சுக பாக்கியங்கள் அருளும் ஸ்ரீ பாதுகா சஹஸ்ரம்

நாராயண மந்திரம் – அதுவே நாளும் பேரின்பம்
பிறவியில் வந்த பந்தங்கள் தீர்த்து….பரமன் அருள் தரும் சாதனம்…

உடலினை வருத்தி மூச்சினை அடக்கும் தவத்தால் பயனில்லை!
உயிர்களை வதைத்து ஓமங்கள் வளர்க்கும் யாகங்கள் தேவையில்லை!
மா தவா மது சூதனா என்ற மனதில் துயரமில்லை

ஆதியும் அந்தமும் =நாராயணனே அன்னையும் தந்தையும் = நாராயணனே
பக்தியும் முக்தியும் = நாராயணனே பகலும் இரவும் = நாராயணனே

நாராயணா அரி நாராயணா நாராயணா லட்சுமி நாராயணா
நாராயணா அரி நாராயணா நாராயணா லட்சுமி நாராயணா

ஸ்ரீ வைஷ்ணவ சிம்மம், கருணா மூர்த்தி, ஸ்ரீ இராமனுசரின் தத்துவங்களை பரப்புவதையே முழுப்பணியாக கருதியவர் ஸ்ரீ நிகமாந்த மஹா தேசிகர் 

கண்ணனடியினை எமக்குக் காட்டும் வெற்பு
கருதுமவர் இருவினையும் கடியும் வெற்பு
திண்ணமிது வீடென்னத் திகழும் வெற்பு
......... ......... ............ . .................
வேங்கட வெற்பு என விளங்கும் வேத வெற்பே

திருவரங்கத்தில் குடிகொண்டுள்ள இறைவனின் திருவடிகளை மையமாக வைத்து பாதுகா சஹஸ்ரம் என்ற ஸ்லோகத்தையே ஸ்ரீ வேதாந்த தேசிகர் என்னும் வைணவப் பெரியவர் இயற்றியிருக்கிறார். 

முழுக்க முழுக்க இறைவனின் திருவடிப் பெருமைகளையே உரைக்கும் இந்த சுலோகங்களில் ஒவ்வொரு பாடலுக்கும் ஒவ்வொரு பலன் இருக்கிறது.  ஒரே இரவுக்குள் இந்த “பாதுகா சஹஸ்ரம்” என்ற ஆயிரம் ஸ்லோகங்கள் முழுவதையும் அவர் எழுதி முடித்தார் என்பது 
இதன் சிறப்பு. 

வடமொழிக்கு இணையாக தமிழ்மொழியும் தெய்வத்தன்மை உடையது என்று கூறியவர் இவர். 

உபய வேதாந்தம் எனும் கொள்கையை உருவாக்கி கோயில்களில் வடமொழியோடு ஆழ்வார்களின் திருமொழியும் இடம்பெறுமாறு செய்தவர் 

மாலிக்காபூர் படையெடுப்பின் போது திருவரங்கக் கோயிலைக் காத்தவர்களுள் ஸ்ரீ நிகமாந்த மஹா தேசிகரும் ஒருவர்.

திருமலையில் வெள்ளிக்கிழமை திருமஞ்சனத்திற்கு (நீராட்டல்) முன் தேசிகரின் அடைக்கலப்பத்து இன்றும் பாடப்பெற்றுவருவது சிறப்பு..

ஆழ்வார்கள் அருளிய பிரபந்தங்கள், வடமொழி வேதத்திற்கு இணையானவை என நிலைநாட்டியவரும். சரணாகதித் தத்துவத்தை நிலைபெறச் செய்தவரும் ஸ்ரீ நிகமாந்த மஹா தேசிகரே ஆவார் !

ஸ்ரீவில்லிப்புத்தூர் கோதையைத் தொழுது, ‘கோதாஸ்துதி’ பண்ணினார்
ஸ்ரீ தேசிகர்

ஸ்ரீ பாதுகா சகஸ்ரம் என்னும் கரந்தத்தை ஒரே ஒரு இரவில் இயற்றி முடித்தார். மகிமை மிகப் பொருந்திய இந்த நிரதிசய க்ரந்தம் எழுதுகையில் பொங்கிய உள் ஆனந்தமும் பிரகாசமும் நிறைந்தது

 பரதன் ஸ்ரீஇராமரின் பாதுகைகளைக் கொண்டு, நந்தி கிராமத்தில் வைத்து பூஜித்து, ஸ்ரீ இராமரை நினைத்தே இராஜ்ஜியம், பதிநான்கு வருடம் நடத்தினான். 

ஸ்ரீ மஹா தேசிகரின் ஸ்ரீ பாதுகா சகஸ்ரம் என்னும் படைப்பு, காலம் கடந்ததா அல்லது காலத்திற்கு உட்பட்டதா? 

அற்புதமான பதங்கள், ஆழ்வார்களின் திரு கல்யாண குணங்களோடு அமைந்திருக்கும் பாதுகா சகஸ்ரம். உயிர்களுக்கு ஆதாரமான ஆனந்தமும், பேரறிவுமே இரண்டு பாதங்களாகக் கொண்ட, ஜீவர்களுக்கு (உயிர்களுக்கு) உய்ய இனி காலத்தில் சுழலாது இருக்க பிறவியறவே ஏற்படுத்திய பாசுர பதங்கள் கொண்டுள்ளது 

ஸ்ரீமாந் வேங்கட நாதார்யா : கவிதார்க்கிகேஸரீ 
வேதாந்தசார்யவர்யோ மே ஸந்நிததத்தாம் ஸதாஹ்ருதி

என்று சொல்லி பாதுகா சஹஸ்ரத்தை அருளிய நிகமாந்த தேசிகரை மனதால் நினைத்து வணங்கவேண்டும்.

சுக பாக்கியங்கள் ஏற்படுவதற்கு  50 வது சுலோகத்தை ஜபிக்கவேண்டும்.

பரிஸர விநதாநாம் மூர்த்நி துர்வர்ண பங்க்திம்

பரிணமயஸி சௌரே: பாதுகே த்வம் ஸுவர்ணம்

குஹகஜந விதூரே ஸத்பதே லப்த வ்ருத்தே:

க்வநு கலு விதித: தே கோப்யஸௌ தாதுவாத:

பாதுகையே! உன்னைத் தங்கள் தலைகளில் ஏற்றுக்கொண்டவர்களுக்கு நீ செய்வது என்ன? அவர்கள் தலைகளில் கெட்ட எழுத்துக்களால் எழுதப்பட்டுள்ளவற்றை (தலை எழுத்து) தங்கத்தால் எழுதப்பட்ட 

நல் எழுத்துக்களாக நீ மாற்றி விடுகிறாய். 

உன்னைத் தீய மக்கள் அண்டிவிடாதபடி நீ வெகு தூரத்தில் உள்ளாய்; 

இப்படிப்பட்ட ரஸவாதவித்தையை நீ எங்கு கற்றாய்? 

என்பது பொருளாகும் 

சாதாரண பொருள் ஒன்றைத் தங்கமாக மாற்றும் வித்தைக்கு 

ரஸவாதம் என்று பெயர். 

இங்கு மக்களின் தலை எழுத்துக்கள் சாதாரணமாக உள்ளன. 

ஆனால் பாதுகையைத் தங்கள் தலையில் ஏற்பவர்களின் 

தலை எழுத்தானது தங்கமாக மாறி விடுகிறது. 

இதனால் அவர்களும் இந்த உலகத்தில் தங்கம் போன்று 

அனைவராலும் போற்றும்படியாக மாறிவிடுகின்றனர்.

தங்கத்தால் செய்யப்பட்ட சடாரிதான் நம்முடைய 

தலை எழுத்தைத் தங்கமாக மாற்றும் என்று அவசியம் இல்லை. 

இந்த வெள்ளிச் சடாரியும் மாற்றும்.

உக்கமும் தட்டோளியும் தந்து உன் மணாளனை
இப்போதே எம்மை நீராட்டேலோரெம்பாவாய்