ஜில்லென்று ஐஸோ ஐஸ் நியூஸ்..ஸ்..ஸ்

 ஐஸ்கிரீம் விதம் விதமாய் சாப்பிட குழந்தைகளுக்குப் பிடிக்கும்.

 ஐஸ் கட்டிகளால் உருவாக்கப்பட்ட தங்கும் விடுதி வேண்டுமென்று உங்களில் யாராவது ஆசைப்பட்டதுண்டா? 
அப்போ இது உங்களுக்கான செய்தி.

ஸ்வீடனில் உள்ள கிருனா(Kiruna)விலிருந்து 17கி.மீ. தூரத்தின் இருக்யுகஸ்யார்வே (Jukkasjärvi) கிராமம். 

1990ஆம் வருடத்திலிருந்து ஒவ்வொரு வருடமும் டிசம்பர் மாதத்தில் 
பனி மற்றும் ஐஸ் கட்டிகளாலான இந்த 'ஐஸ் ஹோட்டல் (ICEHOTEL)' உருவாக்கப்படுகிறது. 

டிசம்பர் முதல் ஏப்ரல் வரை இந்த ஐஸ் ஹோட்டல் உபயோகத்தில் இருக்குமாம். 

உலகத்தின் முதல் ஐஸ் ஹோட்டல் என்ற பெருமை இதற்கு உண்டு. 

ஒரு முறை ஐஸ் ஹோட்டலை உருவாக்கிட 10,000 டன்கள் ஐஸும், 
30,000 டன்கள் பனியும் தேவைப்படுகிறதாம். 

எதுக்கு இவ்வளவுன்னு நினைக்கறீங்க இல்லையா? 

ஹோட்டலின் அறைகள் வடிவமைப்புக்கு மட்டுமில்லாம, ஹோட்டலுக்குள் இருக்கும் தூண்கள், சிற்பங்கள், அலங்கார விளக்குகள், அலங்காரப் பொருட்கள், படுக்கைகள், இருக்கைகள் இப்படி எந்த பக்கம் பார்த்தாலும் ஒரே ஐஸ்மயமாயிருக்குமாம். 

எங்கிருந்து கிடைக்குது இவ்வளவு ஐஸ் கட்டிகள்ன்னு யோசித்தால், 
அந்த கிராமத்திலிருக்கும் டோர்னே (Torne) நதியிலிருந்து ஹோட்டல் 
கட்டத் தேவையான ஐஸ் கட்டிகள் கிடைக்கிறதாம்.

ஒவ்வொரு வருடமும் உலகத்தின் பல்வேறு நாடுகளிலிருந்தும் கலைஞர்களை வரவழைத்து அழகான, கலை நயத்துடன் கூடிய 
ஹோட்டலை வடிவமைக்கிறார்கள். இரவில் தூங்கும் போது 
அங்கே நிலவும் வெப்பநிலையின் அளவு -5 டிகிரி செல்ஸியஸ்.!! 

எல்லாம் சரி! எதற்காக இந்த ஐஸ் ஹோட்டலை உருவாக்கணும்?

ஸ்வீடனில் கோடை காலத்தில மட்டுமே காணப்படும் சுற்றுலாப் பயணிகளின் எண்ணிக்கையை அதிகரிக்கவும்,
குளிர் காலத்தில் சுவாரஸியமாக பொழுதுபோக்கும் வகையில் உங்களுடைய கிராமத்தில் என்ன இருக்கு என்ற கேள்விக்கு விடையாகவும் இந்த ஐஸ் ஹோட்டலை உருவாக்கியிருக்கிறார் இந்த ஹோட்டலின் ஸ்தாபகர்
Yngve Bergqvist.

இப்போது சில வருஷங்களாக தங்கும் அறைகள் மட்டுமில்லாமல் தேவாலயம், கடை, பொருட்காட்சிகளையும் ஐஸ் கட்டிகளால உருவாக்கி அசத்திக் கொண்டிருக்கிறார்கள்.

ஸ்வீடன் நாட்டின் தலைநகரான ஸ்டாக்ஹோமிலிருந்து சுமார் 1350 கீமி தொலைவில் இருக்கிறது Kiruna நகரம். 

