ரத சப்தமி வழிபாடு

ஓம் அச்வ த்வஜாய வித்மஹே
பாச ஹஸ்தாய தீமஹி
தந்நோ ஸீ ர்ய ப்ரசோதயாத் 

சூரிய காயத்ரி மந்திரம். 

ஜயாய ஜயபத்ராய ஹர்யஸ்வாய நமோ நம:
நமோ நம ஸஹஸ்ராம்ஸோ ஆதித்யாய நமோ நம:

 நம உக்ராய வீராய ஸாரங்காய நமோ நம:
நம: பத்ம ப்ரபோதாய மார்த்தாண்டாய நமோ நம:

தை மாத அமாவாசை நாளுக்கு அடுத்த ஏழாவது நாள் 

ரதசப்தமியாக கொண்டாடப்படுகிறது. 

ஏழு வண்ணங்களைக் கொண்ட ஏழு குதிரைகள் பூட்டப்பட்ட ஒற்றைச் சக்கரம் கொண்ட தேரில் சூரிய பகவான் வானத்தில் வலம் வருவதாக ஐதீகம்... 

சூரிய  ஒளி இல்லா விடில் பூவுலகில் எதுவுமே இருக்க முடியாது. எனவேதான் உயிர்களைக் காக்கும் திருமாலும் சூரியனும் ஒன்றாகக் கருதப் படுகின்றனர். சூரிய பகவானின் ரதத்திற்கு அருணன் சாரதியாக உள்ளார். 

  சூரியனுக்கு ஏழு மிக முக்கியமான ஆலயங்கள் உள்ளன. 

 மிக முக்கியமானது ஒரிசா மாநிலத்திலுள்ள கோனார்க் ஆலயமாகும். 

 கயாவில் தட்சி ணார்க்கா, 

ஆந்திராவில் அரசவல்லி, 

குஜராத் தில் மொதேரா, 

அஸ்ஸாமில் சூர்யபஹார், 

மத்திய பிரதேசத்தில் உனாவோ
போன்ற ஆலயங்கள் மிகவும் பிரசித்தமானவையாகும்

சிவபெருமானின் மூன்று கண்களில் வலது கண் சூரியனாகவும், இடது கண் சந்திரனாகவும், நெற்றிக் கண் அக்னியாகவும் விளங்கும் ஐதீகத்தின் அடிப்படையில்தான் சிவாலயங்களுக்குள் இறைவனை நோக்கியபடி வலது- இடது புறங்களில் சூரியன், சந்திரன் சந்நிதிகள் அமைக்கப்பட்டிருக்கின்றன.

வேதகாலத்தில் உயிர்கள் வாழ்வதற்கு தனது ஒளியினை வழங்கும் சூரிய பகவானை முழுமுதற் கடவுளாக வணங்கினர்.

நாளடைவில் சூரிய பகவானும் திருமாலும் ஒரு தெய்வாம்சத்தின் இருகூறுகள் என்ற அடிப்படையில் சூரியன்,
சூரிய நாராயணர் என்றே வழிபடப்படுகிறார்.

காயத்ரி மந்திரம் என்றாலே அது சூரிய பகவானுக்குரிய மந்திரம்தான். "செங்கதிரோன் ஒளியைத்  தேர்கின்றோம்; அவன் எங்கள் அறிவினைத் தூண்டி நடத்துக!' என்பதே இந்த மந்திரத்தின் தமிழ்ப் பொருளாகும். 

இராமபிரான் இராவணனை வெற்றி கொள்ள சூரிய பகவானைத் துதிக்குமாறு அகத்திய முனிவர் உபதேசித்த ஸ்தோத்திரம்தான் ஆதித்ய ஹ்ருதயம் ஆகும். 

காயத்ரி மந்திரமும் ஆதித்ய ஹ்ருதயமும் நமக்கு சிறந்த ஆரோக்கியத்தையும் அறிவுத் திறனையும் கொடுக்கக் கூடியவையாகும்.

சூரியனுக்குரிய ரதசப்தமி நாளன்று அவருக்குரிய எருக்குச் செடியின் ஏழு இலைகளை உச்சந் தலையின்மீது வைத்துக் கொண்டு ஆறு, குளங்களில் மூழ்கி எழ வேண்டும் என்பது ஒரு சம்பிரதாயம்..   

வைவஸ்வத மனுவின் (விவஸ்வான் என்ற சூரிய பகவானின் வழித்தோன்றல்) ஆட்சியின் முதலாம் நாள் இந்த ரதசப்தமி நாளாகும். 

இது மகாசப்தமி என்றும்; ஜயசப்தமி என்றும் அழைக்கப்படுகிறது.

வேதாந்தத்தின் ஸாரமாகவும் 

மங்களத்தை தருபவரகாவும் உலகிற்கு ஒளியினையும் , 

அழகினையும் அளிப்பவரும் , 

பரிசுத்தமானவரும் , நிலையான அறிவாகவும் , 

உலகை இயங்க வைக்கக் கூடியவரும் , 

அனைத்து தேவர்களாலும் வணங்கப்படுபவரும், 

மூன்று உலகிற்கும் சூடாமணி போல தெய்வங்களான பிரம்மா,விஷ்ணு, சிவன் ஆகிய தெய்வங்களின் ஹ்ருதயத்தில் பிரகாசிப்பவருமான 

சூரிய பகவானை நான் வணங்குகிறேன்.

திருப்பதி   - வைணவ ஆலயங்களில்
ரதசப்தமி மிகவும் சிறப்பாகக் கொண்டாடப் படுகிறது. 

உற்சவருக்குரிய வாகனங்கள் சூரியப் பிரபை,
சந்திரப் பிரபையென்று இரண்டு உண்டு. 

ரதசப்தமி நாளன்று அதிகாலை சூரிய உதயத்தின் போது பெருமாள் சூரிய பிரபை வாகனத்தில் எழுந்தருளி சூரிய நாராயணராக மக்களுக்கு அருள்பாலிக்கிறார்!

Temple Wall with the Head of a Sun God  by Mayan