ஸ்ரீலஷ்மிதேவிக்கு வரமருளிய வேட்டீஸ்வரர்

350 -வது பதிவு!



ஸ்ரீமகாலட்சுமி துதி
ஸர்வக்ஞே ஸர்வ வரதே ஸர்வ துஷ்ட பயங்கரீ
ஸர்வதுக்க ஹரே தேவீ மஹாலஷ்மி நமோஸ்துதே

எல்லாம் அறிந்தவளே, எல்லா வரங்களையும் கெர்டுப்பவளே,எல்லா தீமைகளையும் அழிப்பவளே, எல்லா துயரங்களையும், நீக்குபவளே,மகாலட்சுமியே உன்னைத் துதிக்கின்றேன்

ஸர்வ மங்கல மாங்கல்யே சிவே ஸர்வார்த்த ஸாதிகே

ஸரண்யே த்ரயம்பகே கௌரி நாராயணீ  நமோஸ்துதே!

அகிலத்தின் அன்னை ஸ்ரீமகாலஷ்மி ஸ்ரீமந் நாராயணனை திருமணம் செய்ய பல முயற்சி எடுத்தும் அத்தனை முயற்சியும் சரியான பலன் கிடைக்காததால், தமது விருப்பம் சிவ வழிபாடு செய்தால் நிறைவேறும் என்ற நம்பிக்கையில் ஒரு செண்பக மலர் காட்டில் சிவபூஜை செய்து தவம் இருந்தாள் ஸ்ரீமகாலஷ்மி. 

தவத்தையும் வழிபாட்டையும் ஏற்ற சிவபெருமான் 
ஸ்ரீலஷ்மிதேவிக்கு காட்சி தந்து திருமணம வரம் அருளினார். 

இதன் பிறகுதான் ஸ்ரீமகாவிஷ்ணுவை ஸ்ரீமகாலஷ்மி திருமணம் செய்தார்.

இதன் அடிப்படையில் இங்குள்ள ஒரு தூணில் மகாலட்சுமி கைகளில் கலசத்தை வைத்து, சிவலிங்கத்திற்கு அபிஷேகம் செய்தபடி காட்சி தருகிறாள். 

லிங்க பூஜை செய்யும் லட்சுமி

மகாலட்சுமி, சரஸ்வதியும் மற்றொரு சன்னதியில் அருகருகே இருக்கின்றனர். சரஸ்வதியிடம் வீணை கிடையாது.

உற்சவர் சன்னதி 

நாயனார் சன்னதி

ஸ்படிக லிங்கம்

இக்கோயிலுக்கான விநாயகர், எதிரே தனிச்சன்னதியில் இருக்கிறார்.
பக்தர்கள் இவருக்கு தேங்காய் மாலை சாத்தி, 
தேங்காய் எண்ணெய் தீபம் ஏற்றி வழிபடுகிறார்கள்.

பிரகாரத்தில் சண்முகர் தனிச்சன்னதியில் ஆறு முகங்களுடன் மயில் மீது அமர்ந்த கோலத்தில் காட்சி தருகிறார். 

ஒவ்வொரு சஷ்டியின்போதும் இவருக்கு 6 மலர்கள், 6 நைவேத்யம்,
 6 வகையான பழங்கள் படைத்து, 6 குருக்கள்
 "சத்ருசம்ஹார திரிசதை' பூஜை செய்வது சிறப்பு.

தேங்காய் விநாயகர்

சிவன், அம்பாள், சண்முகர் என மூவருக்கும், 
மூன்று கொடிமரத்துடன் அமைந்த அருமையான திருத்தலம்

அம்மன் செண்பகாம்பிகை

தேவர்கள் பாற்கடலை கடைந்தபோது வெளிப்பட்ட அமுதத்தை சாப்பிட அசுரனான ஸ்வர்பானு என்பவன், தேவர்களுடன் அமர்ந்து கொண்டதை சூரியனும், சந்திரனும் திருமாலிடம் காட்டிக் கொடுத்துவிட்டனர். 

திருமால் அமுதம் பரிமாறிய கரண்டியால் ஸவர்பானுவை 
அடிக்கவே தலையும், உடலும் துண்டானது. 

