மங்களம் மலர்ந்தருளும் அன்னையின் அருளாட்சி

ஸ்ரீ தேவி ஹி அம்ருதோத் பூதா கமலா சந்த்ர சோபனா !
விஷ்ணு பத்னீ வைஷ்ணவீ சவரா ரோஹாச சாரங்கினீ !!
ஹரிப்ரியா தேவ தேவி மஹாலஷ்மீ சஸீந்தரீ !!
             

மங்களம் தந்திடும் மலர் மகள், 

மாதவன் மார்பினில் வாசம் செய்யும் நில மகள் - 

அவள் அருள் இருந்தால் வறுமை ஏது, வாட்டிடும் பிணிகள் ஏது? 

துயர் விரட்டிட, தூக்கிய அவள் கைகளைத் நாம் தொழுதிட, 

வந்து சேராதோ வளம் யாவும்! - அவள்தானே திருவரங்கத்திலேயும் 

(நமக்கு) பக்கத்திலேயும் இருக்கும் ஸ்ரீதேவி!

பொன்னரசி நாரணனார் தேவி, புகழரசி
மின்னு நவரத்தினம்போல் மேனி யழகுடையாள்
அன்னையவள் வையமெலாம் ஆதரிப்பாள் ஸ்ரீதேவி
தன்னிரு பொற்றாளே சரண்புகுந்து வாழ்வோமே!

அழும் பிள்ளையாம் திருஞான சம்பந்தர் தனக்கு 

ஓடிவந்து பாலூட்டிய அன்னை அவள்! 

இசையால் என் பிள்ளை அம்புலி புனையும் பெருமானைப் 

பாடித் துதிப்பான் என அன்னை அறிவாளன்றோ! - 

மதுரையில் மீனாட்சியாய், காஞ்சியில் காமாட்சியாய், 

காசியில் விசாலாட்சியாய் - அவள் தானே 

இட பாகத்தே வீற்றிருக்கும் உமையன்னை!

மலையிலே தான்பிறந்தாள். சங்கரனை மாலையிட்டாள்
உலையிலே யூதி உலகக் கனல்வளர்ப்பாள்
நிலையி லுயர்த்திடுவாள், நேரே அவள்பாதம்
தலையிலே தாங்கி தரணிமிசை வாழ்வோமே!

அன்னையின்றி யாரும் அவதரிப்பாரோ? 

அகிலம் முழுமைக்கும் அன்னையாம், 

அனைவருக்கும் அன்பெனும் அருளினால் காத்தருளும் 

அந்த உலகத் தாயின்றி யாரும் தரணியில் தவழ்வரோ? 

அவள் குழந்தைகள் அவளைப் பற்றி நினைக்கா விட்டாலும், 

அவர்களிடம் அவள் அன்பு என்றென்றும் குறைவதில்லை.

ஆதித்தன் அம்புலி அங்கி குபேரன் அமரர் தம் கோன்
போதிற் பிரமன் புராரி முராரி பொதியமுனி
காதிப் பொருபடை கந்தன் கணபதி காமன் முதல்
சாதித்த புண்ணியர் எண்ணிலர் போற்றுவர் தையலையே


ஸ்ரீநவசக்தி சுயம்பு துர்க்கையம்மன் ஆலயம்

குரோம்பேட்டையில் லக்ஷ்மிபுரம்-பச்சைமலை அடிவாரத்தில் ஸ்ரீநவசக்தி சுயம்பு துர்க்கையம்மன் ஆலயம் உள்ளது. 

 விவசாயி ஒருவர் தம் நிலத்தில் ஏர் உழுது கொண்டிருந்த போது திடீரென அவரது ஏர்க்கால் உடைந்து போக, அப்பகுதியில் இருந்த ஒரு கல்லில் இருந்து தொடர்ந்து ரத்தம் கசிய ஆரம்பித்தது.

இந்த அதிசயத்தைப் பார்த்த அப்பகுதி மக்கள் ஆச்சரியத்தில் மூழ்கினர்.

ரத்தம் கசிந்தது வெறும் கல் அல்ல.அன்னை நவசக்தி துர்க்கையம்மனின் சுயம்பு மேனி திருவுருவம் என்று தெரிய வந்தது 
 அன்னையே இங்கு சுயம்புவாக எழுந்தளிருயுள்ளாள். 

அன்னையின் சுயம்புத் திருமேனி ஆரம்பத்தில் சாதாரணமாக காட்சியளித்தாலும் பின்னர் அவளது அருட்கடாட்சத்தால் கண், காது, மூக்கு என்று ஒவ்வொன்றாய் தோன்ற ஆரம்பித்து தற்போது பூரண உருவுடன் பக்தர்களுக்கு காட்சியளித்து அருளாட்சி செய்து வருகிறாள்.

துர்க்கையன்னையை நினைத்து செய்யப்படும் காரியங்கள் அனைத்தும் வெகு சிறப்புடன் எந்தத் தடங்கலும் இன்றி நடை பெறுகின்றன என்பது பக்தர்களின் அனுபவமாக இருந்து வருகிறது.

போக்குவரத்து வசதி::

இந்த கோவிலுக்கு செல்ல சென்னையில் அனைத்து பகுதியில் இருந்தும் பேருந்து வசதி உள்ளது


எல்லையற்ற கருணை பொழியும் எல்லம்மன் 


காசியிலே விசாலாட்சியாக, 
மதுரையிலே மீனாட்சியாக, 
காஞ்சியிலே காமாட்சியாக, 
திருவல்லிக்கேணியில் அருள் தரும் தாயாக எல்லம்மன் காட்சி தருகிறாள்.  
கோவிலில் உள்ளே சென்றதும் முதலில் கொடிமரம், பிறகு கிழக்கு முகம் பார்த்த வண்ணமாக காட்சித் தரும் எல்லம்மனை காணலாம். 

சக்தி விநாயகர் சன்னதி, நவக்கிரக சன்னதி, காசி விஸ்வநாதர், காசி விசாலாட்சி சன்னதி, வன்னி மரம், நாகதேவியர் சன்னதி, எல்லம்மன் 
உற்சவ சன்னதி, பக்த ஆஞ்சநேயர் சன்னதி இவைகள்யாவும் இங்கு உள்ளது.

சிறப்புகள்:

இங்கு ஆடி மாதம் பிரம்மோற்சவம் 13 நாட்கள் சிறப்பாக நடைபெறும் நவராத்திரி, கந்த சஷ்டி விழா, சித்திரையில் ஆயிரத்தெட்டு அபிஷேகம் சிறந்த முறையில் நடக்கிறது.

பிள்ளைப் பேறு, திருமணம் நடக்க, நோய் நொடிகள் தீர, கடன் தொல்லைகள் விலக, புகழ் பெற, எல்லாவித பிரச்சினைகளுக்கும் வெள்ளிக்கிழமை தோறும் இங்கு வந்து வணங்கினால் நன்மைகள் பெருகி கேட்டவரம் கிடைக்கும்.

சர்க்கரை வியாதி கொண்டவர்கள் அந்நோய் தீர அம்மனை வேண்டி அம்மனுக்கு சர்க்கரை காப்பால் அலங்காரம் செய்து வியாதி தீர்த்துள்ளார்கள்.

போக்குவரத்து வசதி:

இந்த ஆலயம் 48, சுந்தரமூர்த்தி வினாயகர் கோவில் தெரு, திருவல்லிக்கேணி, சென்னை-5ல் அமைந்துள்ளது.இந்த கோவிலுக்கு செல்ல சென்னையில் அனைத்து பகுதியில் இருந்தும் பேருந்து வசதி உள்ளது.