தங்கமே தங்கம் புத்தம் சரணம்

 இனிய தாய்லாந்து பயணத்தில் கண்களையும் கருத்தையும் நிறைத்தது

பத்தரை அடி உயரத் தக தகக்கும் தங்கச்சிலை புத்தர்.
பத்தரை மாற்றுத் தங்கம்... சாலிட் கோல்ட்! 

வாட் ட்ரைமித்" அல்லது "டெம்பிள் ஆஃப் கோல்டன் புத்தா" வில் புத்தர் சிலை 5.5 டன் எடையுடன் முழுவதும் தங்கத்தால் ஆனதாம்..

900 வருடங்களுக்கு முன்னால் செய்யப்பட்ட இந்த சிலை பர்மீஸ் படையெடுப்பின் போது கொள்ளையடிக்கப் படாமல் தடுக்க மேலே சாந்துக் கலவையினால் பூசப்பட்டு மறைக்கப் பட்டதாம்.

 உண்மையான மதிப்பு யாருக்கும் தெரியாமல் அப்படியே இருந்திருக்கிறது.

1957 ஆம் வருடம் ஒரு கோவிலிலிருந்து இன்னொரு கோவிலுக்கு சிலையை மாற்றும் போது கிரேனிலிருந்து தவறி விழுந்ததில் மேல் பூச்சு சிதற உள்ளிருந்த தங்க விக்கிரகம் வெளித் தெரிந்ததாம் 

அப்போது வெட்டி எடுத்த மண்ணை கண்ணாடி
பெட்டிக்குள் வைத்திருகிறார்கள்!

மொத்த உலகத்திலேயே பெரிய தங்க புத்தர் என்ற பெருமையோடு கோவிலில் குடி புகுந்த. புத்தருடைய உயரத்துக்கும் பருமனுக்கும்

( பனிரெண்டரை அடி அகலம்) தகுந்தபடி ஒரு மேடையில் காட்சியளிக்கிறார். 

உள் அலங்காரம் கையால் வரைந்த சித்திரங்கள் உள்ள சுவர்களுடன் பார்க்க எளிமையாகவும் அதே சமயம் ஒருவித ஆடம்பரமாக கருத்தைக் கவர்ந்தது.

நாமெல்லாரும் களிமண் புத்தர் சிலைகள்தான். 

நம் மீதுள்ள களி மண் பாளங்களை அகற்றினால் நமது தங்கம் வெளிப்படும்.

ஒவ்வொருவருக்குள்ளும் ஒரு தங்கப் புத்தர் உள்ளார் என்பதை உணர்த்துகிறதோ!

மக்கள் கூட்டம்கூட்டமாக வந்து கும்பிட்டு மலர்மாலைகள், ஊதுவத்திகள், ஒருவித மஞ்சள் நிறமான துணி அடங்கிய பொதி என்று வழிபாடு செலுத்துகிறார்கள்.

இந்தக்கோவிலுக்கு வந்து கும்பிட்டால் அதிர்ஷ்டமாம்.

டன் கணக்கிலான தங்கத்தினால் ஆன புத்தரின் பொன் புன்னகையும், வணங்கி வழிபட வந்த தாய்லாந்து பெண்களின் இனிய புன்னகையுடன் கூடிய சிரத்தையான வழிபாடும் சிந்தையைக் கவர்ந்தது.  

வளாகத்துக்குள்ளே இன்னொரு புத்தர் கோவிலும் அதிலே ஒரு அமர்ந்த நிலை புத்தரும் கட்சியளித்தார்கள்.

புத்த பிக்ஷூ ஒருவர் சிகப்பு மேடையில் அருகில்போய் வணங்கியவர்களுக்கு ஆசிகள் வழங்கிக்கொண்டு இருந்தார். . மியூஸியம் காணக்கிடைத்தது

Thailand-Bangkok-Wat-Pho-temple-golden-figure...

golden Buddha statue inside the temple, ...

தாய்லாந்தில் நிறைய இடத்தில் "சயன கோலத்தில் புத்தர்" இருக்கிறார். 

தாய்லாந்து மொழியில் "வாட் போ" அல்லது ஆங்கிலத்தில் "ரிக்ளைனிங் புத்தா" என்று அழைக்கப்படும் கோவிலில் புத்தர் நம்ம ஊர் அனந்த சயனப் பெருமாள் மாதிரி படுத்துக் கொண்டிருக்கிறார்

இந்த சிலையின் நீளம் 165 அடி மற்றும் உயரம் 45 அடி. 1788 ல் 
கட்டப்பட்டு  1982-ல் புதுப்பிக்கப் பட்டதாம்.

  Reclining Buddha

அள்ளிமுடிந்த கொண்டையில் சுருள்சுருளான முடிகள் 
கவனத்தைக் கவர்ந்தது.

 அருமையான அட்டகாசமான வேலைப்பாடுகள் உள்ளத் தங்கத்தலையணை !!

பளபள என்ற தங்க நிறத்தில். நீளம் 46 மீட்டர்! பாதங்கள் இரண்டும் ஐந்து மீட்டர் அகலம்! மூன்று மீட்டர் உயரம்! பாதத்தின் அடியில் ஜாதகக்குறிப்பு போல ஒரு டிஸைன். உலகத்தோட ஜாதகமாம்!
   
பாதங்களின் விரல்கள் எல்லாமே ஒரே நீளம். விரல்களின் கணுக்களும் பின்புறம் ரேகைக் குறிகளும் மூன்று மூன்றாக காட்சியளித்து புத்தரின் தெய்வீகத் தன்மையை பறைசாற்றின.

மனிதர்களுக்கு எல்லாம் கை விரல்களில் மூன்றும் கால்விரல்களில் இரண்டே பகுதியாகவும் அவைகளில் மேல் பகுதியில் மட்டுமே ஒரே ஒரு ரேகைக்குறியுமான அமைப்புதானே!   பாதங்களின் அடிப்புறம் உள்ள டிசைன்கள் 'மதர் ஆஃப் பேர்ள்' என்ற சிப்பிவகையைக் கொண்டு செய்யப்பட்டதாம்





   
வாட் போ " கோவிலின் வெளிப்புறத் தோற்றம் 

Chedi's @ Wat Pho temple Bangkok Thailand

Buddha in tree @ Ayutthaya

Thailand, Bangkok, Wat Po, 

magnificent details:


the stupas were really complicated structures, one of these even had a golden warrior inside:

performing traditional thai dancing: