கிறிஸ்துமஸ் திருநாள் ...

வானளந்த திருக்குமரா!மனிதகுல மருத்துவனே!

தேனளந்த திருவாயில் சித்திரங்கள் தீட்டவந்தாய்!

மாணிக்கத் தொட்டிலுக்கு வாய்க்காத பெருமையெல்லாம்

ஆநிரைக் கொட்டிலுக்கு யார்கொடுத்தார் எங்கோவே!

தச்சனுக்குப் பிள்ளையென்றும் தாயொருத்தி கன்னியென்றும்
இச்சனங்கள் சொன்னாலும் இறைவனது திருக்குமரா

கண்ணதாசன்  இயற்றிய இறவாக்காவியம் ஏசு காவியத்தில் ஏசுநாதர் அவதாரம் செய்யும் நிகழ்வை அருமையான தாலாட்டுப் பாடலாய் அலங்கரிக்கிறார் ...

தத்துவ ஞானம் புத்துயிர் பெற்றது யூத நிலத்தினிலே

சத்திய வேதம் நின்று நிலைத்தது தாரணி மீதினிலே!
எத்தனை உண்மை வந்து பிறந்தது இயேசு பிறந்ததிலே!
இத்தனை நாளும் மானிடன் வாழ்வது  இயேசுவின் வார்த்தையிலே!

மண்ணிடை இயேசு மறுபடி வருவார் என்பது சத்தியமே!
புண்கள் இருக்கும் வரையில் மருந்து  தேவை நித்தியமே!
விண்ணர சமையும் உலகம் முழுவதும் இதுதான் தத்துவமே!
எண்ணும் எழுத்தும் எல்லாம் அவரே இயேசுவை நம்புவமே!"

கவியரசு கண்ணதாசன் இயற்றிய 

இயேசு காவியம் இயேசு கிறிஸ்துவின் வரலாற்றைக் கவிதை வடிவில் அழகாகக் கூறும்  நூல் 

 ஏசு காவியத்தை கவிஞர் நிறைவு  செய்து  நம்பிக்கைக்கு அரண் சேர்க்கிறார்..

குளிர்காலம் நீங்குவதை சிறப்பிப்பதோடு  எதிர்வரும் வசந்தகாலத்தை வரவேற்கத் தயாராகின்றஎழுச்சியோடும்மகிழ்ச்சியோடும்,

அமர்க்களமாக உலகம் முழுவதும் கொண்டாடப்படும்திருநாள்கிறிஸ்துமஸ்திருநாள்...

கிறிஸ்துமஸ் மரம் மணிகள், எடை குறைந்த வர்ண உருண்டைகள், நகைகள், இனிப்புகள், மலர்கள், வண்ண அலங்காரங்கள், சிறிய தேவதைகளின் 

திருஉருவங்கள் போன்றவற்றால் 

அலங்கரிக்கப்படுகின்றது. 

“ஜிங்கிள் பெல்ஸ், ஜிங்கிள் பெல்ஸ், ஜிங்கிள் ஆல் த வே”