ஸ்ரீ கர்ண குண்டல ஆஞ்சநேயர்

வஞ்சனை நீக்கும் அஞ்சனை செல்வன்

கதாயுதனை காற்றின் மைந்தனை இன்சொல்

அதேகொண்டு அவனை அனைத்தும் காக்க

சதா சபிடேகம் சாற்றுவர் உவந்து

காக்க காக்க அனுமன் காக்க

நோக்க நோக்க நுணுகி நோக்க

தீர்க்க தீர்க்க தீவினை எல்லாம்

சேர்க்க சேர்க்க செம்பொருள் அனைத்தும்

சொர்ண குண்டலங்கள் அணி செய்ய ஸ்படிகம் போன்ற திருமேனியில் மௌஞ்சி யக்ஞோபவீதம் விளங்க-உதாரமான புஜபலத்துடனும் அபாரமான சக்தியோடும் காட்சி தரும் வாயு புத்திரனைப் பிரார்த்திப்போர்க்கு நல்ல ஆரோக்கியமும் ஆயுளும் விருத்தியாகும்.

வலது திருக்கரத்தில் கதையைத் தாங்கி அணி மார்பில் சீதா ராமரைத் தாங்கித் திருத்தோற்றம் தரும் சிரஞ்சீவி ஸ்ரீ ராமபக்த அனுமானை ஆராதிப்பவருக்கு அவர் அபயவரத ஹஸ்தம் அளித்து என்றென்றும் ஆனந்தம் பொங்க அருள் புரிகிறார். ஸ்ரீ கர்ண குண்டல ஆஞ்சநேயர்

காஞ்சிபுரத்திற்கும் செங்கல்பட்டிற்கும் இடையில் உள்ள திருமுக்கூடல் அப்பன் வெங்கடேச பெருமாள் திருக்கோலில்,அருள்கிறார்..

கடன் தொல்லை உள்ளவர்கள்  மிகவும் சக்தி படைத்த ஸ்ரீ கர்ண குண்டல ஹனுமானை வேண்டிக்கொள்கிறார்கள்.

தேன்குழல் (முறுக்கு) செய்து அமுதுசெய்விப்பதாக நேர்ந்து 
கொள்வது கடன் நிவர்த்திக்கு சிறந்த பரிகாரமாகும்.

பக்தர்கள் தங்கள் கோரிக்கையை அனுமன் நிவர்த்தி செய்தவுடன் நன்றிக் கடன் செலுத்த வருவதிலிருந்து ஹனுமானின் அருளை அனுபவத்தில் காணலாம்.

வாலி, கிஷ்கிந்தாவின் இளவரசனாக இருந்த காலம். அஞ்சனையின் கருவில் உதிக்கப் போகும் அனுமனும் தனது மரணத்துக்குக் காரணமாகப் போகிறான் என்பதை ஜோதிடர்கள் மூலம் அறிந்தான் வாலி.

கருவிலேயே அனுமனை அழிக்க திட்டமிட்டான்.

தங்கம், வெள்ளி, தாமிரம், இரும்பு, வெள்ளீயம் ஆகிய உலோகக் கலவையால் அஸ்திரம் ஒன்றை தயாரித்தான். அஞ்சனை தூங்கும் நேரத்தில், அவள் மீது அஸ்திரத்தை ஏவினான்.

ஆனால், ஆஞ்சநேயன் ருத்ராம்சம் அல்லவா? சிவனருளால் அந்த அஸ்திரம் உருகி, குண்டலங்களாக மாறின; கருவிலேயே அனுமனுக்கு வெற்றிப் பரிசாக அமைந்தன ...