அமுதத்தை சாப்பிட்டதால் உயிர் பிரியவில்லை.

சிவனருளால் தனியே விழுந்த தலையுடன் பாம்பு உடல் சேர்ந்து ராகுவாகவும், மீதி உடலுடன் நாக தலை சேர்ந்து கேதுவாகவும் உருமாறினான்.

அமுதம் உண்டதால் அழியாத்தன்மை பெற்ற அவர்களுக்கு கிரக பதவியும் கிடைத்தது.

தங்களைக் காட்டிக்கொடுத்த சூரிய சந்திரரை
இவர்கள் ராகு, எமகண்ட நேரத்தில் சக்தியின்றி செய்து விடுவர். 

குறிப்பிட்ட நாட்களில் முழுமையாக விழுங்கி விட்டு, அவர்களின் பணியை தாங்கள் செய்வார்கள். 

இந்த நிகழ்வின் அடிப்படையில் இவர்கள் நாக வடிவில் சூரிய, சந்திரனை விழுங்க முயலும் அமைப்புடன் காட்சி தருகின்றனர்.

சந்திரனை விழுங்கும் கேது

இந்த கிரகங்கள் சுவாமி சன்னதி எதிரேயுள்ள மண்டபத்தின் மேல் சுவரில் வெள்ளிக்காப்பு அணிவிக்கப்பட்டுள்ளது. 

ராகு, கேது தோஷம் உள்ளவர்கள் இந்த கிரகங்களுக்குரிய தானியமான உளுந்து, கொள்ளு தானியம், மந்தாரை மற்றும் செவ்வரளி மலரை திருவேட்டீஸ்வரருக்கு படைத்து வழிபடுகிறார்கள்.

சுவாமி சிறப்பு: சிவன் கோயில்களில் அர்த்தஜாம பூஜை முடிந்து, பள்ளியறை பூஜையின்போது பெரும்பாலும் சிவனின் பாதமே கொண்டு செல்லப்படும். ஆனால், இங்கு பள்ளியறைக்குள் சிவனே செல்கிறார். இதற்காக சிலை ஒன்று செய்யப்பட்டுள்ளது. இவர் அர்த்த மண்டபத்தில் காட்சி தருகிறார். 

யோக தட்சிணாமூர்த்தி, இடது காலை குத்திட்டு அமர்ந்தபடி காட்சி தருகிறார்.  உற்சவரும் இங்கிருக்கிறார். 

சிவனை, இந்திரன் வழிபட்டதாக ஐதீகம். புரட்டாசியில் இந்திரபூஜை விழா நடக்கிறது. அப்போது, சுவாமி சன்னதி முழுதும் காய்கறி, பழம் மற்றும் இனிப்பு வகைகளால் அலங்காரம் செய்யப்படுகிறது.

நவக்கிரக பூஜை: இக்கோயிலில் தினமும் காலை (முதல்) பூஜையின்போது மூலவர் அருகில் ஸ்படிக லிங்கத்தையும், அருகில் நவக்கிரகங்களுக்கு உரிய நவரத்தினங்களையும் வைக்கின்றனர்.

பின்பு, ஒவ்வொரு கிரகத்திற்குமான தானியம் மற்றும் மலர்களை படைத்து பூஜை செய்கின்றனர்.

அதன்பிறகு, சூரியனுக்கு வைத்த மலரை, பிரகாரத்திலுள்ள சூரியன் சிலை முன்பு வைத்து தீபாராதனை செய்யப்படுகிறது.

இதன் பின்பே, மூலவருக்குரிய பூஜை நடக்கிறது.

அப்போது சிவனுக்குரிய 300 திருமந்திரங்கள் சொல்லி "ருத்ரதிரிசதை அர்ச்சனை' செய்கின்றனர்.

 இந்நேரத்தில் சிவனை வழிபட்டால் கிரக தோஷம் நீங்கும் என்பது நம்பிக்கை.

கண்ணப்ப நாயனார்: சிவன் வேடராக வந்தபோது, அர்ஜுனன் அவரை அறியாமல் அடித்துவிட்டதற்கு வருந்தினான்.

