், 

தினமும் ஸ்ரீவில்லிபுத்தூரில் ஸ்ரீவடபத்ரசயனரும் அணிந்து அழகு கொள்கிறார்கள் என்பது ஆண்டாளின் பெருமை.

ஸ்ரீவில்லிபுத்தூர் ஆண்டாள் கோவில் தேர்.தேக்கு, கொங்கு போன்ற உயர்ரக மரங்களால் செய்யப்பட்டு இன்று வரையும் உறுதியாக இருக்கிறது.  

ராமாயண, மகாபாரத வரலாறுகளை குறிக்கும் ஆயிரத்துக்கும் மேற்பட்ட சிற்பங்கள் வடிவமைக்கப்பட்டுள்ளன.தமிழகத்தில் இடண்டாவது மிகப்பெரிய தேராகத் திகழ்கிறது ..!

தற்போது இரும்பு சக்கரங்கள் பொருத்தப்பட்டு இருப்பதால் 

3 மணி நேரத்தில் நிலைக்கு கொண்டு வரப்படுகிறது.

 

ஆண்டாள் அவதார நாளான ஆடிப்பூரம் அன்று  தேரோட்டம் நடைபெறும்.  ஆண்டாளும் ஸ்ரீரங்கமன்னாரும் பவனிவரும் காட்சியைத் தரிசனம் செய்வது விஷேசம் ..!