அங்கிருந்து மிக அருகில் இருக்கும் ஒரு சின்ன கிராமம்தான் Jukkasjärvi (ஜுக்காசார்வி). இங்குதான் முழுக்க முழுக்க ஐஸால் செய்யப்படும் 
அதிசய ஐஸ் ஹோட்டல் உள்ளது.

 அதென்ன "செய்யப்படும்" என்று கேட்கிறீர்களா? ஒவ்வொரு வருடமும் winter இல் கட்டப்பட்டு பிறகு summer இல் கரைந்து ஓடிவிடுகிறது. 

தன் முயற்சியில் சற்றும் மனம் தளராத விக்கிரமாதித்தன் போல ஒவ்வொரு வருடமும் இந்த அதிசயம் கட்டப்படுகிறது! 

என்ன இந்த ஐஸ் ஹோட்டல் இருக்கும் கிராமத்தில் இருந்து 
Artic Circle 200 கீமீ தூரம்தான்.

1990 ஆம் வருடத்தில்தான் இந்த ஹோட்டல் முதலில் கட்டப்பட்டது.

அதன் பின்னர் ஒவ்வொரு வருடமும் வேறுவேறு designகளில் கட்டப்படும் இது ஒரு இன்ஜினியரிங் அற்புதம்.

Torne River எனும் ஒரு ஜீவ நதி பனிக்காலத்தில் உறைந்து போய்விடும் போது இந்த ஐஸ் ஹோட்டல் சடுதியில் கட்டப்படுகிறது.

பிரத்யேகமாக ஒவ்வொன்றாக மெனக்கெட்டு ஒரு நவீன ஹோட்டலின் எல்லா வசதிகளையும் ஐஸில் கொண்டு வந்து பார்ப்போரை அசர வைக்கிறார்கள்.

கடந்த பல வருடங்களாக சலிக்காமல் புதிதுபுதிதாக இந்த ஐஸ் ஹோட்டல் கட்டப்படுகிறது.

Winter வரும்போது கட்டப்படும் இந்த ஹோட்டல் மறுபடியும் summer இல் உருகி Torne River இல் ஐக்கியமாகி விடும்போது மிஞ்சுவது அதைப்பற்றிய நினைவுகளும் அதனுடைய புகைப்படங்களும்தான்.

Specially designed glass items for ICEHOTEL. Unique, 
 only available at ICEHOTEL.

அடுத்த ஐஸ் நியூஸ்...

மிகவும் அபூர்வமாக தோன்றுகின்ற "ஐஸ் வளையம்'

சுமார் 10அடி விட்டம் கொண்ட அந்த "ஐஸ் வளையம்' நீரின் நடுவில் அழகாக சுழன்றுகொண்டிருக்க்றது.  

ஆற்றின் நடுப்பகுதியிலே ஏதோ ஒரு தட்டு போல் அழகாக சுழன்று கொண்டிருக்கும் அதிசயகாட்சி. 

மெதுவான நீர் ஓட்டத்தினைக் கொண்ட ஆற்றில், குளிர்காலங்களில் இப்படியான ஐஸ் வளையங்கள் தோன்றுமாம். 

மிகவும் அபூர்வமாக தோன்றும் இந்த அதிசய ஐஸ் வளையம் குறுகிய நேரத்தில் இல்லாமலும் போய்விடுமாம் அல்லது உறைந்துவிடுமாம்.

வடதுருவத்தில் ஐஸ் வேகமாக உருகுகிறது: விஞ்ஞானிகள் கவலை

வெவ்வேறு நாடுகளிலும் ஐஸ் ஹோட்டல்கள்..

பாவம் பர்ஸும் உருகும்.. நடந்தால் வழுக்கும்..

Hotel de Glace Quebec, Canada

Chena Hot Springs Ice Palace

ALTA IGLOO HOTEL – ALTA, NORWAY

Harbin China Ice & Snow Festival 

பனி விழும் மலர்வனம்.. உன் பார்வை ஒருவரம்...