மகாமகம் திருநாள் ...

அன்னை உமா தேவியார் மாசி மாதத்தில், மக நட்சத்திரத்தில் தக்கனின் மகளாக அவதரித்தாள் என்பதால், மாசி மாதத்தின் பௌர்ணமி நாள் தேவியின் விழாவாகவும் கொண்டாடப்படுகிறது.

புண்ணிய காலங்களில் மிகவும் சிறந்ததாக மகாமகம் கருதப்படுகிறது. 

உலகத்தைப் படைக்க வேண்டி உலகப் பொருட்களின் சாரத்தை ஒரு கும்பத்தில் வைக்க அது நீரில் மிதந்து வரும்போது இறைவன் கும்பத்தை அம்பால் அடித்தபொழுது கும்பத்தின் மூக்கு(கோணம்) உடைந்து வீழ்ந்ததாகவும் அந்த இடமே கும்பகோணம் எனப்பெயர் பெற்றதாகவும் கூறப்படுகின்றது.

   
பிற தலங்களில் செய்யும் பாவம் காசி தலத்தில் தீரும். காசியில் செய்த பாவம் கும்பகோணத்தில் நீங்கும் என்பதே கும்பகோணத்தின் சிறப்பு.

சிவபெருமான் வேடன் உருக்கொண்டு, கும்பத்தின்மீது அம்பெய்து  குடம் உடைந்து அமுதம் வழிந்து எட்டுத் திசைகளிலும் பரவியது. 

குடத்தை அலங்கரித்திருந்த பொருட்கள் வெவ்வேறு இடங்களில் விழுந்து லிங்கங்களாகக் காட்சி அளித்தன.

 குடத்தின் வாய்ப்பகுதி விழுந்த இடம் குடவாயில் எனப்பட்டது.

குடத்திலிருந்த அமுதம், கும்பகோணத்தைச் சுற்றியுள்ள திருவிடைமருதூர், திருநாகேஸ்வரம், தாராசுரம், சுவாமிமலை, திருப்பாடலிவனம் ஆகிய ஐந்து தலங்களிலும் பாய்ந்து  செழுமையாக்கியது.

அதன் பிறகு பிரம்மா படைப்புத் தொழிலைத் தொடங்க சிவபெருமான் அனுமதிக்க, பிரம்மன் மனம் மகிழ்ந்து பூர்வ பட்சத்தில் வரும் அசுவதி நட்சத்திர நாளில் கொடி யேற்றம் செய்து, பெரு மானையும் தேவியையும் எட்டு நாட்கள் வெவ்வேறு வாகனங்களில் எழுந்தருளச் செய்தார்.

ஒன்பதாவது நாள் மேரு மலையைப்போல் உயர்ந்த தேர் செய்து, அதில் பஞ்ச மூர்த்திகளை எழுந்தருளச் செய்தார்.

 பத்தாவது நாளான மக நாளில் பஞ்சமூர்த்திகளை வீதி உலா வரச் செய்து, மகாமகத் தீர்த்தத்தில் தீர்த்தம் கொடுக்கும் மாசி மக விழாவை ஆரம்பித்து வைத்த அடிப்படையில்தான் மாசி மக விழா ஒவ்வொரு ஆண்டும் கொண்டாடப் படுகிறது.

மாசி மகத்தில் புண்ணிய தீர்த்தங்க ளைத் தரிசிப்பதும் தொடுவதும்
பருகுவதும் அதில் நீராடுவதும் புண்ணியத்தைத் தரும்; 

பாவங்கள் தொலையும்.  தீர்த்தக் கரைகளில் தர்ப்பணம்,
பிதுர்க்கடன் ஆகியவை செய்தால், அவர்கள் பாவங்கள் நீங்கி
நற்கதி பெறுவர் என்பது நம்பிக்கை.

வருண பகவானுக்கு பிரம்மஹத்தி தோஷம் ஏற்பட்டபோது, அவர் கடலில் கட்டிப் போடப்பட்டிருந்தார். 

வருண பகவானது செயல்பாடுகள் இன்றி அனைவரும் துன்புற்ற னர். வருண பகவானை விடுவிக்கும்படி தேவர்கள் சிவபெருமானிடம் பிரார்த்தனை செய்தனர்.  

ஈசன்  வருண பகவானை விடுவித்த தினம் மாசி மக நாள். 

தோஷம் நீங்கப் பெற்ற வருணன் சிவபெருமானை நோக்கி, "மாசி மக நன்னாளில் தீர்த்தம் ஆடி வழிபடுகிறவர்கள் தங்கள் பாவங்கள் நீங்கப் பெற்று நற்பலனைப் பெற அருள வேண்டும்' எனக் கேட்டுக் கொண்டதால் சிவபெருமான் அவ்வாறே வரமருளினார்