வாரணம் ஆயிரம் ...

வாரணம் ஆயிரம் சூழ வலம் செய்து

நாரண நம்பி நடக்கின்றான் என்றெதிர்

பூரண பொற்குடம் வைத்து புறமெங்கும்

தோரணம் நாட்ட கனாக் கண்டேன் தோழீ ! நான் ...

நாளை வதுவை மணமென்று நாளிட்டு

பாளை கமுகு பரிசுடை பந்தர் கீழ்

கோளரி மாதவன் கோவிந்தன் என்பானோர்

காளை புகுத கனாக் கண்டேன் தோழீ ! நான் .........

இந்திரன் உள்ளிட்ட தேவர் குலமெல்லாம்
வந்திருந்து என்னை மகள் பேசி மந்திரித்து
மந்திரக் கோடி யுடுத்தி மணமாலை
அந்தரிநாட்ட கனாக் கண்டேன் தோழீ! நான் .....

நால் திசை தீர்த்தம் கொணர்து நனி நல்கி
பார்பன சிட்ட்ர்கள் பல்லார் எடுத்தேத்தி
பூப்புனை கண்ணிப் புனிதனோடு என்தன்னை
காப்பு நாண் கட்ட கனாக் கண்டேன் தோழீ ! நான்.. 

கதிரொளி தீபம் கலசமுடன் ஏந்தி
சதிரிள மங்கையர்தாம் வந்தெதிர் கொள்ள
மதுரையார் மன்னன் அடிநிலை தொட்டேங்கும்
அதிரப்புகுத கனாக் கண்டேன் தோழீ ! நான் .............

மத்தளம் கொட்ட வரிசங்கம் நின்றூத

முத்துடை தமம் நிறைந் தாழ்ந்த பந்தற்கீழ்

மைத்துனன் நம்பி மதுசுதன் வந்தென்னை

கைத்தலம்பற்றக் கனாக் கண்டேன் தோழீ ! நான் ..

வாய் நல்லார் நல்ல மறையோதிமந்திரத்தால் 

பாசிலை நாணல் பதித்துபரிதிவைத்து 
காய்சின மாகளிறன்னான் என்கைப்பற்றி

தீவலம் செய்யக் கனாக் கண்டேன் தோழீ!  நான் ....

இம்மைக்கும் ஏழேழு பிறவிக்கும் பற்றவான்

நம்மை உடையவன் நாராயணன் நம்பி

செம்மை உடயதிருக்கையால் தாள்பற்றி

அம்மி மிதிக்க கனாக் கண்டேன் தோழீ!  நான் ...

வரிசிலை வாள்முகத்து என்னை மார்தாம் வந்திட்டு
எரிமுகம் பாரித்து என்னை முன்னே நிறுத்தி
அரிமுகன் அச்சுதன் கைமேல் எங்கை வைத்து
பொரி முகம் தட்ட கனாக் கண்டேன் தோழீ! ! நான் .

குங்குமம் அப்பி குளிச்சந்தம் மட்டித்து 

மங்களவீதி வலம் செய்தி மணநீர் 

அங்கவனோடும்உடன்சென்ற றங்கானை மேல்

மஞ்சனமாட்டக் கனாக் கண்டேன் தோழீ!  ! நான் ..

ஆயனுக்காக தான் கண்ட கனாவினை

வேயர் புகழ்வில்லி புத்துர்கோன் கோதை சொல்

தூய தமிழ் மாலை ஈரைந்தும் வல்லவர் 
வாயுநன் மக்களைப் பெற்று மகிழ்வரே ...

ஸ்ரீ ஆண்டாள் திருவடிகளே சரணம்..!

ஓம் நமோ பகவதே ஸ்ரீ வாசுதேவாய..!!