பழத்தோட்டங்கள்... பணத்தோட்டங்கள்....

முக்கனிகளில் முதல் இடத்தைப் பிடிக்கும் இனிய மாம்பழத்தை அம்மையப்பனைச் சுற்றி வந்து ஞால முதல்வனாம் கணபதி பெற்றதற்கு ஆண்டியின் கோலமுற்று பழம் நீ என்று ஔவையால் பாடப் பெற்ற பழனி மலை மேல் நின்று அருள் புரியும் ஞானப்பழம் முருகன்.போக முனிவரால் அபூர்வ நவபாஷாண முருகனும், போகரின் அருளாட்சிபுரியும் ஜீவசமாதியுமாக தொன்மையான தலம்.

இத்தகைய தொன்மைக்கும், பழமைக்கும் ஆஸ்திரேலியாவில் சரித்திரம் கிடைக்கவில்லை. மிஞ்சிப்போனால் முன்னூறு ஆண்டு சரித்திரக்குறிப்புகளே கொண்ட நாடு.

அவர்கள் அந்நாட்டு பழத்தோட்டங்களை சுற்றுலா மையமாக்கி, ஐந்து நட்சத்திர தங்கும் விடுதிகள்,நீச்சல்குளங்கள், பொழுதுபோக்கு அம்சங்கள், பார்கள், உல்லாச ஏற்பாடுகள் ஆகியவற்றை ஏற்படுத்தி விடுமுறை தினங்களையும், வாரவிடுமுறையையும் இனிமையாக்கிக் கொள்கின்றனர். 

ஆஸ்திரேலியாவில் பவன் மாம்பழ்ம் பிரபலமானது. வருடம் முழுவதும் வெப்பமுள்ள வட குயின்ஸ்லாந்து மாநிலத்தின் காலநிலையே இந்த மாம்பழ உற்பத்திக்கு ஏற்றதாயினும்,நியூசவுத் வேல்ஸின் கடற்கரையோரப் பகுதிகளிலும் உற்பத்தி நடை பெறுகிறது. என்றாலும் குயின்ஸ்லாந்து பவன் மாம்பழத்திற்குத்தான் அதிகமான வரவேற்பு உண்டு

வட குயின்ஸ்லாந்தில் பவன் (Bowen) எனும் இடத்தில் விளைவதால் பவன் என்ற சிறப்புப் பெயர் பெற்ற மாம்பழம். பவன் நகரத்திலிருந்து 4 கி.மீ தூரத்தில் (The BIG Mango) "ஒரு பெரிய மாம்பழம்" என்ற இடம் சுற்றுலாப் பிரயாணிகளைக் கவரும்வண்ணம் அமைந்திருக்கிறது. இந்த இனிய மாம்பழம் பவன் நகரத்தின் பெயருக்குப் புகழ் சேர்ப்பதால்அங்கு "ஒரு பெரிய மாம்பழம்" செயற்கையாகச் செய்யப்பட்டு இருக்கிறது.நம் ஊரில் எது எதற்கோ கட் அவுட் வைத்து நகரை மாசுபடுத்தும் கலாச்சாரம் ஏனோ நினைவுக்கு வருவதைத் தவிர்க்க முடியவில்லை.

ஐரோப்பிய குடியேற்ற ஆரம்ப காலங்களில் வடகுயின்ஸ்லாந்திற்கும் தென்கிழகாசியாவிற்கும் இடையிலான வியாபார கப்பல்களின் வழியாக மாம்பழங்கள் அறிமுகப் படுத்தப்பட்டதாகக் கூறப்படுகிறது. ஆஸ்திரேலியாவில் மிகவும் பிரபலமான மாம்பழம் கென்சிங்டன் (Kensington Pride or Bowen Special) அல்லது பவன் எனப்படும் விசேடசமான மாம்பழந்தான்.

இது கடும் மஞ்சள் நிறமுடைய அடிப்பாகத்தில் சிவப்பு நிறமுடைய பெரிய மாம்பழமாகும். இந்த மாம்பழம் தும்பற்ற, சதைப்பிடிப்புள்ள, வைட்டமின் "சீ" நிறைந்த மிக இனிப்பான மாம்பழம் ஆகும்.

பவன் (BOWEN) மாம்பழம் என அழைக்கப்படும் கென்சிங்டன் பிறைட் (Kensington Pride) இன மாம்பழம்தான் ஆஸ்திரேலியாவிலேயே மிகச் சிறந்த மாம்பழம் எனில் தவறாகாது. அண்மைக் காலத்தில் கிளென்,நாம் டொக் மாய், ஏளி பேட், புளோரிகன், ஆன், இர்வின், கென்ற் (Glenn, Nam Dok Mai, Early Gold, Florigan, Ann, Irwin,Kent) என்ற பல வகை மாம்பழங்கள் சந்தைக்கு வந்தபோதும், அவற்றில் எந்த மாம்பழமும் பவன் மாம்பழத்தின் ருசிக்கு ஈடுகொடுக்க முடியவில்லை. . இப்படி எத்தனை மாம்பழங்கள் இருந்தாலும் அனைவருக்கும் பிடித்ததும் (BOWEN)மாம்பழம்தான். தித்திப்பான சதைப் பிடிப்புள்ள மிகவும் பெரிய பழம். தெவிட்டாத சுவையுடையது.

இந்த பவன் மாமரம் நடுத்தரத்திலிருந்து பெரிய மரம் வரை காணப்படுகிறது. இம் மரம் இந்தியாவில் தோன்றியதாக முதலில் கருதப்பட்டாலும், மிக நெடுங்காலமாக இம்மாம்பழ உற்பத்தி இடம்பெற்று வருவதால் உண்மையில் இது எங்கு தோன்றியது எனச் சொல்வது கடினமெனக் கருதப்படுகிறது.

திறமான மாம்பழக் கொட்டையிருந்து பவன் மாமரம் உற்பத்தி செய்யப்படுகிறது. இந்தக் கொட்டை பல மாங்கன்றுகள் முளைக்கக் கூடிய தன்மையைக் கொண்டதாம். அண்மைக் காலத்தில் நியூசவுத் வேல்ஸ் போன்றஏனைய இடங்களில் "ஒட்டு இன பவன்" மாமர உற்பத்தி இடம் பெற்றுவருகிறது.

Jucy Van at the Big Mango 

the 2nd Anniversary party at The Big Mango was a success. 

The Big Gumboot - Tully, QLD

இதே மாதிரி பழத் தோட்டங்களை எல்லாம் சுற்றுலா மையங்களாக்கி அந்தந்த பழங்களை பெரிய பெரிய அளவில் காட்சிப் பொருளாக்கி, மகிழ்விக்கிறார்கள். பழப்பதனிடுதல், செல்லப்பிராணிகள் பராமரித்தல்,உணவகம், போட்டிப் பந்தய மைதானங்கள், விளயாட்டு ரயில் என்று விடுமுறையைக் குடும்பத்தோடு களித்துக் கொண்டாடிக் கழிக்க எத்தனை எத்தனையோ நவீன வசதிகளை ஏற்படுத்தியிருக்கிறார்கள். ஒவ்வொன்றும் ஒவ்வொரு தனி மாயாஜால உலகம் போல் சிருஷ்டித்திருக்கிறார்கள்.

Big Mango Bar

Breakfast area under the big mango tree

The View

Entry

The Overflow Pool

இதோ அந்தந்த பழத்தோட்டங்களின் படங்கள்!

இது ஆஸ்திரேலியாவின் அவகேடோ பழத்தோட்டம்






 
 

The Big Cherries - Young, NSW