பரமானந்த மய மஹா வரசித்தி ஆஞ்சநேயர்

சைவ வைணவ ஒற்றுமைக்கு எடுத்துக்காட்டாக.ஒரே கர்ப்பகிரகத்தில் மகாகணபதியும், ஆஞ்சநேயரும் அருள்பாலிக்கின்றனர்

பிள்ளையார் சுழியிட்டு ஆரம்பிக்கும் செயல்களை வெற்றிகரமாக நிறைவேற்றித்தந்து அனுமனுடன் மங்களகரமாக்குவது மரபு..

தன் அழகிய தந்தம் ஒடித்து மகாபாரத காவியம் எழுத பிள்ளையார் சுழியுடன் ஆரம்பித்து கண்ணபரமாத்மாவின் தேரிலிருந்து அனுமன் அனுக்கிரஹித்து நிறைவுபடுத்தினார்...

ஆரம்பம் கணபதி என்றால். அதை வெற்றிகரமாக முடித்து தருவது ஆஞ்சநேயர். என்ற தத்துவத்தை விளக்கும் விதமாக ஒரே கர்ப்பகிரகத்தில் மகாகணபதியும், ஆஞ்சநேயரும் திருநெல்வேலி கெட்வெல் வளாகத்தில் உள்ள கோயிலில் அருள்பாலிக்கிறார்கள்.

கெட்வெல் ஆஞ்சநேயருக்கு வாலின் ஆரம்பத்தில் பொட்டுவைக்க ஆரம்பித்து 48 நாட்கள் தொடர்ந்து பொட்டு வைத்து நுனியில் முடித்தால் நினைப்பது நடக்கும் என்பது ஐதீகம்.

""சாந்த சொரூபியான இவரை வணங்கினால் செல்வ செழிப்பு, எமனிடம் பயமில்லாத தன்மை, கல்வி, வீரம், பக்தி, குடும்ப ஒற்றுமை, உத்தியோக உயர்வு, எதிரி பயமில்லா நிலை ஆகியவை கிடைக்கும்.

ஆஞ்சநேயர் சஞ்சீவி மலையை தூக்கி சென்ற போது அதிலிருந்து ஒரு பகுதி விழுந்த இடம் தான் மேற்கு தொடர்ச்சி மலை. 

அந்த மலையைப்பார்த்தபடி மேற்கு பார்த்த ஆஞ்சநேயர். ஆஞ்சநேயருக்கு பரிவார மூர்த்திகள் எட்டு பேர். அந்த எட்டு பேர்களில் ஒருவர் எமன். 

அந்த எமனுக்கு அனுக்கிரகம்புரிய தென் திசையை நோக்கியபடி ஆஞ்சநேயரின் திருப்பாதம். எனவே இவரை வணங்கினால் எமபயம் என்பதே இல்லை. 

அதே போல் குபேரதிசையான வடக்கு நோக்கிய வால். இவரத வாலின் நுனியில் நவகிரகமும் அடக்கம். இவரது வாலின் அமைப்பே ஓம்கார வடிவில் அமைந்திருக்கும்.

சிவபெருமானின் அம்சம் ஆஞ்சநேயர் அடிப்படையில் தான் இங்கு சிவலிங்க வடிவில் ஆஞ்சநேயர் வீற்றிருக்கிறார். 
இங்கு சிவனை நினைத்து வழிபட்டால் ஆஞ்சநேயர் தெரியமாட்டார். 
ஆஞ்சநேயரை நினைத்து வழிபட்டால் சிவன் தெரிய மாட்டார். 

இந்த அதிசயத்தை அபிஷேகத்தின் போது நாம் காணலாம்.

இவர் அபிஷேகத்தில் சிவசொரூபமாகவும், அலங்காரத்தில் விஷ்ணு சொரூபமாகவும் இருக்கிறார். இவரது வலது கண்ணில் சூரியனும், இடது கண்ணில் சந்திரனும் ஆட்சி செய்கிறார்கள்.

இவரது அழகில் மயங்கி, இவரிடம் கேட்டு பெற வேண்டியதை கேட்காமல் போனாலும் கூட இவரத வலது உள்ளங்கையில் குடியிருக்கும் ஐஸ்வரிய லட்சுமி ஐஸ்வரியத்தை அள்ளிக்கொடுத்திடுவாள்.

கெட்வெல் என்ற ஆங்கில வார்த்தையின் பொருள்“நலம் பெருக” என்னும் வார்த்தைக்கேற்ப தன்னை நாடிவரும் பக்தர்களுக்கு அவரவர் கோரிய பலன்களையும் அதற்கும் மேலாக பல வரங்களையும் தந்து, தனது பெயருக்கேற்றபடி மஹா வரசித்தி ஆஞ்சநேயராகத் திகழ்கிறார்.  

ஸீதா பிராட்டியாரை தேடி ஹனுமான் தென்திசை நோக்கி வந்தபோது தாமிரபரணி நதிக்கரையில் தங்கி இவ்விடத்தில் அவர் சந்தியாவந்தனம் (சூரிய நமஸ்காரம்) செய்ததாக கூறப்படுகிறது.

கெட்வெல் மருத்துவமனையின் முன் அழகிய அசோகவனம் போன்ற குளுமையான சோலையில் பரமானந்தமாய் பக்தர்களுக்கு அருள் பாலித்து வருகிறார்.

கெட்வெல் மருத்துவமனைக்கு சொந்தமாய் அவர்களின் நிர்வாகத்தில் இயங்கி வரும் ஒரு தனியார் ஆலயமாகும். 

ஓரொரு கற்பகிரகமும் அதனுள் ஆஞ்சநேய மூர்த்தி, சர்வ வியாதிகளையும் நீக்கும், ரோகஹர விநாயகர் சமேதராக காட்சியளிக்கிறார். 

ஆதிக்கு கணபதி மீதிக்கு அனுமன், 

எனவே எடுத்த காரியம் சித்திக்கும்.

ஆஞ்சநேய காயத்திரி மந்திரம்

” ஆஞ்சநேயாய வித்மஹே

வாயுபுத்ராய தீமஹி தந்நோ ஹனுமன் ப்ரசோதயாத்”