ஜோதியில் அருளும் ஸ்ரீ சௌந்தர்யபூஷணி

ஆனந்த மாய் என்அறிவாய் நிறைந்த அமுதமுமாய்

வானந்தமான வடிவுஉடை யாள்மறை நான்கினுக்கும்

தானந்த மான சரணார விந்தம் தவளநிறக்

கானந்தம் ஆடரங் காம்எம்பி ரான்முடிக் கண்ணியதே.

ஐம்பூத வடிவாகத் திகழ்பவள் அபிராமி. அமிர்தமாகவும், அறிவாகவும், ஆனந்தமாகவும் விளங்குகிறாள். வேதங்களாலும் அறிய முடியாத அம்பிகையின் திருவடித் தாமரைகள் திருவெண் காட்டிலே (சுடலையில்) திருநடமிடும் எம்பிரானின் தலை மாலையாக விளங்குகின்றன

துணையும் தொழுந் தெய்வ மும்பெற்ற தாயும் சுருதிகளின்

பணையும் கொழுந்தும் பதி கொண்ட வேரும் பனிமலர்பூங்

கணையும் கருப்புச்சிலையுமென் பாசாங்குசமும் கையில்

அணையும் திரிபுர சுந்தரியாவது அறிந்தனமே.

அழகிய மலரினை அம்பாகவும், இனிய கரும்பினை வில்லாகவும் , பாசமும் அங்குசமும் கரங்களில் பெற்றிருக்கும் திரிபுரசுந்தரியே! 

எமைப் பெற்ற தாயே! நீ வேதமாகவும் அவற்றின் கிளை (சாகை) களாகவும், துளிகளாகவும் (உபநிடதம்) அதன் வேராகவும் (பிரணவம்) விளங்குகிறாய் என்பதை அபிராமியின் தெய்வீக அருளால் அறிந்துணர்ந்தோம்.

ஸ்ரீசரஸ்வதி வெளிப்பட்ட தினம் தை மாதத்தில் வரும் வளர்பிறை பஞ்சமி  ‘வசந்த பஞ்சமி’ என்று கொண்டாடப்படுகிறது..!

கல்வி, இசை, நாட்டியம், நாடகம் மற்றும் அனைத்துக் கலைகளுமே ஸ்ரீசரஸ்வதியின் எழில் ரூபங்கள் என்று ஆகமங்கள் கூறுகின்றன.

நாகர்கோயில் பார்வதிபுரம் ஸ்ரீ ஐயப்பன் கோயில் அருகில் அமைந்துள்ள

ஸ்ரீ வனமாலீஸ்வரர் கோயிலில் பிரம்மா உருவாக்கித் தந்ததாகக் கூறப்படும்108 கிலோ எடையுள்ள சரஸ்வதி விக்கிரகம் உள்ளது.

பிரமிப்பைத் தரும் விதத்தில் தங்க சரஸ்வதி எழுந்தருளியுள்ளாள். 

சரஸ்வதியை வழிபடும் பக்தர்களுக்கு சிவப்பு நிறத்தினால் ஆன 

‘ரக்த சந்தனம்’ பொடி, பிரசாதமாக வழங்கப்படுகிறது.

சரஸ்வதி தியான ஸ்லோகம்
ஸரஸ்வதி நமஸ்துப்யம் வரதே காமரூபிணி
வித்யாரம்பம் கரிஷ்யாமி ஸித்திர் பவதுமே ஸதா

சதுர்புஜம் சந்த்ரவர்ணாம் சதுரானன வல்லபாம்
நமாமி தேவி வாணீத்வாம் ஆச்ரிதார்த்த ப்ரதாயினீம்
பாஹி பாஹி ஜகத்வந்த்யே நமஸ்தே பக்தவத்ஸலே
நமஸ்துப்யம் நமஸ்துப்யம் நமஸ்துப்யம் நமோ நம:

விளக்குப் பூஜையில் விளக்கு எரிந்து, அதனால் இருள் விலகி, அங்கு ஒளி பிரகாசிக்கிறது.விளக்கு தன்னையே அழித்துக்கொண்டு, மற்றவர்களுக்கு வெளிச்சம் தருகிறது. 

டெல்லியில் தென்னாட்டவர் நிறைந்தப் பகுதியான் ஜனக்புரி என்ற இடத்தில் ஜோதியில் அம்பாள் அருள் புரியும்  கோவில்இருக்கிறது. 

24 மணி நேரமும் விடாமல் தீபம் எரிந்த வண்ணம் இருக்க, அதை உன்னிப்பாகக் கவனிப்போமானால் அம்பாள் அங்கு அமர்ந்து அருள் புரிவது விளங்கும்.

அங்கு ஸ்ரீராஜராஜேஸ்வரியும் சௌந்தர்யபூஷணியாக நின்றபடி 
அருள் புரிகிறாள். அங்கு ஜோதியிலேயே அன்னையைதரிசிக்கலாம்..!


இருளில் உள்ள பொருள்களை தனது ஒளிவிடும் சுடரினால் 
விளங்கும்படி செய்வதனால் அது விளக்கு என்று ஆயிற்று.

தை மாத வெள்ளிக்கிழமை என்பது மகாலட்சுமியின் பரிபூரண 

அருளைப் பெறுகிற அற்புத நாள்.அம்பாளை வழிபட்டு சுக்கிர வார 

விரதம் மேற்கொள்ளுவதால் சகல சௌபாக்கியங்களும் ஏற்படும். 

மீனாட்சி கண்ணாலேயே கருணை செய்யும் மேன்மை மிக்கவள். 

விசாலாட்சி இகத்திற்கு இதமளிக்கும் சக்தியாகும்..

காமாட்சி இரு கண்களிலும் கருணை பொழிந்து நலன்களை 
அருளும் சகல சக்தியும் வாய்ந்த தெய்வமாக திகழ்கிறாள்..!

சுக்கிர வார விரதத்தால் சகல சக்தியும் வாய்ந்த அம்பாள் 
சகல சௌபாக்கியங்களும் அருள்வாள்.