அவனே, அடுத்த பிறப்பில் கண்ணப்பன் என்னும் வேடனாக பிறந்தான்.

சிவனுக்கு தன் கண்ணையே கொடுத்து பரிகாரம் தேடிக்கொண்டான்.

சிவனருளால் நாயனாராகவும் அந்தஸ்து பெற்றார்.

அர்ஜுனன் வழிபட்ட தலமென்பதால் இங்கு கண்ணப்ப நாயனார் உற்சவராக இருக்கிறார்.

இவர் தை மிருகசீரிஷத்தில், குருபூஜையின்போது வீதியுலா செல்கிறார். 

பிரகாரத்தில் மனைவி சங்கிலி நாச்சியாருடன் சுந்தரர்
மற்றும் வள்ளலாருக்கு சன்னதி இருக்கிறது.


பூச நட்சத்திரத்தில் வள்ளலாருக்கு சிறப்பு பூஜை நடக்கிறது. 

தைப்பூசத்தன்று உற்சவ வள்ளலார் வீதியுலா செல்கிறார். 

உற்சவர் சண்முகர் சன்னதியிலும் வள்ளலார் சிலை உள்ளது.

அர்ஜுனன் தீர்த்த யாத்திரை மேற்கொண்ட சமயத்தில், ஒரு பன்றியை வேட்டையாடினான்.

சிவபெருமான் வேடன் வடிவில் சென்று, அது தனக்குரியது என்று சொல்லி அவனை சண்டைக்கு இழுத்தார்.

அவருடன் போரிட்ட அர்ஜுனன் அம்பு எய்யவே, சிவனின் தலையை பதம் பார்த்தது. ரத்தம் வழிய நின்ற வேடன், சுயரூபம் காட்டினார்.

வருந்திய அர்ஜுனன் மன்னிப்பு வேண்டினான்.

சிவன் அவனை மன்னித்ததோடு, பாசுபதாஸ்திரம் கொடுத்தருளினார்.

 அர்ஜுனன் பல இடங்களில் சிவவழிபாடு செய்தான்.

அர்ஜுனன் இங்கும் சுயம்புலிங்கத்தைக் கண்டு வழிபட்டான்.

வேடன் வடிவில் வந்து அர்ஜுனனுக்கு அருள் புரிந்தவர் என்பதால்,
சிவன் "திருவேட்டீஸ்வரர்' என்று பெயர் பெற்றார். 

பார்த்தபிரகரலிங்கம்' (பார்த்தன் அர்ஜுனன்) என்றும் 
சிவபெருமானுக்கு பெயர் உண்டு. 

காசிக்கும் காளஹஸ்திக்கும் ஈடானது

மிகப்பழமையும், மாதவனை மணக்க மகாலட்சுமி மாதவம் இருந்த அருமையானதுமான இந்த ஆலயத்தினை ஒருமுறை சுற்றி வந்தால் அனைத்துக் கடவுளர்களையும் கண்டு தரிசிக்கலாம். 

காளஹஸ்தி, திருநாகேஸ்வரம் செல்ல இயலாதவர்கள் இங்கு ராகு, கேது தோஷங்களுக்கு பரிகாரம் செய்து கொள்ளலாம்.வாழ்வில் நல்ல மாற்றமும் – ஏற்றமும் பெற்லாம்.

செண்பக தீர்த்தம்


சென்னை திருவல்லிக்கேணியில் உள்ள செண்பகாம்பிகை உடனுறை திருவேட்டீஸ்வரர் (உள்படம்) கோயிலில் சித்திரை திருவிழாவின் 7-ம் நாள் நடைபெற்ற தேரோட்டம்.



http://www.vallamai.com/archives/10616/

www.vallamai.com

அன்பின் இராஜராஜேஸ்வரி,

தங்களுடைய வேதனை நீக்கும் வேட்டீஸ்வரர் இன்று நம் வல்லமையில் எழுந்தருளியுள்ளார். நன்று. தொடர்ந்து எழுதுங்கள். வாழ்த்துகள்./

வல்லமையில் வெளியானதைப் பகிர்கிறேன். நன்றி..