பாகம்பிரியாள்-சங்கரராமேசுவரர் திருக்கல்யாண திருவிழா

 திருவெற்றியூர்  வன்மீகநாதர் பாகம்பிரியாள் ஆலயத்தில் இருக்கும் லிங்கத்தில் சக்தியின் வடிவமும் சேர்ந்து இருப்பதால் அன்னை பாகம்பிரியாள் என்று அழைக்கப்பட்டாள். இங்கு சுவாமி அம்மன் இருவருக்கும் இருஅர்ச்சனைகள் சேர்ந்தே செய்கிறர்கள்.

தூத்துக்குடி சங்கரராமேசுவரர் கோவிலில் ஐப்பசி திருக்கல்யாண திருவிழா விக்னேசுவர பூஜை, புண்யாகவாசநம், பஞ்சகவ்யம், தேவதாநுக்ஞை, வாஸ்து சாந்தி, மிருத்ஸங்கிரஹரணம், அங்குரார்பணம், ரட்சாபந்தனம் ஆகியநிகழ்ச்சிகளுடன் திருக்கல்யாண திருவிழா கொடியேற்றத்துடன் தொடங்கும்.. கணபதி ஹோமம்சுவாமிக்கு சிறப்பு அலங்காரம், அபிஷேகம், ஆராதனைகள் நடக்கிறது. 

 அம்பாள் பல்வேறு அலங்கரிக்கப்பட்ட வாகனங்களில் வீதியுலா வரும் நிகழ்ச்சி கண்கொள்ளாக்காட்சியாகும்..!
 பாகம்பிரியாள் அம்பாள் தேருக்கு எழுந்தருளல், தேரோட்டம் நடைபெறுகிறது. 

பாகம்பிரியாள் அம்மனுக்கு அபிஷேகம், தீபாராதனை,  அம்பாள் தபசுக்கு எழுந்தருளல், சங்கர ராமேசுவரர் விருஷப வாகனத்தில் பாகம்பிரியாள் அம்பாளுக்கு காட்சி தருதல், மாலை மாற்றுதல் ஆகிய நிகழ்ச்சிகளுடன் பாகம்பிரியாள்-சங்கரராமேசுவரர் திருக்கல்யாண திருவிழா நடைபெறும்..!